براونيز بكريما الخمس دقايق السرية
هي البطاطا من اطيب الوصفات عندي , أول مرة دقتها كانت في مطعم تركي صغير على شط البحر في استنبول , المطعم كان مختص بالبطاطا المشوية و بس . و الفرن عندو كان قديم و من الحديد و شكلوا لحاله تحفة ..
ادام الفرن في صحون بيضاء مبردة , نظيفة , فيها أشكال و الوان من الخضار و الحشوات , جرجير , درة , دجاج مدخن , فطر , كولسلو , حتى الهوت دوغ كان شكله حلو .. يا ترى الوصفة طيبة كتير و االا انا كل ما بحضرها و باكلها برجع بالذاكرة لهديك الليلة الدافية
بالعادة بحبها سادة مع رشة ملح و فلفل و زبدة و ممكن جبنة موزاريلا أو بارمجان , بس اليوم رح نحضرها بتلات حشوات , كل واحدة منهم أطيب من التانية .. بتمنى تحطيهم على بالك و تجربيهن بشي يوم من الايام ..
الوصفة الها سريين , لحتى تطلع معك متل بطاطا استنبول , السر الاول انو ما تغلفيها بورق الالمنيوم وقت الشوي لان المفروض انو تنشوى على نار قوية مو تنطبخ على البخار , و السر التاني انو تهرسيها بالشوكة مع الزبدة و البهارات , خفقيها لحتى تصير ناعمة و خفيفة و بتجنن
يا ترى انت كيف بتحضري هل البطاطا
بالصحة و الهنا
4 حبة بطاطا , مفروكة جيداً و مغسولة و غير مقشرة
ملح و فلفل اسود
4 قطع زبدة صغيرة
حشوة البيتزا :
صلصة البيتزا
جبنة تشيدر , مبشورة
حشوة الجرجير :
4 ملعقة كبيرة مايونيز
4 ملعقة كبيرة لبن مصفى قليلاً
جرجير مفروم ناعماً
1 فص ثوم مهروس
حشوة الفطر :
2 كوب فطر فريش
ملعقة كبيرة زبدة
جبنة قشقوان مبشورة
ملح و فلفل أسود
• تغسل حبات البطاطا جيداً و تفرك للتخلص من التراب , تجفف و تثقب حبات البطاطا عدة مرات بالشوكة و تفرك بزيت الزيتون و ترش بالملح الخشن , ترتب في صينية فرن غير لاصقة و تشوى في الفرن على درجة حرارة 180 درجة مئوية على الرف السفلي لمدة ساعة او حتى تنضج و تطرى عند الضغط عليها . تقلب مرتان او ثلاثة أثناء الشوي .
• تشق البطاطا في المنتصف , يخفق اللب بالشوكة حتى ينعم و يصبح خفيفاً , تضاف الزبدة و الملح و الفلفل الأسود و تخفق جتى تذوب الزبدة , يمكن الاستمتاع بها بهذه الطريقة أو يمكن أن تقدم بعد أن تغطى باحدى الحشوات التالية .
• حشوة البيتزا , تصب ملعقتان أو ثلاثة من صلصة البيتزا في كل حبة بطاطا و ترش بالاوريغانو ثم ترش الجبنة تشدر حسب الرغبة .
• حشوة الجرجير : تقلب كل المقادير سوياً ثم تحشى بها البطاطا الساخنة و تقدم فوراً .
• حشوة الفطر , يقلب الفطر بالزبدة على نار متوسطة حتى يمتص مرقه , يتبل بالملح و الفلفل الأسود و يوزع على البطاطا , يرش بالكثير من جبنة القشقوان أو الموتزاريلا و يقدم فوراً .
-
وصفات تانية ممكن تعجبك
يا سلام والله البطاطا المشوية رائعة اذا الواحد عرف يساويها
الله يسلم هالإيدين يارب
بس انا زعلت عبنتظر منك تبعتيلي الايميل مشان شارك بكم وصفة وأول وصفة كنت محضرتها كانت بطاطا مشوية بس طريقتها وطعمتها غير هي
وان شاء الله رح جرب هالوصفة الحشوات كلها رائعة بس انا مابحب الفطر22ابداً ابداً
الله يعطيك العافية وتسلم ايدك
هلا ام نبيل
ممم انا عكسك , بموت على الفطر حتى باكله ني , بقى كيف مع زبدة و فلفل اسود و جبنة , اي هي هي الحشوة المفضلة عندي بلين هل التلاتة
حقك علي , بس و الله الهوتميل صار اله اكتر من اسبوع مو فاتح , ما عدت عرفت شو عم يصير
اذا عندك حساب على الفيس بوك ممكن تبعتيهن لهونيك , و انا رح استناهم
يا عيني يا عيني يا منى
هلبطاطا بحبها كتير و اليوم تعلمتها منك الله يجزيكي كل خير يا حق
انا قدمتها عالعشا مع الشرحات و قدمتها متل ما باكلها بالمطاعم هون ….. بعدما خفقتها حطيت فوقها ساور كريم و عشبة ما بعرف شو هي بالعربي بس طعمتها بصل ع توم وهي chives يعني فرمت شوي بس لنحطلها لون ….بس يا سلااااااااااااااام
الله يخليلنا ياكي يا منى
ممممم , و الله لارا طريقتك كتير طيبة , دقتها كمان هيك مرة
هون ما عنا chive و لا عنا اثره , و حتى الساور كريم ا عاد متوفر :roll
ابوس عيونك لاروش , يخليلي ياكي , يا لذيذ يا رايق
ياسلام ..شكلها بشهي .. وجوزي كتير بحبها و بناكلها هون بالمطاعم بس كلن كانو نفس الطريقة متل ماقالت لارا ..بس ولا مرة انتبهت انو هي كانت مهروسة من جوا :grin
هلأ لازم اهرسها كلها من جوا .. ولا على قد مابقدر ؟ .. وفيني استخدم الملح الناعم ما ؟
ياسلام على وحدة دافية هلأ
يسلمو ايديكي منى
اي تجيني و مجهزة و خالصة , ممم ما في اطيب منها
هلا انا بحبها مخفوقة كتير و عمو البياع بمحل استبول ضل يخفقها لحتى اتشاهدت و انتبهت انو كلهن بيخفقوها كتيرر
مرة جربتها من دون خفق ابدا , بس عملت فيها فتحة صغيرة قبل الشوي , كماان يمم , بس انا حبيتها بالخفق اكتر
خفقيها على اد ما بتقدري و المهم انو كلها تتلوت بالزبدة و الفلفل و الملح , الي بيصير ناعم او خشن حسب المتوفر
دوما عم خربط بين لارا واحد و لارا اثنان :eek
اي الفطر الني طيب وباكله بحطه بالسلطة كتير لذيذ
بس جربت اطبخه ما حبيته والمعلب ابداً مابحبو
سبحان الله الناس اذواق في وحدة كانت تقلي ما بتفهمي طعمة تمك
ما عندي فيس بوك بس بحاول ابعتلك ياهن عالفيس بطريقة ما
شكراً الك كتير عمنعذبك معنا بس انت كريمة ونحن منستاهل
هههههههه والله معك حق تخربطي بين اللارات
أنا لارا الحصني ..أكلمك من النمسا ..حول حول :grin :grin
ياي يا منى الله يسلم هالإيدين .. صرلي زمااااااااااان عم دور عهالوصفة وحتى سألت عنها بالغروب .. دقتها أول مرة بمطعم ستيك هاوس كانو حاشينها جبنة بس طعمتها بتجننن .. يسلم هالإيدين
هههه حقك تخربطي يا منى عندك تلات لارايات :p
و التلاتة بيحبوكي كتير
سبحان الله يا منى …..معقول الساور كريم ما عاد متوفر
:sigh
الله يأمننا ببلادنا و يشيل عنا كل فتنة يا رب !
الله يعطيكي العافية ست منى .. كتير طيبة هالوصفة
بس عندي نصيحة للي ما عندون وقت يستنو ساعة كاملة لتستوي بالفرن ..
تعلمت هالحيلةمن قناة فتافيت وجربتها وكتير كانت مفيدة
حطي البطاطا بالميكروويف عشر دقايق قبل ما تفوتيها عالفرن وهيك بتوفري على حلاك تلات رباع الساعة من الوقت
وخليها تكمل شوا بالفرن
من الحشوات الطيبة كتير السلطة الروسية يلي هيه خضار مسلوقة ومخلل مفروم ومايونيز
تسلم الايادي
بتطير العئل يسسسسسسسسلمهن يا حئ
حبيتاااااااااااااااااااااااااااااااا
هي من ألذ الأكلات عندي..بس انبحتت عليها ما بوقفني إلا وصول اللقيمات للحنجرة الصوتية
من الحشوات اللي بستعملها كمان وبتطلع طيبة كتير حشوة الرمان مع الخضار
شو هي حشوة الرمان مع الخضار , لحقيني فيها :eek
هلا ام هادي
ان شاء الله تجربيها , عن جد مستاااهلة و بتنحب
شكرا ميمي لفكرة الميكرويف , كتير بتختصر وقت
مممم طيبة مع السلطة الروسية , فكرة .
انا بالعادة بحضرها مع الكولسلو و هلا اذا رب العالمين راد رح جربها على طريقتك , شكرا لاغناء الوصفة :zzz
سبحان الله ام نبيل , رب العالمين خلى لكل انسان ذوق و اتوقع انو الشي الي ما بيحبه الانسان بيكون ما بيناسب جسمه
بالعكس انا الي عم عذبك معي , بانتظار اليمميات
هلا لاروش الحمصي , على راسي و الله .. بس صوتك بعيد , كني الاتصالات النمساوية عدمانة
هلا لاروش فنصة
و انا كمان بحبهن كتير و الله بيعرف الي في القلب
امين يا لارا , الله يمضي هل الايام على خير و يخلينا نكون اد المسؤولية الي معلقة برقبتنا
هلا بشورة
ان شاء الله تجربيها و تطلع متل الي دقتيها و اطيب و رح استنى رايك حبيتي
السلام عليكم منى انا عضوة جديدة معكم من العراق ومتابعة بكثرة ممكن مافهمت بعد مااعمل شق بالبطاطا كيف يعني ااورها مثل الكوسا ولة شوي ارجو التوضيح يعطيكي العفاية
السلام عليكم منى كتبت تعليق وسوال من الصبح بس ماطلع عجب في شي غلط ؟ يعني تعليقي مابيوصل شكرا كتر
ست منى لو سمحتي مافهمت بعد مااعمل شق بالبطاطا شو اعمل فيها هل اطالع قسم من اللب لبرا يعني اخففها ولة كيف ارجو التوضيح جزاكي الله خير
هلا ام دانية
حبيبتي بتعملي شق على طول حبة البطاطا , بالمعلقة بتطالعي اللب كله على صحن , بتخفقي اللب مع الملح و الفلفل و الزبدة و بعدها بترجعيهلقلب البطاطا
السلام عليكم كيفك منى انا جربتها وحشيتها لبنه مع نعنع يابس وبصا اخضر مفروم وكانت طيبه لكن هي كيف بتتقدم بقشرتها
هالموقع أحلى وأروق كتاب طبخ ….يعيشوا ايديكي منمونة العسلة ..
يخليلي يااااكي ريمو ، أحلا وأغلا أخت