بقدونس مجفف


         وصفة : منى                 2012/05/05                 22 تعليقات
بقدونس مجفف

هي وصفة بس ما جربتيهاأول مرة رح تصير جزء أساسي من خزانة المونة , رح تعطي طعم طيب و مميز و ما بيشبه شي تامي للوصفة , ما اله علاقة بطعمة البقدونس العادي ..

أول مرة سمعت انو في شي اسمه بقدونس مجفف كان من كم سنة لما فتت على عالم النت لاول مرة و شفت شي طارش بكل المنتديات اسمه , ملف الوجبات السرية للمطاعم السريعة , بوقتها ما حبيت فكرته , انو شو هاد يا بي !! بقدونس مجفف ..

المهم من فترة كنت عم احضر مارتا ستيورات في حلقة مميزة كانت عم تطبخ مع ست بيت ايطالية , حضروا وصفات بتجنن و منهم تشكن بارمجان و لهل الوصفة تبلت الدجاج بالبقدونس المجفف , و كمان حضرته , على اد ما كان منظر الوصفة بيشهي و على اد ما كان تحضير البقدونس المجفف سهل , قررت حضره في اليوم التاني و خلا ساعة كان صار عندي كمية كبيرة منه ..

استعملته لكتير اشيا و كل مرة عم يعطي طعمة خيلة , كأنو واحد من أسرار الوصفات المميزة الي بتتقدم بالمطاعم . و لهيك بهل الوقت من كل سنة , لما بيكون البقدونس بوقته , بحضر كمية منيح و بحطها بمرطبان صغير و بخليها في البراد لوقت اللزوم ,استعمليه للشوربة , للسلطة , للدجاج , لخلطة البقسماط , شوب يخطر ببالك , انت و زوءك

بالصحة و الهنا





2 باقة كبيرة بقدونس



• تختار باقة طازجة و يفضل أن تكون مقطوفة حديثاً , تنزع أوراق البقدونس و تغسل جيداً ثم توضع على مصفاة و تترك حتى تجف لمدة ساعتين .

• توزع الأوراق في صينية فرن مسطحة غير لاصقة بحيث تشكل طبقة واحدة .

• يحمى الفرن على اقل عيار ممكن و توضع الصينية في الفرن على الرف المتوسط و تترك حتى تجف الأوراق مع التقليب كل بضع دقائق و إعادة توزيع الأوراق .

• يحتاج ما بين 15 – 20 دقيقة و يجب الانتباه لان الأوراق قد تحترق بسرعة كبيرة ان بقيت من دون تقليب .

• تبعد الصينية عن الفرن و تترك الأوراق حتى تبرد ثم تفرك بين أصابع اليد و تحفظ في مرطبان صغير في مكان بارد .

• كمية تعطي ما يقارب 12 ملاعق صغيرة .





التعليقات

  1. tamader 6 May 2012

    good job :)

  2. rokaya 7 May 2012

    فكره رائعه
    خزاكي الله خيرا اختي على وصفاتك الرائعه
    ارجو ان تتقبليني صديقه جديده :)

  3. منى 7 May 2012

    thanks dear Tamader :)

  4. منى 7 May 2012

    هلا رقية :)
    مشرفة و منورة , مية هلا فيك
    شكرا للتعليق ;)

  5. laraye 7 May 2012

    منى انا بشوف البقدونس المجفف هون بالسوبر ماركت بينباع متل النعناع
    بس بعمري ما اشتريتو ما كانت اعرف لشو استعملو و اقول أكيد الفريش أحسن
    بس هلا رح اشتريه عن قريب او أعمله ع طريقتك اصلا كتير سهلة :)

  6. منى 7 May 2012

    لاروش طعمتو غير الفريش , كانو شي جديد و ما بيشبه البقدونس الفريش الا بالريحة :)
    جربيه و ان شاء الله بيعجبك

  7. ام هادي 7 May 2012

    مرحباااا
    انا جربت طريقة تانية لتجفيف البقدونس جبت باقة البقدونس رتبتا وقطعت شوي من العيدان وغسلتا منيح وجففتا منيح منيح على فوطة وفردتا بصينية ع رف البراد مباشرة تحت التلاجة صارت تدبل تدبل حتى حسيتا نشفت رجعت عبيتا بمرطبان وتركتو مفتوح فترة وبعدا عبيتا بكيس نايلو وبعجت الكيس بعجين من فوق وربطتو
    وحطيت الكيس بباب البراد وعن جد النتيجة رااااااااااااااااااااائعة وبيبقا شهور وهو بحالة ممتازة
    يمكن طريقة الفرن اسرع بس انا خايفة تسود ورقاتو
    هلئ اللي ساعدني اني عندي برادين
    جربوها ودعولي

  8. rokaya 8 May 2012

    شكرا اختي منى على ترحيبك بي
    انا ولاء من مصر لكن التسجيل لم يقبل الاسم فسجلت باسم ابنتي..احب سوريا وشعبها الجميل وادعو الله ان يبعد عنكم كل شر…
    اهنئك على موقعك الاكثر من رائع وارجو لك النجاح دائما :)

  9. غيث 8 May 2012

    اشكرك منى من قلبي على هالابداع بالفعل ابداع اكره ما علي تنقياية البقدونس بس من اليوم ورايح رح جفف كميات واخبيها لوقت الاستعمال احيانا كتير بتكاسل مع الطبخة عن تنقاية البقدونس وهيك بختصر الوقت شكرا ميمو انا كتير انبسطت على وصفتك خاصة انت مجربتيها يعني اكيد اكيد مضمونة جزاك الله كل خير على افادتنا واخلاصك

  10. منى 12 May 2012

    هلا ام هادي :)
    كانو طريقة الفرن اسرع ؟ ما بيسود ابدا , المهم تكون النار اوطى شي و تحركيهم كل كم دقيقة

    شكرا كتير على الاضافة , ان شاء الله الاخوات تتشجع و تجرب البقدونس المجفف ;)

  11. منى 12 May 2012

    هلا ام رقية :)
    امين امين يا رب و يحفظكم انت كمان و يرعاكم و يرعانا ..
    نورتي يا عسل , الله يجفظلك بنتك و يباركلك فيهاو انا كتير مبسوطة بوجودك :)

  12. منى 12 May 2012

    هلا غيوثة :)
    اي و الله معك حق تنقياية البقدونس و فرمه بياخد وقت و يمكن أسقل خطوة بكل الطبخة :roll
    غيوثة هل الوصفة ما بتعطينا نفس نتيجة البقدونس العادي ,. مثلا ما بقدر استعمله في شيخ المحشي
    جربيه مع الناغيت , مع السلطة , مع شوربة الشعيرية , رح يعطيها طعمة مميزة و ما حدى رح يحصلها ;)

  13. haya 16 May 2012

    يسلموا ايديك يا اخت منى على هالوصفة ان شاءالله راح جربها
    اخت منى انا بعمل النعنع بنفس الطريقة يعني بغسل النعنع وبنشره على بشكير ولثاني يوم بحط النعنع بصينية فرن وبحمي الفرن على الاخر وبتركه لما يحمي كثير وبعدين بطفي الفرن وبدخل صينية النعنع للفرن على حرارة الفرن وبتركه شي ربع ساعة او اكثر شوي ولما بطلعه بيكون اخضر مثل ما هو وناشف

  14. maloo 24 May 2012

    تسلمي اخت منى انا جربت بالظبط طريقتك في تجفيف البقدونس والنتيجة روووعة (لونه بقى اخضر وريحته هي هي) وان شاء الله راح استعمله في الشوربة و الدجاج و..

  15. Mona 25 May 2012

    فكرة حلوة كتير هيا , ممم
    معناها كل الورقيات ممكن نجففها بنفس الطريقة , شكرا كتير للمشاركة , رح جرب الفكرة على ريحاناتي ان شاء الله ;)

  16. Mona 1 June 2012

    هلا maloo :)
    صحتين و مية الف هنا , كتير مسوطة انك جربته و عجبك و ان شاء الله رح تحبيه كتير مع بقية وصفاتك ;)

  17. نسرين قرنفل 25 February 2013

    انا جربتة وطلع هايل وخصوصا في الزنقات وكمان جففت الكرفس والشبت

    • Mona 25 February 2013

      هنا و صحة يا قمر , عوافي هلى قلبك و شكرا لفكرة تجفيف الشبت و الكرفس , عجبتني كتير , رح جربها ان شاء الله

  18. Amoolah 12 March 2013

    ماشاء الله موقع روعة الله يبارك فيك وصفات ولا ألذ ولا أشهى إلى مزيد من التقدم والعطاء

    • Mona 12 March 2013

      من زوءك حبيبة قلبي , مية هلا فيك

  19. ختام 22 October 2013

    ست منى كيفك ، يارب تكوني منيحة ، وطمنينا عنك ، أنا من غزة وحبيتك من خلال وصفاتك وردودك ، الله يوفقك ويحماكي ويبعد عنك وعن شعب سوريا كل شر ، ويهدي بالكم وتستقر أحوالكم.

    • منى 23 October 2013

      هلا ختام , الحمد لله نحنا بخير نشكر الله
      شكرا يا روح قلبي ع هل الدعوة الكريمة من اخت كريمة , و ان شا الله ما تشوفي شر ابد

تقييم الوصفة
عاديةقد أحضرهاجيدةممتازةأكثر من رائعة (3 votes, average: 2.33 out of 5)