تحضير الريكوتا في البيت


         وصفة : منى                 2009/10/11                 25 تعليقات
تحضير الريكوتا في البيت
2 كيلو حليب كامل الدسم
نصف كوب كريم سائل ( اختياري )
3 - 6 ملعقة كبيرة خل أبيض أو عصير ليمون
ملعقة صغيرة ملح ( استخدميها فقط اذا كانت الريكوتا للوصفات المالحة )





� 1 - يوضع الحليب و الكريم و الملح على نار متوسطة و يحرك حتى يسخن , نتوقف عن التحريك و يترك المزيج حتى يغلي .




� 2 - يضاف عصير الليمون أو الخل و يترك ليغلي على نار قوية لمدة دقيقة أو أقل حتى ينفصل الحليب إلى سائل و تتشكل كتل من الجبن فيه . يترك حتى حين يصبح المصل شفافاً نوعاً ما و هذه دلالة انه لم يعد بالامكان استخراج المزيد من الجبن من المصل . يمكن إضافة المزيد من الحمض إذا لم يتكتل الحليب . ترفع عن النار .




� 3 – تجهز مصفاة صغيرة ذات ثقوب ناعمة و تغطى بقماش رقيق , يصب الحليب المتكتل على المصفاة و يترك ليصفى مدة ربع ساعة .




� 4 – تجمع القماشة بلطف على الجبنة و تكبس بلطف بين اليدين للتخلص من كمية الماء الزائدة .

� – تستعمل الجبنة حسب الرغبة و يمكن حفظها في البراد لبضعة ايام حسب درجة الحرارة . و هذه الكمية تعطينا ما بين 300 – 400 غرام أي ما يقارب الكوبين أو أقل .

� 6 – ما تبقى من الحليب ( المصل ) يمكن الاستفادة منه عوضاً عن رميه و استعماله لتحضير عجينة رائعة أو طبخ الرز أو لتحضير شوربة بالخضار , اختاري ما يناسب عائلتك .


  • وصفات تانية ممكن تعجبك


التعليقات

  1. 7ayah 8 July 2010

    بتعرفي؟
    أنا هالطريقة بستخدما مشان الحلويات
    لأنو هون ببريطانيا منحتار بشو بدنا نحشي للحلويات :upset
    مرة ساويتا و حشيت فيا حلاوة الجبن بس بعد ما خلطتا بشوية قشطة و طلعت طيبة ما إشبا شي
    الحاجة ام الاختراع متل ما بقولو ;)
    يسلمو كتير عالوصفات الطيبة

    7ayah Dayyen

  2. gsm 8 July 2010

    مو معقولة يا منى
    انا على طول بعمل هل الطريقة وبخلط هل الجبنة مع علبة قشطة من شان الحشي للقطايف والشعيبيات وانا متعلمة هل الطريقة من ماما الله يخليلي ياها بس انا ما بحط كريمة بس حليب
    أتاريني عم اعمل جبنة ومالي خبر هههههه
    يسلموا إيديك كتيير منوش

  3. foforose 8 July 2010

    الله يعطيكي العافيه والله فكره حلوه.
    بس حبيت اسال 7ayahوسلم عليها هلق انت وين ببريطانيا ليكون قريبه عليي ;) انا عايشه بادنبراوبتمنى انو نزور بعض وهي منكون تعرفنا على بعض عن طريق المدام منى الله يحفظها :)

  4. gsm 9 July 2010

    لك عن جد انا كمان ببريطانيا بس بمانشتر ؟ قريبة علي ولا لأ؟؟بلكي بنتعرف على بعض شخصي :zzz

  5. semo 9 July 2010

    فعلا كتير سهلةو متل ماقالت الأخت gsm بتنعمل للقطايف كمان وعجبتني فكرة المي اللي بتبقى أنو بنقدر نستفيد منها لأنو مستحيل كانت تخطر ببالي يعطيكي ألف عافية منوشتنا الحلوة

  6. foforose 9 July 2010

    يعني بدك تقولي شي اربع ساعات بالقطار بس كيف بدنا ناخد ارقام بعض :?
    انا بتشرف والله :)

  7. AYAH 9 July 2010

    أنا كمان آية ومن بريطتنيا
    يمكن اسمك هيا صح؟
    فوفو وأنا بادنبرا
    شلونك خيت انتي وين ساكنة؟
    محسبة حالي بعرف كل السوريات هون
    قليلي لشوف عرفتيني؟
    ما غيري

  8. AYAH 9 July 2010

    هنادي تسلمي عالوصفة أنا كمان دائما بعملا وبخلطا مع القشطة وبحشي فيا الكنافة بتطلع بتجنن
    وكمان للقطايف والوربات
    فعلا الحاجة ام الاختراع
    بس للتشيز كيك بستعمل جبنة مسكربوني كتير طيبة

  9. 7ayah 9 July 2010

    يا سلام على هالصدف الحلوة :zzz
    بس للأسف أنا بعيدة عنكن للجنوووووب :upset
    أنا بــكارديف عاصمتا لـــويلز
    يمكن اسمعتوا عن ويلز…بقولوا عنا إنّا مقاطعة قروية لأنو فيا مزارع كتير و ما فيا كتير سكان…مشان هيك هيي كتير حلوة و هادية ;)
    و عندي إخت عايشة بـــلندن عاصمتا لــانجلترا
    أكتر مدينة معجوقة بالدنيا كلها :eek
    كنت بتمنى تكونوا قريب مني :cry

    7ayah Dayyen

  10. 7ayah 9 July 2010

    لا أنا مو آية
    أنا حياه
    رقم سبعة هو حرف الـحاء بقاموس المسجات :grin
    و إذا بدي كون دقيقة أكتر
    حياه اسم بنوتتي إلي لسة ما إجت ;)
    لأنو أنا متزوجة جديد و من أنا بنت و أنا حابة هالاسم :p

    7ayah Dayyen

  11. foforose 9 July 2010

    لك اهلين ايه انت زوجك شهم؟
    انا زوجي مهند عرفتيني ;)
    اهلين اختي 7ayah اي لكن بسمع بكارديف وبقولو انها حلوه,يلا انشاءالله منتعرف على بعض قريبا وكمان ادنبرا كتير مدينه حلوه شرفينا بزياره.

  12. AYAH 9 July 2010

    لك فوفو هاد انتي يعلى قطاطك تاركة بنوتتك عم تبكي وقاعدة عالنت؟…..متلي يعني قاعدة بمخبر الجامعة وعم قلب بلقمة طيبة بدل ما ألتفت لدراستي ههههههه
    اهلين عزيزتي حياة الله يبعتلك حياة حلوة ومليانة حب ويلز حلوة بس والله بعيدة عن كلشي
    تفضلي لعنا ادنبرا كمان كتير حلوة أنا بحبا لأنا بتجمع بين الريف والمدينة سوا
    على فكرة أنا وفوفو بيناتنا شارع
    نحن هون متل العيلة وكلنا بنعرف بعض
    الله يوفق منى ويسلما يا رب ولا تآخذينا صار موقع تعارف بس عالخير ان شالله
    :zzz :zzz

  13. 7ayah 9 July 2010

    ان شاء الله…
    و انتو كمان شرفوني مشان تشوفوا كارديف

    كنت بدي اسألك منى
    فيكي تحكيلنا أكتر عن استخدامات المصل :?
    لأنو أنا دائماً بكبو و ما خطرلي اني استخدمو بشي
    بس مرة سمعت من وحدة حلبية عنا بكارديف إنو بحلب بستخدموه لعجن عجينة المعمول :roll
    هالشي صحيح يا ترى :?

    7ayah Dayyen

  14. منى 9 July 2010

    سلام صبايا :grin

    حاسة حالي جوى صبحية نسوانية , و انتو اخدكم الحديث و انا جوى في المطبخ عم حضر القهوة , و لا كلمة لوقت ما اجي و ركز معكم

    اتفضلوا , قهوتكم سادة و الا بسكر ;)

  15. منى 9 July 2010

    هلا حياة :)
    ما في حكي اكتر من الي قلته , ممكن تستعمليه و بيطلع خطير مع العجائن , و ممكن تجربي تحضري فيه شي وصفة , بس ممكن تتغير شوي طعمتها لهيك انتي و زوق عيلتك ;)

    يمكن قصدك مية الجبنة لحضير الاقراص بعجوة :roll

  16. 7ayah 9 July 2010

    أها
    ممكن :roll
    شكراً كتير منى :)
    و شكراً للصبايا كمان
    كانت جـَمـْعة نسوانية حلوة :grin

    7ayah Dayyen

  17. الدمشقية 28 July 2010

    عزيزتي منى سلم ايدك
    بس هي نحنا منسميها قريشة أو بيقولو فرط الحليب

  18. منى 29 July 2010

    تمام دمدومة :) هي نوع معروف بكل العالم و كل بلد بيسميها شي ;)

  19. 7ayah 13 November 2010

    اتذكرت شغلة ممكن تنعمل من الحليب المفروط
    ممكن نعمل منـّا جبنة دهن متل جبنة كيري أو بوك تقريباً
    هالطريقة علمتني ياها اختي من زمان
    بس ما بعرف كيف ما خطرت عبالي لهلأ
    المهم
    أنا فرطت تقريباً لترين حليب
    (عم قول تقريباً لأنو شربت منن كاسة قبل ما اغليون :grin )
    و بعدا صفيتون بس مو للآخر و حطيتن جوا آلة الفرم إلي انتي حاطة صورتا بهاد الرابط
    [URL=http://www.l2ma.com/content/view/274/25/]آلة الفرم[/URL]
    و حطيتن معن و هنن سخنين شي 50غ زبدة مع رشة صغيــرة من الملح و رشة صغيـــرة من البيكنج باودر و نــخــلــط حتى نحصل على خليط ناعم جداً
    و نضع الخليط في مرطبان زجاجي و نضعه في البراد
    و أهم شي انو ما يوصل للجبنة ماء لأنو بتخرب بسرعة
    و المعلقة الي منصب فيا لازم تكون نظيفة و ناشفة
    وهاي صورة للجبنة الي عملتا أنا
    [http://www.l2ma.com/content/view/274/25/img]null[/img]
    و هاي صورة تانية
    http://www.l2ma.com/content/view/274/25/imgnull/img

    و هيك منكون عم ناكل جبنة و نحن منعرف شو حاطين فيا ;)

    ما بعرف اذا رح يزبطو الصور لأني نسيت كيف منزلن هون :p

    7ayah Dayyen

  20. منى 14 November 2010

    يييي , حياة الطريقة سهلة كتير و مقنعة ’ ممكن تبعتيلي رابط الصورة لان حبيت نول هل الرد بوصفة لحالها ;)

  21. 7ayah 14 November 2010

    اوك
    هاد الرابط الأول
    http://www10.0zz0.com/2010/11/13/18/320720692.jpg
    و هاد الرابط التاني
    http://www10.0zz0.com/2010/11/13/18/777861148.jpg
    (أنا هلأ عرفت ليش ما طلعو الصور :p الروابط كانو خطأ :grin )
    و بدي ضيف ملاحظة صغيرة
    إذا بدا الجبنة تطلع أطرى شوي أو مريئة أكتر منضيفلا شوي من المصل مو ماء …المصل الي طلع من التصفاية…و بس ;)
    و شكراَ إلك منى
    سلامي

    7ayah Dayyen

  22. Jassy 18 January 2011

    السلام عليكم

    منوش :upset يعليكي :sigh ليه ما بتزبط بالحليب المبستر ؟؟
    شو ها … مافي شي بيزبط فيه ………
    من وين بدي جيب حليب تازا ؟ :sigh .. واااع

    والسلام عليكم

  23. منى 19 January 2011

    لا اذا ماكو مشكلة :grin

    و الله ما بعرف بيصير تزبط , هلا اصولها عيك بس هي ما بدها تخمير فاتوقع انه بيصير يمشي حالها

    امبارحة لسا عامتها للريكوتا , بتعقد اطيب من الجاهز بترليون مرة ;)

  24. DOUHA 23 July 2011

    على الاغلب رح جربا برمضان ,,,,
    هون برمضان في محلات بتعمل هل الجبنة مشان الكنافة
    يلا بعملا انا
    سؤالي هون الكريم فريش في نوع للطبخ وللحلو معناها اذا بدي اعملا للحلو حط الكريمة الحلوة مو؟

    بعرف سؤال بديهي بس يلا معلش ههههه

  25. منى 24 July 2011

    اشتقتلك ;)

    انا بستعمل دوما الكريم العادي المخصص للطبخ , بحب طعمته و سماكيته اكتر من كريم الحلويات

    كل سنة و انت بخير و ينعاد علينا و نحنا احسن من هلا بكتير

تقييم الوصفة
عاديةقد أحضرهاجيدةممتازةأكثر من رائعة (1 votes, average: 0.00 out of 5)