تحضير مكعبات المرق


         وصفة : منى                 2008/12/07                 22 تعليقات
تحضير مكعبات المرق


3 كيلو من العظام
2 حبة كبيرة بصل مقطعة أرباع
2 حبة كبيرة جزر مقطعة لدوائر كبيرة
بضعة أعواد بقدونس ( 10 أعواد )
بضعة عروق من الزعتر الأخضر إن وجد
2 عود كرفس
6 ورق غار جاف
ملعقة كبيرة من الفلفل الأسود الحب
ملعقة كبيرة من الفلفل الحلو حب
نصف ملعقة كبيرة حب الهال الكامل
3 عود قرفة كبير
حبة زنجبيل جاف
حبة جوزة الطيب
نصف ملعقة صغيرة قرنفل كامل





• تغمر العظام بكمية كبيرة من الماء و توضع على نار قوية و تترك حتى تغلي .

• يرفع الريم أو الرغوة التي تظهر على السطح عدة مرات ثم تضاف باقي المقادير و تترك حتى تغلي مجدداً .

• تهدى النار و يغطى القدر و تترك ساعتين و نصف أو ثلاث ساعات و يضاف المزيد من الماء المغلي إذا نقصت كمية الماء عن العظام , ترفع الرغوة كلما ظهرت و يتم التخلص منها.

• بعدها أصبح المرق جاهزاً يمكن تصفيته و حفظه في الفريزر في مرطبانات صغيرة أو حسب الكمية التي تلزمك عادة للطبخ , بالنسبة لي أرفع النار و أتركه يغلي حتى يتبخر معظم الماء و أحصل على الخواص المركزة اللذيذة ثم أصفيه و أصبه في قوالب مكعبات الثلج و أضعه في الفريزر حتى يجمد . أرفع المكعبات من القوالب و أضعها في كيس بلاستيك من النوع الذي يقفل و تحفظ في الفريز حتى وقت الحاجة . المرق الذي أعده كل مكعب يوازي كوبين من المرق .
  • وصفات تانية ممكن تعجبك


التعليقات

  1. abeer 8 December 2008

    رائعة والله حابة جربها لانه اكيد افضل من الجاهزة ويسلمو ايديكي يا منى وكل عام وانت بخير :)

  2. منى 9 December 2008

    و انت ان شاء الله بالف الف خير عبورة :) و كل عيلتك و حبابك

    ان شاء الله تجربيها و تعجبك
    ;)

  3. سارونات 9 December 2008

    السلام عليكم و رحمة الله و بركاته
    جازاك الله خيرا اختي منى على الوصفة
    بدي اسأل قلتي كل مكعب يعادل كوبين بدي اعرف وقت الاستعمال كيف منساوي يعني منضيف للطنجرة كوبين ماء و بعدين منحط المكعب او مندوب المكعب في كوبين ماء اذا مندوبو فهل نحطه بالماء و ننطر تيدوب او نحطهم على النار تحتى يدوب بسرعة
    كمان سؤال اذا ممكن بعد ما نحضر المرق شو منساوي باللحمة هل في شي وصفات منحطها فيها او نفتتها لقطع صغار او شو
    بالتوفيق
    سلام

  4. ام محمد 9 December 2008

    جعلك الله ممن تقول لهم النار
    اعبر يامؤمن فْْْان نورك أطفأناري
    وتقول لهم الجنة
    أقبل يامؤمن فقد اشتقت ْاليك قبل ان اراك
    وكل عام وانت بالف خير :)

  5. منى 9 December 2008

    هلا سارونات :)
    اختي نضيف المي و المكعب عادي من دون تدويب و هي انا بيكون المكعب مركز كتير اذا لا ممكن أعدل لحتى تطلع الطعمة الي بدي اياها
    اللحمة قليلة رح تكون بس لحتى تعطي طعمة , ممكن تعملي فيها شوربة مع المرق و الشعيرية ممكن تطبخي عليها رز و فطر , شو بدك و على زووءك ;)

  6. منى 9 December 2008

    يعني اختي ام محمد ما بعرف كم مرة قرات ردك و قلت و ان شاء الله انت كمان
    الف الف شكر الك للدعوة الصادقة , طلعت من القلب و وصلت للقلب , خليلي عينك
    ان شاء الله انت كمان بالف خير انت و كل اهل بيتك :zzz

  7. سارونات 10 December 2008

    السلام عليكم و رحمة الله و بركاته
    اختي منى انا هلأ راح ساوي كأول مرة كمية اقل من المرق كل المقادير يمكن تقسيمها ما عدا جوزة الطيب فشو بساوي يعني استغني عنها او شو
    بالتوفيق
    سلام

  8. سلاف 11 December 2008

    كل عام وانتي بألف خير منى وكل الاخوات اللي بالموقع وينعاد عالكل بالخير يارب
    يعطيكي العافيه منى عالوصفه الرائعه00 انا كتير بستخدم مكعبات مرق سواء دجاج او لحم وصار كتير سمعنا انها بتضر بالصحه لأن فيها مواد حافظه00 هيك أضمن لصحة الانسان وأكيد الطعم رح يكون أطيب00 بكفي انها على زوقك وطريقتك وزوقك لا يعلى عليه،،،،،،
    رح جربها ان شاء الله عالاسبوع الجاي بس يخلص العيد وقلق العيد :zzz

  9. منى 11 December 2008

    هلا سارونات :)
    اختي مو مستاهلة تعملي نص هل المقدار لان هادا يا دوب يعطيكي شوية مرق :zzz
    و اذا مصممة فيكي تقسمي جوزة الطيب لنصفيين باستخدام هاون

  10. منى 11 December 2008

    هلا سلوفة :)
    و انت بالف الف خير انت و كل اهل بيتك يا حق .
    ان شاء الله تجربي الوصفة و تكون على زوءك حبيبتي و لال تنسي تخبريني ;)

  11. سارونات 12 December 2008

    السلام عليكم و رحمة الله و بركاته
    جربتها مبارحه و طلعت طيبة و مميزة و اكتر شي بيعجبني بالمرق هو القرفة اللي بتطلع ريحتها و هو عم يتحضر :zzz و بتشمي الريحة من بعيد
    ما حطيت جوزة الطيب بلكي المرة الجاية بحط و ان شاء الله
    اختي منى بدي اسالك عن الملح انت ما ذكرتي الملح فافترضت انو بينضاف بالاخير متل اي مرقة هل هالشي صحيح او انك ما بتحطي ملح بهالمرق لان اجتني فكرة و هي اذا فينا نستغني عن الملح بالمرقة بما اننا راح نستعملها في اطباق و راح نحط مرق بس هل هالشي راح يؤثر على الطعم او لا شو قولك
    بالتوفيق
    سلام

  12. muna.g.7 13 December 2008

    تسلم ايدك اختي منى والله انا مشتهيه الحين من هالمرقه تدفي في هالبرد ويا سلام لو معاها خبز ساخن يتغمس فيها اشكرك كثير على وصفاتك الصحيه الشهيه

  13. منى 13 December 2008

    هلا سارونات :)
    الف صحة و هنا أختي ريتو عوافي ان شاء الله
    الملح سقط سهو , انا بضيقه لما تقرب المرقة تجهز لحتى ما يكون ملحها زيادة ;)

  14. منى 13 December 2008

    هلا منونة :)
    ممم , وصفك خلاني جعت و بردت , قايمة دفي عضامي بكاسة كابوتشينو , اتفضلي ;)

  15. kuwaiti_girl 15 December 2008

    يا سلام يا منمن
    تعجبني طريقتك كثير وهي تشبه الطريقه اللي استعملها ( اخذتها من موقع ديلا : شيف بريطاني اتابع وصفاتها في بي بي سي فوود من زمان)

    ماما الله يرحمها مثلك بتحب ان المرقه بتحضر منزليا وما كانت تستعمل ماجي ابدا بس لان الطريقه السليمه بتاخذ وقت طويل.. حبيت اضيف لك هالمعلومه وان شاء الله تعجبك ماما كانت تستخدم عضام بقر وخاروف مع بعض منشان النكهه

    وحتى السمك والربيان بنتزع الراس والذيل وبتعمل منهم مرق مركز لاطباق الرز والسمك

    بس الدجاج اللي فلت من عصابه المرق المركز لانك مثل ما بتعرفي نحنا بالاصل نسلق الدجاج ونكبس فيه الرز على طول :)

  16. منى 15 December 2008

    مممم , و الله فكرة هي استعمال نوعيين من العظام ,

    الله يرحم ماماتك و يسكنها الجنة هي و كل أمواتنا و اموات المسلمين :roll

    هنا و عوافي على كبس الرز , و متل ما قلتي ممكن تحضير مرق السمك فيها , بس يا ستي انا و لا مرة ما حضرته , بتعرفي نحنا بحلب قليل ما نحضر اطباق سمك , مو متلكم انتو ما شاء الله الكويتية عندكم غنى ..

    امبارحة كنت عم اتصفح موقعك , ما شاء الله تبارك الله وصفات رائعة جداً , انفلقت على ما ابعت رد من دون فاايدة , خبرتك ان موقعك محجوب عنا بسوريا لان امتداده blogsopt :sigh و انا عم اتصفحه بالغش :grin

  17. kuwaiti_girl 16 December 2008

    يا بعد قلبي يا منى
    مشكوووره يا قلبي والله احرجتيني… للاسف ماعرف ليش الموقع محجوب :sigh

    بس والله يشرفني مرورك بموقعي حتى من غير رد

    وانا باذن الله رح ابعث لك وصفتين من اكلاتنا الشعبيه
    واذا بدك اي وصفه ثانيه انتي تؤمري امر

  18. منى 16 December 2008

    في عندي فكرة ببقى ببعتلك فيها ايميل ;)
    مش بس موقعك محجوب أي موقع اله نفس الامتداد محجوب و انا كمان ما عندي فكرة ليه :roll

    يلا تابعي و انا متابعتك دايما ان شاء الله ;)

  19. Eman 25 March 2009

    وصفة شهية ومرة جربتها واستخدمت المرقة للشوربة الفرنسية وطلعت كتير طيبة .. يسلمو هالايدين ..

    بس سؤال لو سمحت ..أختي سألتني البارحة وين بينباع الكرفس بحلب ،وأنا قلت لها رح أسألك لخبرتك الكبيرة .. وشكرا لك :)

  20. منى 26 March 2009

    هلا امولة :)

    الف هنا و عافية يا حق على كل لقمة و كل شفة

    اختي الكرفس بينباع في الخالدية و ممكن تلاقيه بالمولات الكبيرة بقسم الخضار ;)

  21. dado 11 April 2009

    مرحبا منوش..
    جربت الوصفة من زمان.. بس والله ما عم لاقي وقت رد.
    جربتها بدجاج كامل مو عظام.. كنت عم اسلقه لحضر المعكرونة بالبشاميل على طريقتك ويلي طلعت master piece على قولة زوجي 8)
    المهم… حضرت مكعبات المرق.. ورغم إني ما بدوق اللحومات وعادة ما بستخدم ماجي.. كتير حسيتها بتشهي.. واستعملتها مرتين.. مرة بشوربة العدس ومرة بشوربة الشعيرية وطعمها كتير كتير طيب.. وأهم شي إنك بتعرفي شو فيها وبتاكليها وإنتي مطمنة.
    شكرا كتير منى على النصيحة

  22. منى 20 April 2009

    الف هنا و عافية يا قمر انت يا ست الكل , حسيت حالي بدي دوق من هل الماستر بيس و الا رح تفرط مرارتي :eek

    الشكر الك و لردودك الي بنتظرهم دايما :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)