براونيز بكريما الخمس دقايق السرية
· يقطع الدجاج لشرائح رقيقة و يتبل بالخل و زيت السمسم لمدة ساعة .
· تقطع الفليلفة الحمراء و الخضراء و الجزر و الكوسا لشرائح رقيقة ثم تقلى في مقلاة غير لاصقة أو في الوك الصيني ان وجد بثلاث ملاعق من الزيت على نار قوية و لمدة بسيطة كي تبقى مقرمشة و لذيذة .
· ترفع الخضار من الزيت على طبق أخر و يضاف باقي الزيت و البصل و يقلب حتى يطرى . يضاف الدجاج و يقلب على نار قوية حتى يشقر من كل الأطراف .
· يتبل الدجاج بالبهارت و يقلب لمدة دقيقة ثم يضاف المرق و الكتشاب و صلصة الصويا و يترك حتى يغلي المرق ثم يترك على نار هادئة لمدة 10 دقائق .
· يذوب دقيق الذرة بالقليل من الماء البارد و يضاف للصوص مع الخضار الملوحة و يترك حتى يغلي مجدداً .
· تسلق المعكرونة لمدة 10 دقائق في ماء مملح ثم ترفع من مرق السلق و توضع على الصوص و يضاف القليل من ماء السلق إذا دعت الحاجة .
· تغلى السباغيتي مع الصوص قليلاً حتى تأخذ من نكهته و يغلفها الصوص ثم تقدم ساخنة .
عبوة سباغيتي ( بوزن 350 غ )
2 صدر دجاج مخلى من العظم و الجلد
2 ملعقة كبيرة خل الأرز
ملعقة صغيرة زيت سمسم
4 ملعقة كبيرة زيت ذرة
1 حبة كبيرة فليلفة حمراء
1 حبة كبيرة فليلفة خضراء
1 حبة كبيرة جزر
1 حبة كبيرة كوسا
1 حبة كبيرة بصل
نصف ملعقة صغيرة زنجبيل
نصف ملعقة صغيرة ملح الاجينموتو
ربع ملعقة صغيرة فلفل أبيض
1 – 2 فنجان صغير كتشاب , حرّ أو عادي
فنجان صغير صويا صوص
2 كوب مرق دجاج
2 ملعقة صغيرة دقيق الذرة
• يقطع الدجاج لشرائح رقيقة و يتبل بالخل و زيت السمسم لمدة ساعة .
• تقطع الفليلفة الحمراء و الخضراء و الجزر و الكوسا لشرائح رقيقة ثم تقلى في مقلاة غير لاصقة أو في الوك الصيني ان وجد بثلاث ملاعق من الزيت على نار قوية و لمدة بسيطة كي تبقى مقرمشة و لذيذة .
• ترفع الخضار من الزيت على طبق أخر و يضاف باقي الزيت و البصل و يقلب حتى يطرى . يضاف الدجاج و يقلب على نار قوية حتى يشقر من كل الأطراف .
• يتبل الدجاج بالبهارت و يقلب لمدة دقيقة ثم يضاف المرق و الكتشاب و صلصة الصويا و يترك حتى يغلي المرق ثم يترك على نار هادئة لمدة 10 دقائق .
• يذوب دقيق الذرة بالقليل من الماء البارد و يضاف للصوص مع الخضار الملوحة و يترك حتى يغلي مجدداً .
• تسلق المعكرونة لمدة 10 دقائق في ماء مملح ثم ترفع من مرق السلق و توضع على الصوص و يضاف القليل من ماء السلق إذا دعت الحاجة .
• تغلى السباغيتي مع الصوص قليلاً حتى تأخذ من نكهته و يغلفها الصوص ثم تقدم ساخنة .
مرحبامنى طالعتلك انا بكل صفحه :grin ازهقتي مني :roll الوصفه كتير عجبتني لكن شو هدا الاجينموتو
مابينفع بالملح العادي بس مايزعل جاكي شان :grin تسلميلي يا احلى منى
مرحبا يا منى تسلم ايدك على هالوصفة شكلها لذيذ واولادي كثير بيحبوا اي شئ اسمه معكرونة ان شاءالله راح اجربها بس بدي اسألك لازم استعمال ملح الاجينوموتو لأني سمعت انه ضار ياريت تفيديني وشكرا الك
السلام عليكم
مشكورة
طبق بشهي سبحان الله من يومان اشتريت نودلز وكنت عم دور على طريقة تكون طيبة فرح جرب وصفتك بالنودلز بدل السباغتي بس بدي اعرف الفرق بين خل الرز والخل العادي لان بشوف انواع كتير من الخل بس ما بجيب الا خل التفاح وبدي منك اذا ما في ازعاج منى حطي صورة الاجيموتو ميشان اعرف اشتري
هلا نور
معقولة تقولي زهقتيني , اي انا عم استنى هل الرد الحلو
خلي جاكي شان ينفلق , بينفع من دونه اكيد و انا جربتها اكتر من مرة من دونه :zzz
هلا هيا
ان شاء الله تجربيها و تعجب الجماهير الجائعة .
انا مجربتها من دون الاجينوموتو و بتطلع طيبة كمان
هلا ام نور
اكيد في فرق بالطعم بين الخل العادي و خل الرز و على كل اذا مو متوفر عندك فيك تستعملي الخل العادي
رح حط الصورة الي طلبتيها و كمان صورة لبقية المقادير الغريبة , بس يوم السبت اذا ربنا راد :zzz تكرم عيونك
ان شاء الله تجربيه و تحبيه و يعجب القطط
اهلين منونة لك انا بموت شي إسمو نودلز صيني لما كنت عند اهلي كان في مطعم بيعمل نودلز بطير العقل كنت على طول اروح لعنده وما اطلب غير هل الوجبة بس هنن كانو يضيفو الربيان بس انا ما بحبه من شان هيك كنت اطلب بلا ربيان بس يا ترى إذا عملتها رح تزبط معي لأنو نص المكونات ما عندي ياها لكان رح استنى لحتى اعمللي نزلة واشتري هي المكونات من شي محل ببيع اكل صيني يسلموا إيدك يا منونة عن جد كل مرة عم تفاجئينا بتنوع اكلاتك لك نيالو زوجك وولادك عليك إنتي كنز ثميين
السلام عليكم
سبحان الله اليوم أكلت نودلز صيني بمطعم صيني بس شلون بيعملها طيبة أنا ما بعرف عندهم سر لأني بعملها بالبيت متل هالطريقة تبعك بتطلع طيبة كتير بس غير طعمة المطاعم
وبالنسبة لملح اجينو موتو والله هديك اليوم اشتريته مشان هالأكلة لأن بالعادة ما بحط منه بس ما عرفت قديش لازم حط لأني دقته فكرته ملح عادي بس الله لا يورجيكم شو صار معي من طعمته الله لا يدوقها لحدا بس وقت ينحط بها لأكلة بيعطيها طعم يمي يمي يسلموا اديكي اخت منى عنجد شي بيشهي
هلا gsm:)
بس لازم تجيبي المقادير الناقصة 
يا رب تجربيها و تطلع على زووءك و متل الي كنتي تاكليها اوقريبة عليها
انا بانتظار رايك بعد التجربة
شو هاد ياام الميم والله ضحكتيني
وذكرتيني مرة في وحدة طلعت بالتلفزيون هي الظاهر ممثلة كانت بايطاليا وطلبت اكتر شي مشهورة فيه ايطاليا وهو البيتزا
ولما اجاها صحن البيتزا وبدها تدوق اول لقمة ماقدرت تكملها من كتر مو طعمتا موطيبة مع انها دخلت افخم محل بايطاليا
فلما رجعت على بلدها اول شي عملتو راحت على محل بيتزا واكلت اطيب بيتزا
وبيقولو انو الاكل الصيني بالصين شي مو طيب ابدا مع انو هون اذاجوزي شافني مدايقة بياخدني عالمطعم الصيني لان بطلع منو بنفسية تانية من كتر مو الاكل طيب والاكل الطيب متعة كبيرة :grin
لازم جرب هالاكلة لما جيب النواقص منها وبخبرك
تسلم ايديك على هل الوصفة وصحة وهنا يلي بدو ياكلها للاسف انا مافيني اطبخها لأني عزابي ومش مستعد اني غامر مشكوووووووووووووووووورة
هلا سوما
ان شاء الله اذا جربتي هعل الوصفة تكون قريبة على الشي الي بدك اياه
الله يسامحك على هل الدوقة , ان شاء الله مرقت على خير :roll
عم استنى رايك اذا جربتيها و هنااا مقدما
هلا سيمو
ايه بتعرفي كلامك مزبوط , الانسان دوما متعود على شي معين و نمط معين بالاكل ما فيه يغير زووءه .
ان شاء الله تجربي هل الوصفة و تحبيها و انا رح استنى رايك
هلا اخي karoshi
الله يسلمك يا حق و هي ما فيها مغامرة , المقادير على التطة و الطرقة تمام , بقى اتمنى انك تتشجع و تجربها
ماشاء الله عليك الله يحفظك من العين يارب
مية السلامة اختي , شرفتي الموقع و نورتيه و ما دامك عاشقة البطاطا معناها وصلتي للمكان الصح ان شاء الله
مسا الخير منوش اشتقتلك واشتقت للموقع كتير كنت في إجازة في حبيبتي حلب ومن فترة قصيرة رجعت تسلم دياتك على هيك وصفات كاعادة لازم أسأل الصويا صوص يلي بتستعمليه طعمتو بتميل للملوحة أكتر ولا للحلاوة ، أنا بستعمل عادة صويا صوص مكتوب عليها ( حلوة ) وبتكون سميكة شوي قوامها بيشبه قوام دبس الرمان ، بس في سوريا ما شفت منها يلي لاقيتها مريقة وطمتو مالحة ، فهل شي بأثر على النتية النهائية وبرأيك أي واحد أطيب وألف شكر الك
هلا ام هدى
تشتاق الك العافية يا رب , الحمد لله على السلامة :zzz
اختي انا الي استعمله هو النوع العادي المريق الي ما فيه حلاوة , اذا انتبهتي في بالمقادير كتشاب و هي رح تعطينا الحلاوة , بقى اذا ناوية تجربي الوصفة بالصويا الحلوة لازم تغيري مقدار الكتشاب
اسفة للتاخير :roll
ولا يهمك منوش لا تعتذري ولا شي ، تسلمي حبيبتي على ردودك والله كلك ذوق ونحن ع طول متعبينك معنا
وان شاء الله دائما بتكوني انت والموقع وأخبارك من حسن لأحسن
ابوس عينك ام هدى , الله يديم المحبة و المعروف دوما , و انا من فضل الله منيحة كتير :zzz
مرحبا منى
انا جديده على الموقع والموقع عجبني كتير كتير
وفي اكلات طيبة
بس مش عارفه كيف اضيف موضع جديد لانه ببالي وصفات طيبة وبدي ابعتلكم اياها
مية هلا فيك اختي
ان شاء الله تجربي شي و يكون كمان طعمته طيبة و متل ما بتحبي .
اذا عندك ايا وصفة فيك تبعتيها كرد و انا رح ضيفها باسمك ان شاء الله
تسلم ايد بس من وين بدنا نشتري زيت السمسم والملح المشكلة في كتير مواد لا تتوفر عندنافي السوق انابحاول دائما اشتري من عند كنان او العقاد في محل ثالث متوفر عندة هل اشياء لانه في معظم الاوقات حتى عندهم لايتوفر طلبي
هلا بالمولات صار في كل شي , بس اظن ان الملح مو متوفر عنا :roll
على كل كتير عم اسمع انه فيه اذى و هلا ما عدت جبت منه
شكرراا احلى طبخه سلمت الايادي والى الامام
شكرا
الله يسلمك حلا
نور الموقع اختي