تشاينيز نودلز بالدجاج و الخضار


         وصفة : منى                 2009/10/08                 27 تعليقات
تشاينيز نودلز بالدجاج و الخضار

·         يقطع الدجاج لشرائح رقيقة و يتبل بالخل و زيت السمسم لمدة ساعة .

·         تقطع الفليلفة الحمراء و الخضراء و الجزر و الكوسا لشرائح رقيقة ثم تقلى في مقلاة غير لاصقة أو في الوك الصيني ان وجد بثلاث ملاعق من الزيت على نار قوية و لمدة بسيطة كي تبقى مقرمشة و لذيذة .

·         ترفع الخضار من الزيت على طبق أخر و يضاف باقي الزيت و البصل و يقلب حتى يطرى . يضاف الدجاج و يقلب على نار قوية حتى يشقر من كل الأطراف .

·         يتبل الدجاج بالبهارت و يقلب لمدة دقيقة ثم يضاف المرق و الكتشاب و صلصة الصويا و يترك حتى يغلي المرق ثم يترك على نار هادئة لمدة 10 دقائق .

·         يذوب دقيق الذرة بالقليل من الماء البارد و يضاف للصوص مع الخضار الملوحة و يترك حتى يغلي مجدداً .

·         تسلق المعكرونة لمدة 10 دقائق في ماء مملح ثم ترفع من مرق السلق و توضع على الصوص و يضاف القليل من ماء السلق إذا دعت الحاجة .

·         تغلى السباغيتي مع الصوص قليلاً حتى تأخذ من نكهته و يغلفها الصوص ثم تقدم ساخنة .  




عبوة سباغيتي ( بوزن 350 غ )
2 صدر دجاج مخلى من العظم و الجلد
2 ملعقة كبيرة خل الأرز
ملعقة صغيرة زيت سمسم
4 ملعقة كبيرة زيت ذرة
1 حبة كبيرة فليلفة حمراء
1 حبة كبيرة فليلفة خضراء
1 حبة كبيرة جزر
1 حبة كبيرة كوسا
1 حبة كبيرة بصل
نصف ملعقة صغيرة زنجبيل
نصف ملعقة صغيرة ملح الاجينموتو
ربع ملعقة صغيرة فلفل أبيض
1 – 2 فنجان صغير كتشاب , حرّ أو عادي
فنجان صغير صويا صوص
2 كوب مرق دجاج
2 ملعقة صغيرة دقيق الذرة





• يقطع الدجاج لشرائح رقيقة و يتبل بالخل و زيت السمسم لمدة ساعة .

• تقطع الفليلفة الحمراء و الخضراء و الجزر و الكوسا لشرائح رقيقة ثم تقلى في مقلاة غير لاصقة أو في الوك الصيني ان وجد بثلاث ملاعق من الزيت على نار قوية و لمدة بسيطة كي تبقى مقرمشة و لذيذة .

• ترفع الخضار من الزيت على طبق أخر و يضاف باقي الزيت و البصل و يقلب حتى يطرى . يضاف الدجاج و يقلب على نار قوية حتى يشقر من كل الأطراف .

• يتبل الدجاج بالبهارت و يقلب لمدة دقيقة ثم يضاف المرق و الكتشاب و صلصة الصويا و يترك حتى يغلي المرق ثم يترك على نار هادئة لمدة 10 دقائق .

• يذوب دقيق الذرة بالقليل من الماء البارد و يضاف للصوص مع الخضار الملوحة و يترك حتى يغلي مجدداً .

• تسلق المعكرونة لمدة 10 دقائق في ماء مملح ثم ترفع من مرق السلق و توضع على الصوص و يضاف القليل من ماء السلق إذا دعت الحاجة .

• تغلى السباغيتي مع الصوص قليلاً حتى تأخذ من نكهته و يغلفها الصوص ثم تقدم ساخنة .
  • وصفات تانية ممكن تعجبك


التعليقات

  1. نور الأسلام 8 October 2009

    مرحبامنى طالعتلك انا بكل صفحه :grin ازهقتي مني :roll الوصفه كتير عجبتني لكن شو هدا الاجينموتو :x مابينفع بالملح العادي بس مايزعل جاكي شان :grin تسلميلي يا احلى منى

  2. haya 8 October 2009

    مرحبا يا منى تسلم ايدك على هالوصفة شكلها لذيذ واولادي كثير بيحبوا اي شئ اسمه معكرونة ان شاءالله راح اجربها بس بدي اسألك لازم استعمال ملح الاجينوموتو لأني سمعت انه ضار ياريت تفيديني وشكرا الك

  3. ام نور 8 October 2009

    السلام عليكم
    طبق بشهي سبحان الله من يومان اشتريت نودلز وكنت عم دور على طريقة تكون طيبة فرح جرب وصفتك بالنودلز بدل السباغتي بس بدي اعرف الفرق بين خل الرز والخل العادي لان بشوف انواع كتير من الخل بس ما بجيب الا خل التفاح وبدي منك اذا ما في ازعاج منى حطي صورة الاجيموتو ميشان اعرف اشتري :) مشكورة

  4. منى 9 October 2009

    هلا نور :)
    معقولة تقولي زهقتيني , اي انا عم استنى هل الرد الحلو

    خلي جاكي شان ينفلق , بينفع من دونه اكيد و انا جربتها اكتر من مرة من دونه :zzz

  5. منى 9 October 2009

    هلا هيا :)
    ان شاء الله تجربيها و تعجب الجماهير الجائعة .
    انا مجربتها من دون الاجينوموتو و بتطلع طيبة كمان ;)

  6. منى 9 October 2009

    هلا ام نور :)
    اكيد في فرق بالطعم بين الخل العادي و خل الرز و على كل اذا مو متوفر عندك فيك تستعملي الخل العادي
    رح حط الصورة الي طلبتيها و كمان صورة لبقية المقادير الغريبة , بس يوم السبت اذا ربنا راد :zzz تكرم عيونك

    ان شاء الله تجربيه و تحبيه و يعجب القطط

  7. gsm 9 October 2009

    اهلين منونة لك انا بموت شي إسمو نودلز صيني لما كنت عند اهلي كان في مطعم بيعمل نودلز بطير العقل كنت على طول اروح لعنده وما اطلب غير هل الوجبة بس هنن كانو يضيفو الربيان بس انا ما بحبه من شان هيك كنت اطلب بلا ربيان بس يا ترى إذا عملتها رح تزبط معي لأنو نص المكونات ما عندي ياها لكان رح استنى لحتى اعمللي نزلة واشتري هي المكونات من شي محل ببيع اكل صيني يسلموا إيدك يا منونة عن جد كل مرة عم تفاجئينا بتنوع اكلاتك لك نيالو زوجك وولادك عليك إنتي كنز ثميين :)

  8. soma 9 October 2009

    السلام عليكم
    سبحان الله اليوم أكلت نودلز صيني بمطعم صيني بس شلون بيعملها طيبة أنا ما بعرف عندهم سر لأني بعملها بالبيت متل هالطريقة تبعك بتطلع طيبة كتير بس غير طعمة المطاعم
    وبالنسبة لملح اجينو موتو والله هديك اليوم اشتريته مشان هالأكلة لأن بالعادة ما بحط منه بس ما عرفت قديش لازم حط لأني دقته فكرته ملح عادي بس الله لا يورجيكم شو صار معي من طعمته الله لا يدوقها لحدا بس وقت ينحط بها لأكلة بيعطيها طعم يمي يمي يسلموا اديكي اخت منى عنجد شي بيشهي

  9. منى 11 October 2009

    هلا gsm:)
    يا رب تجربيها و تطلع على زووءك و متل الي كنتي تاكليها اوقريبة عليها ;) بس لازم تجيبي المقادير الناقصة ;)

    انا بانتظار رايك بعد التجربة

  10. semo 20 October 2009

    شو هاد ياام الميم والله ضحكتيني

    وذكرتيني مرة في وحدة طلعت بالتلفزيون هي الظاهر ممثلة كانت بايطاليا وطلبت اكتر شي مشهورة فيه ايطاليا وهو البيتزا

    ولما اجاها صحن البيتزا وبدها تدوق اول لقمة ماقدرت تكملها من كتر مو طعمتا موطيبة مع انها دخلت افخم محل بايطاليا

    فلما رجعت على بلدها اول شي عملتو راحت على محل بيتزا واكلت اطيب بيتزا

    وبيقولو انو الاكل الصيني بالصين شي مو طيب ابدا مع انو هون اذاجوزي شافني مدايقة بياخدني عالمطعم الصيني لان بطلع منو بنفسية تانية من كتر مو الاكل طيب والاكل الطيب متعة كبيرة :grin

    لازم جرب هالاكلة لما جيب النواقص منها وبخبرك

  11. karroshi 20 October 2009

    تسلم ايديك على هل الوصفة وصحة وهنا يلي بدو ياكلها للاسف انا مافيني اطبخها لأني عزابي ومش مستعد اني غامر مشكوووووووووووووووووورة

  12. منى 20 October 2009

    هلا سوما :)
    ان شاء الله اذا جربتي هعل الوصفة تكون قريبة على الشي الي بدك اياه

    الله يسامحك على هل الدوقة , ان شاء الله مرقت على خير :roll

    عم استنى رايك اذا جربتيها و هنااا مقدما

  13. منى 21 October 2009

    هلا سيمو :)
    ايه بتعرفي كلامك مزبوط , الانسان دوما متعود على شي معين و نمط معين بالاكل ما فيه يغير زووءه .

    ان شاء الله تجربي هل الوصفة و تحبيها و انا رح استنى رايك :)

  14. منى 21 October 2009

    هلا اخي karoshi :)
    الله يسلمك يا حق و هي ما فيها مغامرة , المقادير على التطة و الطرقة تمام , بقى اتمنى انك تتشجع و تجربها

  15. عاشقة البطاطس 3 November 2009

    ماشاء الله عليك الله يحفظك من العين يارب

  16. منى 4 November 2009

    مية السلامة اختي , شرفتي الموقع و نورتيه و ما دامك عاشقة البطاطا معناها وصلتي للمكان الصح ان شاء الله ;)

  17. أم الهدى 14 November 2009

    مسا الخير منوش اشتقتلك واشتقت للموقع كتير كنت في إجازة في حبيبتي حلب ومن فترة قصيرة رجعت تسلم دياتك على هيك وصفات كاعادة لازم أسأل الصويا صوص يلي بتستعمليه طعمتو بتميل للملوحة أكتر ولا للحلاوة ، أنا بستعمل عادة صويا صوص مكتوب عليها ( حلوة ) وبتكون سميكة شوي قوامها بيشبه قوام دبس الرمان ، بس في سوريا ما شفت منها يلي لاقيتها مريقة وطمتو مالحة ، فهل شي بأثر على النتية النهائية وبرأيك أي واحد أطيب وألف شكر الك

  18. منى 22 December 2009

    هلا ام هدى :)
    تشتاق الك العافية يا رب , الحمد لله على السلامة :zzz

    اختي انا الي استعمله هو النوع العادي المريق الي ما فيه حلاوة , اذا انتبهتي في بالمقادير كتشاب و هي رح تعطينا الحلاوة , بقى اذا ناوية تجربي الوصفة بالصويا الحلوة لازم تغيري مقدار الكتشاب ;)

    اسفة للتاخير :roll

  19. أم الهدى 22 December 2009

    ولا يهمك منوش لا تعتذري ولا شي ، تسلمي حبيبتي على ردودك والله كلك ذوق ونحن ع طول متعبينك معنا ;)
    وان شاء الله دائما بتكوني انت والموقع وأخبارك من حسن لأحسن

  20. منى 22 December 2009

    ابوس عينك ام هدى , الله يديم المحبة و المعروف دوما , و انا من فضل الله منيحة كتير :zzz

  21. ام ادم 11 February 2010

    مرحبا منى
    انا جديده على الموقع والموقع عجبني كتير كتير
    وفي اكلات طيبة

    بس مش عارفه كيف اضيف موضع جديد لانه ببالي وصفات طيبة وبدي ابعتلكم اياها

  22. منى 11 February 2010

    مية هلا فيك اختي :) ان شاء الله تجربي شي و يكون كمان طعمته طيبة و متل ما بتحبي .

    اذا عندك ايا وصفة فيك تبعتيها كرد و انا رح ضيفها باسمك ان شاء الله

  23. razan.3m 29 October 2010

    تسلم ايد بس من وين بدنا نشتري زيت السمسم والملح المشكلة في كتير مواد لا تتوفر عندنافي السوق انابحاول دائما اشتري من عند كنان او العقاد في محل ثالث متوفر عندة هل اشياء لانه في معظم الاوقات حتى عندهم لايتوفر طلبي

  24. منى 9 November 2010

    هلا بالمولات صار في كل شي , بس اظن ان الملح مو متوفر عنا :roll
    على كل كتير عم اسمع انه فيه اذى و هلا ما عدت جبت منه ;)

  25. حلا البسآط 8 February 2011

    شكرراا احلى طبخه سلمت الايادي والى الامام

  26. حلا البسآط 8 February 2011

    شكرا

  27. منى 8 February 2011

    الله يسلمك حلا :) نور الموقع اختي

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)