تشيز كيك


         وصفة : منى                 2009/04/25                 12 تعليقات
تشيز كيك

·          نطحن البسكويت في المطحنة حتى يصبح بودرة , نذوب الزبدة ثم نضيفها للبسكويت , نخلطهم ثم نرصفهم في صينية تفتح من الأطراف وتوضع لمدة ساعة في البراد لتبرد بشكل جيد .

·          في هذه الأثناء نقوم بخلط الكريمة البودرة مع الجبنة و الجيلي و الماء بواسطة مضرب سلك ثم نضيفها للبسكويت و تترك في البراد لمدة 3 ساعات حتى تبرد بشكل كامل وتصبح جامدة .

·          نحضر ظرف الجيلي ويترك حتى يبرد قليلاً ثم يضاف فوق الطبقات الثانية وتوضع مرة أخرى في البراد حتى يجمد الجيلي .. وصحتين وهنا . 

الطبقة السفلى :

50 قطعة بسكويت سامي
115 غ زبدة غير مملح

الطبقة الوسطى :

10 قطع جبنة كيري بما يعادل 180 غ تقريباً
علبة كريما دانيه أو دريم ويب بما يعادل 200 غ
كأس ماء بارد
ظرف جيلي باللون اللي بتحبيه

الطبقة الأخيرة :

ظرف جيلي مذوب في كأس ماء





• نطحن البسكويت في المطحنة حتى يصبح بودرة , نذوب الزبدة ثم نضيفها للبسكويت , نخلطهم ثم نرصفهم في صينية تفتح من الأطراف وتوضع لمدة ساعة في البراد لتبرد بشكل جيد .

• في هذه الأثناء نقوم بخلط الكريمة البودرة مع الجبنة و الجيلي و الماء بواسطة مضرب سلك ثم نضيفها للبسكويت و تترك في البراد لمدة 3 ساعات حتى تبرد بشكل كامل وتصبح جامدة .

• نحضر ظرف الجيلي ويترك حتى يبرد قليلاً ثم يضاف فوق الطبقات الثانية وتوضع مرة أخرى في البراد حتى يجمد الجيلي .. وصحتين وهنا .
  • وصفات تانية ممكن تعجبك


التعليقات

  1. منى 25 April 2009

    سلم دياتك يشرى وصفة سهلة و الصورة حلوة :)

    خليلي ياكي و ريتو عوافي على التشيز كيك , كنتي خبيتيلي قطعة :zzz

  2. رنا 25 April 2009

    وصفة هالتشيز كيك جننت العالم …هداك اليوم كانت رفيقتي رح تبكي تقلي كرمال الله قليلي قديش كمية الزبدة اللازمة للبسكوت ناس بتقول اذا زادت بيقسى وناس بتخترع انه اذا نقصت بيفرط وقصص وحكايا عن هالحلى
    يسلم ايديكي يابشرى وصفتك حلوة وسهلة انا بعمله بنفس الطريقة بس ببسكويت دايجستيف وبحط البسكوت والزبدة بالفرن وكل مرة الذ واطيب ;) بس مشكلته انه تقيل شوي الجبنة والقشطة والكريما يعني قطعة صغيرة وبنام بلا عشا
    :grin

  3. سارونات 25 April 2009

    السلام عليكم و رحمة الله و بركاته

    جازاك الله خيرا اختي على الوصفة

    عجبتني فكرة الجلي و هيك فيكي تختاري الوان مختلفة بس للاسف ما عم يتوفر عندي :sigh

    انا لساتني لهلأ ما جربت وصفة للتشيز كيك لاني بخاف من انه يطلع ثقيل

    الصورة حلوة و الاضاءة كمان

    بالتوفيق
    سلام

  4. نور الأسلام 26 April 2009

    السلام عليكم ويسلم دياتك وصفه باين انها سهله وطيبه وكمان مابدا فرن على التجربه ان شاء الله :zzz

  5. ام سما وسارة 26 April 2009

    روووعة شكلها يفتح النفس
    انا بس مرة وحدة جربت التشيز كيك بس ماتماسك البسكوت وتفتت كله :sigh
    بس ان شاء الله راح جرب طريقتك لانو باينتا سهلة ومضمونة
    الف شكر ليك حبيبتي

  6. بشرى 26 April 2009

    يسلم إيدكي مدام منى عالإضافة ..

    ومية السلامة بكل الأخوات ” رنا و سارونات ” منورين ..

    منى حصتك محفوظة وحياتك .. 8)

    ضحكتيني رنا على رفيقتك :grin

    سارونات تسلمي يارب .. هاد من ذوقك .. :roll

    صحتين وهنا ..

  7. بشرى 27 April 2009

    أهلا أختي نور الإسلام .. إن شاء الله بتجربيها وبتطلع طيبة وبتزبط معاكي .. :)

    أختي أم سما وسارة .. أهم شي بالبسكويت هوه كمية الزبدة يعني إذا زادت وإذا نقصت بيخرب .. إن شاء الله بتجربيها وبتعجبك .. أنا كانت مشكلتي هيه الطبقة الوسطى .. الحمد لله هلأ زبطتت .. منورة أختي ..

    :zzz

  8. ام احمد الغالي 27 April 2009

    يسلمو على هالوصفه الحلوة يا حلوة
    رح نجربا ونقلك النتايج ;)

  9. بشرى 29 April 2009

    أهلين أم أحمد .. الله يخليلك أحمد .. منورة وان شاء الله تجربيها وتعجبك .. ;)

    ليش حاسة حالي بعرفك !! :roll

  10. sahreeg 1 January 2010

    السلام عليكم ورحمة الله وبركاته يسلمو ايديكي على هالاكلات الطيبة واريدان اسال كيف اقترح وصفات جديدة وشكرا لك

  11. منى 1 January 2010

    هلا اختي :)
    ممكن تبعتي ايا وصفة كرد و انا ان شاء الله رح انشرها باسمك :)

    نورتي و نور الموقع فيك

  12. sheraredflower 18 June 2011

    bas 7abbeit a7kilik enni jarrabet 6aree2tek fi el cheese cake o 6el3et betshahhi kteer, yeslamo edeki o bnestanna mnek kol jdeed o 7elo :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)