براونيز بكريما الخمس دقايق السرية
تمر غيوم :
20 حبة تمر من الحجم المتوسط
100 غ جبنة فيلادلفيا
رشة قرفة
بشرة ليمونة أو برتفالة
2 – 3 ملعقة كبيرة عسل
تمر سمسوم :
20 حبة تمر من الحجم المتوسط
20 حبة مكسرات محمصة حسب الذوق ( فستق أو لوز )
50 غ شوكولا مرّة أو على حليب حسب الرغبة
4 ملعقة كبيرة عسل
سمسم
تمر نوار :
20 حبة تمر من الحجم المتوسط
5 ملعقة كبيرة مربى بشر البرتقال
5 ملعقة كبيرة فستق حلبي محمص
100 غ شوكولا سادة او على حليب
• لتحضير تمر غيوم : تخلط الجبنة و بشر الليمون أو البرتقال و القرفة و العسل و توضع جانباً .
• تشق حبة التمر بسكين و ينزع عنها القمع و النواة ثم تحشى بحشوة الجبنة ثم يرتب في طبق التقديم .
• يمكن تزين التمر بالعسل عوضاً عن وضعه مع الحشوة .
• لتحضير تمر سمسوم : تشق حبة التمر بسكين و تنزع عنها النواة ثم تحشى بالمكسرات و تصف في طيق التقديم بشكل صفوف متجاورة .
• تذوب الشوكولا على حمام مائي ثم تغطى بها حبات التمر بحيث نغطي صف و نترك أخر و هكذا .
• الصفوف التي لم تغطى بالشوكولا تغطى بالعسل ثم ترش بالسمسم .
• لتحضير تمر نوار : تشق حبة التمر بسكين و ينزع عنها القمع و النواة .
• يمزج مربى بشر البرتقال مع الفستق المبشور ثم يحشى بالتمر . تذوب الشوكولا و تغمس فيها حبات التمر ثم تصف على طبق مسطح جميل و تقدم .
ياعيني عليكي ايه التمر سادة ولحاله بياخد العقل شلون اذا حطينا معه هالخلطات الخيالية :p
يعطيكي الف عافية انتي واخواتك ونوارتنا كمان …افكار رهيبة
ماشاء الله
شكل بيفتح النفس
انا كمان بحب جيب التمر الناشف بيكون كتير حلو
وبحشيه قشطة
هدا بيكون فطوري برمضان بحسو بيعطيني طاقة وبيشبعني
لدرجة اني ما بعود باكل بعدا مشان هيك بنحف برمضان من دون تعب
واكيد رح جرب هالطرق كمان
عيني يا عيني شو هيدا ماشالله كلك زوء يا منى سلم هالديات وما ننحرم من هل وصفات الحلوين يا رب انا بعرف انو التمر بينحشى بس ولا مرة فكرت اتفنن في واحشي بس فكرة كتير حلوة تقديمه محشي للضيوف كنت شوفوا بعيد الميلاد وراس السنة بالمحلات محشي بعجينة اللوز ويحطوا عليا حبة جوز
والعجينة يصبغوها الوان مختلفة ويصفوهم يصينية بشكل حبة حمرا حدا جبة خضرا ,,,,,,,,,,,وهيك فشكل الصينية بيطلع كتير مرتب
ما شاء الله شو هل الفن غخت منى عن جد فنانة حابة اجرب بس مو هلق بعد فترة شي اتعافى من صدمة إمبارح لأنو جربت اعمل القطايف وما زبطت معي ابدا حتى القشطة المطبوخة شكلها زبطت بس ما كتيير عجبتني لك حتى القطر يللي عملته حسيت نكهة الليمون فيه واضحة يعني بإختصار ما في شي زبط بقى بدي فترة لحتى ارجع استرد نشاطي وهمتي لتجريب الأكلات اللذيذة يللي عم نشوفها بهل الموقع المتميز
ما تواخذيني طولت عليك
هلا رنونة
يا رب تجربي شي وصفة و تعجبك و تصيري تحبي التمر اكتر و اكتر
الله يعافيكي و يخليكي و يحفظك من كل شر :zzz
هلا سيمو
التمر مع القشطة ما اطيبهم و كتير وجبة مغذية
معك حق ما تقدري تاكلي شي من بعدهم :zzz
يا رب تجربي هل الوصفات و تكون على زووءك
هلا ام نور
مم , الطرق الي ذكرتيها باينتها حلوة كتير , و شكلها مناسب للكريسمس لان احمر و اخضر , سبحان الله قديه في افكار مميزة هون و هون
الف شكر الك ام نور لاغناء الوصفة دوما بردودك
هلا gsm
وووااخ حتى القطر ما زبط , احيانا بيكون كل شي معسر و بيبطل يزبط شي .
معلش ازرعيها بدقني و يا رب ترجعلك حماستك بسرعة , الوصفات تبعة التمر ما بدها شي , بقى ان شاء الله تجربيها و تحبيها
الله يسلم ديتك ياميمو الحلوة يا عسل انتي
وأكيد رح اجرب باقي الطرق
والتمر طيب دائما
وضيافة مميزة اذا جايكي ضيوف او برمضان مشان نغير شكل
انا بحطو بطبق ضيافة وبحط كل وحدة بورق بليسسه كمان بيطلع شكلو حلو
الله مافي اطيب من التمر وخاصة اذا كان فيه لمسات حلوة انا برمضان بشيل النواة من التمر وبصفوبالصحن بطريقة حلوة وبحط فوقه الطحينة ومعلقة عسل وبرش فوقهم سمسم وفستق حلبي ويا سلام
يسلم دياتك يامنمون دائما بتخلينانطلع من الروتين ونغير :zzz
منظرها بياخد العقل.. وحتما طعمتها
أنا بحب التمر كتير وكنت آكله مع الطحينة بس أو محشي بحبة جوز.. والطعمتين مميزات جدا.
والوصفات يلي قدمتيهن كتير مغريين 8)
لكن للأسف هون ما عنا تمر أو بالأحرى بيجي من بلد الله يلعنه ويلعن شعبه وحكامه.
مع إنو تمر الأراضي الفلسطينية معروف بطعمته المميزة بس مستحيل إني اشتري شي مكتوب عليه (صنع أو غلف في إسرائيل).
المهم.. أكيد ما رح فوت وصفاتك وخاصة الغيوم لأنو دغدغتلي مشاعري وأنا هلأ جوعانة كتير
:grin انشالله بس انزل على سوريا بجيب معي تمر.
والشغلة التانية هي إنو اسم سمسوم عليه حقوق ملكية فكرية لأنو هاد اسم دبدوبي من لما كنت زغيرة :zzz
يم يمي يا منمونه
كل وصفه احلى من اختها والمسميات بتشهي اكثر واكثر
واذا بتسمحين بضيف طرق كويتيه للتمر منها التمريه وفيها بينعصج التمر مع السمنه والهيل الناعم واحيانا قليل من مربى المشمش ويقدم او يكور ويمرر بالفستق او السمسم
او الرنجينه.. وتحشى التمر او الرطب باللوز او الجوز ومن ثم يتم تغطيتها بخلطه من الطحين والزبد والقرفه الناعمه
واخيرا تمر بالمكسرات وهي تقليب التمر بالزبده والطحين واضافه مكسرات مخلوطه معها ويقدم عاده برمضان :>
وظهرت وصفات اخرى منها تمر محشي بحلوى الطحينيه او كما نسميه رهش او تغليف التمر بصلصه الككاو اما الابيض او البني
هلا نوارة
التمر كيف ما اناكل طيب
و على فكرة سيما هي الي جربت طريقتك بالول و صار عليها مظاهرة رسمية من الضيوف لان طلعت بتاخد العقل :zzz
سلم دياتك حبيبتي
هلا ام محمد
ممم يا عيني يا عيني , شي بيشهي و كتير سهلة الوصفة الي ذكرتيها, ان شاء الله بجربها قريب
سلم دياتك على الفكرة
هلا دالو حبيبتي
التمر ما في اطيب منه بكل اشكاله و انواعه بقى كيف اذا كان مع الطحينة او مدعوم بالجوز
خليلي عينك دالو , و الله معك حق مع ان تمر فلسطين ما في اطيب منه , بس كمان الواحد ما بيحسن ينفع هل الولاد ( .. ) شي
ابوسك انتي و مشاعرك , يا بب تجربي شي وصفة و تعجبك ..
ممم بقى كان اسمه سمسوم افندي , كمان اسمه نغم متل صاحبته , انا بحياتي ما حويت دبدوب , كان عندي لعبة شعراتها شقر , بتغني و بتمشي . يا حرام شو فعيت فيها و اخر الشي قصيت الها شعراتها, بس طلعت بشعة كتير قمت خبيتها تحت التخت لحتى يطول شعرها قبل ما ماما تشوفها :grin
يسلم دياتك جربت وحده وسميناها انا وزوجي التمر المدلل او دلال التمر :zzz
وصفات التمر بتشهي وبتكمل حلاوة التمر وجماله وفوائده العظيمة,بقدر احشي التمر جبنة البقرة الضاحكة اوكيري بدل الفيلادلفيا
اي طبعا بتقدري و بتطلع طيبة فيها
فينانستخدم الجبنة المثلثات اوكيري بحشوة التمر
اي فيك , مجربتها انا مرة بالكيري
شكررررررررررررررررررررررراكتير,والله يعطيكي الصحة والعافية على مجهودك الكبير
منورتينا يا احلى نور