ثلاث طرق لذيذة للتمر المحشي


         وصفة : منى                 2009/07/02                 22 تعليقات
ثلاث طرق لذيذة للتمر المحشي



تمر غيوم :

20 حبة تمر من الحجم المتوسط
100 غ جبنة فيلادلفيا
رشة قرفة
بشرة ليمونة أو برتفالة
2 – 3 ملعقة كبيرة عسل


تمر سمسوم :

20 حبة تمر من الحجم المتوسط
20 حبة مكسرات محمصة حسب الذوق ( فستق أو لوز )
50 غ شوكولا مرّة أو على حليب حسب الرغبة
4 ملعقة كبيرة عسل
سمسم


تمر نوار :

20 حبة تمر من الحجم المتوسط
5 ملعقة كبيرة مربى بشر البرتقال
5 ملعقة كبيرة فستق حلبي محمص
100 غ شوكولا سادة او على حليب





• لتحضير تمر غيوم : تخلط الجبنة و بشر الليمون أو البرتقال و القرفة و العسل و توضع جانباً .

• تشق حبة التمر بسكين و ينزع عنها القمع و النواة ثم تحشى بحشوة الجبنة ثم يرتب في طبق التقديم .

• يمكن تزين التمر بالعسل عوضاً عن وضعه مع الحشوة .

• لتحضير تمر سمسوم : تشق حبة التمر بسكين و تنزع عنها النواة ثم تحشى بالمكسرات و تصف في طيق التقديم بشكل صفوف متجاورة .

• تذوب الشوكولا على حمام مائي ثم تغطى بها حبات التمر بحيث نغطي صف و نترك أخر و هكذا .

• الصفوف التي لم تغطى بالشوكولا تغطى بالعسل ثم ترش بالسمسم .

• لتحضير تمر نوار : تشق حبة التمر بسكين و ينزع عنها القمع و النواة .

• يمزج مربى بشر البرتقال مع الفستق المبشور ثم يحشى بالتمر . تذوب الشوكولا و تغمس فيها حبات التمر ثم تصف على طبق مسطح جميل و تقدم .

  • وصفات تانية ممكن تعجبك


التعليقات

  1. رنا 2 July 2009

    ياعيني عليكي ايه التمر سادة ولحاله بياخد العقل شلون اذا حطينا معه هالخلطات الخيالية :p
    يعطيكي الف عافية انتي واخواتك ونوارتنا كمان …افكار رهيبة ;)

  2. semo 2 July 2009

    ماشاء الله
    شكل بيفتح النفس
    انا كمان بحب جيب التمر الناشف بيكون كتير حلو
    وبحشيه قشطة
    هدا بيكون فطوري برمضان بحسو بيعطيني طاقة وبيشبعني
    لدرجة اني ما بعود باكل بعدا مشان هيك بنحف برمضان من دون تعب
    واكيد رح جرب هالطرق كمان

  3. ام نور 2 July 2009

    عيني يا عيني شو هيدا ماشالله كلك زوء يا منى سلم هالديات وما ننحرم من هل وصفات الحلوين يا رب انا بعرف انو التمر بينحشى بس ولا مرة فكرت اتفنن في واحشي بس فكرة كتير حلوة تقديمه محشي للضيوف كنت شوفوا بعيد الميلاد وراس السنة بالمحلات محشي بعجينة اللوز ويحطوا عليا حبة جوز
    والعجينة يصبغوها الوان مختلفة ويصفوهم يصينية بشكل حبة حمرا حدا جبة خضرا ,,,,,,,,,,,وهيك فشكل الصينية بيطلع كتير مرتب

  4. gsm 3 July 2009

    ما شاء الله شو هل الفن غخت منى عن جد فنانة حابة اجرب بس مو هلق بعد فترة شي اتعافى من صدمة إمبارح لأنو جربت اعمل القطايف وما زبطت معي ابدا حتى القشطة المطبوخة شكلها زبطت بس ما كتيير عجبتني لك حتى القطر يللي عملته حسيت نكهة الليمون فيه واضحة يعني بإختصار ما في شي زبط بقى بدي فترة لحتى ارجع استرد نشاطي وهمتي لتجريب الأكلات اللذيذة يللي عم نشوفها بهل الموقع المتميز
    ما تواخذيني طولت عليك

  5. منى 3 July 2009

    هلا رنونة :)
    يا رب تجربي شي وصفة و تعجبك و تصيري تحبي التمر اكتر و اكتر
    الله يعافيكي و يخليكي و يحفظك من كل شر :zzz

  6. منى 3 July 2009

    هلا سيمو :)
    التمر مع القشطة ما اطيبهم و كتير وجبة مغذية
    معك حق ما تقدري تاكلي شي من بعدهم :zzz
    يا رب تجربي هل الوصفات و تكون على زووءك

  7. منى 3 July 2009

    هلا ام نور :)
    مم , الطرق الي ذكرتيها باينتها حلوة كتير , و شكلها مناسب للكريسمس لان احمر و اخضر , سبحان الله قديه في افكار مميزة هون و هون
    الف شكر الك ام نور لاغناء الوصفة دوما بردودك ;)

  8. منى 3 July 2009

    هلا gsm :)
    وووااخ حتى القطر ما زبط , احيانا بيكون كل شي معسر و بيبطل يزبط شي .
    معلش ازرعيها بدقني و يا رب ترجعلك حماستك بسرعة , الوصفات تبعة التمر ما بدها شي , بقى ان شاء الله تجربيها و تحبيها ;)

  9. نوارة 3 July 2009

    الله يسلم ديتك ياميمو الحلوة يا عسل انتي
    وأكيد رح اجرب باقي الطرق
    والتمر طيب دائما
    وضيافة مميزة اذا جايكي ضيوف او برمضان مشان نغير شكل
    انا بحطو بطبق ضيافة وبحط كل وحدة بورق بليسسه كمان بيطلع شكلو حلو

  10. ام محمد 3 July 2009

    الله مافي اطيب من التمر وخاصة اذا كان فيه لمسات حلوة انا برمضان بشيل النواة من التمر وبصفوبالصحن بطريقة حلوة وبحط فوقه الطحينة ومعلقة عسل وبرش فوقهم سمسم وفستق حلبي ويا سلام
    يسلم دياتك يامنمون دائما بتخلينانطلع من الروتين ونغير :zzz

  11. dado 5 July 2009

    منظرها بياخد العقل.. وحتما طعمتها
    أنا بحب التمر كتير وكنت آكله مع الطحينة بس أو محشي بحبة جوز.. والطعمتين مميزات جدا.
    والوصفات يلي قدمتيهن كتير مغريين 8)
    لكن للأسف هون ما عنا تمر أو بالأحرى بيجي من بلد الله يلعنه ويلعن شعبه وحكامه.
    مع إنو تمر الأراضي الفلسطينية معروف بطعمته المميزة بس مستحيل إني اشتري شي مكتوب عليه (صنع أو غلف في إسرائيل).
    المهم.. أكيد ما رح فوت وصفاتك وخاصة الغيوم لأنو دغدغتلي مشاعري وأنا هلأ جوعانة كتير
    :grin انشالله بس انزل على سوريا بجيب معي تمر.
    والشغلة التانية هي إنو اسم سمسوم عليه حقوق ملكية فكرية لأنو هاد اسم دبدوبي من لما كنت زغيرة :zzz

  12. kuwaiti_girl 5 July 2009

    يم يمي يا منمونه

    كل وصفه احلى من اختها والمسميات بتشهي اكثر واكثر

    واذا بتسمحين بضيف طرق كويتيه للتمر منها التمريه وفيها بينعصج التمر مع السمنه والهيل الناعم واحيانا قليل من مربى المشمش ويقدم او يكور ويمرر بالفستق او السمسم
    او الرنجينه.. وتحشى التمر او الرطب باللوز او الجوز ومن ثم يتم تغطيتها بخلطه من الطحين والزبد والقرفه الناعمه

    واخيرا تمر بالمكسرات وهي تقليب التمر بالزبده والطحين واضافه مكسرات مخلوطه معها ويقدم عاده برمضان :>

    وظهرت وصفات اخرى منها تمر محشي بحلوى الطحينيه او كما نسميه رهش او تغليف التمر بصلصه الككاو اما الابيض او البني

  13. منى 6 July 2009

    هلا نوارة :)
    التمر كيف ما اناكل طيب
    و على فكرة سيما هي الي جربت طريقتك بالول و صار عليها مظاهرة رسمية من الضيوف لان طلعت بتاخد العقل :zzz

    سلم دياتك حبيبتي

  14. منى 6 July 2009

    هلا ام محمد :)

    ممم يا عيني يا عيني , شي بيشهي و كتير سهلة الوصفة الي ذكرتيها, ان شاء الله بجربها قريب
    سلم دياتك على الفكرة ;)

  15. منى 8 July 2009

    هلا دالو حبيبتي :)
    التمر ما في اطيب منه بكل اشكاله و انواعه بقى كيف اذا كان مع الطحينة او مدعوم بالجوز

    خليلي عينك دالو , و الله معك حق مع ان تمر فلسطين ما في اطيب منه , بس كمان الواحد ما بيحسن ينفع هل الولاد ( .. ) شي

    ابوسك انتي و مشاعرك , يا بب تجربي شي وصفة و تعجبك ..

    ممم بقى كان اسمه سمسوم افندي , كمان اسمه نغم متل صاحبته , انا بحياتي ما حويت دبدوب , كان عندي لعبة شعراتها شقر , بتغني و بتمشي . يا حرام شو فعيت فيها و اخر الشي قصيت الها شعراتها, بس طلعت بشعة كتير قمت خبيتها تحت التخت لحتى يطول شعرها قبل ما ماما تشوفها :grin

  16. ام احمد الغالي 31 July 2009

    يسلم دياتك جربت وحده وسميناها انا وزوجي التمر المدلل او دلال التمر :zzz

  17. نور من قبرص 16 January 2014

    وصفات التمر بتشهي وبتكمل حلاوة التمر وجماله وفوائده العظيمة,بقدر احشي التمر جبنة البقرة الضاحكة اوكيري بدل الفيلادلفيا

    • منى 8 July 2014

      اي طبعا بتقدري و بتطلع طيبة فيها :)

  18. نور من قبرص 22 January 2014

    فينانستخدم الجبنة المثلثات اوكيري بحشوة التمر

    • منى 23 January 2014

      اي فيك , مجربتها انا مرة بالكيري

  19. نور من قبرص 23 January 2014

    شكررررررررررررررررررررررراكتير,والله يعطيكي الصحة والعافية على مجهودك الكبير

    • منى 24 January 2014

      منورتينا يا احلى نور

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)