براونيز بكريما الخمس دقايق السرية
· يحضر بادئ العجين , يمزج السكر و الطحين ثم يضاف الحليب و يحرك حتى الحصول على مزيج لزج و سميك .
· يترك بادئ العجين لمدة يوم قبل استخدامه , سنحتاج لكوب واحد منه في وصفتنا أما الكمية الباقية منه فيمكن حفظها في البراد لمدة اسبوع أو عشر أيام بشرط تحريكها كل ثلاثة أيام مع اضافة ملعقة صغيرة من السكر , هذه الخميرة رائعة لكافة أنواع المعجنات و يمكن اضافة بضع ملاعق لاي عجينة معتمدة عندك لنتائج لذيذة جداً .
· تذوب الخميرة في كوب من الماء الدافئ مع السكر و كوب من الطحين ثم تغطي و تترك مدة ربع ساعة حتى تتفاعل الخميرة و تظهر فقاعات على وجهها .
· يمزج مزيج الخميرة مع الزبدة و البيضة و الملح و البيكنغ بودر و الحليب المجفف و كوب من بادئ العجين و يقلب الكل حتى تتجانس المكونات . · يضاف كوبان من الطحين و يعجن الكل لمدة عشر دقائق ثم يضاف باقي الطحين و يعجن حتى تمتزج كل المواد جيداً .
· توضع العجينة على منضدة العمل و تدعك باليد لمدة خمس إلى عشر دقائق حتى تصبح ناعمة و مطاطة ثم تشكل العجينة بهيئة كرة و توضع في وعاء كبير مدهون بالزيت بشكل خفيف .
· يغطى الوعاء باليلاستيك اللاصق و تترك العجينة في مكان دافي حتى يتضاعف حجمها .
· يربت على العجينة المخمرة بلطف حتى تخرج فقاعات الهواء و تترك لترتاح لمدة دقائق بينما تدهن قوالب الخبز بالزيت أو الزبدة و يحمى الفرن على درجة حرارة 180 درجة .
· تقسم العجينة إلى قسمين متساويين , يفرد أول قسم على شكل مستطيل .
· يبرم المستطيل و يلف مثل السويس رول و يوضع في القالب المدهون .
· تكرر العملية مع القسم الباقي ثم توضع العجينة الملفوفة في القالب المدهون , تترك العجينة في القوالب لترتاح و ترتفع مرة ثانية .
· تخبز قوالب التوست في الفرن لمدة 25 أو 30 دقيقة حتى تنتفخ و يحمر السطح .
· يترك التوست ليبرد على مشبك سلك و يدهن الوجه بقطعة من الزبدة بينما لا يزال دافئاً , أصبح التوست جاهزاً يقطع بعد أن يبرد تماماً بسكين حادة إلى شرائح و يستعمل حسب الحاجة .
مقادير الخميرة الأولية :
نصف كوب حليب
نصف كوب سكر
نصف كوب طحين
مقادير التوست :
ملعقة كبيرة خميرة جافة
كوب ماء دافئ
ربع كوب زبدة مذوبة
بيضة مخفوقة قليلاً
ملعقة كبيرة و نصف سكر
1 ملعقة كبيرة ملح
ملعقة صغيرة بيكنغ بودر
3 كوب و نصف طحين
3 ملعقة كبيرة حليب مجفف
- لوجه التوست :
قطعة زبدة
• يحضر بادئ العجين , يمزج السكر و الطحين ثم يضاف الحليب و يحرك حتى الحصول على مزيج لزج و سميك .
• يترك بادئ العجين لمدة يوم قبل استخدامه , سنحتاج لكوب واحد منه في وصفتنا أما الكمية الباقية منه فيمكن حفظها في البراد لمدة اسبوع أو عشر أيام بشرط تحريكها كل ثلاثة أيام مع اضافة ملعقة صغيرة من السكر , هذه الخميرة رائعة لكافة أنواع المعجنات و يمكن اضافة بضع ملاعق لاي عجينة معتمدة عندك لنتائج لذيذة جداً .
• تذوب الخميرة في كوب من الماء الدافئ مع السكر و كوب من الطحين ثم تغطي و تترك مدة ربع ساعة حتى تتفاعل الخميرة و تظهر فقاعات على وجهها .
• يمزج مزيج الخميرة مع الزبدة و البيضة و الملح و البيكنغ بودر و الحليب المجفف و كوب من بادئ العجين و يقلب الكل حتى تتجانس المكونات . • يضاف كوبان من الطحين و يعجن الكل لمدة عشر دقائق ثم يضاف باقي الطحين و يعجن حتى تمتزج كل المواد جيداً .
• توضع العجينة على منضدة العمل و تدعك باليد لمدة خمس إلى عشر دقائق حتى تصبح ناعمة و مطاطة ثم تشكل العجينة بهيئة كرة و توضع في وعاء كبير مدهون بالزيت بشكل خفيف .
• يغطى الوعاء باليلاستيك اللاصق و تترك العجينة في مكان دافي حتى يتضاعف حجمها .
• يربت على العجينة المخمرة بلطف حتى تخرج فقاعات الهواء و تترك لترتاح لمدة دقائق بينما تدهن قوالب الخبز بالزيت أو الزبدة و يحمى الفرن على درجة حرارة 180 درجة .
• تقسم العجينة إلى قسمين متساويين , يفرد أول قسم على شكل مستطيل .
• يبرم المستطيل و يلف مثل السويس رول و يوضع في القالب المدهون .
• تكرر العملية مع القسم الباقي ثم توضع العجينة الملفوفة في القالب المدهون , تترك العجينة في القوالب لترتاح و ترتفع مرة ثانية .
• تخبز قوالب التوست في الفرن لمدة 25 أو 30 دقيقة حتى تنتفخ و يحمر السطح .
• يترك التوست ليبرد على مشبك سلك و يدهن الوجه بقطعة من الزبدة بينما لا يزال دافئاً , أصبح التوست جاهزاً يقطع بعد أن يبرد تماماً بسكين حادة إلى شرائح و يستعمل حسب الحاجة .
مرحبا يا حلوين شو هالتوست بيشهي بس شو الخميرة أنا بعرف بس نوعين الحبيبات و البايكنغ باودر (ريم) ارجو التوضيح و ذكر الاسماء يلي تستعمليها انت و لك خالص امتناني
هلا بتول
أنا استعمل الخميرة الحبيبات التركية , بجيبها من عند كنان الي قريب من المحافظة ..
أما إذا قصدك على الخميرة الاولية فهو المزيج الي حضرناه بالأول
رووووعه وسهل كتير ان شاء الله اجربه قريبا :grin
ان شاء الله اختي ام مالك
و إذا عجبك لا تنسي تدعيلي بالتوفيق 
السلام عليكم و رحمةالله و بركاته
انا هالتوست بدي جربو من اول ما شفتو بس ما صارت فرصة لهلأ يسلم ايديكي شو طالع حلو و لونو بيجنن
بس المشكلة بالكمية انا بدي ساوي بس قالب واحدلاول مرة
انت شو ساويتي اول مرة ساويتيه و شو حطيتي مقادير
اخر سؤال عن حجم قالب التوست يا ريت تقوليلي عليه لان قالبي زغير و شافية ان اللي بالصورة كبير شوي و ناطرة اعرف قالبك قديش طوله و عرضه
ربنا يوفقك و يسهل دربك
سلام
السلام عليكم و رحمة الله و بركاته
اختي منى انا بدي استغني تماما عن السكر فهل هالشي بينفع بعرف انو السكر بيسرع من تفاعل الخميرة بس بدي اعرف ازا استغنينا عنو شو بيتغير و ازا بيطلع الخبز بنفس الجودة
بالتوفيق
سلام
هلا سارونات
النهفة و انا عم ااقرا ردك قالبي بالفرن وريحتو طالعة و بتجنن و انا عاملةنصف الكمية كل المقادير تقسيم اتنين , قالبي بحجم 8 كوب و طوله 30 سم و عرضه 12 سم , بس هو بينفش متل مو شايفة , رح يطلع عن القالب و رح يصير منظره حلو كتير
يا اختي ما فيك تستغني عن السكر فيك تخففي من كميته لان هو اساسي في الوصفة
اي سؤال تاني من عيوني و اسفة للتاخير بالرد
السلام عليكم و رحمة الله و بركاته
لو تشوفي قديش فرحت لما شفت ردك الله لا يحرمني منك
طيب بالنسبة للسكر هو اساسي بالنسبة للطعم او لتفاعل الخميرة يعني لاي حد فيني قلل كميتو في التخميرة الاولية
و ان شاء الله راح جربو قريبا جدا بس ضبط شغلة السكر
بالتوفيق
سلام
بالنسبة للاتنين , في التخميرة الاولية فيك تستخدمي ربع كوب , و نصف الكمية بالنسبة للعجينة , بس انا انصحك أن تحضري التخميرة بشكل عادي و خففي من سكر العجينة
السلام عليكم و رحمة الله و بركاته
جازاك الله خيرا اختي منى و ان شاء الله بخبرك بالنتيجة بعدالتجربة
بالتوفيق
سلام
ان شاء الله
يسلموا ايديكي شوووووووو طيبةةةةةةةة :grin :grin :grin
الله يسلمك
ان شاء الله تجربيه و يعجبك
مرحبا منى
الله يعطيكي العافية على التوست الروعة من ايديك الحلوة شكرا ما شاء الله بجنن
بس يا ترى ممكن نعمله بالطجين الكامل وممكن زيت بدل الزبدة؟
هلا سمورة
اكيد فينا نعملوا بالطحين الكامل , بس بالزبدة أطيب بكتير من الزيت , ما أنصحك تغيريها
رح اغللبك معي شي منى معلش بس وانا اكتب المقادير الطريقة لاحظت انك كتبتي نضيف 4 اكواب طحين باقي الحليب.هل هذا يعني ان كب الحليب المذكر في مقادير التوست هوبقية ما استعملتيه في الخميرة الاولية ولا الكمية هي كوب ونصف
هلا أختي
لا الكمية كوب و نصف ما عدا بادئ العجين و هي كلمة باقي كتبتها بالغلط , هلا رح عدلها ان شاء الله , الف شكر الك للتنبيه
تسلم ايدك اختي
ممكن اخد من العجيمنة لقالب واجد بس وحط الباقي يالفريزر من دون خبز ؟؟؟؟؟؟؟؟؟
نووو ام عمر ابدا ما بيصير , فيك تخبزي الكل و بعدها تخبي منهم بالفريزر
السلام عليكم منونة كيفك
عم فكر ساوي التوست هل كم يوم بس الكمية عم تقولي بتكفي 3 قوالب أنا بدي ساوي قالب واحد يعني قسم المقادير برأيك على 2 ولا 3
كمان بدي أستعمل العجانة بعدها أرجع أعجن بإيدي 10 دقائق و لا العجانة بتكفي الله يديمها
بالنسبة للتخميرة الأولية عم تقولي بتنفع لأي عجينة معتمدة عنا قصدك رح تأثر من حيث الطعم بس ولا إنتفاخ العجينة
هلأ منونة جربتي تحطي العجينتة بدون خبز بالفريزر قام ما زبطت
مشكورة منى و عم استنى ردك
سلام :zzz
هلا سهى
لا تاخديني , راح السؤال عن بالي
انت و قالبك فيك تقسمي على 2 او تلاتة , اذا حابة ما دامها اول تجربة قسميها على 3 , و ممكن تعجنيها بالعجانة اذا كانت بتتحمل
التخميرة الاولية منيحة للطعم , انا اتعودت استعملها و بحس فرق بالعجينة , و انا ما جربت العجينة بالفريزر , بس نظريا ما اتوقعها تظبط :eek
جزاك الله ألف خير على هذه الوصفات المجربة الناجحة عندى سؤال من باب التأكد فقط
الخميرة الأولية أو بادئ العجين يترك يوم كامل قبل الاستخدام خارج الثلاجة أم داخل الثلاجة ضرورى الرد حتى أجرب الوصفة
برة التلاجة اختي , اذا كان الجو عندك برد او معتدل الحرارة , اما اذا كان حر كتير فالافضل انك تحتفظي فيه في البراد
يا من له وجه لا يبلى .
ونور لايطفى .
واسم لا ينسى .
وباب لا يغلق .
وستر لا يهتك .
وملك لا يفنى .
أسألك وأتوسل إليك بجاه سيدنا محمد صلى الله
عليه وسلم
أن تقضى حاجتها ، وتعطيها مسألتها .
جزاك الله ألف خير على الرد
:cry و الله بكيت لما قرات ردك , يا رب الجنة يا رب الجنة ان شاء الله انا و انتي و كل مين قرا , ابوسك على هل الدعوة الغالية , ان شاء الله الك متلها
أنا نفذت التوست وكان أأأأأكثر من رائع جزاك الله ألف خير على هذه الخبرات الرائعة
عندى سؤال إذا سمحتى التخميرة الأولية إيه دورها فى العجينة وخاصة أنها بدون خميرة وما الكمية الممكن وضعها منها فى باقى المخبوزات أى بنسبة – إلى – وماهى العجائن الممكن استخدامها معاها وشكرا اللهم إجعل منى من عتقائك فى هذا الشهر الكريم وبلغها ليلة القدر
هلا ام احمودة
الف صحة و هنا و عوافي يا حق على التوست , كتير انبسطت انك جربتيه و عجبك :zzz
اختي التخميرة الاولية بتعطي طعم مميز للوصفة , و طراوة و ريحة الخبز الطيبة و ممكن تستعمليها لاي عجينة , اي شي كيف ما بتضيفي طحين و مي و زبادي , فيكي تضيفي منها . و النسبة حوالي معلقتين من بادئ العجين لكل كاستين او تلات كاسات من الطحين , بس ممكن بهل الحالة تحتاجي تقللي شوي من كمية السوائل , حسب عجينتك و طحينك
منمون ما عم يزبط معي القسمة على تنين :upset
البيضة مافينا نقسمها على تنين الله يوفقك ساعديني :cry
ام عمر ممكن تكسري البيضة في طبق و تخفقيها بالشوكة شوي و بعدها تاخدي نصها
تسلميلى يا ست الكل
يسلموو كتير حبيبتي ان شاء الله قريبا بجربها وبقلك عالنتايج :zzz
اهــــــــــء :cry :cry جهزت الخميرة وابني نعس رجعت كان مر نص ساعة ولقيت فاير نصهم :cry بس كملت العجينة الله يستر
الله يجزاكي كل خير ام كريم ، كتير طيبة مع انه طار ربع الخميرة بس كمان طلعت تمام ، وقريبا ح ارجع اعملها ان شاء الله
الف الف صحة و هنا و عافية على البك , كتير انبسطت انه زبط معك و طلع يممي , عوافي يا حق
يسلمو ايديكي منى تسلميلي شو فنانة
من زوءك حبيبة قلبي
هاااي منونة
بالصدفة شفت موقعك وعنجد عجبني كتير كتير وباين من الردود انو وصفاتك جنان وانا بدي جربون كلون
انا متزوجة من جديد وما كتير بعرف اطبخ … وحابة ابدأ على ايديك وخصوصي انو اهلي بالشام وانا لوحدي بحلب :cry ومابعرف حدا هون
… هلأ بخصوص التوست بقدر اعجنو على ايدي لانو ماعندي عجانة .. وبتزبط معي ولا لأ ياريت تجاوبيني لانو بكرا بدي اعملو
وشكراااااا كتير منونة
هلا حبيبتي
ان شاء الله جازة الدهر يا رب , الله يسعدكم مع بعض
اي اكيد فيكي تعملي التوست على ايدك من دون عجانة و ان شاء الله بيطلع يمممي