خبز التوست الطري


         وصفة : منى                 2007/03/15                 38 تعليقات
خبز التوست الطري

   ·          يحضر بادئ العجين , يمزج السكر و الطحين ثم يضاف الحليب و يحرك حتى الحصول على مزيج لزج و سميك .

·          يترك بادئ العجين لمدة يوم قبل استخدامه , سنحتاج لكوب واحد منه في وصفتنا أما الكمية الباقية منه فيمكن حفظها في البراد لمدة اسبوع أو عشر أيام بشرط تحريكها كل ثلاثة أيام مع اضافة ملعقة صغيرة من السكر , هذه الخميرة رائعة لكافة أنواع المعجنات و يمكن اضافة بضع ملاعق لاي عجينة معتمدة عندك لنتائج لذيذة جداً .

·          تذوب الخميرة في كوب من الماء الدافئ مع السكر و كوب من الطحين ثم تغطي و تترك مدة ربع ساعة حتى تتفاعل الخميرة و تظهر فقاعات على وجهها .

·          يمزج مزيج الخميرة مع الزبدة و البيضة و الملح و البيكنغ بودر و الحليب المجفف و كوب من بادئ العجين و يقلب الكل حتى تتجانس المكونات . ·          يضاف كوبان من الطحين و يعجن الكل لمدة عشر دقائق ثم يضاف باقي الطحين و يعجن حتى تمتزج كل المواد جيداً .

·          توضع العجينة على منضدة العمل و تدعك باليد  لمدة خمس إلى عشر دقائق حتى تصبح ناعمة و مطاطة ثم تشكل العجينة  بهيئة كرة و توضع في وعاء كبير مدهون بالزيت بشكل خفيف .

·        يغطى الوعاء باليلاستيك اللاصق و تترك العجينة في مكان دافي حتى يتضاعف حجمها .       

·          يربت على العجينة المخمرة بلطف حتى تخرج فقاعات الهواء و تترك لترتاح لمدة دقائق  بينما تدهن  قوالب الخبز بالزيت أو الزبدة و يحمى الفرن على درجة حرارة 180 درجة  .

·          تقسم العجينة إلى قسمين متساويين , يفرد أول قسم على شكل مستطيل    .

·          يبرم المستطيل و يلف مثل السويس رول و يوضع في القالب المدهون .

·       تكرر العملية مع القسم الباقي ثم توضع العجينة الملفوفة في القالب المدهون , تترك العجينة في القوالب لترتاح و ترتفع مرة ثانية  .

·          تخبز قوالب التوست في الفرن لمدة 25 أو 30 دقيقة حتى تنتفخ و يحمر السطح .

·          يترك التوست ليبرد على مشبك سلك و يدهن الوجه بقطعة من الزبدة بينما لا يزال دافئاً , أصبح التوست جاهزاً يقطع بعد أن يبرد تماماً بسكين حادة إلى شرائح و يستعمل حسب الحاجة .   



مقادير الخميرة الأولية :

نصف كوب حليب
نصف كوب سكر
نصف كوب طحين


مقادير التوست :

ملعقة كبيرة خميرة جافة
كوب ماء دافئ
ربع كوب زبدة مذوبة
بيضة مخفوقة قليلاً
ملعقة كبيرة و نصف سكر
1 ملعقة كبيرة ملح
ملعقة صغيرة بيكنغ بودر
3 كوب و نصف طحين
3 ملعقة كبيرة حليب مجفف

- لوجه التوست :

قطعة زبدة

• يحضر بادئ العجين , يمزج السكر و الطحين ثم يضاف الحليب و يحرك حتى الحصول على مزيج لزج و سميك .

• يترك بادئ العجين لمدة يوم قبل استخدامه , سنحتاج لكوب واحد منه في وصفتنا أما الكمية الباقية منه فيمكن حفظها في البراد لمدة اسبوع أو عشر أيام بشرط تحريكها كل ثلاثة أيام مع اضافة ملعقة صغيرة من السكر , هذه الخميرة رائعة لكافة أنواع المعجنات و يمكن اضافة بضع ملاعق لاي عجينة معتمدة عندك لنتائج لذيذة جداً .

• تذوب الخميرة في كوب من الماء الدافئ مع السكر و كوب من الطحين ثم تغطي و تترك مدة ربع ساعة حتى تتفاعل الخميرة و تظهر فقاعات على وجهها .

• يمزج مزيج الخميرة مع الزبدة و البيضة و الملح و البيكنغ بودر و الحليب المجفف و كوب من بادئ العجين و يقلب الكل حتى تتجانس المكونات . • يضاف كوبان من الطحين و يعجن الكل لمدة عشر دقائق ثم يضاف باقي الطحين و يعجن حتى تمتزج كل المواد جيداً .

• توضع العجينة على منضدة العمل و تدعك باليد لمدة خمس إلى عشر دقائق حتى تصبح ناعمة و مطاطة ثم تشكل العجينة بهيئة كرة و توضع في وعاء كبير مدهون بالزيت بشكل خفيف .

• يغطى الوعاء باليلاستيك اللاصق و تترك العجينة في مكان دافي حتى يتضاعف حجمها .

• يربت على العجينة المخمرة بلطف حتى تخرج فقاعات الهواء و تترك لترتاح لمدة دقائق بينما تدهن قوالب الخبز بالزيت أو الزبدة و يحمى الفرن على درجة حرارة 180 درجة .

• تقسم العجينة إلى قسمين متساويين , يفرد أول قسم على شكل مستطيل .

• يبرم المستطيل و يلف مثل السويس رول و يوضع في القالب المدهون .

• تكرر العملية مع القسم الباقي ثم توضع العجينة الملفوفة في القالب المدهون , تترك العجينة في القوالب لترتاح و ترتفع مرة ثانية .

• تخبز قوالب التوست في الفرن لمدة 25 أو 30 دقيقة حتى تنتفخ و يحمر السطح .

• يترك التوست ليبرد على مشبك سلك و يدهن الوجه بقطعة من الزبدة بينما لا يزال دافئاً , أصبح التوست جاهزاً يقطع بعد أن يبرد تماماً بسكين حادة إلى شرائح و يستعمل حسب الحاجة .
  • وصفات تانية ممكن تعجبك


التعليقات

  1. بتول 11 February 2008

    مرحبا يا حلوين شو هالتوست بيشهي بس شو الخميرة أنا بعرف بس نوعين الحبيبات و البايكنغ باودر (ريم) ارجو التوضيح و ذكر الاسماء يلي تستعمليها انت و لك خالص امتناني

  2. منى 11 February 2008

    هلا بتول :) أنا استعمل الخميرة الحبيبات التركية , بجيبها من عند كنان الي قريب من المحافظة ..

    أما إذا قصدك على الخميرة الاولية فهو المزيج الي حضرناه بالأول ;)

  3. أم مــــالــــك 15 April 2008

    رووووعه وسهل كتير ان شاء الله اجربه قريبا :grin

  4. منى 16 April 2008

    ان شاء الله اختي ام مالك :) و إذا عجبك لا تنسي تدعيلي بالتوفيق ;)

  5. سارونات 29 August 2008

    السلام عليكم و رحمةالله و بركاته
    انا هالتوست بدي جربو من اول ما شفتو بس ما صارت فرصة لهلأ يسلم ايديكي شو طالع حلو و لونو بيجنن
    بس المشكلة بالكمية انا بدي ساوي بس قالب واحدلاول مرة
    انت شو ساويتي اول مرة ساويتيه و شو حطيتي مقادير
    اخر سؤال عن حجم قالب التوست يا ريت تقوليلي عليه لان قالبي زغير و شافية ان اللي بالصورة كبير شوي و ناطرة اعرف قالبك قديش طوله و عرضه
    ربنا يوفقك و يسهل دربك
    سلام

  6. سارونات 6 September 2008

    السلام عليكم و رحمة الله و بركاته
    اختي منى انا بدي استغني تماما عن السكر فهل هالشي بينفع بعرف انو السكر بيسرع من تفاعل الخميرة بس بدي اعرف ازا استغنينا عنو شو بيتغير و ازا بيطلع الخبز بنفس الجودة
    بالتوفيق
    سلام

  7. منى 6 September 2008

    هلا سارونات :)
    النهفة و انا عم ااقرا ردك قالبي بالفرن وريحتو طالعة و بتجنن و انا عاملةنصف الكمية كل المقادير تقسيم اتنين , قالبي بحجم 8 كوب و طوله 30 سم و عرضه 12 سم , بس هو بينفش متل مو شايفة , رح يطلع عن القالب و رح يصير منظره حلو كتير

    يا اختي ما فيك تستغني عن السكر فيك تخففي من كميته لان هو اساسي في الوصفة ;)
    اي سؤال تاني من عيوني و اسفة للتاخير بالرد

  8. سارونات 6 September 2008

    السلام عليكم و رحمة الله و بركاته
    لو تشوفي قديش فرحت لما شفت ردك الله لا يحرمني منك
    طيب بالنسبة للسكر هو اساسي بالنسبة للطعم او لتفاعل الخميرة يعني لاي حد فيني قلل كميتو في التخميرة الاولية
    و ان شاء الله راح جربو قريبا جدا بس ضبط شغلة السكر
    بالتوفيق
    سلام

  9. منى 6 September 2008

    بالنسبة للاتنين , في التخميرة الاولية فيك تستخدمي ربع كوب , و نصف الكمية بالنسبة للعجينة , بس انا انصحك أن تحضري التخميرة بشكل عادي و خففي من سكر العجينة ;)

  10. سارونات 8 September 2008

    السلام عليكم و رحمة الله و بركاته
    جازاك الله خيرا اختي منى و ان شاء الله بخبرك بالنتيجة بعدالتجربة
    بالتوفيق
    سلام

  11. منى 8 September 2008

    ان شاء الله

  12. zaha 24 September 2008

    يسلموا ايديكي شوووووووو طيبةةةةةةةة :grin :grin :grin

  13. منى 1 December 2008

    الله يسلمك :)
    ان شاء الله تجربيه و يعجبك ;)

  14. samar2005 21 December 2008

    مرحبا منى
    الله يعطيكي العافية على التوست الروعة من ايديك الحلوة شكرا ما شاء الله بجنن
    بس يا ترى ممكن نعمله بالطجين الكامل وممكن زيت بدل الزبدة؟

  15. منى 22 December 2008

    هلا سمورة :)
    اكيد فينا نعملوا بالطحين الكامل , بس بالزبدة أطيب بكتير من الزيت , ما أنصحك تغيريها ;)

  16. samar2005 22 December 2008

    رح اغللبك معي شي منى معلش بس وانا اكتب المقادير الطريقة لاحظت انك كتبتي نضيف 4 اكواب طحين باقي الحليب.هل هذا يعني ان كب الحليب المذكر في مقادير التوست هوبقية ما استعملتيه في الخميرة الاولية ولا الكمية هي كوب ونصف

  17. منى 22 December 2008

    هلا أختي :)
    لا الكمية كوب و نصف ما عدا بادئ العجين و هي كلمة باقي كتبتها بالغلط , هلا رح عدلها ان شاء الله , الف شكر الك للتنبيه ;)

  18. ام عمر 10 February 2009

    تسلم ايدك اختي
    ممكن اخد من العجيمنة لقالب واجد بس وحط الباقي يالفريزر من دون خبز ؟؟؟؟؟؟؟؟؟ ;)

  19. منى 11 February 2009

    نووو ام عمر ابدا ما بيصير , فيك تخبزي الكل و بعدها تخبي منهم بالفريزر ;)

  20. souha 5 April 2009

    السلام عليكم منونة كيفك
    عم فكر ساوي التوست هل كم يوم بس الكمية عم تقولي بتكفي 3 قوالب أنا بدي ساوي قالب واحد يعني قسم المقادير برأيك على 2 ولا 3
    كمان بدي أستعمل العجانة بعدها أرجع أعجن بإيدي 10 دقائق و لا العجانة بتكفي الله يديمها
    بالنسبة للتخميرة الأولية عم تقولي بتنفع لأي عجينة معتمدة عنا قصدك رح تأثر من حيث الطعم بس ولا إنتفاخ العجينة
    هلأ منونة جربتي تحطي العجينتة بدون خبز بالفريزر قام ما زبطت
    مشكورة منى و عم استنى ردك
    سلام :zzz

  21. منى 15 April 2009

    هلا سهى :)
    لا تاخديني , راح السؤال عن بالي

    انت و قالبك فيك تقسمي على 2 او تلاتة , اذا حابة ما دامها اول تجربة قسميها على 3 , و ممكن تعجنيها بالعجانة اذا كانت بتتحمل

    التخميرة الاولية منيحة للطعم , انا اتعودت استعملها و بحس فرق بالعجينة , و انا ما جربت العجينة بالفريزر , بس نظريا ما اتوقعها تظبط :eek

  22. أم أحمودة 1 September 2009

    جزاك الله ألف خير على هذه الوصفات المجربة الناجحة عندى سؤال من باب التأكد فقط
    الخميرة الأولية أو بادئ العجين يترك يوم كامل قبل الاستخدام خارج الثلاجة أم داخل الثلاجة ضرورى الرد حتى أجرب الوصفة :)

  23. منى 1 September 2009

    برة التلاجة اختي , اذا كان الجو عندك برد او معتدل الحرارة , اما اذا كان حر كتير فالافضل انك تحتفظي فيه في البراد ;)

  24. أم أحمودة 2 September 2009

    يا من له وجه لا يبلى .
    ونور لايطفى .
    واسم لا ينسى .
    وباب لا يغلق .
    وستر لا يهتك .
    وملك لا يفنى .
    أسألك وأتوسل إليك بجاه سيدنا محمد صلى الله
    عليه وسلم
    أن تقضى حاجتها ، وتعطيها مسألتها .
    جزاك الله ألف خير على الرد
    :)

  25. منى 2 September 2009

    :cry و الله بكيت لما قرات ردك , يا رب الجنة يا رب الجنة ان شاء الله انا و انتي و كل مين قرا , ابوسك على هل الدعوة الغالية , ان شاء الله الك متلها

  26. أم أحمودة 14 September 2009

    :) السلام عليك يا أختى منى
    أنا نفذت التوست وكان أأأأأكثر من رائع جزاك الله ألف خير على هذه الخبرات الرائعة
    عندى سؤال إذا سمحتى التخميرة الأولية إيه دورها فى العجينة وخاصة أنها بدون خميرة وما الكمية الممكن وضعها منها فى باقى المخبوزات أى بنسبة – إلى – وماهى العجائن الممكن استخدامها معاها وشكرا اللهم إجعل منى من عتقائك فى هذا الشهر الكريم وبلغها ليلة القدر

  27. منى 14 September 2009

    هلا ام احمودة :)
    الف صحة و هنا و عوافي يا حق على التوست , كتير انبسطت انك جربتيه و عجبك :zzz

    اختي التخميرة الاولية بتعطي طعم مميز للوصفة , و طراوة و ريحة الخبز الطيبة و ممكن تستعمليها لاي عجينة , اي شي كيف ما بتضيفي طحين و مي و زبادي , فيكي تضيفي منها . و النسبة حوالي معلقتين من بادئ العجين لكل كاستين او تلات كاسات من الطحين , بس ممكن بهل الحالة تحتاجي تقللي شوي من كمية السوائل , حسب عجينتك و طحينك ;)

  28. ام عمر 2 January 2010

    منمون ما عم يزبط معي القسمة على تنين :upset
    البيضة مافينا نقسمها على تنين الله يوفقك ساعديني :cry

  29. منى 3 January 2010

    ام عمر ممكن تكسري البيضة في طبق و تخفقيها بالشوكة شوي و بعدها تاخدي نصها ;)

  30. ام عمر 3 January 2010

    تسلميلى يا ست الكل :) :) :) ;)

  31. OmEna 23 February 2010

    يسلموو كتير حبيبتي ان شاء الله قريبا بجربها وبقلك عالنتايج :zzz

  32. OmEna 24 February 2010

    اهــــــــــء :cry :cry جهزت الخميرة وابني نعس رجعت كان مر نص ساعة ولقيت فاير نصهم :cry بس كملت العجينة الله يستر :x

  33. OmEna 25 February 2010

    الله يجزاكي كل خير ام كريم ، كتير طيبة مع انه طار ربع الخميرة بس كمان طلعت تمام ، وقريبا ح ارجع اعملها ان شاء الله ;)

  34. منى 25 February 2010

    الف الف صحة و هنا و عافية على البك , كتير انبسطت انه زبط معك و طلع يممي , عوافي يا حق :)

  35. ام هادي 7 May 2012

    يسلمو ايديكي منى تسلميلي شو فنانة

  36. منى 12 May 2012

    من زوءك حبيبة قلبي

  37. تاج 14 May 2012

    هاااي منونة
    بالصدفة شفت موقعك وعنجد عجبني كتير كتير وباين من الردود انو وصفاتك جنان وانا بدي جربون كلون
    انا متزوجة من جديد وما كتير بعرف اطبخ … وحابة ابدأ على ايديك وخصوصي انو اهلي بالشام وانا لوحدي بحلب :cry ومابعرف حدا هون
    … هلأ بخصوص التوست بقدر اعجنو على ايدي لانو ماعندي عجانة .. وبتزبط معي ولا لأ ياريت تجاوبيني لانو بكرا بدي اعملو
    وشكراااااا كتير منونة

  38. منى 15 May 2012

    هلا حبيبتي :)
    ان شاء الله جازة الدهر يا رب , الله يسعدكم مع بعض

    اي اكيد فيكي تعملي التوست على ايدك من دون عجانة و ان شاء الله بيطلع يمممي ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)