براونيز بكريما الخمس دقايق السرية
عنب ( الكمية حسب الرغبة )
• تفرط حبات العنب و تغسل جيداً.
• توضع حبات العنب بخلاط الكوكتيل و تضرب ثم توضع في مرطبان و تكرر العملية حتى يمتلئ المرطبان.
• يغلق المرطبان جيدا و يكتب تاريخ اليوم عليه ولا يفتح المرطبان أبدا أبدا قبل 41 يوم و كل ما طول أكثر رح تحصلي على خل أطيب نحن منخلي 3 أشهر .
• بعد مرور 41 يوم يفتح المرطبان و يصب المزيج على مصفاية ألمنيوم و تحتها طشت و يعصر باليدين ثم يصفى العصير بشاشة نظيفة و يعبئ في زجاجات .
ملاحظات :
إذا كان عندك مربى قديمة ما بيحبوها الأولاد حطيها خلطيها مع العنب لأنو السكر بيساعد في التخليل .
انا ممنونة الوصفة سهى , جربتها و هلا هي بالمرطبان ..ما اتوقعتا كل هل الادة سهلة , هلا انا اضفت سكر من دون مربى , ما دامه احسن للتخليل , بقى خللوه :grin
رح نزل صورة لوصفتك و صورة لمرطباني بس بكرة ان شاء الله :zzz
انا مشتركة جديد معكن
بس من زمان بتابع الموقع بس بجد يسلمو ايديكي على هل الوصفات والاكلات اللذيذة 
هلا اماني
مية السلامة بهل القامة , شرفتي اختي و اتمنى تبقي معنا على طول
السلام عليكم اخت سهى بس حبيت اسالك انتي قلتي بتتركوا الخل ل 3 شهور طيب يا ترى ما ممكن يتحول لنبيد؟
بعرف اكتر من 40 يوم ما بصير يبقى والا بيتحول الخل لكحول ؟؟؟ يا ترى معلوماتي دقيقة ؟
شكرا سهى كتير سهل
بجربوا قربيا
يلا سلام
بس سؤال خل التفاح بيصير بنفس الطريقة ولا كيف ؟
تسلم ايديكي يا سهي طريقة سهلة كتير ان شاء الله بجربهاليصير موسم العنب
منونة صباح الخير حبيبتي ..
الله يسلم ايديك ياعسل
أنا مساوية خل عنب من أسبوعين بس حاطة العنقود كامل ياترى بيظبط ولا لأ
حبيبة قلبي سهى في سؤال عن الفليفلة الحمراء بوصفتك الفليفلة مع الفيتا شوفي ورديلي
يعطيكي ألف عافية أخت سهى وتسلم إيديكي يارب لأن عطيتينا سر من أسرار المطبخ ,
وأكيد عالتجريب فورا بس العنب المستخدم هو العنب الأبيض ولا أي نوع بيمشي الحال؟
لأن أول مرة أجربه و مش شايفته قبل ,
لأن المتوفر عندنا خل التفاح وخل القصب بس .
وأتوقع أخت gsm إن فيه فرق كبير جدا بين صناعة الخل والكحول ومش نفس الطريقة أبدا , ودايما الناس بيتلخبطوا بينهم كثير.
تحياتي للجميع
السلام عليكم ورحمة الله وبركاته
سلم دياتك سهى على هالوصفة المفيدة بدي اسالك العنب الموجود عندي كتير حلو في مشكلة يعني ما بيهم الطعم وكمان فينا نخلط عنب احمر واخضر ولا لازم يكون العنب فرد شكل الف شكر
مسا الخيرات و الورد بشورة :zzz
و كل الاخوات الغاليات
من كم يوم كبيت شي كيلو عنب للاسف كانوا دبلانين وبديانين ينتزعوا …كانوا خرج خل
يلا بجربها اكيد ..الف شكر سهى …لانه هالوصفة مهمة لانه خل السوق في مواد كيميائية وحاليا زوجي عم يشرب بعد الاكل كاسة مي فيها خل مشان ينحف …لذلك اذا كان الخل طببيعي احسن واحسن
فعلا وصفة مفيدة كتيرخاصة الخل الموجود بالسوق اغلبو مو مضمون شو فيو واذا كان طبيعي ولا لأ
وفي حديث شريف عن الرسول صلى الله عليه وسلم نعم الادام الخل .لهيك ضروري كل ست بيت تحضر خلاتها بايدها ويا ريت اذا حدا بيقدر يفيدنا بخل التفاح :grin
شلونك منمن ان شاء الله كل ايامك خير وسعادة وصحة :roll
مرحباكيفكم صباياوحدة وحدة تسلملي بنات حلب وغير حلب وخصوصا انت يا منى :zzz
انا جديدة معكم وان شالله منبقى سوا
السلام عليكم كيفك منونة
كتير فرحت إنك جربتي الوصفة و انشاء الله بعد ما تعصري يطلع طيب و يعجبك و انشاء الله صحة و عوافي
بتعرفي امبارح بعد ما رحتي قلتلها لماما نحن نسينا نضيف منى قهوة بس صار أنو تأخرتي و كانت السفرة جاهزة لذلك هي ما حسبنالك ياها يله الجايات أكتر من الرايحات عفكرة اليوم دخلت على الموقع بالصدفة و إذ الوصفة نازلة بنفس تاريخ عيد ميلادي سبحان الله شلون بتصير الصدف 8)
بالنسبة للصورة منى لون الخل بالحقيقة أكشف من هيك بكتير بس حطيت ورا الصورة أرتي غامق مشان يعطي أنعكاس حلو على التصوير و خل التفاح أكشف و من بعيد بتحسبي عصير أناناس من كتر مو لونو حلو يالله عم أستنه صورة المرطبان
سلام
شكرا على هالوصفه بيعش الواحد وبتعلم حتى واو صار عمره 100 سنهشكرامره اخرى
هلا بشرى كيفك
بالنسبة لخل التفاح بتجيبي أي نوع تفاح و ممكن تستخدمي التفاح الناعم و ما ضروري يكون من نوعية ممتازة و بتغسلي منيح و بعدين بتقسمي أربع أرباع و بدون تنضيف البذور بس إذا في مناطق مضروبة بالتفاحات بتنضفيها و لازم تنتبهي أحيانا بعض التفاح بيكون لاحقتو دودة كمان بتنضفي محلها و بتغسليها و بتحطي التفاحات بمرطبان و بتغلي ماء مع سكر و بتصبي فوق التفاح بالنسبة لخل العنب ما بيحتاج ماء لأنو هو فيو عصير بعدين بتختمي المرطبان و بترخي عليه و ما بتفتحي لبعد مرور 41 يوم و بتصفي و إذا نعصر معك بيكون أحسن بس ممكن التفاحات يضلو قاسيات و صحة و هنا
هلا سمسة كيفك
حبيبتي أنا بصراحة مو مجربة أنو حط العنب بالعنقود مع إني سمعانة بهالطريقة لذلك إذا نجحت معك ياريت تخبريني مشان كلنا نستفيد و في شغلة كمان أنا ما جربت بكامل العنقود خفت يعفن و تلحقو دودة و بالطريق يلي ذكرتها بيطلع الخل نضيف
سلام
شايفة ام السوس , بقى لهيك ما حسبتها للعزيمة ابدا ابدا , بدي واحدة تانية و ما تنسي فيها القهوة لحتى احسبها :grin
ااقلك حل اسهل , انك تعلمينا الوصفات الي عاملتيها , التيراميسو الختيررر و الفطيرة الي بتاخد العقل و كمان الايتش , اما اليالنجي امنت عليه طريقته علمتينا ياها من قبل
عن جد سهى ما شاء الله عليك , الحكي مو متل الشوف و التصوير مو متل لما الواحد بيشمر عن اكمامه و بيدوق , الله يسلم هل الديات , الله يسلم ايديك و ايدين الماما و انا كتير ممنونة هل الجمعة الحلوة الي اتذكرتيي فيها :zzz
سهى ان شاء الله رح جرب خل التفاح كمان على طريقتك ..
بالنسبة لخل العنب ما بعرف انا ما رخيت المرطبان , بالعكس شديت عليه كتير منيح , بقى شو ؟ خبصت و الا ماشي الحال ؟
سلام خاص لماما
سها انا سمعت عن الاكلات الطيبة يميميميي
ماشاء الله عليكي بحس طبخك بيجننن
وهلا
مرحبا سها
شوفي حبيبة قلبي أنا مالي زعلانة أبدا لأنك ماعزمتينا
يعني لافنجان قهوة ولا تيراميسيو مو معقولة على الأقل تعطينا المقادير منشان نحس أنو نحنا معكن
لا لا لا
شريرة انا :grin
مسا الخير اناشلون بدي ادخل وصفة معكم ولا مو مسموح :sigh
هلا جمانة
مية السلامة فيك اختي , شرفتي و نورتي الموقع
هلا سوزان
سالت عليك العافية و الخير دوما يا حلوو
لا بالعكس جمانة , رح كون ممنونتك :zzz
فيكي تبعتي ايا وصفة كرد عادي و انا رح انشرها باسمك
نطالب سها بشي وصفة من اختيارها
يعني مو شرط التيرامسو
اي شي كرمال هيك نحس انا كنا مع بعض
نيالك يا منى
هلا gsm
حبيبتي أنا سألت شخص بيعرف بأمور الشرع و هالأمور وقلي ما لازم ينفتح الخل قبل 41 يوم و كمان سألت أم رفيقتي لأنو والدها الله يرحمو كان يعمل خل و قالتلي نفس الحكي و كمان قالتلي كلما تعتق الخل كل ما طلع أطيب و سألت ناس مسيحيين كمان نفس الجواب لذالك اتشجعت و ساويتو و انشاء الله تجربيي و يعجبك
سلام
هلا منونة
حبيبتي أنا قصدت بكلمة بترخي عالمرطبان أنو تكتبي تاريخ اليوم يلي ساويتي فيو بس كتبت الكلمة بالعامية أم هيك طلعت :grin
بالنسبة للأكلات تكرم عيونك بس بدي تصبري علي شوي و ا،شاء الله ببعتهن مصورات خطوة بخطوة
هلا لارمينا كيفك
حبيبتي أي نوع عنب بيمشي حالو حتى أنا بتذكر نانتي الله يرحمها كانت تخلط تفاح و عنب و قشر دراق و فواكه تانية و يطلع خل طيب كتير بس لون العنب أعتقد بيأثر على اللون النهائي للخل بس ما بيهم الأهم الطعمة و بس تجربي خبريني عن رأيك و عوافي مقدما
هلا أم نور
حبيبتي ما بيهم أنو العنب حلو بالعكس السكر بيسرع التفاعل بس أهم شي بالنسبة لخل العنب أنو ما تحطي معو ماء لأنو أنا و ماما عملنا كمية خل كبيرة كأنو رح نشتغل بالتصدير :grin و مرة حطينت ماء و مرة بدون ماء يلي حطينالو ماء طلع سايط بس خل التفاح بدو ماء و فيكي تخلطي أنواع عنب على كيفك ما بيهم
سلام
هلا بشرى
كيفك
أنا بتشكرك على الكلمات الحلوة و بشكرك أنك جربتي من الوصفات و إنشاء الله صحة و هنا
كمان بدي أسألك أنت كنت معنا بنابلس ولا أنت و منى رفقة من أيام الجامعة
هلا ام السوس
هلا فهمت :grin , الصراحة ما خطر ببالك ابدا انك قاصدة التاريخ , معناها شغلي في السليم ان شاء الله ..
هيك المرطبان تمام او في ملاحظات ؟
على مية مهلك سهى , المهم انك لما بتفضي تعلمينا كم وصفة على زووءك و لو كمان كاتو الفراشات ما منقول لا , شو انتي كريمة و نحنا منستاهل :zzz
أهلين سهى صباح الخير
إلي الشرف ولمنى الفضل إني تعرفت عهالناس الطيبة
أما كيف بعرف منى بقى لا هي ولا هي والله ياسهى :grin
اي سها بدنا كاتو الفراشات اذا مو صعب
واذا صعب اي نوع بتحبيه
شفتي شو انا مسايرة هههههههههههههه
السلام عليكم
هلا منى يا ستي شغلك في السليم و هالمرطبانات كتير بشوفون ظراف و بيحفظو الأكل منيح و مو بقيان كتيير لحتى تفتحي المرطبان يعني قبل العيد بأسبوع و على سيرة العيد كل عام و أنت بخير مقدما وكل الصبايا
بشرى تسلميلي حبيبتي بس أنا كنت قاصدة ضحى بهالتعليق بس خطأ مطبعي :roll و أنا كمان إلي الشرف أنو تعرفت عالصبايا و ‘نشاء الله الله بيجمعنا بالجنة متل ما جمعنا في الدنيا آمين
كيفك ضحى
تكرم عيونك بس متل ما قلتلها لمنى هالفترة في مذاكرات للطلاب و تصحيح بتعرفي و إنشاء الله بأقرب فرصة و كاتو الفراشات مو صعب بس بدو طولة بال
مرحباااا يا حلوووين
مشتاقيتلكم كتير كتير لما خطبت ما كنت عارفه انه الخطبه راح تاخدني من احلى ستات بالدنيا و بصراحه الكل عتبان عليي لآني مقصره بالسؤال بس جد دايما بفكر فيكن و بحكي لحالي يا ترى شو الوصفات الجديده الي نزلت و انا غايبه عن هالمكان الحلوا ابو ريحه بتشهي :zzz
ست منى مافي مجال انه يكون في زاويه تنزل فيها الوصفات الجديده اول بأول ؟؟؟
لآنه مو دايما بتكون نازله بالصفحه الرئيسيه على ما أعتقد فيا ريت تنتبهوا لهالشغله لآني دايما بفوت و ببحبش بكل السايت و انا بدور شو في وصفات جديده
مشتاااقيتلكم كتير و بحكيلكم كل عام و انتوا بألف خير لآنه الشتويه دخلت و الحمد لله الأمطار ما وقفت من يومين بالاردن و عمااان ريحتهااا بتشهي بالشتااا بالزبط متل هالسااايت
و مره تانيه miss u all
يعطيكي العافية ياسهى لسه الوصفة بالصور اروع واروع
بس شو ضحكت على بترخي …لانه حتى انا فكرت انه قصدك ترخي ايدك عن المطربان مشان يدخل الهوا :grin
بس شو مشان العزيمة …مو حلوة منكن تشوفوا بعض من ورانا …ع كل حال عزمت حالي لعندك مسبقا …شي شهر وجاية ع حلب والله يعينكن ماتاخدوني :grin :grin
عم بمزح معكن الله يقويكن وتتحفونا بوصفات كمان وكمااان
رنون اي موتكرم عيونك , احلى جمعة لهل العيون الحلوة , بركي انتي و ندوشة و بشورة و كل مشتهي :zzz
هلا امونة
و لا يهمك حبيبتي ايااامك هلا اتهني فيها يوم بيوم , ربي يسعدك و تشوفي من هل الزلمة كل الخير و يشوفك شمس و قمر , انت و بس :zzz
امونة دايما الوصفات الجديدة بتكون على الصفحة الرئيسية و كل ما نزل وصفة بتروح واحدة قديمة , ما فيني حط كتير على الصفحة الرئيسية و الا بيصير تحميلها صعب على الي بيفوتوا لاول مرة :roll
هادا بس من زووءك , ربي يبعت الخير و نحنا كمان المطر ما وقف من كم يوم و اجا البرتقال و اعلن الشتي وصوله بشكل رسمي
ربي يسلمك يا ست منى على هالدعوه الحلوه و تشوفي حبيبتك عروس يا رب
طيب ما بينفع يكون في قسم زي الحلويات و المشروبات تنزل فيه الوصفات الجديده اسبوع زمن بعدين تتأرشف تحت البند الي بتنتمي اله
ما بعرف بس الفكره انه الواحد يمكن يقعد كم يوم ما يدخل الموقع و يمكن ما يعرف انه في شي جديد
لووولز غلبتك انا بس يعني بنحاول نعمل شي يرحنا و يغلبكم شوي :upset :grin
هلا بالنسبه للخل ما فهمت في يعني فرق بين خل العنب الاحمر و الابيض؟؟؟
امون شوي صعب , رح يصير خريطة و شوربة و مخلوطة هيك :grin
امين امين , انت و كل الغوالي على البك
شكراً أخت سهى على الوصفة المهمة .. جهزت الخل البارحة وبانتظار النتيجة بعد 41 يوم .. عصرت العنب بإيدي بدل الخلاط حتى ما تنطحن البذور لأني جربت تحضير دبس الرمان بطريقتين .. مرة بالخلاط ومرة عصر باليد وبالطريقة التانية كانت أفضل بكتير.
مرحبا صباياشلونكموالله اشتقتلكم صايرين انتو سلوتي شلونها حلب صارت الدنيا برد ولا لسه شلونك منى كني ماعجبتك الوصفة ولا لا :cry
ايا وصفة جمانة ؟؟ ليكون بعتي شي و ما وصلني :roll
حلب بلشنا مطر و بررررد و من يومين مديت السجاد و الصيفي و الشتوي ..
رجعت الشتوية :zzz
هلا رنا
بتنور حلب بجيتك و إنشاء الله أحلى جمعة بتستناك 
هلا أمونة
نحن كمان مشتاقينلك بس منعرف إنك مشغولة بس مادام بالخير الله يهنيك و يتمم عليك بالخير و السعادة
بالنسبة للعنب الأحمر و الأبيض أكيد في فرق باللون بس الطعمة أنا مو مجربة الخل إلا بالعنب الأحمر :zzz
السلام عليكم أخ آرام
شكرا إلك لتجريب الوصفة و بالنسبة للعصر مو مهم لأنو الخل رح يتصفى بشاشة ناعمة و أنا بنتظار رأيك بعد 41 يوم و صحة و عوافي
السلام عليكم يا صبايا
بالنسبة لخل التفاح أنا ذكرت أنو مو ضروري ينعصروا التفاحات بس رجعت سألت و دقدست طلع ضروري ينعصروا لأنوا رح يزيدو تركيز الخل و في معلومة عرفتها من شخص كيماوي أنو بعد ما تعصروا التفاح لا تصفوا التفل و رجعوا خلطو العصير مع التفل بنفس المرطبان و عيفوا 3 – 4 أيام بتضمنوا أنو ما يضل في كحول بالخل و أنا شفت المعلومة منطقية لأنو أهل زمان كانوا يقولوا لما بيتعتق الخل بيصير أطيب لأنو الخل بيمر بالمراحل التالية كحول ثم حمض ثم خل و إنشاء الله يكون شرحي وافي و صحة و هنا
سلام
ام السوس يعني نعصرهم على الخلاطة تبعة الكوكتيل و الا شو ؟؟
انا سمعت في بيدروها على ماكينة الكبة
شغلة تانية , في ناس قالولي ان الاماية ضرورية , و الاماية يعني خل من مرة سابقة , شو رايك :zzz ؟
هلا منى
نحن عصرنا على عصارة الجزر يلي من جهاز أمي بس بعد نص الشغل مدري شو صرلى ضربت الكهربا فغلقنا على عصارة الكوكتيل و بالنسبة للأماية مو سمعانة بهالطريقة بس بخطرلي مو ضروري لأنو التفاح رح يتفاعل خاصة أنو معو سكر و أنا سألت أكتر من شخص على طريقة الخل و لا حدا ذكر قصت الأماية
سلام
مرحبا أخت سهى
أخيرا صاروا 41 يوم .. عصرت الخل وصفيته .. طعمته روعة بس فيها شوية حلاوة .. يا ترى طبيعي هالشي ولا فيه مشكلة .. لأنو خل السوق فيه طعمة حموضة لاذعة أكتر !
أخت منى جربتي خل التفاح ولا لأ .. يا ريت إذا جربتيه تعطينا ملاحظاتك :roll
السلام عليكم
أخ آرام شكرا لتعليقك و لتجريبك الوصفة
بالنسبة لطعمة الخل البيتوتي لا يمكن أنو تقارنها بالخل الصناعي لأنو طريقة التصنيع مختلفة و بيعتمدو على مواد كيماوية أما بالنسبة لطعمة الحلاوة فما بعرف أديش أنت حطيت سكر لأنو السكر و ظيفتو تسريع التفاعل و من خلال تجربتي لاحظت أنو السكر بيعطي طعمة أطيب للخل
جوز جارتي كيماوي و بيعمل خل بيتوتي و ما بيحط سكر بس لما ضيفتون من الخل يلي عاملتو قلي مع السكر أطيب بكتير
و على فكرة نحن من فترة فتحنا خل التفاح كمان طيب جربوا بالطريقة يلي ذكرتها و إنشاء الله بيعجبك
سلام
على فكرة انا ما صفيته بالشاشة لان حبيت هل الاشياء الناعمة الي فيه كتير و كمان اذا لاحظتي في فرق باللون بين المراطبين لان واحد من خل اصفر و واحد من خل أحمر 8)
سهى اليوم فقت الصبح و صفيت الخل , المفروض صفيه من شهر , بس بما انك قلتي بتخليه تلات اشهر طولت بالي عليه .
مو معقولة الطعمة , يعني شي بياخد العقل , بديع و انا مو مسدقة النتيجة , متل ما قال ارام فيه طعمة حلاوة خفيفة بس كتير كتير طيبة ,
انا السنة الماضية جربت خل بس بغير طريقة و النتيجة هل السنة لا يمكن مقارنتها بالسنة الماضية , بتعرفي شو , طول ما عم ملي القناني عم ادعيلك و عم اشكر ربي , الحمد لله الذي علمنيه من غير حول مني و لا قوة
الف الف شكر الك و لماما , و بانتظار ايا شي بيطلع من مطبخكم
اخي ارام لسا ما جربته , بس بعد خل العنب لازم جربه اكيد ان شاء الله
السلام عليكم
بس شو هنين …….؟ خليها سر 
منونة أنا كتيييير مبسوطة لأنو الخل نجح و حبيتوهلأ أنتو عم تحسو أنو فيو طعمة حلاوة شي طبيعي لأنو العنب بالأساس حلو كمان الخل ما بيكون حامض متل عصير الليمون أو الحصرم بتعرفي منونة أنا بحط للسلطة خل و عصير ليمون بس شو بتطلع سلطة دوقي و دعيلي على سيرة الدعوات بتشكرك والله يجعلن من نصيبي و لك مثلهم إنشاء الله
منونة بدي قلك أنا من فترة بعتلك وصفة شوربة يا ترى وصلت و لأ وإلك عندي مفاجئتين قريبا
سلام
اااامين يا رب , الله يخليلي ياكي ام السوس , رح جرب السلطة مع خلي اللذيذ و الليمون , يييمممم
الشوربة وصلت , و المفااجاة بس لتكون واحدة منهم صورة جماعية للسفرة الي عملتيلنا ياها :eek
اخر سؤال ام السوس , كيف رح احفظ الخل , بالبراد و الا شو ؟
على فكرة هلا عم اشرب من الخل ,عن جد بيااااخد العقل , ابوس روحك سهى
السلام عليكم
صباح الخير منونة
الخل ما بدو براد حطي بأي خزانة عادية نحن عنا خزانة على البلكون منحطو فيها
سلام :zzz
مممم , علم , هلا رح طالع القناني على المقززة ان شاء الله
يسلم ايديكي سهى
انا جربت خل التفاح من يومين على الطريقه الي كاتبتيها لبشرى وبانتظار النتائج… ياريت تنزلي الطريقه بالتفصيل تماما حتى اتاكد انو كلو تمام و ما غلط انا عملت مرتبان بتفس الحجم الي محطوط بالصوورة من شان هيك مااعتقد رح يعطي خل اكتر من فنجان شاي ..
ندوشة هل المرطبان الي بالصورة عطاني حوالي اللترين و نص , شلون ما بعرف :zzz
السلام عليكم
هلا نادين بالنسبة لخل التفاح هلأ واقع تحت إيدي طريقة جديدة عم يقولولي أنو طيبة كتير لذلك بدي جربها و يلي بتطلع أطيب ببعتها إنشاء الله :zzz بس الموضوع بدو شوية وقت
سلامي للجميع
ام السوس انا رح استنى طريقتك لكن لحتى جرب , كنت موصية على تفاح , هلا رح الغي التوصاية ..
سهى الخل هلا و بعد حوالي الاسبوعين من عصره صار حامض و اختفت فيه طعم الحلاوة الي كانت اول ما عصرته , يا ترى هيك تمام و الا في شي انا معفسته :roll
راح أجرب الوصفة قريبا… شكرا جزيلا
السلام عليكم
هلا منى شغلك مزبوط لأنو الخل كل ما تعتق بيحمض أكتر
————–
هلا swan
إنشاء الله بتجربيها و بتعجبك و عم أستناه رأيك
سلامي للجميع
مرحبا
من كتر ما صار تعليقات على خل التفاح ضا عت على الطريقة وفتت بالحيط وما فهمت شي
ياريت لو تنزل طريقة خل التفاح بالتفاصيل لحالها بوصفة او تتوضح من قبل الاخت سهى عن جديد ولكم جزيل الشكر والامتنان
هلا reesoul
حبيبتي متل ما قلتت لنادين عندي طريقة جديدة لخل التفاح بس بدي شوية وقت لأنو التفاح الصغير يلي بينعمل منو الخل مو دائما بيتواجد بقى شو رأيك تنتظري و إنشاء الله الوصفة الأطيب ببعتها
سلامي للجميع
رح استنى ام السوس
سؤال , على جروب لقمة طيبة على الفيس بوك في اخت جربت خل التفاح , قام فار المرطبان , فتحته و حطته بمرطبان جديد و ترخت عليه من اول و جديد , , هيك ما بيصير ما هيك و الا شو رايك ؟
السلام عليكم
هلا منى , ياريتها ما فتحت المرطبان لأنو الخل مو لازم ينفتح قبل 41 يوم يعني هلأ صار على الكب :sigh
يا جماعة شو رأيكن تستنو لأعمل التجربة الجديدة لشو العجلة
سلامي للجميع
و لا يهمك ام السوس , ما في عجلة و لا من يحزنون , على ااقل من مهلك و نحنا بانتظار نتائج تجربتك الجديدة :zzz
رح خبرها لسنا , حسبي الله و نعم الوكيل , راح تعبها على الفاضي :sigh
مرحبا كيف الجميع أنا عضوة جديدة وكتير بحب هل موقع وعم اتعلم منه كتير شغلات وبدي اسأل على خل التفاح إذا ممكن
مرحبا منون اسفة عالغيبة بس كنت مشغوووووولة المهم حبيبتي كنت بدي اسألك انا كان عندي عنب بينفع للخل وحبيت اعمله بس كان الخلاط ما بيشتغل فعملت الوصفة نفسها بس بدل ما اخلط العنب قسمته انصاف لكل حبة وحطيت معه شوية سكر وسكرت عليه منيح وصار وقت افتحه وزيادة :zzz
سؤالي هو بصير هلأ اكمل الوصفة ولا هيك انا غلطت؟ ارجوك منون تردي علي قبل ما صفيهون
هلا نورا
رح نزل وصفة خل التفاح و هي كمان كتيرر سهلة
هلا توتا
اكيد بيصير بس هلا رح تتعزبي شوي بتصفيتهم ولو كنت عاملة طريقة سهى كان رح يصيروا اسهل
المهم رح يزبط معك كتير باذن الله و تدعيلها لسهى على هل الوصفة المميزة :zzz
شكرا منون عالرد بس انا هلأ فتحت المرطبان حتى صفيه بس عمل كأني عم افتح قنينة كولا صار يفور شوي لفوق منيح اني ما كان معبى عالاخر وطلع ريحة قوية لما تقربي منه
هيك صار معك ولا انا تحول معي شي تاني :eek
هلأ انا خليته زي سهى 3 شهور وبهالفترة عملت كمان مرطبان بنفس طريقتها بس حسيت التاني لونه غير بس ناوية افتحه انشالله بعد ما يصيرله 3 شهور :zzz
ومبارك عليك العشر والله ينولك فضلهم انت وكل الصبايا والمشاركين وزوار لقمة طيبة والله يجمعنا دايما بالخييييير
منون انا صفيته هلأ بس لا تغلبت ولا شي لان العنب كان كتييييير طري وبسرعة تصفوا لون الخل طلع متل اللي باخر صورة عندك الخل الفاتح لان عملته بعنب ابيض
بس الصراحة ما استرجيت دوقه الا لما تجاوبيني عن سؤالي حتى دوق وانا مطمنة مع اني كتير مشتهياه قد ما هو لونه حلو :roll
اخر سؤال لو سمحتي انه بصير اصب الخل في قنينة خل فاضية بس لسه فيها اثر الخل القديم (يعني قبل ما اغسلها) ولا لازم اغسلها فبل ما اصبه؟
وسامحينا يا قمررررررررررر :zzz
هلا توتا
هلا انا فار معي بعد ما سكرته ’ و لما سالت قال هادا شي طبيعي , و ما دامك سكرتي عليه 40 يوم وما فتحتيه قبل مرورهم معناها باذن الله شغلك بالسليم :zzz
يلا دوقيه و خبريني كيف الطعم ؟
اكيد بيصير تمليه بنفس القنينة
كل سنة و انت بالف خير و ربي يجعلنا اقرب منه بكل يوم عم يمر علينا , و ان شاء الله تبقي انت و كل احبابك بخير
زهرة حمرا بعتلك ومن هل قلب قطفتلك حتى تروح وتقلك:
كل عام وأنتي بألف ألف خير أخت منى
بمناسبة عيد الأضحى المبارك وإن شاء الله السنة القادمة بتكوني بصعيد عرفة
اناجديدةمعكم موقعكم كتيرحلوومفيدعندي سؤال:الخل بدوشمس ولاظل
شو القصة مدام منى ليش ماعم تردي على الأسئلة أنا عم استنى أجوبتك بالدقيقة وكل يوم بدخل عالموقع لحتى اسمع أجوبتك وما بتكوني مجاوبة وألي على هل حالة شهرين وكتير أكلات انتزعت معي ومشي الحال منها مخلل الشوندر يلي سألتك عنه من شهر وما رديتي علي وطريقة خل التفاح ألك زمان واعدتيني تنزلي الطريقة ولهلق ما نزلتيها
هلا نورا
حقك علي حبيبتي , بس بتعرفي كل يوم عم ااقعد حوالي الساعة لحتى رد على الاسئلة و الاستفسارات و الردود و احيانا ما عم لحق للكل , بقى مشان الله لا تزعلي و لازم تعزريني :roll
مو نسيانة وعدي بوصفة خل التفاح , رح نزله كتير قريب ان شاء الله , و هلا رايحو لوصفة المخلل :zzz
هلا اختي 666:)
هلا بعد ما منعصره منخليه بالخزانة , يعني لا شمس و لا ظل
اختي منى شكراكتيرالموقع مفيدورائع نقدرجهودك
مية هلا فيك نورتي
معذورة أخت منى والله يعطيكي ألف عافية بس متل مابتعرفي لكل شي موسم ووقت محدد بقى يا ريت ما تتأخري علينا بالرد
سؤال منى
اناهلا ساويتوبدي اسالك البيت عندي دافئ لان شتاء بيناسبو هيك ولا حطهن بالبرندة ابرد بيكون ؟؟؟؟
الله يخليكي جاوبيني مستنيتك لانو ما بدي اخسرهن
حاكم فرحانة انو ساويتهن وكانو سهلين :zzz
انا بحطهن بالبردنة صيف شتي و ما بتفرق وين ما حطيتيهم
بالهنا حبيبتي , ان شاء الله بيزبطوا معك تمام
تسلملي عينك يا منى
ان شاء الله بيزبطو
منى بدي اسالك ساويتو بس في كم مطربان لهلا ما فتحتهن يعني فيكي تقولي صار لهن قريب 7 شهور
منظرهن بتفكريهن معفنين وحالتهن حالة منظرهن مقرف كتير يعني ؟؟؟
زوجي عم يقلي انو انتزعو كبيهن
يا ترى فيهن شي انتزعو !!!
ولا افتحهن واستعملهن ؟
مع العلم انو ما فتحتهن بالمرة ؟؟؟
الله يخليكي جاوبيني منشان يا كبهن يا استعملهن
بتصير معي دوما , انا بفتح المرطبان و برمي الوج الي ما بيشهي و الباقي بصفيع عادي و بيطلع ممتاز متل باقي الخل
بس مرة او مرتين حسيت انواتغيرت طعمته و نفسي ما قبلته فرميتو , لهيك دوقيه و شوفي , ان شاء الله شغال نظامي :zzz
يسلمو ايديكي يا حق
ان شاء الله يكونو متل ما قلتي :roll
يسلمو ايديكي
يسلمو ايديكي اخت سها بصراحة انا كل سنة بعمل خل هي تالت سنة وبنفس طريقتك وبيطلع وقت بفتحو مو كتير حامض بس بعدين بيحمض بعد ما افتحو سألت عن السبب قال لازم ما يتغطا بس بشاش وانا بأحكم الغطاء عليه شو رأيك بصراحة انا خفت يكون كحول ازا تغطا منيح
السلام عليكم أختي
أنا وقت عملتو كتير استفسرت عن الموضوع بس يقطع المدة المطلوبة خلص بإذن الله ما في شي بس سمعت عن طريقة الشاش رح استفسر عنها و إذا أحسن رح جربها و ببقى بنشرها إنشاء الله
اخت سها ارجو الرد
انا عملت طريقتك ولكن بالتفاح ولكن ما صار طعم الخل لاذع
مع اني تركته لمدة شهرين كاملين
فهل بعد فتحه وتصفيته لازم يبقى مدة والا كيف
وسويت طريقة ثانية حاب اعرف رايك فيها وهي نفس طريقتك
ولكن تركت العبوة مفتوحة ومغطاة بقطعة قماش
وبعد مدة ستين يوم رفعت العفونة اللي تكونت فوق
وطلع طعمه لاذع بس فيه رائحة عفونة ولا اعرف
هذا الشي طبيعي او لا
ياريت تعطيني اراءك واقتراحاتك ووجهة نظرك