رز بحليب


         وصفة : منى                 2008/08/31                 36 تعليقات
رز بحليب

·          يوضع الحليب على النار و يترك حتى يغلي .

·          يغسل الرز و يصفى جيداً ثم يوضع فوق الحليب المغلي و لا يظاف قبل غليان الحليب ثم يحرك تحريكة بسيطة و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز , يحرك كل عشر دقائق بلطف كي لا يعلق الرز بقاع الطنجرة .

·          يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في صحون زبادي صغيرة ثم يترك حتى يبرد تماماً .

·          قبل التقديم يمكن أن تزين الأطباق بالفستق الحلبي المبشور أو تترك بدون زينة كما أحب لتذوق طعم الرز بحليب .  




2 ليتر حليب ( 8 كوب )
2 فنجان صغير رز مصري
2 فنجان صغير سكر
1 – 2 ملعقة كبيرة ماء زهر من نوعية فاخرة





• يوضع الحليب على النار و يترك حتى يغلي .

• يغسل الرز و يصفى جيداً ثم يوضع فوق الحليب المغلي و لا يظاف قبل غليان الحليب ثم يحرك تحريكة بسيطة و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز , يحرك كل عشر دقائق بلطف كي لا يعلق الرز بقاع الطنجرة .

• يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في صحون زبادي صغيرة ثم يترك حتى يبرد تماماً .

• قبل التقديم يمكن أن تزين الأطباق بالفستق الحلبي المبشور أو تترك بدون زينة كما أحب لتذوق طعم الرز بحليب .
  • وصفات تانية ممكن تعجبك


التعليقات

  1. muna.g.7 1 September 2008

    رز بحليب احسن من دوا الطبيب يحبه الصغار ويغرم به الكبار خفيف على المعدة ومبرد في الصيف تسلم ايدك يا منى

  2. larooo 1 September 2008

    السلام عليكم جميعا
    رمضان مبارك عليكم وعلينا
    بس حبيت اسأل ممكن استبدل
    ماء الزهر بماء الورد ؟؟
    ولا بتتغير الطعمة كتير ؟؟
    يسلموإيديك منى عالموقع الحلو كتييييييييييير

  3. larooo 1 September 2008

    السلام عليكم ورحمة الله وبركاته
    رمضان كريم عليكم وعلينا
    بس كنت بدي اسأل لو ممكن استبدال ماء الزهر بماء الورد؟؟
    ولا بتتغير الطعمة كتيييييييير :sigh
    شكرا منى عالموقع الحلو
    يعطيكي العافية

  4. Eman 2 September 2008

    فعلا ميمي .هي طريقتنا الأصلية بالرز بحليب ، والسر في طيبتها ، أن الرز بيستوي بالحليب فبيتشرب منه ..
    جارتنا شامية كانت تعمله بدقيق الرز ،بس مو متل الأصلي .
    أنا ما بضيف ماء زهر ، بضيف مستكة وفانيلا ،وكمان بكون طيب.

  5. منى 2 September 2008

    هلا منونة حبيبتي :)
    الله يسلمك يا ست الردود المميزة , ان شاء الله تجربيه و يكون على زووءك ;)

  6. منى 2 September 2008

    هلا لاروو :)
    مية هلا أختي نورتي فيك تستخدميه بس بشرط يكون من نوعية ممتازة , الصراحة انا ما كتير بحبه بماء الورد :roll بس كمان هي شغلة أزوواء ;)

  7. منى 2 September 2008

    هلا أمولة :)
    متل ما قلتي ممكن كمان اضافة المستكة , بس الفانيليا اول مرة بسمعها و اتوقعها لذيذة ;) رح جربها المرة التانية اذا الله راد ;)

  8. ام نور 2 September 2008

    الله يبارك فيكي يا احلى منى ويرزقك حسنات
    اليوم جربت طريقتك وشو رز بحليب طلع معي ولا اطيب اول مرة بينجح معي :) بس جعد شي بسيط يا ترى ليش :?

  9. منى 3 September 2008

    معناه نجح معك كتير ;) لأن إذا جعد الوجه دليل ان الرز بحليب بياخد العقل من ناحية الحليب و من ناحية الوقت الكافي لطبخ الرز بالحليب و استواء الحبة ,, ممم اشتهيت على صحن :zzz

    هنا و عوافي و ريتو صحة على قلبك و قلوب كل الحلويين ;)

  10. ام نور 3 September 2008

    منى بس انت بالصورة
    طالع مجعد كتير انا جعد شي بسيط عا كل حال رح ارجع اعملوا لان كتير ولادي حبوا والا ما يطلع متلك

  11. منى 3 September 2008

    اااه , هلا فهمت عليك , هي متل ما قلت الك الها علاقة بالحليب و طبخ الرز و كمان فيك تغطي الصحون و هنن لسا سخنين بيجعد وجهم أكتر ;)

  12. حوراء 15 September 2008

    أهلا

    انا من زمان بدور وحدة شامية شاطرة بالطبخ وأخيرا لقيتك وطبخاتك بتجنن وجربت كثير طبخات وطلعت روعة وصار لي فترة ابغا اشارك بس ما يضبط معي واخيراً ضبط معي .

    ولو سمحتي ابغى اعرف الفنجان الصغير كم بالغرام؟ يعني فنجان الرز الصغير كم بالغرام؟

  13. منى 16 September 2008

    مية هلا حوراء :) ريتو هنا و عافية يا رب على كل شي جربتي أو مفكرة تجربييه و هادا بس من زووءك و لطفك , و أسفة على المشكلات الي صارت معك :roll

    الفنجان الصغير و أقصد فيه فنجان القهوة بيساوي 65 غ

    أب سؤال تاني من عيوني ;)

  14. سارونات 9 December 2008

    السلام عليكم و رحمة الله و بركاته
    اختي منى مبارحة ساويتها للوصفة بس ما ضبطت ما بعرف ليش :? انا ساويت ربع الكمية يعني كوبين حليب و قسمت باقي المقادير بدقة معقول لان ساويت كمية صغيرة ما ضبطت ما بعتقد
    كان الرز ما فيه نشاء بالمرة لانه الحليب ما صار سميك ابدا و ظل متل ما هو يا ترى شو السبب
    حتى اني رجعتهم على النار مرة تانية و الحليب صار بدو يخلص بس ما اسمك
    بالتوفيق
    سلام

  15. منى 19 December 2008

    السبب الوحيد الممكن هو الرز الي مستعملتيه
    يا ترى نقعتيه قبل ما تحطيه مع الحليب , أو ممكن ما يكون رز مصري :roll

  16. سارونات 19 December 2008

    السلام عليكم و رحمة الله و بركاته
    انا كمان شكيت انو هاد هو السبب
    انا اول مرة بساويه و ما نقعتو يعني لازم ننقعو مو هيك
    ان شاء الله المرة الجاية بنقعو و بساويه
    جازاك الله خيرا اختي منى
    سلام

  17. منى 21 December 2008

    لا أختي ما لازم ننقعه لحتى يبقى فيه النشاء

    يا ترى شو نوع الرز الي استعملتيه ؟ :roll

  18. سارونات 23 December 2008

    السلام عليكم و رحمة الله و بركاته
    استعملت رز قصير الحبة يمكن تكون نوعيته مو كتير منيح راح غيره المرة الجاية قولتك نوعية الرز هي اللي خلتو ما يضبط
    بالتوفيق
    سلام

  19. منى 23 December 2008

    ما في غير هل السبب , لان هل الوصفة اسهل من السهولة و مو معقولة ما تظبط معاك ;)

  20. nijmeh 7 April 2009

    الاخت منى مرحبا
    انني اصنع الرز والحليب بنفس الطريقه ولكنني ازينه بالقرفه او ببرش جوز الهند :zzz

  21. منى 7 April 2009

    هلا فيك نجمة :)
    نورتي اختي و نور الموقع باخت جيدة , اسمك حلو كتير و مميز ;)

    ممم فكرة لذيذة برش جوز الهند او القرفة , الف شكر اختي و نورتي مرة تانية

  22. sherryzcherry 26 June 2009

    ان شاء الله تسلم ايديك على هل وصفة بيضتي وشيي قدام جوزي :grin لانو هي تاني مرة بساوي من وشت ما اتزوجنا من 5 شهور…اول مرة ما ضبط ابدا بس بهي الوصفة …رهيبة
    الله يعطيكي العافية

  23. منى 26 June 2009

    هنا و عافية يا ربي على قلبك و قلب ابو الشباب و ان شاء الله وجهك ابيض دوما و منور بنور التقى و الايمان على طول

    مية اهلا و سهلا فيك اختي و يا رب تبقي معنا على طول ;)

  24. na3oom 14 December 2009

    يسلمو هالديات أديش طلع طيب وحتى بنوتي اللي بعاني من أكلها حبيتو كتير وصار تاكل صحن بس ترجع من المدرسة
    ماسمك كتير يمكن متل ما قلتي نوع الرز أنا باستخدم صنوايت الاسترالي وهو المشهور هون للرز المصري
    على فكرة حطيت مستكة مع الماء زهر بالأخير عملت أكشن في الطعمة

  25. ام عون 6 January 2010

    مرحبا حبيبتي منى .كيفك؟ اليوم انا اعملت الرز بحليب وكاتو الليمون متل طريقتك .ياه شوطلعوا طيبين وابني عنعون حب الارز بحليب كتير انا بتشكرك على وصفاتك الطيبه . :eek

  26. em layal 10 January 2010

    انا اليوم ساويت الرز بحليب و حطيتله شويه مسكه مدقوقه كتيير طلع طيب و نجح معي بس انا بفضل انه المره الي جاي اقلل من كميه السكر شوي صغيره . الله بجزيكي الخير يا اخت منى و الله بفضلك ماعمبحتاج اني اسأل حدى عن اي وصفه دغري بفوت لهون و بلاقي الي بدي ياه احلى تحيات من هون من فنزويلا . :p

  27. منى 10 January 2010

    هلا نعوم :)
    الف هنا و صحة على البك و الب البرنسس الصغيرة , كتير انبسطت انه زبط معك .

    هلا للسماكة ممكن تزيدي فترة غليانه على النار او ممكن تزيدي كمية السكر شوي ;)

    ممم , فكرة المستكة طيبة , انا جربتها من زمان و متل ما قلتي عطت طعمة مميزة و غير شكل

    هنا مرة تانية نعومة :zzz

  28. karamela 19 May 2010

    السلام عليكم اختي منى
    انا جربت الرز بحليب بنص الكمية ونصصت كل المقادير بس مابعرف ليش طلع كتييييييير سميك ومافي حليب بالمرة
    بتنصحيني قلل كمية الرز او بتنصحيني قلل وقت طبخه على النار
    بالمناسبة انا استخدمت الحليب القناني ياترى فيه مشكلة
    بس عن جد طعمته طيبة لولا هالمشكلة
    انا بانتظار ردك وشكرا الك

  29. منى 19 May 2010

    ممكن تقللي كمية الرز شوي لتشوفي كيف بيصير
    و كمان يا ريت ما تزيدي عليه بالطبخ , بس لحتى تستوي الحبة

    ما اتوقع ان المشكلة من الحليب ما دامه كامل الدسم ;)

  30. أم المنذر 5 November 2010

    يسلمو هاليدين منى متل ما بعملو تمام وبيطلع طيب كتيير وولادي دائما اطبخلن منو لانو بحبوه شكرا يا ذوء

  31. منى 9 November 2010

    ان شاء الله صحتين و هنا على البهم , و عن جد هل الطريقة غير لان بتعطي للرز نكهة غير شكل

    صحة و منورة :zzz

  32. omislam 22 November 2010

    جزاك الله خير أخت منى جربت الوصفة وطلعت طيبة بس لونها ماكان ابيض وكمان الوجه ابدا ماجعد شو السبب ياترى؟؟
    بس عموما الطعم طيب شكرا الك وكمان جربت مهلبية الرز بالقشطة وكمان طعمتها طيبة كتير

  33. 7ayah 28 March 2011

    يا الله يا منى شو بحبك :zzz
    بتعرفي من وقت ما قرأت طريقتك بالرز بحليب لحد الآن كم مرة صرت عاملتو؟
    كومايااااااااااااااااااااااااات
    ما عم ينقطع من عندي الرز بحليب أكتر من كم يوم و برد بعملو مرة تانية :grin
    أنا و زوجي كتير منحبو و هلأ عالحمل عم كتـّر منو لأني ما كتير بشرب حليب :sigh
    و لما يجيني ضيوف بعملن رز بحليب مبطن كمان و الكل بنبسط عليه
    يسلمو ايديكي يا منى
    ما بتعرفي أديش أنا ممنونة عكل الوصفات الي اتعلمتا منك :)
    الله يقويكي يا رب و ييسرلك كل أمورك و يخليلك ولادك و زوجك
    انتي بتستاهلي كل خير

    7ayah Dayyen

  34. منى 31 March 2011

    صحتين و الف الف هنا حياة , ما بتعرفي شو انبسطت بردك و ان الوصفة عجبتك :)
    صحتين و الف هنا بكل لقمة على البك و الب الكتكوت الصغنون

    شكرا حبيبتي للدعوات الكريمة من اخت كريمة و الله يقومك بالسلامة و تبقي طمنيني عنك دوما ;)

  35. zahraa.sh 16 November 2011

    مرحبا منى ، بدي اسألك هلأ ماما بتقلي كل لتر بدو كاسة رز وكاستين سكر (كاسة شاي يعني)
    بيصير نحط بدال مية الزهر تنتوفة فانيليا يعني راس المعلقة مو اكتر ؟؟ :?

  36. tamader 6 May 2012

    يعني من 2008 وعم ينحكى على الرز بحليب ولحتى تطلع طعمتوا طيبة يلي بيضيف الفانيلا ويلي بيضيف ماء زهر أو ورد او حتى مستكة بس ماحدى حكى عن طعمتوا وهو محروق !!! طيبة مو؟؟؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)