براونيز بكريما الخمس دقايق السرية
· يوضع الحليب على النار و يترك حتى يغلي .
· يغسل الرز و يصفى جيداً ثم يوضع فوق الحليب المغلي و لا يظاف قبل غليان الحليب ثم يحرك تحريكة بسيطة و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز , يحرك كل عشر دقائق بلطف كي لا يعلق الرز بقاع الطنجرة .
· يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في صحون زبادي صغيرة ثم يترك حتى يبرد تماماً .
· قبل التقديم يمكن أن تزين الأطباق بالفستق الحلبي المبشور أو تترك بدون زينة كما أحب لتذوق طعم الرز بحليب .
2 ليتر حليب ( 8 كوب )
2 فنجان صغير رز مصري
2 فنجان صغير سكر
1 – 2 ملعقة كبيرة ماء زهر من نوعية فاخرة
• يوضع الحليب على النار و يترك حتى يغلي .
• يغسل الرز و يصفى جيداً ثم يوضع فوق الحليب المغلي و لا يظاف قبل غليان الحليب ثم يحرك تحريكة بسيطة و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز , يحرك كل عشر دقائق بلطف كي لا يعلق الرز بقاع الطنجرة .
• يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في صحون زبادي صغيرة ثم يترك حتى يبرد تماماً .
• قبل التقديم يمكن أن تزين الأطباق بالفستق الحلبي المبشور أو تترك بدون زينة كما أحب لتذوق طعم الرز بحليب .
رز بحليب احسن من دوا الطبيب يحبه الصغار ويغرم به الكبار خفيف على المعدة ومبرد في الصيف تسلم ايدك يا منى
السلام عليكم جميعا
رمضان مبارك عليكم وعلينا
بس حبيت اسأل ممكن استبدل
ماء الزهر بماء الورد ؟؟
ولا بتتغير الطعمة كتير ؟؟
يسلموإيديك منى عالموقع الحلو كتييييييييييير
السلام عليكم ورحمة الله وبركاته
رمضان كريم عليكم وعلينا
بس كنت بدي اسأل لو ممكن استبدال ماء الزهر بماء الورد؟؟
ولا بتتغير الطعمة كتيييييييير :sigh
شكرا منى عالموقع الحلو
يعطيكي العافية
فعلا ميمي .هي طريقتنا الأصلية بالرز بحليب ، والسر في طيبتها ، أن الرز بيستوي بالحليب فبيتشرب منه ..
جارتنا شامية كانت تعمله بدقيق الرز ،بس مو متل الأصلي .
أنا ما بضيف ماء زهر ، بضيف مستكة وفانيلا ،وكمان بكون طيب.
هلا منونة حبيبتي
الله يسلمك يا ست الردود المميزة , ان شاء الله تجربيه و يكون على زووءك
هلا لاروو
مية هلا أختي نورتي فيك تستخدميه بس بشرط يكون من نوعية ممتازة , الصراحة انا ما كتير بحبه بماء الورد :roll بس كمان هي شغلة أزوواء
هلا أمولة
رح جربها المرة التانية اذا الله راد 
متل ما قلتي ممكن كمان اضافة المستكة , بس الفانيليا اول مرة بسمعها و اتوقعها لذيذة
الله يبارك فيكي يا احلى منى ويرزقك حسنات
بس جعد شي بسيط يا ترى ليش 
اليوم جربت طريقتك وشو رز بحليب طلع معي ولا اطيب اول مرة بينجح معي
معناه نجح معك كتير
لأن إذا جعد الوجه دليل ان الرز بحليب بياخد العقل من ناحية الحليب و من ناحية الوقت الكافي لطبخ الرز بالحليب و استواء الحبة ,, ممم اشتهيت على صحن :zzz
هنا و عوافي و ريتو صحة على قلبك و قلوب كل الحلويين
منى بس انت بالصورة
طالع مجعد كتير انا جعد شي بسيط عا كل حال رح ارجع اعملوا لان كتير ولادي حبوا والا ما يطلع متلك
اااه , هلا فهمت عليك , هي متل ما قلت الك الها علاقة بالحليب و طبخ الرز و كمان فيك تغطي الصحون و هنن لسا سخنين بيجعد وجهم أكتر
أهلا
انا من زمان بدور وحدة شامية شاطرة بالطبخ وأخيرا لقيتك وطبخاتك بتجنن وجربت كثير طبخات وطلعت روعة وصار لي فترة ابغا اشارك بس ما يضبط معي واخيراً ضبط معي .
ولو سمحتي ابغى اعرف الفنجان الصغير كم بالغرام؟ يعني فنجان الرز الصغير كم بالغرام؟
مية هلا حوراء
ريتو هنا و عافية يا رب على كل شي جربتي أو مفكرة تجربييه و هادا بس من زووءك و لطفك , و أسفة على المشكلات الي صارت معك :roll
الفنجان الصغير و أقصد فيه فنجان القهوة بيساوي 65 غ
أب سؤال تاني من عيوني
السلام عليكم و رحمة الله و بركاته
انا ساويت ربع الكمية يعني كوبين حليب و قسمت باقي المقادير بدقة معقول لان ساويت كمية صغيرة ما ضبطت ما بعتقد
اختي منى مبارحة ساويتها للوصفة بس ما ضبطت ما بعرف ليش
كان الرز ما فيه نشاء بالمرة لانه الحليب ما صار سميك ابدا و ظل متل ما هو يا ترى شو السبب
حتى اني رجعتهم على النار مرة تانية و الحليب صار بدو يخلص بس ما اسمك
بالتوفيق
سلام
السبب الوحيد الممكن هو الرز الي مستعملتيه
يا ترى نقعتيه قبل ما تحطيه مع الحليب , أو ممكن ما يكون رز مصري :roll
السلام عليكم و رحمة الله و بركاته
انا كمان شكيت انو هاد هو السبب
انا اول مرة بساويه و ما نقعتو يعني لازم ننقعو مو هيك
ان شاء الله المرة الجاية بنقعو و بساويه
جازاك الله خيرا اختي منى
سلام
لا أختي ما لازم ننقعه لحتى يبقى فيه النشاء
يا ترى شو نوع الرز الي استعملتيه ؟ :roll
السلام عليكم و رحمة الله و بركاته
استعملت رز قصير الحبة يمكن تكون نوعيته مو كتير منيح راح غيره المرة الجاية قولتك نوعية الرز هي اللي خلتو ما يضبط
بالتوفيق
سلام
ما في غير هل السبب , لان هل الوصفة اسهل من السهولة و مو معقولة ما تظبط معاك
الاخت منى مرحبا
انني اصنع الرز والحليب بنفس الطريقه ولكنني ازينه بالقرفه او ببرش جوز الهند :zzz
هلا فيك نجمة
نورتي اختي و نور الموقع باخت جيدة , اسمك حلو كتير و مميز
ممم فكرة لذيذة برش جوز الهند او القرفة , الف شكر اختي و نورتي مرة تانية
ان شاء الله تسلم ايديك على هل وصفة بيضتي وشيي قدام جوزي :grin لانو هي تاني مرة بساوي من وشت ما اتزوجنا من 5 شهور…اول مرة ما ضبط ابدا بس بهي الوصفة …رهيبة
الله يعطيكي العافية
هنا و عافية يا ربي على قلبك و قلب ابو الشباب و ان شاء الله وجهك ابيض دوما و منور بنور التقى و الايمان على طول
مية اهلا و سهلا فيك اختي و يا رب تبقي معنا على طول
يسلمو هالديات أديش طلع طيب وحتى بنوتي اللي بعاني من أكلها حبيتو كتير وصار تاكل صحن بس ترجع من المدرسة
ماسمك كتير يمكن متل ما قلتي نوع الرز أنا باستخدم صنوايت الاسترالي وهو المشهور هون للرز المصري
على فكرة حطيت مستكة مع الماء زهر بالأخير عملت أكشن في الطعمة
مرحبا حبيبتي منى .كيفك؟ اليوم انا اعملت الرز بحليب وكاتو الليمون متل طريقتك .ياه شوطلعوا طيبين وابني عنعون حب الارز بحليب كتير انا بتشكرك على وصفاتك الطيبه . :eek
انا اليوم ساويت الرز بحليب و حطيتله شويه مسكه مدقوقه كتيير طلع طيب و نجح معي بس انا بفضل انه المره الي جاي اقلل من كميه السكر شوي صغيره . الله بجزيكي الخير يا اخت منى و الله بفضلك ماعمبحتاج اني اسأل حدى عن اي وصفه دغري بفوت لهون و بلاقي الي بدي ياه احلى تحيات من هون من فنزويلا . :p
هلا نعوم
الف هنا و صحة على البك و الب البرنسس الصغيرة , كتير انبسطت انه زبط معك .
هلا للسماكة ممكن تزيدي فترة غليانه على النار او ممكن تزيدي كمية السكر شوي
ممم , فكرة المستكة طيبة , انا جربتها من زمان و متل ما قلتي عطت طعمة مميزة و غير شكل
هنا مرة تانية نعومة :zzz
السلام عليكم اختي منى
انا جربت الرز بحليب بنص الكمية ونصصت كل المقادير بس مابعرف ليش طلع كتييييييير سميك ومافي حليب بالمرة
بتنصحيني قلل كمية الرز او بتنصحيني قلل وقت طبخه على النار
بالمناسبة انا استخدمت الحليب القناني ياترى فيه مشكلة
بس عن جد طعمته طيبة لولا هالمشكلة
انا بانتظار ردك وشكرا الك
ممكن تقللي كمية الرز شوي لتشوفي كيف بيصير
و كمان يا ريت ما تزيدي عليه بالطبخ , بس لحتى تستوي الحبة
ما اتوقع ان المشكلة من الحليب ما دامه كامل الدسم
يسلمو هاليدين منى متل ما بعملو تمام وبيطلع طيب كتيير وولادي دائما اطبخلن منو لانو بحبوه شكرا يا ذوء
ان شاء الله صحتين و هنا على البهم , و عن جد هل الطريقة غير لان بتعطي للرز نكهة غير شكل
صحة و منورة :zzz
جزاك الله خير أخت منى جربت الوصفة وطلعت طيبة بس لونها ماكان ابيض وكمان الوجه ابدا ماجعد شو السبب ياترى؟؟
بس عموما الطعم طيب شكرا الك وكمان جربت مهلبية الرز بالقشطة وكمان طعمتها طيبة كتير
يا الله يا منى شو بحبك :zzz
بتعرفي من وقت ما قرأت طريقتك بالرز بحليب لحد الآن كم مرة صرت عاملتو؟
كومايااااااااااااااااااااااااات
ما عم ينقطع من عندي الرز بحليب أكتر من كم يوم و برد بعملو مرة تانية :grin
أنا و زوجي كتير منحبو و هلأ عالحمل عم كتـّر منو لأني ما كتير بشرب حليب :sigh
و لما يجيني ضيوف بعملن رز بحليب مبطن كمان و الكل بنبسط عليه
يسلمو ايديكي يا منى
ما بتعرفي أديش أنا ممنونة عكل الوصفات الي اتعلمتا منك
الله يقويكي يا رب و ييسرلك كل أمورك و يخليلك ولادك و زوجك
انتي بتستاهلي كل خير
7ayah Dayyen
صحتين و الف الف هنا حياة , ما بتعرفي شو انبسطت بردك و ان الوصفة عجبتك
صحتين و الف هنا بكل لقمة على البك و الب الكتكوت الصغنون
شكرا حبيبتي للدعوات الكريمة من اخت كريمة و الله يقومك بالسلامة و تبقي طمنيني عنك دوما
مرحبا منى ، بدي اسألك هلأ ماما بتقلي كل لتر بدو كاسة رز وكاستين سكر (كاسة شاي يعني)
بيصير نحط بدال مية الزهر تنتوفة فانيليا يعني راس المعلقة مو اكتر ؟؟
يعني من 2008 وعم ينحكى على الرز بحليب ولحتى تطلع طعمتوا طيبة يلي بيضيف الفانيلا ويلي بيضيف ماء زهر أو ورد او حتى مستكة بس ماحدى حكى عن طعمتوا وهو محروق !!! طيبة مو؟؟؟