رَشوف


         وصفة : منى                 2009/08/25                 16 تعليقات
رَشوف

·         يسلق العدس حتى يوشك على الاستواء في هذه الاثناء تكون الجريشه منقوعه بعد غسلها لمده لا تقل عن نصف ساعه ، نضع الجريشه المنقوعه مع العدس فوق البصلة .. يغلي غلوة بماء نظيف ولا يكون الماء كثير .. يعني ما يكفي لتغطية العدس والجريشة .

·         بعدها يصب اللبن على الخليط ويغلى مدة نصف ساعة

·         ويضاف اليه كاسة الحمص المسلوق

·         قبل الاستواء بخمس دقائق يقلى البصل بالسمن البلدي وتضاف اليه بهارات السمنه البلديه ونضيفه فوق الرشوف .

·         يحضر بجانبها .. الزيتون .. والبصل الأخضر .. والفجل .. يعني مقبلات .. وكام رغيف مشروح .   






كاسه عدس حب
كاستين جريشة قمح ( ويمكن الأستعاضة عن الجريشة بالبرغل الناعم ) ولكن الجريشة اطيب بكثير
2كيلو لبن مخيض
كاسة حمص ( حسب الرغبة )
معلقه صغيره بهارات سمنه بلدية
ملح حسب الذوق
راس بصل كبير
سمنه بلديه





• يسلق العدس حتى يوشك على الاستواء في هذه الاثناء تكون الجريشه منقوعه بعد غسلها لمده لا تقل عن نصف ساعه ، نضع الجريشه المنقوعه مع العدس فوق البصلة .. يغلي غلوة بماء نظيف ولا يكون الماء كثير .. يعني ما يكفي لتغطية العدس والجريشة .

• بعدها يصب اللبن على الخليط ويغلى مدة نصف ساعة

• ويضاف اليه كاسة الحمص المسلوق

• قبل الاستواء بخمس دقائق يقلى البصل بالسمن البلدي وتضاف اليه بهارات السمنه البلديه ونضيفه فوق الرشوف .

• يحضر بجانبها .. الزيتون .. والبصل الأخضر .. والفجل .. يعني مقبلات .. وكام رغيف مشروح .
  • وصفات تانية ممكن تعجبك


التعليقات

  1. منى 25 August 2009

    الله يعطيكي الف عافية عروستنا الحلوة . شكلو هل الزلمة امو داعيتله :zzz

    امون عندي كم سؤال , اللبن المخيض شو بتقصدي فيه ؟ و الجريشة هي البرغل الي انعم من الناعم ؟ صح او نو

  2. امونه 26 August 2009

    هلا ست منى هلا بصاحبة الدار و احنا ضيوفها ;)

    تسلميلي يا ام الزوووء كله و الله الباشا كتير نحيف و انا ناويه أجرب عليه كل الي اتعلمته منك على أمل انه ينفشله شوي :grin ;)

    اللبن المخيض هو لبن الغنم.. لقيت انكم بالموقع بتسموه بتر ملك … يا رب تكوني عرفتيه ;)

    أما الجريش هو القمح بعد ما يتقشر و يذهب قشره يعني قمح مجروش … يا رب أكون شرحت صح لووووووول :p

    ع فكره هاي الوصفه من قلب الباديه و انتقلت معنا لبيوت المدينه و فعلاً اذا جربتيها بالشتويه و الشتويه قربت :roll راح تدعيلي من قلبك أكلت بتشهي و طعمتها هلآ دايبه بتمي :cry

  3. امونه 26 August 2009

    ست منى بما انه انا مو لاقيه قسم للأسئله فراح أكتبلك سؤالي هون ;)

    بدي طريقة عمل خبز التورتيلا تبع الفاهيتا :?

  4. ام نور 26 August 2009

    ماشالله عليك عنجد ست بيت ومتل ما قالت منى امو داعيتلو رح يكيف خصوصي اذا بيحب الاكل انا قبل ما اتزوج ما كنت اعرف اقلي الا بيض وبطاطا سبحان مغير الاحوال لما تزوجت صرت مضطرة اتعلم :)

  5. Iman 26 August 2009

    سلم ايديها عروستنا الحلوه. والله يا امونه سمعت بهالاكله بس اول مره بشوفا و يم يم يم شكلا بتجنن. كل شي فيه حبوب و لبن بموت عليه. و الحمدلله انو في هون لبن ماعز. بس الباتر ميلك هوه شي تاني. راح اجربا قريبا يسموا ايديكي مره تانيه. :)

  6. souha 27 August 2009

    السلام عليكم
    كيفك أمونة كل عام و أنت بخير و ألف مبروك على الخطبة الله يتمملك بخير صح مباركتي أجت متأخرة بس عذريني أول رمضان بيكون في عزايم و بتعرفي
    يسلم دياتك على الشوربة شكلها لذيذ أنا بحب الأكلات التراثية الله يعطيك العافية :)

  7. رنا 28 August 2009

    ماشاء الله اكلة رائعة ومغذية يسلم دياتك ;)

  8. امونه 2 September 2009

    هلا يا ام نور بالمناسبه خطيبي اسمه مهند ;)

    الله يسلمك يا قلبي والله انا مو كتير بطبخ بس على طول بحب اجرب و أتعلم لآني بنت وحيده بين اربع صبيان بتلاقي المطبخ و الحلويات خصوصاً تسلايتي

  9. امونه 2 September 2009

    ست ايمان سميتي ;)

    الرشوف اكلتي المفلضله خصوصي بليالي الشتي :zzz

    يا رب تعجبك بعتصد انه بيمشي الحال بلبن الماعز على كل حال خبريني كيف بتلاقيها و صحتين مسبقاً :)

  10. امونه 2 September 2009

    سهى الأموره بتعرفي لو مني و علي كان بختارك الفائزه رقم واحد بمسابقة المنيو الرمضاني لآنه ما شاء الله عليكي ما خليتي ولا بئيتي متل ما بئولوا ;)

    كل عام و انتي و عيلتك بألف خير يا رب و الله يبارك فيكي يا عمري تسلميلي كلك زوء

    و الله يعنا نحنا ستات البيوت و الله الواحد ما عم بيعرف يعبد ربه كما يجب من كتر الأشغال و المشاغل

    الله يغفرلنا :cry

  11. امونه 2 September 2009

    تسلم ايك و عينك يا بطه و صحتين و عافيه ع الجميع :)

  12. ام الوليد 13 September 2009

    الف شكر على الاكلة المحببة الى قلبي
    بالنسبة للبن المخيض لمن لم تعرفه يسمى لبن عيران او شنينةويمكن الاستعاضة عنه بلن رائب يعني زي ما بتعملي اللبن للكبة او الششبرك
    الجريشة من منتجات القمح يسد مكانها البرغل الخشن تبع المجدرة
    انا الي فهمته من الوصفة ان هناك بصلتان واحدة تقلى وتوضع مع العدس اثناء السلق والاخرى للتزيين
    لكن ما لم اعرفه رغم اني اردنية بهارات السمن البلدي مم تتكون لانني فقط اضع القليل من الهيل على اللبن حتى لاتفسد نكهته البهارات القوية
    متى ياتي الشتاء حتى استمتع بدفء الرشوف في الغربة

  13. منى 13 September 2009

    هلا ام الوليد :)
    انا كتير سعيدة بتواجدك في الموقع , شرفتيه و نورتيه و ان شاء الله ترجعي سالمة و غانمة و تتهني مع كل العيلة و اللمة الحلوة :)

    الف شكر الك للتوضيح و للمعلومات الجديدة , الصراحة و لا انا ما عرفت البهارات , بس اتوقع ممكن الواحدة تجرب الوصفة بشوية بهارات خفيفة تناسب عيلتها :)

  14. ام الوليد 28 September 2009

    من زوءك يا مدام منى موقع رائع وان معجبة بطريقة الشرح والدقة والرتابة موفقة دائما

    بالنسبة لبهارات المنسف بحثت ووجدت ان المقصود بها خلطة اعشاب برية اساسها نبات الحندقوق ومجموعة اعشاب اخرى تعطي المنسف نكهة مختلفة لذيذة
    لكن نحن نضيف على السمن البلدي اثناء صنعه نبات يسمى الفيجن يعطيه نكهة تغني عن اي بهار
    لكن لا باس من وضع قليل من الهيل
    انا شخصيا لم اسمع عن هذه البهارات الا عبر الانترنت وقرات انها تباع في محلات السوبر ماركت الكبيرة لذا سابحث عنها وانقل تجربتي معها
    تقبلي احترامي ومحبتي

  15. منى 28 September 2009

    ممم , انا ما عرفت و لا نوع من الاعشاب الي ذكرتيها , بس اتوقع لازم تتوفر عند العطار , الف شكر الك للافادة و المعلومات و كمان رح استنى رايك بعد التجربة للبهارات الي ذكرتيها .

    منورة مرة تانية اختي ام الوليد و الف شكر الك ;)

  16. اروى 16 September 2013

    البهارات الاردنية تعرف باسم الجوايِّج وغالبا متوفرة فقط في الاردن وليس الكثيرون من يعرفوه ممكن الاستعاضة عن اللبن الجميد طيب جدا جدا وهو شبيك بالكشك في لبنان

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)