براونيز بكريما الخمس دقايق السرية
· يحمى الزيت و الزبدة في قدر , يضاف البصل و الثوم و يقلب حتى يطرى البصل و يصبح شفافاً .
· يضاف الدجاج و تقوى النار و يقلب حتى يحمر طرفاه , تضاف البهارات و تقلب لدقيقتين إضافيتين.
· تقشر البندورة ثم تعصر أو تفرم ناعماً حسب الرغبة بالشكل النهائي للصلصة .
· يضاف المرق و ورقة الغار و عصير البندورة للدجاج و يترك حتى يغلي ثم تهدى النار و تترك حتى ينضج الدجاج لمدة 15 – 20 دقيقة , يمكن اضافة القليل من صلصة الطماطم إذا لم تكن البندورة ناضجة بشكل كافي .
· في وقت تسبيك الصلصة تسلق المعكرونة و ترفع من ماء السلق قبل الوصول لدرجة النضوج المطلوبة ( من دون غسل ) ثم توضع في صلصة البندورة و تترك حتى تكمل نضجها .
· يرفع القدر عن النار ثم تضاف الأعشاب في حال استخدامها و ترفع ورقة الغار ثم يقدم فوراً .
علبة كبيرة معكرونة سباغيتي أو تالياتيللي ( 500 غرام )
ملعقة كبيرة زبدة
2 ملعقة كبيرة زيت زيتون
حبة كبيرة بصل مفروم ناعماً
3 فص ثوم مهرووس
4 صدر دجاج مقطع مكعبات
كيلو بندورة ناضجة
كوب أو أكثر مرق دجاج أو ماء
نصف ملعقة صغيرة بهارات دجاج
نصف ملعقة صغيرة بهار مشكل
ورقة غار
2 ملعقة كبيرة حبق مفروم أو نعناع أو كزبرة خضراء ( اختياري )
• يحمى الزيت و الزبدة في قدر , يضاف البصل و الثوم و يقلب حتى يطرى البصل و يصبح شفافاً .
• يضاف الدجاج و تقوى النار و يقلب حتى يحمر طرفاه , تضاف البهارات و تقلب لدقيقتين إضافيتين.
• تقشر البندورة ثم تعصر أو تفرم ناعماً حسب الرغبة بالشكل النهائي للصلصة .
• يضاف المرق و ورقة الغار و عصير البندورة للدجاج و يترك حتى يغلي ثم تهدى النار و تترك حتى ينضج الدجاج لمدة 15 - 20 دقيقة , يمكن اضافة القليل من صلصة الطماطم إذا لم تكن البندورة ناضجة بشكل كافي .
• في وقت تسبيك الصلصة تسلق المعكرونة و ترفع من ماء السلق قبل الوصول لدرجة النضوج المطلوبة ( من دون غسل ) ثم توضع في صلصة البندورة و تترك حتى تكمل نضجها .
• يرفع القدر عن النار ثم تضاف الأعشاب في حال استخدامها و ترفع ورقة الغار ثم يقدم فوراً .
الله يسلم هالديات يا حق انا والله بعملها بنفس الطريقة مع اضافة البقدونس من الاعشاب وكمان باللحمة الناعمة اسرع من الفروج حتى تستوي كمان بتطلع كتير لذيذةولما بكون مستعجلة بطبخهامتل ما قلتي حضرتك سريعة وطيبة بدي اشكرك اختي على كل وصفاتك اليوم الجمعة من كتر ما المعكرونة غراتان على طريقتك طيبة اليوم عملتها وكمان باللحمة الناعمة كتير طيبة الله يعطيك العافية وكمان عملت على عيد ميلاد ابنتي كاتو بالشوكولا بتلات خطوات طلع رائع متل اللي واصفته لنا وكاتو التفاح باللصوص الذهبي ويا عيني عليك يا فنانة شو طيبين وبيجننو شكرا لتفانيك بالوصفات اللذيذة واللي فعلا بتبيض الوجه يعني صارو بالعائلة عندي عبيطلبو الاعادة لبعض الطبخات من موقعكم قد ما احبوهم شكرا لكل من يتعب بهذا الموقع المحترم والصادق
خليلي عينك يا غيث , ان شاء الله عوافي يا حق على قلبك و قلب العيلة كلها و انا الي بشكرك على تجربتك لوصفاتي و لانك عم تخبريني , هيك ببقى بتشجع كمان و كمان
..
بالفعل متل ما قلتي باللحمة اسرع , بركي ان شاء الله بجربها غير مرة
يا ريت لو تسلميلي على ام عبادة , اشتقتلها صار الها فترة مو مبينة ..
مية هلا فيك غيث
الله يسلمك يا رب والله ام عبادة انا مالي محصلة وينها نزلت على حلب وما حدا قدها شغلتها تقيلة صارت على كل من كم يوم حكيت معها وجبنا سيرتك الله بيعلم وسلامك بيوصل انشاء الله كلك ذوق
الحمد لله وصلت بالسلامة
تبقى سلميلي عليها و انتو دايما على البال 
السلام عليكم و رحمة الله و بركاته
فكرة حلوة كتير و بتنقذ بوقت الازمات كتير منيح الواحدة تعرف هيك اطباق تحتى ما تصاب بنوبة ذعر لما ما يكون عندها وقت
ان شاء الله راح جربها و خليها بالبال وقت الازمات بس بدي اعرف انت الدجاج اللي استعملتيه كان طازج مو هيك يعني لو كان الدجاج بالفريزر راح تاخد الوصفة وقت تحتى يدوب عنها الثلج او فينا نحطها عطول يعني من الفريزر للطنجرة مع اني ما بعتقد بينفع بس ازا بينفع راح يكون كتير منيح
و شكرا على الوصفات المميزة كل مرة
بالتوفيق
سلام
الدجاج تازة و لو كان بالفريز و تركتيه بس يادوب لحتى يفك الثلج عن الصدور و يكون فيك تقطعيه لمكعبات كمان بيصير
مية هلا اختي
مرحبا أخت منى .. بعد ما جربت السباغيتي ألا بيستو صرت حابب أجرب كل وصفة فيها ريحان أخضر .. وهالوصفة باين أنها سهلة ولذيذة وبدي أجربها قريباً إن شاء الله .. بس عندي سؤال لو سمحت .. شو هي بهارات الدجاج الي بتستخدميها؟
مرحبا أخت منى .. جربت السباغيتي وطلعت لذيذة جداً .. فعلاً الريحان بيعطي نكهة غير شكل للأكل .. يسلموا ايديك أختي.
على فكرة .. من بعد ما تعرفت على لقمة طيبة صرت أشتري البهارات من عند الحاج إسماعيل ويس لأنك ذكرتيه بالخير وصرت شاري من عنده كذا مرة .. وهو فعلاً رجل مهذب ومحترم .. بس هالمرة بهارات الدجاج اشتريتها من عند أبو زياد الهلالي طالما أنتي جربتيها من عنده .. كنت بتمنى أعرف تركيبة الخلطة وغيرها من خلطات البهارات بس أكيد ما بيعطوها لحدا .. خلطة البهارات السبعة معروفة من زمان وما عادت سر ولهيك أعطوك ياها.
هلا اخي ارام , البهارات بجيبها من سوق العطاريين من المدينة , في عندك تلاتة كتير بثق ببهاراتهم الأول سويد و هو اذا انت جاي من طرف الجامع الكبير سوق الدهب بيكون على يسارك , يمكن تاني محل , و التاني ابو زياد الهلالي على طرف اليمين و مقابله الويس , هدولة التلاتة منيحين و بهاراتهم طيبة و لهل الوصفة كنت جايبة من عند ابو زياد الهلالي
هلا ارام , عوافي و مية الف صحة يا حق بكل لقمة .
اخي كلامك مزبوط و ما كان ممكن يعطيني الوصفة اذا كانت مو معروفة , بس مع ذلك انا احترمه لان عطاني المقادير بدقة مع ان غيره بيعطي بس مو من جوى قلبوا ..
اذا صحلك نزلة قريبة للمدينة , انصحك كمان تشتري بهارات البطاطا من عند الهلالي لان جربتها مع البطاطا المقلية و عطتها طعمة جديدة و طيبة كتير