براونيز بكريما الخمس دقايق السرية
انو تكون اللقمة الي عم تاكليها متل سمفونية رائعة كلها مكملة بعضها و كل نغمة فيها عم تدعم التانية لحتى تصير احلى , هل الوصف بيلبق على وصفتنا . النعومة و الطعم الكريمي من قطع الباتنجان المقلي , الطعم القوي اللاذع من الجرجير , الطعمة الغنية من الفيتا و اللمسة الفريش من البندورة و كلو دايب بصلصة الخل البلسميك .
من اربع مقادير بس طلعت معي هل السلطة الطيبة و السهلة و المميزة , بجد يمكن بحياتي ما اتهنيت بسلطة متل هل السلطة , لازم و حتما و فورا تجربيها
بالصحة و الهنا
2 حبة متوسطة باذنجان , مقشرة و مقطعة مكعبات و مقلية او مشوية
2 حبة متوسطة بندورة , مقطعة مكعبات
باقة جرجير , مورقة
مكعب متوسطة فيتا
الصلصة :
2 معلقة كبيرة زيت زيتون
2 – 3 معلقة كبيرة خل بلسميك
ملح و فلفل أسود
• تخلط مقادير الصلصة و تترك جانباً , في حال عدم توفر خل البلسميك يمكن استعمال دبس الرمان لتتبيل هذه السلطة .
• يقلب الجرجير و الباذنجان و البندورة مع الصلصة , تصب في طبق التقديم . توزع الفيتا على الوجه و تقدم فوراً .
-
وصفات تانية ممكن تعجبك
ألحان هالسمفونية عم ترن بأدني من قبل ما دوقها. ورح جربها بالخل البلسميك ودبس الرمان، الاتنين طيبين كتير.
أكيد لازم وحتما وفورا عالتجريب … بس بدها روحة ع المول بالأول لأن ما عندي فيتا.
إلى الأمام مع باقي وصفات الباذنجان.
ان شاء الله تطلع الروحة مستاهلة و تكون على زووءك ..
النا حبيتها بالبلسميك اكتر هيك كلها تغير شكل
رح استنى رايك ان شاء الله
يعطيك العافية ميمو فاقس كيفك على الباذنجان والله انا رح اجربها بالباذنجان المشوي اخف وكمان مع دبس الرمان سبحان الله انا ما كتير عبحب طعم الخل الظاهر بالطعام شكرا منى لوصفاتك الحلوة وجزاك الله كل خير
اي غيوثة , عنا عشر وصفات بالباذنجان , حكينا هيك بجروب لقمة طيبة , بس كانو انتي مو معنا في الفيس بوك ؟
رح استنى رايك
:zzz :zzz شكرا على هالوصفات اللذيذةعلى هالحالة صار بدها القصة شي 10 كيلو باذنجان :grin
بوشك على اول محل جيبي سحارة لان لسى ما خلصنا :grin
مريت البارحة لعند الخضرجي لأشتري جرجير، قلي (ما بدك بانجان اليوم أستاذ؟!!!)
جربتها البارحة بالخل البلسمي وطلعت نغم … وجربتها اليوم بدبس الرمان وطلعت أنغام وأشجان 8)
يسلموا إيديك مايسترو منى
:grin جيب جيب لسى الخير لادام
صحتين و الف الف عافية و هنا , شكرا الك ارام لتجربتك وصفاتي , عوافي
شكرا بدي جربها.. بس سؤال شو هو الخل البلسميك؟
هو الخل المعتق بصناديق من خشب ، طعمته بتجنن و موجود بكل السوبرماركات الكبيرة