براونيز بكريما الخمس دقايق السرية
2 حبة كبيرة بندورة , مقطعة شرائح رقيقة
1 - 2 حبة متوسطة خيار , مقطع شرائح
1 حبة فليفلة خضراء , مقطع شرائح
1 حبة فليفلة حمراء , مقطع شرائح
حبة بصل أبيض أو أحمر , مقطع شرائح
قلب خسة
الصلصة :
نصف كوب لبن
2 ملعقة كبيرة مايونيز
ملعقة كبيرة زيت زيتون
2 ملعقة كبيرة عصير ليمون أو خل
رشة سكر
ملعقة صغيرة زعتر أخضر
1 – 2 فص ثوم , مهروس
ملح
• تمزج مقادير الصلصة و تترك جانباً حتى إعداد الخضار , يمكن إعداد الصلصة قبل عدة ساعات من موعد التقديم .
• تجهز الخضار و تصف بشكل جميل في طبق مسطح للتقديم .
• توزع صلصة اللبن على الخضار و تقدم فوراً .
تسلم ايدك ياقمر وكل سنة وانت طيبة يارب وبصحة وهنا
معاك حق في الحر احلى حاجة واخف حاجة السلطات انا مبسوطة جدا اني لقيتك منزلة لوصفة جديدة وحشتنا وصفاك الحلوة الشهية واطلالتك الجميلة ربنا مايحرمنا من وجودك ياقمر وتنعاد عليك وعلينا الايام بخير وفرح يارب
اول شي كل عام وإنتي بألف خييير ولكل أخواتنا بلقمة طيبة تاني شي يميييييييييييي خلص اان اليوم من كل بدي رح اعملها اليوم بإذن لله واكيد رح تطلع طيبة ويمي متل كل وصفاتك يا منوش بس بدي أسأل قولتك معلش بلا المايونيز ولا رح يأثر على النكهة قلت لحالي يعني بالناقص دسم إسمي عم اعمل رجيم :sigh
امين ام ياسمين
تنعاد علينا و نحنا اقرب من رب العالمين و بطاعته قلوبنا عامرة و مليانة , امين
ان شاء الله دوما في جديد , الله يديمك و يحفظك من كل شر
السلام عليكم ورحمة الله
تحضير الأكلة برمضان (خصوصي وصفة جديدة) متل الحمل …… بتتشوقي كتير وانتي ولا درياااانة شو ناطرك ولا عندك فكرة، وحتى أحيانا ما بتسترجي تسكبي صحن للجيران ….. ليصير وقت الافطار وتدوقيهاوتروقي أعصابك … متل الحمل يلي بتستنيه وبالولادة بترضي عن حالك وبترتاحي ههههههه
ما توقعت هالدريسينغ يطلع لهالدرجة طيب .. طيب طيب طيب
حصير اعملها عطول
يسلمو كتير
والسلام عليكم
كل عام وكل افراد لقمة طيبة بالف خير وانشالله ينعادعلينا وعليكم بالخير وتسلم ايديكي يامن فعلا شكلهامشهي واكيدح جربهاباذن الله
مرحبا يا منى ويا صبايا أنا مو داخلة لأحكي عن الطبخ لكن داخلة لطلب المساعدة منكن أرجوكن تهتمو للموضوع أنا حامل في الشهر السابع وصرلي شهرين عمبعاني من الإكتئاب الشديد وفي ناس وشيوخ قالو سحر بس للمعلومة أنا عانيت من الأعراض من غير حمل بس أخف وعانيت منها في حمولي السابقة مع العلم ان الإكتئاب بيصير أول الحمل بس أو بعد الولادة بس أنا بيختلف من بطن لبطن ومع العلم أنو ما صار معي في أولادي التلاتة الأولانيينأرجوكم أريد تجاربكم ونصائحكم ودعمكم
السلام عليكم كيفك منى كل عام وانت بخير ينعاد عليك وعلى عيلتك واهلك واحبابك بالخير واليمن والبركه وعلى جميع اسرة لقمه طيبه
كل سنه وانتو سالمين وجميع الامه الاسلاميه
و عليكم السلام نور
و يتعاد عليك و على احبابك و الغوالي عليك باحسن حال , و ان شاء الله نكون من عتقاء الشهر
السلام عليكم وداد
ولي على قلبي ان شاء الله :roll , و الله العظيم حسيت فيك و وجعني قلبي و انا عم اقرا ردك . ما عندي فكرة عن السحر او هيك قصص , ممكن تشوفي طبيب لحتى تقطعي الشك باليقين
و الله وداد كلنا متلك , الا ما تعدي علينا هل القصص مع الحمل و بعده , اكتر شي فادني ان كون بجنب أهلي و خواتي و ما ابقى لوحدي لان كل ما بقيتي لوحدك بتفكري أفكار سلبية اكتر و بتاخدك هل الافكار و بتجيبك و بتتسلى فيكي و بتإذيكي من جوى
لازم تركزي على النقاط الايجابية بحياتك و تحاولي تعملي الاشياء الي بتهويها أو ممكن تعملي شي خاص فيك بتحبيه كتير و كنت ماجلتيه لسبب او لاخر . يعني هلا احسن وقت لتمارسي شي من الانانية و تفكري بحالك اول الشي لحتى تطالعي حالك من الجورة الي انتي فيها , و حطي بذهنك ان ما في حدى ممكن يساعدك اكتر منك انت بهل الظروف .
و لازم تحطي ببالك انك هلا في أحلى مراحل الانوثة و أجملها لان انت عم تحققي الشي الي ربنا خلقك أنثى مشانه
حبي حالك كتير و ديري بالك عليها و يا رب يا رب تكون فترة و بتعدي و نحنا كلنا معك دوما و انا اتمنى ان تفضفضي لحتى ترتاحي
ب
الحقيقة من كتر الالم نسيت عيد عليكن كل عام وانتم بخير كلكن وينعاد عليكن بالخير والبركة والصحة عزيزتي منى انا كتير فرحانة بردك وإهتمامك وكلامك كله صح بس أنا في السعودية وما في حدا جنبي غير كم صديقة وهدول مو متل الاهل بس ماشي الحال بس متل ما قلتي رح حاول اتسلى بشي إيجابي وتسلمي على الإهتمام
السلام عليكم
كل عام وانتو بخير
مع انو متاخره بس احسن من بلا
منى اشبك ولا شي جديد لا برمضان ولا بالعيد
نستنى جديدك بفارغ الصبر لانو تقريبا كل شي بالقائمه تنفذ
بدنا شي جديد
ويسلمو ايديكي سلفا
هلا فيك ام رومل
و انت بخير و عافية و صحة
ان شاء الله اختي , بس ما بتعرفي اديه مشغولة و حتى النت ما عم ااقدر فوت عليه بالايام :roll
هلا وداد
و عليك ان شاء الله و ان شاء الله فترة و بتمرق , حتى لو كنت لحالك , ممكن يكون حدى قريب منك يساعدك
انا هون دوما للمساعدة و طمنيني عنك حبيبتي
هلا اماني
و عليك و على كل عيلتك الكريمة
ان شاء الله تجربيها و تكون طيبة و مستاهلة
يسلمو هالإيدين عملتها لما كانت بنت حماي عندي وتميزت السلطة بهالصوص الكريمي بس مو دسم بزيادة
عندي فكرة دريسنغ تاني للسلطة باللبن جربي وقولي لي رأيك فيه
من غير عيارات أنا مشكلتي بحط على الدواء
لبن + خردل + عسل
استوحيتها من صلصة الهني ماسترد بس زدت علها اللبن لتتخففها وتصير للسلطة
ممم يا سلام , كان متاكدة ان طعمتها رح تكون طيبة و انا صوص الهني مسترد بحبه كتير
يسلموا كتير على الاضافة و الف صحة و هنا على البكم
السلام عليكم
اخت منى
اريد تجربة الصلطة ولكن اريد ان اعرف اذا كان الزعتر المطلوب اخضر ام يابس
و شكرا
انا استخدمت الزعتر اليابس , بس اذا متوفر الاخضر بيطلع لسا اطيب واطيب و فيك تستعملي حوالي معلقتين كبار من الزعتر الطازج