سلطة الخضار بصوص الرانش


         وصفة : منى                 2011/10/17                 4 تعليقات
سلطة الخضار بصوص الرانش

في كتير ناس بتنتبه على اكلها , و كتير عم يحاولوا يخففوا من المعلبات و هل القصص ..الحمد لله انا من اول دقيقة بحاول قدر الامكان انو كلو يكون شغل ايدي , على اد ما بقدر او بعرف .

و اذا كنت بشتري اشيا جاهزة , ففي اشيا ما بشتريها لو بدي موت من الجوع .. متل صلصات السلطة الجاهزة , البيستو , الفلفل الاحمر المشوي و هل النوعية من المرطبانات .. ما بتقبل فكرة اني تبل سلطتي بصوص محضر من 6 شهور في بلاد الفرنجة , الله لا يعيزنا و لا يروينا .

صلصة الرانش واحدة من الصوصات الجاهزة الي بتلبق مع كل نوع سلطة بيخطر ببالك و هل الوصفة رح تعطيكي صوص طيب كتير و قريب على الصوص الجاهز , و انا بشوفه اطيب من الجاهز . معه تشكيلة خضرة و فطر فريش و كل هل التوليفة مع بعضها رح تعطيكي سلطة بتاخد العقل و كل ما بحضرها بتكون اول طبق بيخلص على السفرة , الحمد لله اولادي مغرمين بالسلطة طالعين الي و ابو الشباب كمان مغرم بالسلطة , انعدى مني.

لما بيكون البقدونس بوقته بتصير طعمته طيبة كتير و مميزة , بس بهل الوقت من السنة بضيف لنفس الوصفة ملعقة كبيرة منه مفروم ناعم كتير , و في حال ما كان عندي كريم فريش ببدله بنص كاسة لبن بقري , كمان بيطلع يمممم . بحط لبن على قماشة بيضا على مصفاية لمدة ساعة و هل اللبن المنشف استعمله عواض الكريم , صاير بين اللبن و اللبنة ..

بالصحة و الهنا




نصف حبة خس , مقطعة باليد لقطع كبيرة
باقة جرجير , مقطع
حفنة زعتر أخضر أو نعناع أخضر طازج , مقطف
6 – 8 حبة فطر طازج , مقطع شرائح

صلصة الرانش :

نصف كوب كريم فريش ( يمكن استبداله بنصف كوب لبن بقري )
نصف كوب مايونيز
1 ملعقة كبيرة خل
1 – 2 ملعقة كبيرة عصير ليمون
1 فص ثوم صغير , مهروس
ربع حبة صغيرة بصل , مفرومة ناعماً جداً أو مبشورة , حوالي ملعقة كبيرة
ملعقة كبيرة شبت , مفروم ناعماً
ملح
رشة فلفل أبيض




• تخلط مقادير الصوص في مرطبان و تترك جانباً لمدة ساعة حتى تتمازج النكهات .

• يوزع الخس و الجرجير و الزعتر الاخضر او النعناع في طبق , توزع شرائح الفطر و الصوص و تقدم .

التعليقات

  1. Rasha33 18 October 2011

    هاي ميمي
    كتير حبيتها منك هي بلاد الفرنجة, السلطة شكلها كتير طيب وسريعة ,انا هيك انواع من الصوصات كتير بحبه وفيكي تقولي باكل صوص مع سلطة مو السلطة مع صوص
    كتريلنا منهن هدول القصص ,كتير يمييييييي :grin :grin

  2. nosheenzaza 21 October 2011

    شكلها طيبة، عجبني الصوص. بعتقد هذا هو الصوص الي بشوفو بالمطاعم أغلب الوقت و ما بعرف شو هو.

    تتصوري رح ينتزع كتير بلا الشبت؟

  3. منى 22 October 2011

    هلا رشا :)
    و انا كمان بحب الصلصات كتير و عن جد هل الصوص لما بحضره بزيد منه لان رايحة جاية عم اتأكد انه ظابط و الا مو ظابط لحتى ممكن احيانا يخلص :grin

    انت ابقي معنا و ان شاء الله دوما في اشيا جديدة

  4. منى 22 October 2011

    هلا نوشين :)
    ما بتنتزع ,كتير احيان اذا ما في شبت بحضرها من دونه , بس بيكون ناقصها شي :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)