سلطة الرايتا الهندية


         وصفة : منى                 2008/01/13                 20 تعليقات
سلطة الرايتا الهندية

·          يخلط الجزر و الخيار و الكزبرة و اللبن مع الملح و البصل في حال استعماله .

·          أصبحت السلطة جاهزة  تقدم مع أي نوع من أنواع الرز الهندي مثل الأرز بالجزر و الكاجو أو حسب الرغبة . 



حبة كبيرة جزر مبشور
2 - 3 حبة خيار مقطعة مكعبات
حبة صغيرة جداً بصل ( اختياري )
لبن
1 - 2 ملعقة كبيرة كزبرة خضراء المفرومة ناعماً
ملح





• يخلط الجزر و الخيار و الكزبرة و اللبن مع الملح و البصل في حال استعماله .

• أصبحت السلطة جاهزة تقدم مع أي نوع من أنواع الرز الهندي مثل الأرز بالجزر و الكاجو أو حسب الرغبة .
  • وصفات تانية ممكن تعجبك


التعليقات

  1. نهال صبري 14 January 2008

    لذيذة و سهلة ..

  2. منى 14 January 2008

    هلا نهولة :) كلك ز زووء يا قمر , نور الموقع بردك

  3. Rino 15 January 2008

    يسلموا منى بتذكرني بسلطة اللبن بخيار الليرمنعملها رغم أنو في فرق بينهم هنن بينكهوهابالكزبرة و نحنامنكهها بالنعنع اليابس
    الله يعطيكي العافية

  4. منى 15 January 2008

    صح بالفعل كتير قريبة , بس الكزبرة بتعطي طعم شوي مختلف :)

    الله يعافي قلبك و بدنك رينو ;)

  5. linda 22 January 2008

    انا بحب الاكل الهندي كتير
    شكرا منى
    و عندي المقادير رح اعملها

  6. منى 23 January 2008

    هلا لنوشة :) اذا بتحبي عمليها مع الرز بالجزر , تحفة و الله :)

    إن شاء الله تجربيها و ايقي خبريني اذا كانت على زووءك ;)

  7. kuwaiti_girl 2 February 2008

    تسلم ايدج.. جربتها امس مه رز مجبس اللحم واضفت لها كمون وطماط صغار لعدم توفر الجزر.. وكان طعمها جدا جميل

  8. منى 3 February 2008

    ممم , صحتين و هنا و عوافي أختي , هي حلاوة هي السلطة بتعمليها متل ما بيناسبك و بالي متوفر عندك و بتطلع لذيذة ;)

    نور الموقع بردودك و تواجدك أختي :) و يا ريت لو تعلمينا بعض الوصفات الخليجية المشهورة :zzz

  9. kuwaiti_girl 6 February 2008

    مشكووورة عزيزتي الغالية
    وشوفي شنو الاكلات اللي تبينها وبعير لج المقادير من عيوني

    خاصه ان اغلب طباخي بالنطر هههه

    واحب اشكرج غاليتي على هالوصفات اللي دائما اكلها بالمطاعم واحب اتعلمها

  10. منى 6 February 2008

    هلا أختي :)
    الشكر ليك على الردود و التشجيع و على فكرة أنت أول أخت من الكويت تشارك بالموقع بردودها , لهيك أنا كتير كتير مبسوطة فيك ..

    أختي ما بعرف شو أطلب منك , بيقول المثل عنا انت كريمة و نحنا منستاهل :grin

  11. سارونات 10 December 2008

    السلام عليكم و رحمة الله و بركاته
    جربتها اليوم و طلعت كتير طيبة مع اني كنت خايفة لان ما فيها لا ثوم و لا زيت زيتون و كتير فرحت لما طلعت تمام كتير عم حب وصفات السلطات بلبن و كل وصفة طعمتها مختلفة عن التانية لساتني ما جربت سلطة الشوندر بلبن و الخيار بلبن كان بدي ساوي رز بجزر مع الرايتاتحتى تكون وجبة هندية مية بالمية بس لساتني ما ساويت الغرام ماسالا عندي كل المكونات ما عدا الهيل لما بشتريه راح ساويه بس بصلتي محروقةعلى هالوصفة يعني ما بينفع الغرام ماسالا بلا هيل مو هيك :sigh
    ربنا يجازيك كل خير على الوصفات اللي عم تعلمينا ياها
    اختي كويت غيرل حلوة فكرة اضافة الطماطم و الكمون ما كنت بعرف ان الطماطم تنفع بسلطة اللبن لان فيها ماء
    اختي نى ساويت سلطة الملفوف بلبن ارتجلت شوي حطيت ملفوف اخضر و احمر و جزر مبشورين مع لبن و زيت زيتون و شوييييييية نعناع يابس لان ما كان عندي فريش و شوية ملح و هيك طلعت طيبة و فرحت فيها )) ما ضفت الثوم لان حسيت طعمته ما بتضبط مع الملفوف )) بس اكيد انا ناطرة وصفتك للكولسلو بلبن و المفاجأة الل يمعها لا تفكريني نسيت :grin
    كان هذا تقريرنا اليوم فيما يخص السلطة من مطبخ سارونات :grin
    بالتوفيق
    سلام

  12. منى 11 December 2008

    :grin الف هنا و عافية على السلطة و يعطيكي كمان الف عافية للتقرير المفصل :grin

    يا ستي مو ضروري الغرام ماسالا جيبي الكاري , هادا متوفر بكل محل و انا كتير احيان بحضر الرز هادا بالكاري :zzz

    معقولة سارونات , انا عارفة انك مو نسيانة , بس طولي بالك اسا بدها شهر , لحتى تحسبي حسابك :grin

  13. سارونات 12 December 2008

    السلام عليكم و رحمة الله و بركاته
    طيب راح اصبر :zzz الحمد لله اللي قلتيلي مشان حضر حالي
    ربنا يوفقك
    سلام

  14. أليسار 2 September 2009

    مشكورة على هذا الطبق
    واحب اكلها كثير خاصة مع البرياني :zzz

  15. منى 2 September 2009

    هلا اليسار :)
    شرفتي و نورتي الموقع و الف هنا على قلبك كيف ما اكلتي هل الوصفة و كيف ما قدمتيها :zzz

  16. شفاء 6 March 2010

    الي

  17. شفاء 6 March 2010

    اليوم عملتها مع اللرز بجزر

    طلعت كتير طيبة
    وضفتلها بصل أخضر

    طلعت فعلاًطيبة

    الله يجزيك الخير

  18. منى 6 March 2010

    الف الف هنا شفاء :) مممم , زكرتيني فيها يمكن حضرها على الغدا بكرة ;)

  19. ام يزن و زينه 10 August 2012

    مشكوره اختي عالوصفه فعلا سلطه كتير طيبه خاصة مع البرياني
    انا دايما بعمل هالسلطه بس بالطماطم مع بصل وكزبره وبنتي بتحبها كتييير لانه بيطلع لونها زهري وردي

    • منى 19 May 2014

      ممممممم يا سلام كتير حبيت هل الاضافة ، بدي جربها ان شا الله :)
      منورة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)