لذيذة و سهلة ..

السلام عليكم و رحمة الله و بركاته
جربتها اليوم و طلعت كتير طيبة مع اني كنت خايفة لان ما فيها لا ثوم و لا زيت زيتون و كتير فرحت لما طلعت تمام كتير عم حب وصفات السلطات بلبن و كل وصفة طعمتها مختلفة عن التانية لساتني ما جربت سلطة الشوندر بلبن و الخيار بلبن كان بدي ساوي رز بجزر مع الرايتاتحتى تكون وجبة هندية مية بالمية بس لساتني ما ساويت الغرام ماسالا عندي كل المكونات ما عدا الهيل لما بشتريه راح ساويه بس بصلتي محروقةعلى هالوصفة يعني ما بينفع الغرام ماسالا بلا هيل مو هيك :sigh
ربنا يجازيك كل خير على الوصفات اللي عم تعلمينا ياها
اختي كويت غيرل حلوة فكرة اضافة الطماطم و الكمون ما كنت بعرف ان الطماطم تنفع بسلطة اللبن لان فيها ماء
اختي نى ساويت سلطة الملفوف بلبن ارتجلت شوي حطيت ملفوف اخضر و احمر و جزر مبشورين مع لبن و زيت زيتون و شوييييييية نعناع يابس لان ما كان عندي فريش و شوية ملح و هيك طلعت طيبة و فرحت فيها )) ما ضفت الثوم لان حسيت طعمته ما بتضبط مع الملفوف )) بس اكيد انا ناطرة وصفتك للكولسلو بلبن و المفاجأة الل يمعها لا تفكريني نسيت :grin
كان هذا تقريرنا اليوم فيما يخص السلطة من مطبخ سارونات :grin
بالتوفيق
سلام

السلام عليكم و رحمة الله و بركاته
طيب راح اصبر :zzz الحمد لله اللي قلتيلي مشان حضر حالي
ربنا يوفقك
سلام

اليوم عملتها مع اللرز بجزر

طلعت كتير طيبة
وضفتلها بصل أخضر

طلعت فعلاًطيبة

الله يجزيك الخير

مشكوره اختي عالوصفه فعلا سلطه كتير طيبه خاصة مع البرياني
انا دايما بعمل هالسلطه بس بالطماطم مع بصل وكزبره وبنتي بتحبها كتييير لانه بيطلع لونها زهري وردي