سلطة ستي


         وصفة : منى                 2007/10/14                 12 تعليقات
سلطة ستي



2 كوب عصير بندورة
ملعقة كبيرة عصير حصرم و إذا لم يتوفر يستبدل بخل التفاح
ملح
نصف ملعقة صغيرة فليلفة حمراء ناعمة
رشة نعناع ناشف ( اختياري )
نصف ملعقة صغيرة كمون
ثلث كوب زيت زيتون






• تختار حبات البندورة الناضجة للحصول على أفضل نكهة ثم توضع في خلاط العصير مع القليل من الماء و تمزج لمدة دقيقة ثم تصفى للتخلص من القشر و البذور .

• يمزج عصير البندورة مع الفليلفة الحمراء الناعمة و الكمون و الملح و النعناع و عصير الحصرم ثم تذاق للتأكد من البهارات و الحمض و يعدل حسب الرغبة ثم يوضع في البراد و يترك لمدة ساعتين على الأقل .


• تسكب السلطة في طبق التقديم و تزين بزيت الزيتون على الوجه ثم تقدم فوراً .












  • وصفات تانية ممكن تعجبك


التعليقات

  1. Rino 15 October 2007

    ياي يا منى ذكرتينيبالذي مضى لما زرت اسبانيا أنا و أهلي هونيك دقنا سلطة كتيربتشبهها أسمها أندلسيةالحقيقة هنن بيعتبروها شوربة باردة و بيقدمو معها مكعبات توست محمص لذيذة كتير و بتنعش القلب
    الله يعطيكي العافيوو يجعل مثوى نانا مجيدة جنان النعيم و يمد بعمر والدتك و ستك

  2. منى 16 October 2007

    هي هي الشوربة الي عم احكي عليها ;) شوربة باردة مع خبز توست محمص ..
    أطيب شوربة بايام الصيف ..

    الله يسلمك على الدعوة الحلوة و لا يحرمني من طلتك علي:)

    كل سنة و انت سالمة

  3. تورتاية بالكريز 20 October 2007

    تسلم ايدك كل ماتقدميه رائع جدا عملت دبس فليفلة الطريقة التانية بشكرك من كل قلبي ان شاء الله اعمل به اليالنجي قريبا
    بطريقتك الموجودة بالموقع .
    والله يرحم جدتك الغاليةويسكنها فسيح جناته يارب.

  4. منى 21 October 2007

    هلا فيك أختي تورتاية:)
    ان شاء الله بيطلع طيب و على زوءك ..
    و ألف شكر ليك على الدعوة الحلوة :)

    نور الموقع أختي

  5. linda 21 October 2007

    يا سلام
    لك تسلميلي انتي وستك يا حئ
    باين شغلة الشطارة بالطبخ متوارثة عندكون بالعيلة

    يعطيكي الصحة والعافية ويحفظلك ستك من كل شر

    نسيتتتتتتتتتتتتتتتت
    كل عام وانتي بخير مع انها متأخرة شوي بس شو بدنا نعمل :roll

  6. منى 22 October 2007

    و انت ان شاء الله بالفالف خير يا رب :)
    الك مكانة خاصة بقلبي ليندا و لما بتغبي لفترة بحس نقص الموقع شي :roll

    هي ستي الي عملت السلطة اتوفت من زمان كتير , بس ادعيلي الله يحفظلي ستي لان انا و اياها غرام , هي الي علمتني الطبخ بطولة بالها علي و على اسئلتي من لما كنت صغيرة ;)

  7. linda 22 October 2007

    الله يسلمك ويخليكي يا منى و الله انا كمان بحبك مو من هلاء من زمان حب قديم يعني :grin

    كنت تابعك بمنتدى لك و تعجبني وصفاتك كلها عل الاصول
    و لما فتحتي الموقع كتير انبسطت وبتمنى يصير الموقع كبير متل موقع لك واكبر
    و كل الاخوات تستفيد منو

  8. linda 22 October 2007

    لك اضرب انا
    نسيت قلك الله يرحم ستك مجيدة ويجعل مثواها الجنة

    و يخليك ستك ويحفظلك ياها ويمد بعمرها وبصحتها

  9. منى 25 October 2007

    بعيد الشر عنك ..

    الله يسلمك يا رب ليندا و كلك زوء و الله ;)
    نورتي يا عسل

  10. Iman 14 August 2008

    سلم ايديكي منى شي بيجنن كتير عجبتني هالسلطه و حتى حسيت بطعمتها كمان هههه خلص بكره على التطبيق ان شاء الله منعشه كتير شكلها هالايام هي عم بيجي عبالي الاكل النباتي كتير وهالسلطه كتير شكلا لذيذ يعطيكي العافيه و الله يرحم ست امك يا رب

  11. نادين 27 February 2009

    مرحبا منى كيفك
    شو اخبارك والله اي اول مرة بسمع عنها بس شكلها ظريفه اليوم رح اعمل مجدرة على طريقتك و سلطه ستك … بس اللمشكله شو بدي قول لزوجي مجدرة وسلطه ستها لمنى
    :grin
    مشكورة

  12. منى 7 March 2009

    هنا ندوشة :)
    مو ضروري تقوليلوا شي المهم انها تعجبكم و تكون على قلبك هنا و الف صحة , ان شاء الله تحبيها و لا تنسي تخبريني :zzz

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)