سلطة علم الجزائر


         وصفة : منى                 2010/06/23                 23 تعليقات
سلطة علم الجزائر

·         تقلى الفليفلة الخضراء بشكل كامل في الزيت الغميق حتى تشقر , ترفع و توضع في وعاء فيه ورق ماص و له غطاء و تترك حتى تبرد .

·         تقشر الفليلفة و تقطع مكعبات و ترتب في طبق التقديم , يخلط اللبن و الثوم و الزيت و الملح و يصب على الفليلفة ثم تزين بالفليفلة الحمراء الناعمة و تقدم مع الخبز العربي .  





3 فليفلة خضراء
كوب لبن
2 فص ثوم مهروس
ملعقة صغيرة زيت زيتون ( اختياري )
ملح

للتزيين :

فليلفة حمراء ناعمة






• تقلى الفليفلة الخضراء بشكل كامل في الزيت الغميق حتى تشقر , ترفع و توضع في وعاء فيه ورق ماص و له غطاء و تترك حتى تبرد .

• تقشر الفليلفة و تقطع مكعبات و ترتب في طبق التقديم , يخلط اللبن و الثوم و الزيت و الملح و يصب على الفليلفة ثم تزين بالفليفلة الحمراء الناعمة و تقدم مع الخبز العربي .
  • وصفات تانية ممكن تعجبك


التعليقات

  1. غيث 23 June 2010

    ههه اولادي شايفيني عبضحك من قلبي وانا اقرا المقدمة فوق حسبوني جدبة(محشومة ام الغيث ولو فيك البركة)هههه والله انا بقى مشجعة اكتر منك وما بيهدا لي بال الا واطمن على كل النتائج كل يوم بيومه :upset فعلا الي سوسة بالمونديال مع انو بعكسك ابو الشباب مالو علاقة باللياقة سبحان الله بس على فكرة انا ما بحب ولا برنامج رياضي بس بتابع هالكاس كل 4 سنوات والي فرقي المحببة والحمدد لله النتائج حتى الان راضيتني تماما ومع الدعاء للجزائر بالفوز دوما ان شاء الله مهما شجعنا فرق قوية اخرى بيظل اخونا والله ينصره اما اني اقعد واشجع اتحاد وحريةووووو لا ما بطيق هيك مباريات بس العالمية المهم نجي لموضوع الاغا ههههه ابوسك يا منى انت متلي بقول وقريضة ان شاء الله يعني اذا ما طالعو هالاشكال ببرامجهم محسبين انها ما رح تنجح ويا عليهم على هالافكار بكل برنامج وبكل محل وحتى بالشوارع والنتا ووو ما يقدروا بلا هالفحش والفسق الله يهدينا ويهديهم برايي متل موقعك ناجح واكتر من ممتاز بدون ما تحطي لي اشكال الوان ماالها طعمة عموما يسلم ايديك على الطبق لان الفليفلة المقلية من تحت ديات ماميتي اه طعمتهاعلى لساني ما اطيبها رائعة فعلا شكرا منى على الوصفة الظريفة وعلى الضحكة اللي رسمتيها على وجهي بعد عناء يوم كامل بالشغلوالاولاد والشوبات ووو :)

  2. ام نور 23 June 2010

    سلم هالديات فكرة جديدة قلي الباتنجان انا بالعادي بشوي بالفرن بس كيف بيطلع قلي مقرمش :?
    والسلطة الاولى غير التانية مهيك قلتيلي عالفيس   مكوناتها برغل و بندورة و جوز مشكورة موني كلك زوء :)

  3. منى 24 June 2010

    على راسي و الله غيوثة :)
    بقى انت رياضية و العيلة لا , سبحان الله هل الفروقات بالشخصية بتخلي الحياة نعنوشة و الها طعم

    ما خبرتيني مين فريقك المفضل ؟

    الف هنا على ابك , طبخ الامهات غير و لو شو ما عملنا بيبقى طعم طبخاتهم ما في اطيب منه :zzz

    الشكر الك غيوثة على الرد الحلو و ان شاء الله مبسوطة و الضحكة على وجك ودما

  4. منى 24 June 2010

    هلا ام نور :)
    عن جد ما مجربة تقلي البتنجان :eek

    وااااخ , تقريبا تقريبا نص عمرك راح

    البانجان المقلي ما بيطلع مقرمش , بس بيطلع طيب كتير كتير و بيدوب بالتم و لازم تجربيه ان شاء الله و مع الفليلفة بيطلع ما في اطيب منه

    هي غير اول واحدة , سلطة الملعب رح نزلها هل اليومين ان شاء الله ;)

  5. ام محمد 24 June 2010

    مرحبا منمون منظر السلطة بيشهي :)
    انا كمان مالي علاقة لامباريات ولاموندبال ولاكل هل القصص بس من كتر الاعلانات والطابات والقصمان يلي ملئت الاسواق وصارت اسعارها :eek
    صار عندي شوية فضول مو كتيروحاولت اعرف سر هالطابة بس ما طلع شي :sigh
    تحياتي الحارة لك

  6. ام نور 24 June 2010

    مبلا منوش بقلي الباتنجان ميشان المقلوبة بس كتير قليل لان زوجي ما بيحب الباتنجان الا بالمتبل ميشان هيك كل اكل الباتنجان ما بعملوا لان رح تطلع الاكلة من ناصيبي مع اني كتير بحب الباتنجان عانواعه بس شو اعمل :) بس الفليفلة ماني مجربتها مقلية ولا اهلي بيعملوها ميشان هيك سالت عنها   :)

  7. ام خليل 24 June 2010

    السلام عليكم كيفك انا كل يوم عما يزيد حبي الك اكتر واكتروكلامك لعسل على كرة كتير حلو وان شاء الله لح جربهافكرة قلي فليفلةانا مابحب ابدا صدى ملاعب وبحسه زنخ لمصطفى ماعلينا اناكتير بشكرك على افكارك رائعةجدا واصدقاء منتدى كتير ظراف بتمنى تقبلوني انا صديقة دائمةان شاءلله انتو بتونسوني كتير بغربتي انا مالي اصدقاءالااولادي وصارموقعك هاجس عندي حتى زوجي بالي سالي حالك بالموقع اسفة على اطالةاناحبيتك كتير نفسي التقي فيك بالشام اسفة طولت عليكي في امان الله ام خليل

  8. غيث 24 June 2010

    خليلي عينك منى والله انا بشجع البرازيل اكيد بس كمان بكل مباراة الي فريقي المفضل متل الارجنتين وايطاليا والاورجواي لو التقو مع احد تاني بس انا برازيلية وان شاء الله بيلتقو البرازيل والارجنتين اوه انا بانتظار هالمباراة وتكون النتيجة لصالح البرازيل بس رح تكون مباراة من اروع ما يكون ستي طولت عليك بس كمان بحب اقول انو تمنينا للجزائر الاستمرار لكن قد ما بيقدرو اعطو الله يعطيهم العافية واخ قلبت الموقع من الطبخ للرياضة اسفة جدا على غلاظتي وشكرا الك منى

  9. farah 25 June 2010

    والله ياحبيبتي أنا متل معظم النساء مالي علاقة بهالرياضة اللي عقلي مااستوعبها غير اني بحسها بتنشط الأولاد لما بيلعبوها وبتخليهم يحركوا أجسامهم بصحة ونشاط بس قصة الطابة اللي الكل حاطط عقله فيها وعم يركض وراها :upset يعني ما بتقنعني
    المهم يا ستي أكلتك شكلها كتير لذيذة وطيبة وانا من زمان بقلي الفليفلة بس مؤخرا صرت اشويها شوي وبالذات الفليفلة الحمرا الكبيرة شو بتطلع يمييي بالذات لما تضيفيلها شوية حمض وثوم وفلفل اسود وشوية ريحان وجبنة الفيتا والزيتون الأسود بتطلع سلطة غير شكل
    الله يسلم دياتك

  10. منى 26 June 2010

    هلا ام محمد :)
    بقى متل حكايتي , بس بتعرف هلا بعد ما قرب المونديال يخلص حميت القصة و صار فيها شوي متعة :eek

    اتمنى تجربي السلطة و تخبريني ;)

  11. رنا 26 June 2010

    برازيل ويا يا يا وهيييييييييييييييييي الحمد لله التقى بالموقع حدا بيشجع البرازيل متلي …عن جد فريق السامبا غيييييييييير …انا وياكي يا غيث رح نشجع البرازيل وبكرا بمل سلطة للبرازيل وعم فكر من هلأ بمكوناتها :grin
    سلكتك رائعة يامنى …ببساطة المكونات شكلهن راااائع يسلم دياتك …ونياله عليكي كأس العالم :)

  12. منى 27 June 2010

    هلا ام خليل :)
    مية هلا فيك و الله يديم المحبة و الخير دوما و انت في بيتك الانترنتي الدافي هون :zzz

    الله يخليلك اولادك و تشوفيهم ملوا العين و القلب

    اتمنى تجربي الوصفة و تكون يممي

  13. نور الأسلام 27 June 2010

    السلام عليكم كيفك منى كلامك كتير حلو وانت احلى واحلى ;) السلطه كتير عجبتني بكرا بجربها انشاء الله انا كمان من مشجعي البرازيل متل رنا وغيث والجزائريين الله يعطيهم العافيه لعبو كتير حلو :zzz

  14. semo 28 June 2010

    والله مابعرف شو اللي بيحبب الرجال بهالطابة أنا الحمد لله جوزي مابيقدر يشوف المباريات
    الحمد لله:roll :roll
    أما بالنسبة للسلطة فحسيتها تشبه فتة المقالي وعلى سيرة الفتة حابة تعطينا طرقك المميزة بالفتات وخصوصا المكدوس والدجاج
    منوش أنا ارسلتلك السعرات الحرارية للقمة تشكن وقريبا رح نزل السعرات لهالسلطة الطيبة:p
    بس بدي اسألك معقول الفليفلة بالصورة مقلية :?
    لونها كتير أخضر ماشاء الله

  15. samira78 29 June 2010

    الله يعطيك العافية و يسلمك ايديكي على هالسلطة الحلوة ياللى بلون علم بلادي الجزائر :)

  16. منى 29 June 2010

    هلا غيوثة :)
    ااايه , كل ما بقول بدي شجع هل الفريق بيطلع , هي الجزائر و هي ايطاليا , بقى هلا ما بقيت افتح تمي , بس الصراحة اسبانيا عم تحركلي مشاعري , بس ما بدي احكي احسن ما كشها :grin

    بالعكس غيوث احكي شو ما بيخطر على بالك بنتي , يلا رح نشوف النهائي رح يرسى على مين

  17. منى 29 June 2010

    ممم , فروحة الفليلفة المشوية شي نفيس , انا بحضرها و بضيفها تقريبا لكل شي , من البابا غنوج للسندويس للسلطة , حتى لحالها مع جبنة حلوة و حمض , يمممممم

    الله يسلمك فروحة :zzz

  18. منى 29 June 2010

    هلا رنون :)

    هلا انا عم فكر بسلطة اسبانيا مشان عيون اب مرين شيخ الشباب , بس ما عم لاقيلها حله للاصفر , بقة علم البرازيل انسي الموضوع مع اللون الازرق :grin

    نيالي انا على هيك اخوات بيغرفوا القلب , هلا رنون

  19. منى 29 June 2010

    هلا نور :)
    ايه عن جد خليلي عينهم , لعبوا حلو و احلى شي ان كان النا قرص بهل العرس 8)

    لاااا , هلا انتي كمان , صار لازملها تفكير جدي لعلم البرازيل لخاطر عيونكم , ممممم رح فكر

  20. منى 29 June 2010

    هلا سمسومة :)
    لا ما الها علاقة بالفتة , هي وصفة خفيفة و سريعة كتير و هديك وصفة معتبرة ;)

    بالفعل لاحظت متلك , لان لون الفليلفة الحقيقي ما كان مشقرق متل الصورة , يمكن لان جاي عليها الشمس , المهم هي لونها بالحقيقة كان اغمق شوي :roll

    سلم ايدك على الكالوري , و الله انك خطيرة ;)

  21. منى 29 June 2010

    هلا سميرة :)
    ايه مية هلا فيك و بكل الجزائريين و انا عندي معزة خاصة الكن لاكتر من سبب , هلا فيك اختي ;)

  22. رنا 10 July 2010

    والله انا نيالي فيكي …عن جد انتي كنز …وبعمري ماانبسطت بجمعة متل ماانبسطت عندك …كان عندي احساس انه رح ننبسط ونادين عم تقلي هلأ اش اخدنا عند المخلوقة مامنعرفها …وبدها تتذر ومدري شو …بالاخير جبتها وانا اقلها والله مننبسط والله حبابة ….بس هي قال كانت خجلانة هههههههه ع كل الاحوال الله يخليلك صحتك وعافيتك ويحفظك النا اخت عزيزة وغالية ;)

  23. منى 18 July 2010

    ايه الحمد لله رنوش و انا كمان انبسطت فيكن كتير و نورتوا اخيرا عن جد و حق :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)