سلق و حمص يزيت


         وصفة : منى                 2008/12/20                 6 تعليقات
سلق و حمص يزيت


5 ملعقة كبيرة زيت زيتون
حبة كبيرة بصل مفروم ناعماً
2 فص ثوم
كيلو سلق
كوب حمص مسلوق
ملح
نصف ملعقة صغيرة فليلفة حمراء ناعمة
رشة بهار و قرفة
باقة صغيرة كزبرة خضراء مفرومة
عصير ليمونة حامضة أو أقل حسب الرغبة





• ينظف السلق من الأوراق الصفراء و يقشر ضلعه ثم تفصل الأجزاء الخضراء عن الضلوع و تفرم و تغسل .

• تفرم الضلوع المتبقية ناعماً و تغسل ثم تسلق لمدة 5 – 10 دقائق ثم توضع على مصفاة . يضاف الورق الاخضر و يترك ليغلي لبضع دقائق أخرى ثم يرفع السلق على مصفاة و يترك حتى يصفى من مائه . سلقنا الضلوع أولاً لانها تحتاج لوقت أطول و يمكن استعمال هذه الضلوع لاعداد متبل أضلاع السلق . • يقلى البصل بالزيت حتى يطرى , يضاف السلق و الثوم و يقلب لمدة 5 دقائق .

• يضاف الحمص المسلوق و الكزبرة الخضراء و الملح و البهارات و يغطى القدر و يترك على نار هادئة لمدة ربع ساعة .

• يضاف عصير الليمون حسب الرغبة و يترك لـ5 دقائق اضافية ثم يسكب في طبق التقديم و يرش بالمزيد من الحمص و زيت الزيتون و يقدم بارداً أو فاتراً مع الخبز العربي و شرائح الليمون .

أفكار و تنويعات :

يمكن أن يحضر السبانخ بنفس الطريقة تماماً .
  • وصفات تانية ممكن تعجبك


التعليقات

  1. رنا 23 December 2008

    وصفة باين عليها بتجنن والسلق مع شو ماحطيتيه بيطلع طيب …مشتهية جربها بس المشكلة بيت حماي مابيجبو الكزبرة الخضرا بينفع بلاها ؟؟مع انه بظن انه رح تنقص طعمتها

  2. منى 23 December 2008

    رح تنقص بس أكيد بيصير :)
    ان شاء الله تجربيها و تكون متل ما بتحبي

  3. dado 25 December 2008

    مرحبا منى
    انشالله تكوني بخير
    أول ما شفت الصورة صار عندي حالة من الديخوخة وأصبت بإحباط شديد لأنو بلندن ما بيلتقى سلق.
    ولما شفت إنو ممكن تنعمل بالسبانخ خف الحزن قليلاً :p
    وكنت مقررة إعملها بسبانخ بس لما كنت ماشية بالشارع لمحت محل يوناني ما بيعبي العين… قلت لحالي خليني فوت.. وإذذذذ طلع عنده سلق 8)
    اشتريتن ورجعت ركد عالبيت وحضرت الطبق… بس ما سخيت إني آكله لأنو كنت محضرة غدا.. جبته معي عالشغل وما مصدقة إيمتى يصير بريك الغدا لحتى الهفه :grin
    عنجد وصفة معتبرة.. شكرا كتير :)

  4. منى 25 December 2008

    هناا و الف عافية دالو :)
    ريتو مطرح ما يسري يمري , كتيررر انبسطت انه عجبك
    بس عن جد غريبة ان ما في سلق عندكم , يلا منيح شغتي و على فكرة بالسبانخ كماان بتجنن :zzz

  5. سلاف 25 December 2008

    كيفك منى0000
    صدف وشي مره طلعلك سبانخ مر؟؟؟؟
    اول مره طبخت من شيئ اسبوع سبانخ باللحمه وطلع مر يالطيف شلت الطنجره وكبيت اللي بقلبها كله مر شيئ عجيب غريب

    تاني مره من من يومين عملت نفس الطريقه سلق بزيت بس بدل السلق سبانخ كمان طلع مررر
    كني جاي علسوق موجة سبانخ مر
    المشكله بتكوني عم تفرمي وببتعذبي وانتي عم تنقي وبعدين الغسيل بتهلكي 00 والمفاجاه بعد هالتعب كله بتطلع الاكله مره علقم
    لايلدغ المؤمن من جحر مرتين بقى منشان هيك قررت المره الجايه ساويها بالسلق00
    اكله شكلها طيبه كتير يسلم ايديكي منى

  6. منى 26 December 2008

    شي بيحرق الاعصاب الصراحة و خصوصا مع السبانخ و شغلة , بس هي اول مرة بسمع فيها :roll

    الله يسلمك و يخليك سلوفة و ان شاء الله تساويها و تعجبك :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)