براونيز بكريما الخمس دقايق السرية
· يفرم البصل الى جوانح رقيقه ويرفع مع زيت الزيتون على النار .
· بعد ما يذبل و يصبح شفافا بعض الشئ يضاف الدجاج الذي يقطع إلى بضع قطع لسهولة الطهي و يقلب على نار هادئة لمدة عشر دقائق .
· نضيف عصير الليمون و السماق و الملح و يترك لمدة نصف ساعة تقريباً حتى ينضج و يصبح الدجاج متشرباً للتوابل بشكل كامل ثم يترك حتى يبرد تماماً .
· يفرد الخبز و يحشى بالخلطة و يزين بالصنوبر و البقدونس المفروم و يلف على شكل عرائس .
· يصف في صينيه و يدخل للفرن حتى يتحمر الخبز قليلاً أو يكبس على الشوايه الكهربائيه و هي تعطي للسندويش شكلاً جميلا ً .
· يقدم ساخنا مع التبوله أو الكريم ثوم أو ما تفضلين و ألف صحه و هنا .
نصف كيلو صدور دجاج مقطع و بدون عظم
ثلاث بصلات متوسطة الحجم
نصف كوب زيت زيتون
نصف كوب عصير ليمون
ثلاث ملاعق طعام من السماق الناعم
القليل من الملح حسب الذوق
صنوبر وبقدونس للتزيين (اختياري)
خبز عربي أو خبز الصاج
• يفرم البصل الى جوانح رقيقه ويرفع مع زيت الزيتون على النار .
• بعد ما يذبل و يصبح شفافا بعض الشئ يضاف الدجاج الذي يقطع إلى بضع قطع لسهولة الطهي و يقلب على نار هادئة لمدة عشر دقائق .
• نضيف عصير الليمون و السماق و الملح و يترك لمدة نصف ساعة تقريباً حتى ينضج و يصبح الدجاج متشرباً للتوابل بشكل كامل ثم يترك حتى يبرد تماماً .
• يفرد الخبز و يحشى بالخلطة و يزين بالصنوبر و البقدونس المفروم و يلف على شكل عرائس .
• يصف في صينيه و يدخل للفرن حتى يتحمر الخبز قليلاً أو يكبس على الشوايه الكهربائيه و هي تعطي للسندويش شكلاً جميلا ً .
• يقدم ساخنا مع التبوله أو الكريم ثوم أو ما تفضلين و ألف صحه و هنا .
الله يعطيك ألف عافية أخت أم عبادة
طريقة لذيذة , أنا اتعلمت المسخن من صديقة فلسطينية و هم بيستعملوا للمسخن خبز خاص ( أظن اسمه خبز الطابون أو خبز الشراك )و ما بيقدموه بشكل سندويش و هي طريقة السندويشات طريقة جديدة بس أظن أنها عملية أكتر من الطريقة الأصلية .
طريقتي لسندويش المسخن الفلسطيني بتشبه طريقتك , أنا بستعمل خبز الصاج , بسلق دجاجة كاملة مع شوية بهارات بعدها بنظفها من العظم و الجلد , بقلي كم بصلة مفروميين ناعم بزيت زيتون و بتبلهم بالسماق و بهارات حسب الذوق متل الهال أو
الكمون أو الكركم أو القرفة و بضيف فوقهم الدجاج و بحرك شي عشر دقايق لحتى يتبل الدجاج بالبهارات و البصل
أفرد خبز الصاج و أقسمه لمستطيلات و بعدها أحشيه بحشوة الدجاج و أرش فوقهم شوية صنوبر و لوز محمصين و أرتب السندويشات بصينية مدهونة و بعدها أدهن السندويش دهنة صغيرة بمرقة دجاج و بعدها بشوية زيت زيتون و في الفرن لحتى يتقرمشوا ,, يممم بالفعل و لا أطيب
تسلم دياتك على الطريقة المرتبة و المقادير الواضحة و تعيشي و تجيبي وصفاات طيبة
ألف شكر لك أختي العزيزة على نشر الوصفه وجربت طريقة سلق الدجاج لوحده بس لاحظت الفرق بقوة النكهة لان طبخه مع السماق والبصل والحمض بيخلي الدجاج يتشرب النكهة بقوةوبيدوب مع جوانح البصل بشكل رائع يممم
وفكرة السندويش وجدتها مناسبه للبوفيه وللرحلات وسهل الاكل للاطفال لان الفلسطينين بيعملوامتل فته بيحطوا الخبز اللي قلتيه وبيفردوا عليه المسخن وبيزينوا بالمكسرات
وبرجع بشكرك ألف شكر على طريقتك لانو فيها مزيج من البهارات اللي أكيد بتضيف نكهة رائعه
هلا حبيبتي ام عبادة
بالفعل متل ما قلتي هل الطريقة مناسبة أكتر , و أنا الصراحة حبيتها أكتر من الطريقة الأصلية للمسخن :roll
ممم رح جرب المرة التانية ان حضر المسخن من دون سلق الدجاج و ببقى بخبرك شو صار معي اذا الله راد
أختي الشكر ليك على هل الوصفات المرتبة الي عم تبعتيها , عن جد تسلم هل الدياات
الله يبارك فيكي اخت ام عبادة على هالمسخن انا ولا مرة عاملتو او اكلتو بس سمعت انو طيب كتير ورح جربو انشالله
بصدورة الدجاج
بس بدي اسال سؤال لمااضع الصدورة فوق البصلة المدبلة واضيف السماق وعصير الليمون والبهار ما في داعي للماء حتى ينضج الدجاج ويصير في مرقة ولا الليمون والزيت بيكفوا وايضا بيطلع حامض كتير ولا نحن منتحكم بالحموضة لان عندي سماق اصلي كتير طعمتو ظاهرة والف شكر
أهلين أختي أم نور بتسعدني مشاركتك وتعليقك على الوجبه كتير
وبالنسبه للدجاج ما بحتاج للماء لانو الحمض بيكفي والصدور ما بتاخد وقت لتستوي ولا تنسي تقطعيهم شوي
وبالنسبه لدرجة الحمض بالليمون بيكون كتير معتدل وأنت بتحطي سماق على ذوقك وطلب العيله بتحبوا السماق ظاهر كتري او بتحبي النكهة معتدله وتعطي نكهة الدجاج حقها فلا تكتري
وبتمنى تجربيه والف صحه وهنا
عن جد ما بوصفلك فرحتي برجعت الموقع متل ماكان كل شوي بدخل عالنت وبتفقد الموقع وبزعل لما بشوفوا ما صار الله يسامح اللي كان السبب والله ما في داعي للاذي بس الحمد لله انو رجع لانو عن جد صرت ما استغني عن وصفاتك وتحياتي الحارة لك
بعد زمان أختي أم عبادة , سألت عليك العافية يا رب
الحمد لله , بس الي صار هل المرة مو هكر , هي قصة تانية :roll
و عن جد أنا كمان كتير كتير اشتقتلك و لباقي الخوات , و ان شاء الله أخر مرة بيصير هيك
السلام عليكم والله صدق من قال ان حلب ام الطبخ والادب فما بالكم لما تكون الطبخة من ايدين بنت حلب المذوقة ام عبادة اللي طبخها لا يعلى عليه واسالو مجرب سلمت يداك يا غاليتي
الله يخليك وما يحرمني منك ومن كلماتك الحلوه ةالغاليه يا غيث خجلتيني بلطفك المهم الحلوين يكونوا حبوا والف سلام
ألف شكر ليك أم عبادة على الصور , عن جد شي مرتب و بيفتح النفس
الله يجزيك كل الخير
سلم دياتك على هالاكلة جربتا وشو طلعت طيبة عنجد نكهة السماق والحامض فخامة حسيتا مع الجاج :p الله يبارك فيكي
اهلين أختي ام نور كتير فرحتيني اتك حبيتي الطريقه والف صحه وهنا يارب على قلبك وقلب العيله كله وجزيت خيرا
تسلملي عينك يامنى بدي ابعتها مع الاكله بس لبين ما عرفت احمل الصور والف شكر
السلام عليكم أنا دخلت من كم يوم للموقع ويعجبني كتير لان أنا عاشقة للطبخ وبالأخص الحلويات والمعجنات واتمنى ان نتواصل لأفيد واستفيد من خبرتك يااخت منى على فكره أنا عراقية وزوجي حلبي وانا اصبحت حلبية اكثر من اهل حلب الله بفرجها ونرجع نكحل عيونا بشوفت حلب اشتانالا
و عليكم السلام يا قمر , نورتي و شرفتي , مية هلا فيك على راسي العراق و اهلها و ناسها الطيبة
ان شاء الله رب العالمين رح يفرجها قريب :roll ادعولنا