شوربة العدس الأسمر على الطريقة التركية


         وصفة : منى                 2009/03/31                 13 تعليقات
شوربة العدس الأسمر على الطريقة التركية



ملعقة كبيرة زبدة
ملعقة صغيرة زيت زيتون
حبة كبيرة بصل مفروم ناعم
2 ملعقة كبيرة طحين
كوب عدس أسمر
ملعقة صغيرة كمون
ملح
4 – 5 كوب ماء

للتزيين :

4 – 5 ملعقة كبيرة خل التفاح
1 - 2 فص ثوم
نصف ملعقة صغيرة فليلفة حمراء ناعمة


تذوب الزبدة و الزيت على نار متوسطة و يقلب فيهم البصل حتى يصبح شفافاً .

يرش الطحين و يقلب لبضع دقائق أخرى على نار هادئة . يضاف الماء بالتدريج مع التقليب بعد كل اضافة .

يغسل العدس جيداً ثم يضاف للمرق مع الكمون و يغطى القدر و تهدى النار و يترك حتى ينضج العدس .

يضاف الملح و يضاف القليل من الماء المغلي إذا كان الصوص سميك بشكل زائد .

تصب الشوربة في أطباق التقديم و تزين بتتبيلة الثوم و الخل و تقدم فوراً .


  • وصفات تانية ممكن تعجبك


التعليقات

  1. رنا 1 April 2009

    شي لذيذ
    ريحتها وصلت لعندي
    ياستي هادا العدس كأنه اله سر يعني وين ماانوجد وبكل اشكاله والوانه طيب ..اليوم كان الغدا مجدرة الرز وانا عم بسكب قلتلها لحماتي بستغرب ليش بتطلع هالاكلة كتيييير طيبة مع انه مكوناتها كتير بسيطة :grin بس يمكن متل ماقلتي دائما الاشياء البسيطة بتكون الذ واطيب يسلم ايديكي وصفة رائعة وجديدة لانه بالعدس الاسمر :)

  2. منى 1 April 2009

    هلا رنونة :)
    يممم , اي و الله هياتي متلك انا و العدس , ما اطيبه بكل اشكاله

    ان اشاء الله تجربيها شي مرة و تعجبك يا قمر :zzz

  3. Iman 1 April 2009

    يسلموا هالايدين يا منى. العدس من احب الاكلات الى قلبي. وصفه شهيه و حلاوتها ببساطتها. كل شي من تحت ايديكي غير شكل. الله يحميكي :zzz

  4. منى 1 April 2009

    هلا امونة :)
    هادا بس من زووءك حبيبتي و ان شاء الله تجربي هل الشوربة و تعجبك

  5. سارونات 2 April 2009

    السلام عليكم و رحمة الله و بركاته
    ربنا يخليلي ياكي و ما يحرمني منك ابدا اختي منى عنجد كتير فرحت لما شفت الوصفة
    مبينتها طيبة ان شاء الله راح جربها قريبا

    بالتوفيق
    سلام

  6. ميساء 2 April 2009

    والله شي بيشهي هالشوربة تسلم ايديكي الحلوة وأنا كمان بدي ضم صوتي لشلة محبي العدس لأني بحب العدس كتير وبكل أشكاله بس بدي اسألك منى شوالمقصود بالعدس الأسمر أنا بعرف عدس الشوربة هو المقشور (المجروش) يلي لونه اورانج وبعرف العدس العادي بقشره يلي لونه فاتح وفي كمان واحد حبته أصغر ولونه أغمق آسفة حبيبتي طولت عليك بس مافي غيرك أنت يخليلي عيونك يا قمر النت :zzz

  7. منى 2 April 2009

    هلا سارونات :)
    ان شاء الله تجربيه و تعجبك و اتوقع انها على زووءك كتير , خبريني اذا كانت توقعاتي صح او نو

  8. منى 2 April 2009

    هلا ميوسة :)
    خليلي الزووء كله , هادا بس من لطفك يا قمر و عجبتني فكرة شلة العدس , ايه و الله ما في اطيب و لا افيد منه
    العدس الي استعملته هو نفسه عدس المجدرة يعني الي بقشره , و هي الشوربة ان شاء الله رح تعجبك كتير :zzz

  9. سارونات 23 April 2009

    السلام عليكم و رحمة الله و بركاته
    ان شاء الله اختي منى

    بدي اعرف هل ضروري خل التفاح او بينفع اي خل

    بالتوفيق
    سلام

  10. منى 27 April 2009

    هلا سارونات :)
    ممكن خل التفاح او العنب بس الخل الابيض نو ;)

  11. لارا مينا 2 September 2009

    أمس عملت الشوربة بنصف المقدار بس , و بعدها ندمت إني ماعملت ضعف المقدار على قد ماهي طيبة وخفيفة على المعدة. وعلى فكرة أخت منى أنواع الشوربة إلي بالعدس الأسمر ماتنحط في الخلاط الكهربائي مثل الشوربات إلي تنعمل بالعدس الأحمر مزبوط ولا أنا غلطانة .

  12. منى 3 September 2009

    الف هنا و صحة و عافية يا رب على الشوربة , و الله بهل الرمضان بيحتار الواحد شو يحضر و شو يعمل شوربات :roll

    انا ما جربت ابدا اطحن شوربة فيها عدس اسود , اتوقع ما رح تطلع ناعمة و سلسة متل العدس الاحمر

  13. dado 21 November 2009

    منوش يا منوش
    لو تعرفي قديش جوعانه هلأ.. وعنجد لو مو جنان لعملتها بس ارجع عالبيت.. بس مو خرج آكلها الساعة تسعة الصبح :sigh
    لما رجعت شفت الوصفة تذكرت طعمتها… يمممممممي كتير كتير.. وأول شي كنت مترددة من فكرة التوم والخل .. بس عملت التتبيلة العجايب. وهلأ عم بتذكرها واتحسر :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)