براونيز بكريما الخمس دقايق السرية
كيلو لحم الدجاج بدون عظم و جلد
صلصة التتبيل :
نصف كوب مايونيز
6 فص ثوم
ملعقة كبيرة دبس فليفلة أو معجون البندورة
ملعقة صغيرة فليلفة حمراء ناعمة
عصير ليمونة
7 ملعقة كبيرة زيت زيتون
نصف ملعقة كبيرة زعتر أخضر يابس أو أوريغانو
ملح و فلفل أبيض حسب الزوق
• يقطع الدجاج إلى مكعبات متوسطة الحجم بحيث تكون المكعبات متساوية قدر الإمكان .
• تخلط مواد صلصة التتبيل ثم تتبل بها مكعبات الدجاج .
• توضع مكعبات الدجاج في وعاء زجاجي و تغطى و تترك منقوعة في البراد لمدة 24 ساعة .
• عند الشواء ترفع المكعبات من الصلصة و تغرز بأسياخ الشواء مع ضرورة رص مكعبات الدجاج على بعضها البعض .
• تشوى أسياخ الشيش طاووق على الفحم أو على المشواة حتى تبدأ بالتلون و النضج و تقدم مع صلصة الثوم .
أنا عارفة انى تعبتك من كتر الاسئلة وخصوصا انى بانوى اجرب كل شئ بس عيالي قرود ربنا يحميهم يارب مطلعين عيني
ومش باعرف اعمل كل شئ فى الوقت اللى اريده
ماهو الاوريغانو ودبس الفليفلة؟؟ :cry
بالعكس نهولة , دا انت تاشر يا جميل
دبس الفليلفة فيك تعرفي كل شي عنه [URL=http://www.l2ma.com/content/view/25/25/]على هل الرابط[/URL]
أما الاوريغانو غهو نوع من الاعشاب الي بتنبت في الجبال , و فيك تستبدليه بالزعتر الأخضر العادي إذا مو متوفر عندك
سلمي لي يامنى.. اكتر حاجة عاجبانى فى الموقع سرعة الرد. ان شاء الله اجربها واعرفك النتيجة بس لو تقولى لى ازاى اعمله بنكهة الكارى يبقي جزاكى الله كل خير.
انا على العموم ح اجربه بالطريقة دى الاول وربنا يسهل.
وبعدين كنت عاوزة أسألك على حاجات بس مالهاش علاقة بالموضوع ده.. ح اكتب لك ايميلي ولونفع ابعتي لي الرد عليه..
انا اشتريت جوزة الطيب ولقيتها زى اللوز اللى بقشره مش عارفة اطحنها او استخدمها ازاى؟؟ هو ده قشره؟؟ يعنى اكسره الاول وبعدين اطحنه ولا ايه؟؟
هلا نهى
لو حابة تعملي بنكهة الكاري يبقى تحطي على التتبيبلة نصف ملعقة صغيرة من الكاري أو ملعقة صغيرة لو تحبي النكهة ظاهرة أكتر ..
جوزة الطيب بتبشريها على نفس المبشرة الي بتستعمليها لبشر الليمون أو البرتقال من الطرف الناعم للمبشرة , و القشرة هي الي فيها كل نكهة جوزة الطيب
لو عندك أيا سؤال خاص شويا ابعتيه بتعليق و أنا رح أرد عليك بايميل ان شاء الله
السلام عليكم و رحمة الله و بركاته
اكيد ان شاء الله راح جربها للوصفة و باقرب وقت بس ضروري المايونيز بعرف انها راح تعطي طعمة مميزة بس ما فينا نستغني عنها او نبدلها بشي تاني و تظلها الوصفة طيبة :cry
كمان النار تحت الشواية كيف بتكون يعني على نار هادية او متوسطة و كام بالتقريب بياخد كل واحد تحتى يستوي يعني بس بالتقريب تحتى اعرف كيف قسم وقتي و شو منساوي تحتى نحافظ عليها سخنه قدر الامكان يعني هل منغطيها بورق المنيوم لا تواخزيني اختي منى بعرف تعبتك معي
بالتوفيق
سلام
لا أختي ما فيك تستغني عنه هو سر طراوة الشيش طاووق , يمكن يكون في طرق تانية بس انا الشيف هيك علمني اياها و ما عدت عملت غيرها و على فكرة إذا غيرتي رح يصير الدجاج ناشف كتير و مو طيب
النار بتكون وسط و بتاخد بالكتير ربع ساعة أو أقل إذا عم تشوييها على الفحم بعدها بتغطيها بألمنيوم أو بخبز عربي لحتى تبقى سخنة .
مية هلا أختي و اي سؤال انا بالخدمة
مساء الخير منى
تحياتي الك طيبه هلاكله الله يعطيك العافيه بدي اسالك ولو انو متاخر لانو من زمان منزله الوصفه فيني قلب قطع الشيش بالزيت لحتى تستوي دون ما اشويها 
هلا نور
فيك اكيد تقلبيها بالزيت و بتطلع كمان طيبة كتير بس مو متل الشيش طاووق العادي
و كمان ممكن تحطيها بصينية تيفال و تخبزيها بالفرن
مممممممم
جوعتيني
تم حفظ الطريقة للتجريب
والله الواحد بيحتار بشو بدو يبدأ تجريب هههههه
مشكورة شيفتنا المتميزة
الشكر الك يا بسمة الحلوة على الردود الحلوة و التواجحد الطيب و ربي تجربي شي من الوصفات و تكون على زووءك حبيبتي
سلم هالديات منى وصفة غير شكل وكتير طيبة الله يبارك فيكي انا بعملا متلك نفس الشي بس عندي خلطة بهارات خاصة بالشيش طاووق بوصي عليا من لبنان وكتير معروفة عند العطارين هالخلطة بيطلع الشيش طاووق فيا متل المطاعم وبيعطي طعم الذ عن استعمال بس البهار الابيض ما بعرف اذا عندك منا
الصورة الجيدة بتجنن
بس كأنو في تغيير بالمقادير كان تلت كوب مايونيز اذا ماكنت غلطانة
امس عملت الشيش طاووق نفس طريقتك بس بصراحة إستبدلت المايونيز باللبن لأنو ماني من مشجعين المايونيز واللبن عطاها طراوة مو معقولة على كل رح أرد أجرب طريقتك المرة الجاي
هلا ام نور
هلا يمكن عنا منا , بتعرفي و لا مرة جربت سالت او جيب , بس اتوقع انها بتطلع اطيب اذا ضفت الها بهارات .
الف شكر الك للاضافة :zzz
هلا سمسومة
اي في تغيير , دوما لما عم حط الوصفة تحت الوصفات الجديدة بيكون غيرت فيها شي و طلعت اطيب و حابة تشاركوني فيها , يعني مو بس صورة :zzz
بس ما شاء الله عليك انك لاحظتي , يعني خيلتيني :grin
هلا غفران
هلا انا مو كتير صحبة مع المايونيز , بس بهل الوصفة انا من المعجبين فيه :grin
عن جد خلا الشيش طاووق طري و عطاه لون حلو و بعدها كله شرشر على الفحم و ما بقي منه شي
ان شاء الله تجربيه و يكون على زووءك
تسلم دياتك ست منى الشيش طاووق بيجنن والصورة بتفرط الريق
ماشاء الله وصفاتك دايما غنية وبتقدميها بطريقة كتير شيك
أنا عادة ما بحط مايونيز لما بتبل الشيش طاوق بس بحط لبن و هو كمان بيخلي اللحم يدوب بالتم
من شي سنتين كان في عنا عزيمة بمزرعتنا و لأنو عدد المدعوين مع عددنا ( البركة ) كان كبير طلبنا من (شوا متخصص ) يجي و يقوم بعملية الشوي و كنت متبلة شيش طاوق مع باقي التشكيلة كان كتير طيب فسألني بيومها شو حاطة للتبيلة ألتلو بهارات وتوم وحمض وزيت ودبس فليفة ولبن وشوية زيت زيتون فابتسم و ألي السر بطراوة الشيش طاووق هو اللبن بس مرة تانية كتري الزيت شوي لأنو الزيت بيعمل غلاف على قطع الدجاج و بيأخر مدة نضج اللحم و هيك بستوي على مهلو
حبيت أحكيلك هالقصة لأني حسيت بيومها أني استفدت من الشرح بس إن شاء الله ما كون طولت عليكي
عالعموم أنا من أنصار التنويع لهيك المرة الجاية بإذن الله رح أعمل متلك و حط مايونيز أكيد رح يكون كتير طيب لأني كتير بثق بذوقك ونفسك
مرة تانية بشكرك وبعتذرمنك على قلة مشاركاتي
بس أنا دايما يتابع كل وصفاتك ووصفات ستات البيوت الماهرات اللي ألهون مساهمات رائعة بها الموقع المتميز
مممم , رينو ردك كتير مهم و مفيد , طيب حابة اسالك بما انك مجربة و بدققي على التفاصيل , متل حكايتي :grin , اللبن ما رح يخلي في شي مبرغل حوالين الشيش طاوق ؟
يا ترى شو البهارات الي بتستعمليها بالتفصيل ؟
الف شكر الك على ردك , و بالعكس انا الردود الطويلة دوما بتدل عندي على الاهتمام
انا كمان ناوية جرب طريقتك المرة التانية و رح اقسم الكمية على نصن لحتى دوق و دوق الكل و خليهم يعطوني رايهم
تسلم ايدك ياست الكل على اطيب وصفة سبق وجربتها لما نزلتيها بلك من قبل وكانت ممتازة ووصفة الشيش طاووق رائعة وبتنعمل بكتير تتبيلات وكلها طيبة واللبن حلو ورائع بس اللي بيدايقني منه بيخلي تكتلات صغيرة مابنلاقيها ابدا في الشيش طاووق الجاهز وانا مرات بعمله بصدور ومرات بلحم الاوراك بس ميزة الورك بالشيش طاووق انو اكتر طراوة ومابقسى كتير مع الشوي
ولتجنب التخثرات للبن ممكن نحط منه ملعقة شاي فقط للمقدار كله او استبداله بالمايونيز
انا عادة بعمل الشيش طاووق بالليمون والمستردة ورشة زعتر طازج مع فلفل وتوم وزيت زيتون ورشة سكر ومعاهم مقدار ملعقة صغيرة لبن او مايونيز
مع زنجبيل مع تجنيب بعض البهار دون مزجه باللبن ورشه فوق الوجه
وكنت سمعت شيف لناني انو بيعملو نوعين الابيض السابق والاحمر باضافة الكاتشب ودبس الفلفل والف شكر لك ياقمر
الف شكر الك ام ياسمين , لتجربة وصفتي اولا و لردك تانيا
تمام و انا كمان احس بهل التكتلات الي قلتي عليها من اللبن و هي انا ما بحبها ابدا , بس ممكن بكمية صغيرة اخد فوائد اللبن من دون تكتلاته
شكرا كتير لوصفتك , حبيت فكرة الزعتر الاخضر الطازج , مممم طيب الشيش طاووق و كل طرقية الها ميزة
مرحبا منوشلا امبارح عملت طريقتك بالشيش طاووق بصراحة يميييييييييييي كتيير كانت طيبة وماحسيت بنكهة المايونيز متل ما قلتي كلها راحت على الفحم وبقيت النكهة الطيبة خلص بدي اعتمد هل الوصفة دائمة :zzz يسلموا ايديك مافي مرة جربت وصفة من موقعك الا وبيضت وجي الله يبيض وجك بالدنيا والاخرة ويخليلنا ياك يا رب
الله يخليلي ياكي على هل الدعوة الحلوة و الغالية , ان شاء الله وجك ابيض على طول و الف الف صحة و هنا و عافية على قلبك يا حلو
أختي منى ملاحظتك وملاحظة الأخت تورتاية بمحلها كمية اللبن مولازم تكون كتيرة يعني شي ملعقة وحدة بتكفي وبوجود عصير الليمون رح تزداد طراوة اللحم
بالنسبة للبهارات ما بتختلف عن بهاراتك بشي غير أني ما بحط الأوريغانو سبحان الله ما استلطفت طعمتو مع الشيش طاووق
مرة جربت ضيف خردل للتبيلة و كتير حبيناه
و مرة تبلت الشيش طاووق بنفس تتبيلة المعلاق المشوي (يعني توم و كزبرة و كمون ودبس فليفلة وحطيت لبن وزيت عصيرليمون ) كمان كتير كانت النتيجة طيبة رغم أنها بتختلف عن اللي بناكلها بالمطاعم
بدك الحقيقة ست منى اللعب بالنكهات والتوابل بيجدد الأكل و التجديد كتير حلو بشرط ما نبعد كتير عن المألوف
حابة ضيف شي تاني بس و الله للإفادة و مو للإطالة مرة كان عندي ضيوف و كنت عاملة بوفيه ومن بين الموجود كنت عاملة شيش طاووق بأسياخ خشب فحبيت قدموبطريقة ظريفة وتفتح النفس فجبت راس ملفوف و غطيتو بأوراق جرجير و غرست فيه أسياخ خشب حطيت بنهاية كل سيخ إما قرن فليفلة حمرا أو خضرا( النوع الرفيع الملتوي ) بحيث يكون مكان العنق الأخضر هو اللي بينغرس فيه العود الخشبي وكمان حطيت عيدان بنهاياتها فجل مزخرفتو متل الورد و عملت زهور من جزر و كمان غرستها بأعواد صغيرة وبالنهاية وزعت أسياخ الشيش طاووق بين كل هالأعواد كتير كان المنظر حلو و كأنو شقفة زريعة ملونة
خلص حطيت ببالي جرب المايونيز بدل اللبن لشوف الأفضلية لمين و سامحوني طولت عليكون
مسا الخير ست منى
اليوم جربت تتبيلة الشيش طاووق بالمايونيز و الحقيقة النتيجة روووووعة بكل المقاييس
و كلمة الحق أنو الأفضلية بعد التجربة طلعت للمايونيز فعلا أطيب من تتبيلة اللبن
شكرا ألك عزيزتي فعلا موقعك لا غنى عنو و الله يجزيكي عني و عن كل الأخوات كل خير
هلا رينو
ممممم , اتخيلت المنظر ادامي و اكيد رح يكون يمممي , انا مرة عمت فكرة قريبة بس بالفلافل , كان عندي ضيوف على الفطوور و شكيت اسياخ بحبة برتقالة و خطيتها بالملفوف المفروم و بهل الاعواد رتبت اقراص الفلافل , يممممم عن جد العين بتاكل قبل التم
رح جرب الخردل و ملعقة واحدة من اللبن لان اتوقعه كتير طيبيبن مع النقعة
شكرا كتير رينو لثقتك في و لكلامك الغالي الكريم و ربي يخليك و يحفظك على طول
يسلمو اايديكي منى شكل الشيش طااووق رجعني على حلب واكلااتا 8)
الله يسلمك ام احمد
ان شاء الله ترجعي سالمة و غانمة لحلب
يسلمو الايادي
روووووعه
مممم
هلا مرح
نورتينا مية هلا فيك
السلام عليكم ورحمة الله وبركاته:
بحب لما أشوف شي عجبني أجرب وجربت الشيش طاووق على طريقتك راااااااااائع تسلمايديكي
صحتين و هنا رهف على البك و الب عيلتك الحلوة
انا ممنوتك لثقتك في , شرفتي اختي 8)
السلام عليكم و رحمة الله و بركاته
عيد مبارك الك منووش و لكل زوار الموقع.غفر الله لنا و لكم.
جربت الوصفة بس بلبن بدل المايونيز و طلعت كتير طيبة. و كمان ممكن نحطو بصينية بالفرن تحتى ينضج و بعدين نشغل الشواية من فوق تحتى يتحمر و نشكو بالاسياخ مشان التقديم و الطعمة راح تطلع بتجنن.
بالتوفيق
سلام
:grin
السلام عليكم انا بقالى مده طويلة جدا لم ادخل الموقع لظروف حملى بس الحمد لله الان تمام وربنا رزقنى بفريده
الشيش طاووق وصفه محببه ليا جدا وحجربها قريبا واكيد حلوة
تسلم ايديك
هلا منى شو اخبارك؟؟
لعل المانع خير :roll
من زمان وانتى مابتردى على في السيامون رول..
انا جربت الشيش طاووق بتتبيلتك وطلعت تحفة جدا واعتمدتها عندى من زمان ودايما باستدمها
تسلم ايديكى الحلوين
هلا نهى
الف الف صحة و هنا , و الله معك حق انا فوتاتي للنت قلانة كتير . هلا لاحقتك للسينامون رول :zzz
هلا مروة
يييييي , الف الحمد لله على السلامة و سلامة الحلوة الصغيرة, ان شاء الله تكون امورك و اموره الصغنونة بخير
ان شاء الله تجربيها و تكون على زووءك و بوسات كتيرة لفريدة
يسلمو ايديكي حبيبتي .. بس عندي سؤال انتي سورية ولا مصرية ولا اردنية .. لهجتك منوعة .. ما تفهميني عنصرية والله بس بحب اتعرف ع ناس كتير من بلدي وبرا
ع راسي الكل و الله بس انا لهجتي مو متنوعة , لهجتي سورية و ممكن مرات من باب المزج استخدم غير لهجة
مية هلا فيك