صفوف


         وصفة : منى                 2007/09/05                 17 تعليقات
صفوف

·          يخلط الطحين و السميد و الباكينغ باودر و اليانسون و العقدة الصفراء جيداً ثم يضاف الزيت و يفرك المزيج .

·          يذوب السكر في الحليب و يضاف إلى المزيج و يخلط جيدا حتى الحصول على عجينة طرية و متماسكة .

·          تترك العجينة لترتاح لمدة ساعتين .

·          يدهن قعر صينية و جوانبها بقطر 30 سم بالطحينة و يسكب المزيج فيها و يزين السطح بالصنوبر .

·          يخبز الصفوف في فرن شديد الحارة مدة نصف ساعة أو حتى يصبح وجه الصفوف ناشف .

·          تترك الصينية حتى تبرد ثم تقطع مكعبات و تقدم .

 

 



3 كوب سميد ناعم
1 كوب طحين
كوب زيت نباتي
ظرف باكينغ باودر
رشة صغيرة ملح
ملعقة صغيرة يانسون ناعم
2 ملعقة صغيرة عقدة صفراء ( كركم )
كوبان و نصف سكر
كوبان حليب
2 ملعقة كبيرة طحينة

للتزيين :

صنوبر أو لوز





• يخلط الطحين و السميد و الباكينغ باودر و اليانسون و العقدة الصفراء جيداً ثم يضاف الزيت و يفرك المزيج .

• يذوب السكر في الحليب و يضاف إلى المزيج و يخلط جيدا حتى الحصول على عجينة طرية و متماسكة .

• تترك العجينة لترتاح لمدة ساعتين .

• يدهن قعر صينية و جوانبها بقطر 30 سم بالطحينة و يسكب المزيج فيها و يزين السطح بالصنوبر .

• يخبز الصفوف في فرن شديد الحارة مدة نصف ساعة أو حتى يصبح وجه الصفوف ناشف .

• تترك الصينية حتى تبرد ثم تقطع مكعبات و تقدم .



  • وصفات تانية ممكن تعجبك


التعليقات

  1. منى 5 September 2007

    تسلم هل الديات اختي ام نور :)

    هل الوصفة كانت تعملها جارة لأهلي و كانت تسميها سفوف ..

    و انا كنت حبها كتير ..

    الله يسلم هل الديات ام نور ,,,

    عن جد الكرم كرم أهل لبنان و الزوء زوءهم ;)

  2. ام نور 6 September 2007

    خجلتيني والله ليش ما بيعملوها المحلات بسوريا :? واذا بتحبي تعرفي مقادير اي نوع من الحلويات قوليلي الاسم وانا بجيب الوصفة من البابا اختصاص الحلويات العربية وبما اني مسافرة بيعطيني اسرار المهنة بس لو كنت في لبنان كان صعب :)

  3. منى 6 September 2007

    لا ابدا ما بيعملوها بسوريا :roll

    الله يكرمك اختي ام نور و الله العظيم خجلتيني بكل هل الكرم و الزوء ..

    ما عندي طلب محدد , انت أدرى , و انت كريمة أختي.ز

    كل ما بيكون عندك وقت و جاي على بالك ابعتيلي شي وصفة من الحلويات اللبنانية ..

    عن جد فرحانة بمشاركاتك كتير , الله يجزيك كل الخير :)

  4. ام نور 6 September 2007

    ولا يهمك اكيد كل ماكنت فاضية رح ابعتلك وصفي وعفكرة اسا المطبخ الفرنسي كمان شي روعة عندون اكلات كتير صحية وحتى سريعة ما بتاخود وقت انا كل ما تعجبني اكلة بسأل وبجربها حتى صار زوجي كل ما اطبخ طبخة غريبة بيسال من اي بلد اليوم

  5. منى 6 September 2007

    :) الله يهنيكم ببعض يا رب ..

    و انا متلك أختي كل ما بيعجبني شي وصفة بسأل عنها , و الي ما بيسال ما بيتعلم
    ;)

    انا بانتظار مشاركاتك أختي , و الله لا يحرمني من هل الطلة الحلوة 8)

  6. ladama 11 April 2008

    ام نور يسلمم يداك على هذه الوصفة رائعة جربتها و اكثر من ممتازة نفس المحلات ارجوك معاوزة عدة وصفات اخرى ممكن على البريد ؟

  7. منامينو 28 November 2008

    إم نور يا عيوني يسلمو إيديكي وإيدين البابا على هالصفوف اللي كتير حلوة وعالأصول. أنا اليوم عملتها وطلعت حلوة كتير، خفيفة ومش دسمة أبدا.. بس طلع عندي مشكلة وحدة يا ريت تحليلي اياها :roll

    أول شي مذكور بالطريقة إنه منخبزها بفرن شديد الحرارة.. شديد الحرارة يعني كم؟؟ :? هالنقطة شوي ما وضحت لي وفرقت معي شوي

    ثاني شي أنا طلعت معي لذيذة، بس ناشفة شوي :cry ، يعني الشاي كان ضروري معها، فيا ترى شو السبب؟؟ :? ، يمكن السبب بتعلق بدرجة الحرارة :roll :? لإنها أخدت معي أكثر من نص ساعة لتستوي

    يا ريت حبيبتي توضّحيلي هالنقطتين من فضلك عشان تكمل معي الوصفة المزبوطة.. على فكرة، أنا كنت أعملها زمان بس بطحين، يعني بدون سميد. بس هيك لقيتها أزبط. وكمان إضافة اليانسون للوصفة الأصلية كتير موفقة وحلوة.

    ظل شغلة وحدة. إنا لما طلّعتها من الفرن، دهنت وجهها بشي قليل كتير من الزبدة بالفرشاة. أنا هيك كنت أعرف الوصفة زمان. وهذا طرّى الوجه شوي..

    يا ريت تجاوبيني على أسئلتي. وكمان مرة حبيبتي يسلمو كتير كتير إلك وللبابا :zzz

  8. ام نور 1 December 2008

    اختي منامينو كتير انبسطت انك جربت الصفوف وانشالله ترجعي تجربيا وبتطلع احسن المهم بالنسبة لا الفرن قصدي اول شي منحمي الفرن على اعلى درجة لمدة 10 دقايق او ربع ساعة حتى نتاكد انو ساخن ولما ندخل الصينية الفرن ننقص الحرارة الى 180 درجة متل الكاتو ما لازم ندخل اي نوع من الكاتويات الفرن اذا ما كان محمى مسبقا وتتركي الصفوف حوالي 40 دقيقة او حتى تتاكدي انو نضج بادخال سكين ,وطلعت ناشفة طيبعي لان الزيت بينشفا فيكي المرة التانية تستعملي زبدة او سمنة تكون نوعية ممتازة وهيك بتطلع طرية وبتفت بس دسمة ولتخفيف الدسم استعملنا الزيت اما بالمحلات العربية ما بيستعملوا الا السمنة وبالنسبة لا دهن الوج زبدة اول مرة بسمع فيا لان الوج منزينو بالصتوبر ولازم يكون تاشف متل ايا وج كاتو ولما تعجنيا بالزبدة او السمنة فسدقيني ما في داعي ابدا لا دهن الوج بتصير كتير دسمة وايا سؤال انا بالخدمة

  9. ام نور 1 December 2008

    تكرم عينك اخت لاداما ممكن تطلبي بريدي من منى

  10. منامينو 2 December 2008

    تسلميلي حبيبتي أم نور، كلّك ذوق والله عالإجابة السريعة والوافية.

    طمّنتيني لكان لإنه أنا هيك عملت. خطرلي إنه أكيد بدّه يكون الفرن بنفس الحرارة اللازمة للكاتو. وعلى رأيك، خليتها لعند ما طلعت السكين نظيفة. فإذن الحمد لله فهمت مزبوط، وهي طبيعتها هيك تكون ناشفة شوي. مممم :roll فإذن ممكن نستعمل نص زبدة ونص زيت مثلا عشان ما تطلع دسمة كتير.

    بس على فكرة الزبدة اللي مندهن الوجه فيها ما بتحسي فيها أبدا إلا بشوية طراوة، يعني ما بتحسي بدهن أبدا ولا بتشوفيه لإنه الكمية قليلة كتير والوجه بيمتصها فورا. هاي الحركة كنت ماخديتها من الشيف أنطوان من شي محطة لبنانية بس وصفته كانت بس بالطحين :roll . وصفتك طلعت أزبط معي ;)

    يخليلك البابا يا رب :) ، عن جد وصفة بتبيّض الوجه. خلص اعتمدتها :zzz

  11. الدمشقية 14 December 2008

    حبيبتي أم نور كل عام وانت بخير بمناسبة عيد الأضحى أعاده الله على الجميع باليمن والبركة
    حبيبتي جربت هالأكلة وفعلاً لذيذة جداً وحتى عملت شوية تغييرات يعني حطيت لبن بدل الحليب لأنه ما كان عندي حليب :eek وما حطيت يانسون لأنه ماحاد عندنا بالبيت بيحبه زياده
    بس طلعت لذيذة جداً بشهادة أهلة ورفيقتي :zzz

  12. حنان 26 April 2009

    اخت منى انا عملت الصفوف وكثير طلعت طيبة ممكن اقلل نسبة الزيت والسكر

  13. منى 27 April 2009

    هلا حنان ريتو عوافي و الف الف صحة :)
    ما اتوقع ممكن تقللي الزيت و الا رح تطلع قاسية بس السكر ممكن تعدليه حسب زووءك ;)

  14. حنان 28 April 2010

    :cry :cry :cry :cry

  15. منى 29 April 2010

    شو في :roll

  16. الغربة الصعبة 17 June 2010

    الله شو طيبين يا ام نور اليوم اجاني ضيوف وسويتها وعجيتن كتير وعطيتن الوصفة بس اذا في مجال تجيبيلنا وصفة النمورة ومعمول مد بقشطة لان الصفوف زعل لان وحيد بالصينية بدو رفقاتو معو

    منى انا من زمان من متابعين هالموقع وكتير بيعجبني بس اليوم اول مرة بجرب شي منو بس كتير حلو في افكار وابتكارات كتير حلوة كان بدي منك وصفة صمون بتجي عجينته سائلة مرة شفت واحدة عم تعملو وجربتو وما زبط معي هو بكون بس ماء وطحين وخميرة وسكر وملح وبتكون العجينة سائلة بتنسكب سكب باليد قطع العجين وبتندهن بالزيت قبل ما تدخل الفرن

  17. منى 17 June 2010

    هلا فيك اختي :)
    نورتي الموقع و صحتين و عافيه على البك

    الوصفة الي طلبتيها ما عرفتها ابدا :roll حبيت ساعدك , ان شاء الله خيرها بغيرها

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)