براونيز بكريما الخمس دقايق السرية
واحدة من الف باء الطبخ المكسيكي هل الصلصة الطيبة السهلة الي منستعملها بكتيرررر وصفات , و فيكي بس تحضريها و تغمسي فيها رقائق التورتيا الي ممكن تشتريها جاهزة باكياس و ممكن تحضريها على ايدك , متل ما رح نعمل بلقمة طيبة ..
بالمكسيك في كتير انواع صلصات , اسهل و ابسط وصفة هي الصلصة الي رح نحضرها اليوم , في صلصة بندورة مطبوخة , صلصة افوكادو , صلصة الفليفلة , صلصة المانجو , و حتى صلصة بطيخ أحمر
الوصفة ما الها سر غير انك تحضريها بالصيف وقت بتكون الخضرة طيبة و الها و كلها طعم , و مرة شفت بالمول بندورة جبلية و جبتها و حضرت منها هل الصلصة , كانت الطعمة ما بتنوصف على اد مو طيبة .. يعني اذا حضرتيها بالخضرة البلاستيكية , لا تزعلي من وصقتي ..
بالصحة و الهنا
4 حبة بندورة ناضجة , مقشرة و مفرومة ناعماً
حبة صغيرة بصل أحمر , مفروم ناعماً
نصف كوب كزبرة خضراء , مفرومة ناعماً
2 حبة فلفل أخضر أو أحمر , مفروم ناعماً
ملح و فلفل أسود
1 - 2 ملعقة كبيرة خل أحمر
ملعقة كبيرة زيت زيتون
حبة ليمون أو ليمون أخضر
نصف ملعقة صغيرة فليفلة حمراء ناعمة
ملعقة صغيرة كمون
• تقلب المقادير مع بعضها البعض و يعدل الحمض و الملح حسب الرغبة .
• تغطى و تترك لمدة ساعتين او ثلاثة حتى تتمازج النكهات ثم تقدم مع رقائق التورتيا أو الشيبس أو الناتشوز .
-
وصفات تانية ممكن تعجبك
سلام مدام منى انا اول وحده رح اعلق يسلم ايديكي على وصفاتك الحلوه مبارحه عملت كعك العيد بطريقتك طلع بيجنن الله يجزيكي الخير وان شاء الله رح اجرب اعمل هلاوصفه قريب بوسي صغارك وسلمي على كل اهل حلب انا بالغربه ومشتاقه كتتتتتتتير لحلب
سلام مدام منى اليوم انا اول وحده رح اعلق شكرا كتير كتير على وصفاتك المرتبه ومبارحه عملت تنين كيلو كعك عيد بطريقتك طلع روعه الله يجزيكي الخير بس انا ما ضفتلو سكر بحبه بملح بس و خميره حطيت طرف حبيبات لل2 ك مع تخمير شي ساعتين والمي يمكن اقل من الكميه اللي زاكرتيها بشوي بس عنجد شكرا الله يجزيكي الخير وانا متابعتك دائما بس قليل لاكتب تعليق بسبب ضيق الوقت
واو نحن كتير منحب رقائق التورتيا في هون مطعم مكسيكي بيعملن طيبات بس مو مناسبة تاكليها بالمطعم لاني رح تشبعي وما تاكلي شي تاني ولذلك احيانا منطلبها هي والصوص تبعها ومناخدن على البيت وشي يوم متنقرشن المسا
ان شاء الله بس تنزلي طريقة الرقائق رح جربها
بس في مشكلة :sigh ما بحب الكزبرة الخضرة ابدا وعالأغلب رح استغني عنها
وكمان للأسف البندورة هون بلاستيكية ونادرا ما تجي بندورة حمرة وشهية :cry
طولت عليك تسلم دياتك والله يعطيك العافية على الوصفات الرائعة والمميزة
هلا مدام الصن
منورة حبيبتي و انا بنبسط كتير لما بشوفك بين المتصفحين و بنبسط اكتر لما بتخبريني شو أخبارك و شو جربتي و اذا ظبطو معك او نو
صحتين و الف الف هنا يا رب على كعك العيد , ان شاء الله تاكلوا انت و ضيوفك بالف صحة
هلا ام نبيل
ممم , شهيتين نقرش معك , صحتين و الف عافية يا رب :zzz
هي أغلب الحلبية ما بيحبوا الكزبرة الخضرة , بس و الله طيبة بس بدك تتعودي عليها , بكل الاحوال صحتين و الف هنا مقدما
ان شاء الله رح نزل لوصفةالتورتيل كتير قريب , و الله يعافي قلبك و بدنك يا رب
السلام عليكم مدام منى وتسلم هالأنامل وريته كل عام وأنت بخير وعقبال ما نشوفك بحرم الله الشريف
متل العادة أنا من المتابعات الصامتات والمتشوقات لكل جديد
من بعد إذنك بدي سلم على مدام الصن
مو حضرتك بتكوني مدام ألسون يا ترى تذكرتيني الله يسلمك ويحفظلك زوجك وولادك ويوجهلك الخير وين ما كنت
اجتمعنا بفرنسا من شي ست شهور مع بقية الأحباب وإنت اللي دليتيني على هالموقع الظريف
سلامات والله يجمعنا على خير
وهاد من فضل الله يا مدام منى اللي منجتمع بموقعك الحلو
وشي طيب متل العادة وأول ما تسمحلي ظروفي إلى التجريب هيااا
انا اول مره ليا هنا اتمني تتقبلوني صديقه داءمه ان شاء الله انا اسكندرنيه
ام ريتال (روتي)