براونيز بكريما الخمس دقايق السرية
من وقت ما اجا وقت الفريز و أية عم تقلي يااي يا منى عم حضر عصير بيجنن , فريز مع برتقال , جربيه , و انا عم ااقول الها إن شاء الله , و كل يوم بيطلع الي مية شغلة و بجي لأخر اليوم و بتكاسل حضره و بترجع تحاكيني اية بعد كم يوم و تقلي يمممي لسا ما جربتيه !
قرب وقت البرتقال يخلص و انا لسا ما جربت عصير لولو , و من كم يوم جابلي أبو الشباب برتقال عصير و قال لي كل سنة و انت سالمة , هي أخر برتقالات بجيبهم لان البرتقال قرب ينشف !!
لااا طبعا وين يروح علي عصير لولو , لازم لحق حالي . حضرته و جهزت ورشة التصوير و بعدها سكبته بالكاسة , واااو ما بقى أعرف ركز أفكاري و قعدت و أتأمل و قول لحالي , ايه شو هل الزووء يا أية , ايه شو هل البتك و الفن كله , ريتو يسلملي ريتو , لو يعرف هل العصير شو حبيتو ..
شو رأيكم الاسم لابقله و الا نو ؟
بالصحة و الهنا
كوب عصير برتقال
ثلاث أرباع كوب فريز مقطع
ثلث أو نصف كوب ماء
1 – 2 ملعقة كبيرة سكر
• يوضع الفريز و السكر و الماء في خلاط العصير و يمزج حتى يصبح بيورييه ناعمة .
• يصب عصير البرتقال في كوبي عصير بحيث يملأ نصفهما .
• يصب فوقه عصير الفريز و يقدم فوراً .
-
وصفات تانية ممكن تعجبك
ماشاء الله شو هالنشاط يامنى كله لسه من ربع ساعة كنت عالموقع وماكان في شي
شو هالكوب الي بيجنن وانا بعرفه تقريبا لان سلفتي كمان الها مراء بتحضير كذا نوع عسير فوق بعضهن وبيطلع معها شي كتيير كتير حلو وكل كوب كأنه لوحة فنية وماشاء الله عليها كله اختراع وبدون مقادير كمان :grin
بس هالفولكانو اللي عندك شكله حلو وعن جد بيبل القلب يسلمووو ايديكي الحلوين وسلاماتنا لايوشة :zzz
ايه والله اخد لي عقلي شو هذا منوش الله يسلم دياتك وديات اية يالله شو بحب اسم اية اجا بوقته اسمي انا بحاجة لفيتامينات بمرحلة النقاهة بعد التعب وبتعرفي ان البرتقال غني بفيتامين س وكمان البوتاسبوم منشان وجع الرجلين كتير منيح اما الفريز فيعد اغنى من البرتقال بفيتامين سي لذلك كتير منيح للرشح والزكام وشكرا منى
هلا رنونة:)
ايه و الله معك حق , الحمد لله رب العالمي الله يديمها نعمة هلا حاسة بنشاط , كان الجو اله علاقة بالمزاج كتير :zzz
سلامك وصل و ان شاء الله تجربي هل الفولكينو و يكون على مزاجك و يناسب روقانك
هلا غيوثة
حبيبتي لو فيني احضره الك و انت تبقي مرتاحة لحتى تشدي منيح :roll
الف شكر للمعلومات , قرأتها اكتر من مرة لحتى احفظها مننيح بذهني ,. الشكر الك يا قمر و ان شاء الله تجربي العصير و يعجبك
هلا منى وشكرا على استجابتك السريعة في حل مشكلة التواصل معك..ها العصير شكلة رائع وعندي هلأ الفريز والبرتقال ورح جربه بعد الغدا..أنا كمان بعمل موز مع الحليب لحالهن وبجيب بيوريه الفريز متل اللي سويتيه وبصبهن في كاس طويله من على جنب لأقل من ثلث الكأس وبعدين بصب الموز المضروب مع الحليب لحتى قبل الحافة ب 2سم وبعدين برجع زيد عليهن الفريز من منتصف الكاس حتى يصير باين الفريز من النصف وحوله الموز بحليب (من فوق) وإن شالله رح أبعتلك صورته..وشكرا على استضافتي بهاي الموقع الرائع
:eek اي اشو هادا خيتو عصير روووووووعه تسلم دياتك وديات ايه واكيد احلى الصبايا جودي
اكيد رح جربو ان شاء الله والله اشتقنا لربيع بسوريا :cry
هلا مشمش
ما داعي للشكر هادا الواجب و اسفين للازعاج
ممم , فكرة حلوةة كتير ان شاء الله بجربها المرة التانية و اكيد بتطلع طيبة
نورتي و شرفتي و مية اهلا و سهلا فيك
هلا نور
خليلي عينك و لا تبكي مشان الله , ان شاء الله بترجعي سالمة و غانمة حبيبتي
الله يخليلك احبابك كلهم نور
:zzz
يسلم هالايدين يارب 00 على حظي مابقى يمكن فيه فيرز خلص وقته رح استبدله بالمثلج المهم دوق هالطعمه واتمتع بهالالوان اللي كلها جاذبيه 8)
كتير حلو اسمه للعصير وهلأ بالصيف مافي اطيب من العصيرات وتكون بارده الله يعينا عالصيف بلشو الشوبات :roll
وشكرا لغيث اللي عم تقلنا معلومات مفيده وشكرا لصاحبة العصير ايه والك منوش الف شكر والله يخليلك جودي واختها واخويها ويحفظهن يارب وتشوفيهن متل مابتحبي 00
هلا سلوفة
و انا رح شيل شوية فريز لخاطر هل العصير .
الله يعينكم بالسعودية عندكم فرن مفتوح , نحنا الجو احسن شوي و انا بيعدي علي وقت بشتهي اطلع من جلدي :upset
الف شكر الك للدعوات الحلوة و ربي يخليك اولادك و تشوفيهم ملو العين و القلب
منى الحلوة .. قريت الوصفة ورحت طبقتا بعد العشا ما أطيبها .. هلأ شربت كاستي وزوجي وبنت حمايي شو حبوه .. يسلمو إيديكي يارب يا أم الأفكار ..
وحتى عملت كريب وزينتو بالشوكولا البيضا والسودا .. طلع منظرو بيشهي .. يسلم إيديكي يارب .. :roll
صياح الخير منمون
كنت محتارة وين اكتب تعليقي بصفحةمفركة الفول
ولاكاتوايس كريم ولاايس كريم الفواكه
فقررت اكتبها هون ليش مابعرف يمكن العصيرله تاثير :grin
المهم ياستي عملت المفركة من يومين وعجبت زوجي كتيروقلي عن جد نغم وكاتوايس كريم ماحدا صدق انوشغلي طلع مثل الجاهز واطيب والبوظة ياعيني
على البوظةكان في عندي مانجومستوية قلت لحالي
قومي وجربي الايس كريم وانا عم اساويه دخل زوجي على المطبخ وقلي ليش العذاب مليان ايس كريم بالسوق
قلتلوحابه اجرب :roll وعينك يا منى تشوفي ولادي كل ما اروح على الفريزر احرك البوظة يلحقوني ماما طعمينا هيييييييييك لصار نص الصحن فاضي وبعد ماجمدت سكبت لزوجي ومن اول لقمة قلي خلص انسي بوظة السوق ماتوقع انو هالموكونات البسيطة تطلع بوظة بجنن يعني عن جد يامنى الله يعطيكي الف عافيةويسلم دياتك
طولت عليكي سامحيني :sigh
هلا بشورة
الف هنا و عافية على قلبك و قلوب العيلة الحلوة فردا فردا على العصير و على الكريب , بالهنا أختي و مشكورة تجربتك وصفاتي
هلا ام محمد
الله يسامحك شو طولتي , بالعكس شو شهيتيني دوقها بالمانجا , و لا مرة ما جربتها فيها لسا , ايه صحة و الف الف هنا على القطط الصغيرة ذكروني باولادي كل ما بعمل بوظة , بس انا اولادي صاروا في مراحل متطورة اكتر و ممكن اجي اشوف الصحن فاضي على اخر بس متروك بالفريزر درءأ للشبهات , و الكل ينكر الجريمة :grin
الف هنا على قلبك و قلب اولادك و زوجك و مطرح ما يسري يمري
الله يخليلك اية فعلا يسلمو ايديها
فكرة رائعة
ويخليلك جودي ويحفظلك ياها من كل شر الصورة بتجنن
اكيد لمين بدا تطلع يعني
ويسلم هالانامل اللي طبعوا هالوصفة عالكيبورد
ليتحفونا باحلى الوصفات
ما شاء الله
شكله كتير حلو
تسلمى ياعسل
الله يسلمك سمورة و يا ريت تجربيه و يطلع معك لسا احلى
أنا اليوم إن شاء الله صايمة
وهلق صارت الساعة /2/ تماماً
وقريت هالوصفة قام طف ريقي على هالعصير باين عليه شغلة روعة تسلم ايدك يا أحلى منى وتسلم ايدين أية يلي علمتك هالوصفة الروعة
الله يتقبل صيامك يا رب , ولي على البي الدني حراقي . ربي يسر عليك
ان شاء الله تجربيه دمدوم و يكون على زووءك
رائع … رائع …
يعني شي بطير العقل .. و الألوان رح تنطق.
عملتو لضيوفي من يومين و طار عقلهن عليه بس كان لازم ضاعف الكمية مع إني عصرت 3 كيلو برتقال و أقل بشوي من كيلو فريز بس ما كفو لإنو كل واحد كان بدو كاسة تانية.
الله يعطيكي العافية و يسلم دياتك.
ما شاء الله , الف هنا يا رب على البك و الب ضيوفك و لو تعرفي شو انبسطت انك جربتيه للضيوف و انه نال الاعجاب
الله يعافي البك و بدنك و نورتي و نور الموقع فيك ميوسة :zzz
السلام عليكم انا مشتركة جديدة بالمو قع وبتمنى تقبلوني معكن اخت في الله وبحب قلك ياخت منى انو اكلاتك كلها بتجنن وانا عم جرب اكلة وراء اكلة وكلها عم تطلع بتجننننننننن والكل عندي عم يحبوها والله يعطيكي الصحة والعافيةدائما وتنوري المو قع بكلماتك واكلاتك الرائعة
مدام منى أنا حزينة
العصير ما طلع متل اللي بالصورة ليه؟؟
كيف طلع ؟
لون الفراولة طغى على لون البرتقال
:sigh
لون الفراولة طغى على لون البرتقال
:sigh
يعني اللون متل لون الفراولة
اها , هل المشكلة بتتصير اذا كنتي مرقتي عصير الفريز , يعني اذا كان مريق زيادة بيختلط مع البرتقال و بيصيروا كانوا لون واحد
يلا ازرعيها بدقني هل المرة و ان شاء الله المرة التانية بيطلع على زووءك
صحتين و الف هنا على كل شي جربتيه و منور الموقع فيك يا عسل