براونيز بكريما الخمس دقايق السرية
كيلو فاصوليا خضراء
نصف كوب زيت زيتون
حبة كبيرة بصل
4 فص ثوم
4 حبة كبيرة بندورة
ملعقة صغيرة فليلفة حمراء ناعمة
نصف ملعقة صغيرة بهار
ملح
• تمشط الفاصوليا ثم تفرم , يفرم البصل لجوانح أو خشناً و يدق الثوم و تقشر البندورة و يفرم .
• يحمى الزيت على نار متوسطة ثم يضاف البصل و الثوم و يقلب حتى يطرى و يصبح شفافاً .
• تضاف الفاصوليا و تهدى النار و تغطى الطنجرة و تقلب كل بضعة دقائق حتى يتحول لونها للأخضر الغامق , تحتاج لربع ساعة تقريباً .
• تضاف البهارات و الملح و البندورة و تقلب و تترك على النار حتى تنضج الفاصولياء و تتسبك الصلصة .
• تقدم الفاصوليا بزيت فاترة أو باردة مع الخبز العربي .
الله يسلم هالايدين عفكرة هالاكله بموووووووووووووووووووت فيها كتير بحب اكلات الزيت وبالذات هي..بس بدي اسالك اختي انو انا بعرف انو بنحطلها كزبرة مو مضبوط…ولا هي غير طريقة؟ :roll
هلا فيك أختي
أختي الفاصوليا بزيت ما بدها كزبرة , أما الفاصوليا بلحمة بدها و بتلاقي الوصفة على هل [URL=http://www.l2ma.com/content/view/183/2/]الرابط[/URL]
ان شاء الله تلحقي تجربيها و تكون على زوءك , أنا بحبها كتير
نحن بلبنان منسميا لوبيا بزبت او بلحمة اما الفاصوليا فهي الحب اليابس ما بعرف شو بتسمو انتو
هلا ام نور
نحنا منسمي النوع الرفيع من الفاصوليا باللوبيا ..
أما الفاصوليا الحب منسميها الفاصوليا البيضا [URL=http://www.l2ma.com/content/view/135/2/]و رابط تحضيرها[/URL]
و هي [URL=http://www.l2ma.com/content/view/183/2/]الفاصوليا بلحمة[/URL]
ولا مرة جربت أعملها بالبصل .. دائما بحط لها توم وكزبرة متل الفاصوليا بلحمة ،ومع ذلك بتكون لذيذة جداًُ .. ناوية روح هلأ اعملها ورح أستعمل بندورة طازجة ،عادة بعملها بالمعجون ,, بس أعتقد أطيب بالطماطم الطازجة :zzz
هلا ايمان
اكيد بتكون طيبة , انا بعملها بهل الطريقة لحتى تتميز طعمتها عن الفاصوليا بلحمة , اما الدبس فنووو :roll لان راحت الطعمة الفريش و التازة بهل الوصفة
ان شاء الله تجربيها و تحبيها
عن جد كتير طلعت طيبة … وزوجي حبها كتير ، يمكن لأن الخضار كانت فريش .. عادة بعملها بفاصوليا مفرزة ومعجون طماطم .. بس هالمرة على طريقتك .. كله فريش ، فكانت لذيذة جدا :p
أنا ما بتفرق معي إذا كانت متل فاصوليا بلحمة ، لأن نحن ما بنعملها بلحمة .. ،بس التنتين طيبين ..
هنا و عوافي على قلبك و قلب زوجك
كتير انبسطت انها عجبنك و كانت على زووءك :zzz
هلا امولة
واخيرا عرفت الطريقة ، جاري التجربة وان شاء الله بتطلع معي طيبة :roll
يا رب تطلع متل الي دقتيها او اطيب
واخيرا تم التطبيق ملينا من الفاصوليا برز ، عملتلهم فاصوليا بزيت بس شو الطعم روعة وطبقت الخطوات مزبوط اي والله طيبه واكتشفت مكدوس الفاصوليا رح جربو كمان ان شاء الله ، مبسوطة كتير اني تعرفت على موقعكم الحلو
و انا مبسوطة اكتر حنونة
الف عافية و صحة و هنا يا رب على كل لقمة و كل تغميسة و ان شاء الله تجربي المكودسات و انا اكيدة انه رح يعجبك باذن الله 
السلام عليكم
منوش شكرا كتير عالموقع والوصفات (أنا شلت الكلفةمن أول تعليق هههه، لأنك ببساطة صرتي من عنا من العيلة ! ، لما بناقش أمي وأختي بالوصفات، بقلون: بس منى ما هيك بتعملها !!، أو هنة بيقلولي: منى ما منزلة هالوصلة الفلانية ؟)
طيب منجي للفاصوليا بزيت .. نحنا بالبيت ما كنا نعمليها بالزيت، نعملها عادي باللحمة. بصراحةهيك بتجنن بتسطل، أول مرة عملتها من شي سنة وأخدتها عالشغل، عجبتون كتير كتير. وهلئ صرت أعملها لزوجي وهو صار يطلبها كتير
مشكورة كتير
والسلام عليكم
و عليكم السلام و رحمة الله و بركاته , نورتي و شرفتي اختي , و انا عم قول لحالي ليش دانانتي عم اطن :grin
سلميلي عليهم
الف صحة و هنا على البك و الب كل مين داقها من تحت دياتك و كتير مبسوطة انها عجبتك و عجبت ابو الشباب و كمان رفقاتك
السلام عليكم
مدام منى يسلم دياتك ع الوصفه سؤال
زوجي ما بيحب البصل المطبوخ ازا عملتا بدون بصل بتتغير الطعمة كتير
اهلين ميسون , عفوا هلا لشفت السؤال
اي بيصير , بتتغير الطعمة , بس كمان بطلع طيبة
الله يسلم هالايدين عن جد من ابسط واطيب الاكلات عندي ولما كانت امي الله يجزيها الخير تطبخها قد ماتكبر الطجره نحس حالنا ماشبعنا منا
…
هلأ بس صرت اطبخها مع انو عيلتي صغيره انا وجوزي وبنتي عمرها سنه و3 شهور بس مابنعترف الا بطنجره كبيره. هلا عم اطبخها وحبيت شوف لمساتك فيها لان ع طول عندك الشي غير مميز الله يخليلنا ياكي منمن:)
ان شا الله مليون هنا ع قلبك وقلب العيلة الحلوة واحد وااحد
شرا كتير الك