فاصولياء بالزيت


         وصفة : منى                 2007/07/20                 18 تعليقات
فاصولياء بالزيت



كيلو فاصوليا خضراء
نصف كوب زيت زيتون
حبة كبيرة بصل
4 فص ثوم
4 حبة كبيرة بندورة
ملعقة صغيرة فليلفة حمراء ناعمة
نصف ملعقة صغيرة بهار
ملح





• تمشط الفاصوليا ثم تفرم , يفرم البصل لجوانح أو خشناً و يدق الثوم و تقشر البندورة و يفرم .

• يحمى الزيت على نار متوسطة ثم يضاف البصل و الثوم و يقلب حتى يطرى و يصبح شفافاً .

• تضاف الفاصوليا و تهدى النار و تغطى الطنجرة و تقلب كل بضعة دقائق حتى يتحول لونها للأخضر الغامق , تحتاج لربع ساعة تقريباً .

• تضاف البهارات و الملح و البندورة و تقلب و تترك على النار حتى تنضج الفاصولياء و تتسبك الصلصة .

• تقدم الفاصوليا بزيت فاترة أو باردة مع الخبز العربي .


  • وصفات تانية ممكن تعجبك


التعليقات

  1. arwen 26 October 2007

    الله يسلم هالايدين عفكرة هالاكله بموووووووووووووووووووت فيها كتير بحب اكلات الزيت وبالذات هي..بس بدي اسالك اختي انو انا بعرف انو بنحطلها كزبرة مو مضبوط…ولا هي غير طريقة؟ :roll

  2. منى 27 October 2007

    هلا فيك أختي :)

    أختي الفاصوليا بزيت ما بدها كزبرة , أما الفاصوليا بلحمة بدها و بتلاقي الوصفة على هل [URL=http://www.l2ma.com/content/view/183/2/]الرابط[/URL]
    ان شاء الله تلحقي تجربيها و تكون على زوءك , أنا بحبها كتير

  3. ام نور 1 December 2007

    نحن بلبنان منسميا لوبيا بزبت او بلحمة اما الفاصوليا فهي الحب اليابس ما بعرف شو بتسمو انتو :?

  4. منى 2 December 2007

    هلا ام نور :)

    نحنا منسمي النوع الرفيع من الفاصوليا باللوبيا ..

    أما الفاصوليا الحب منسميها الفاصوليا البيضا [URL=http://www.l2ma.com/content/view/135/2/]و رابط تحضيرها[/URL]

    و هي [URL=http://www.l2ma.com/content/view/183/2/]الفاصوليا بلحمة[/URL]

  5. Eman 26 November 2008

    ولا مرة جربت أعملها بالبصل .. دائما بحط لها توم وكزبرة متل الفاصوليا بلحمة ،ومع ذلك بتكون لذيذة جداًُ .. ناوية روح هلأ اعملها ورح أستعمل بندورة طازجة ،عادة بعملها بالمعجون ,, بس أعتقد أطيب بالطماطم الطازجة :zzz

  6. منى 27 November 2008

    هلا ايمان :)
    اكيد بتكون طيبة , انا بعملها بهل الطريقة لحتى تتميز طعمتها عن الفاصوليا بلحمة , اما الدبس فنووو :roll لان راحت الطعمة الفريش و التازة بهل الوصفة
    ان شاء الله تجربيها و تحبيها

  7. Eman 29 November 2008

    عن جد كتير طلعت طيبة … وزوجي حبها كتير ، يمكن لأن الخضار كانت فريش .. عادة بعملها بفاصوليا مفرزة ومعجون طماطم .. بس هالمرة على طريقتك .. كله فريش ، فكانت لذيذة جدا :p
    أنا ما بتفرق معي إذا كانت متل فاصوليا بلحمة ، لأن نحن ما بنعملها بلحمة .. ،بس التنتين طيبين ..

  8. منى 29 November 2008

    هنا و عوافي على قلبك و قلب زوجك
    كتير انبسطت انها عجبنك و كانت على زووءك :zzz

    هلا امولة

  9. TENDERNESS 13 July 2009

    واخيرا عرفت الطريقة ، جاري التجربة وان شاء الله بتطلع معي طيبة :roll

  10. منى 13 July 2009

    يا رب تطلع متل الي دقتيها او اطيب :)

  11. TENDERNESS 15 July 2009

    واخيرا تم التطبيق ملينا من الفاصوليا برز ، عملتلهم فاصوليا بزيت بس شو الطعم روعة وطبقت الخطوات مزبوط اي والله طيبه واكتشفت مكدوس الفاصوليا رح جربو كمان ان شاء الله ، مبسوطة كتير اني تعرفت على موقعكم الحلو :)

  12. منى 19 July 2009

    و انا مبسوطة اكتر حنونة :) الف عافية و صحة و هنا يا رب على كل لقمة و كل تغميسة و ان شاء الله تجربي المكودسات و انا اكيدة انه رح يعجبك باذن الله :)

  13. Jassy 28 July 2010

    السلام عليكم

    منوش شكرا كتير عالموقع والوصفات (أنا شلت الكلفةمن أول تعليق هههه، لأنك ببساطة صرتي من عنا من العيلة ! ، لما بناقش أمي وأختي بالوصفات، بقلون: بس منى ما هيك بتعملها !!، أو هنة بيقلولي: منى ما منزلة هالوصلة الفلانية ؟)
    طيب منجي للفاصوليا بزيت .. نحنا بالبيت ما كنا نعمليها بالزيت، نعملها عادي باللحمة. بصراحةهيك بتجنن بتسطل، أول مرة عملتها من شي سنة وأخدتها عالشغل، عجبتون كتير كتير. وهلئ صرت أعملها لزوجي وهو صار يطلبها كتير :)

    مشكورة كتير

    والسلام عليكم

  14. منى 29 July 2010

    و عليكم السلام و رحمة الله و بركاته , نورتي و شرفتي اختي , و انا عم قول لحالي ليش دانانتي عم اطن :grin
    سلميلي عليهم

    الف صحة و هنا على البك و الب كل مين داقها من تحت دياتك و كتير مبسوطة انها عجبتك و عجبت ابو الشباب و كمان رفقاتك ;)

  15. MAYSON 7 June 2011

    السلام عليكم
    مدام منى يسلم دياتك ع الوصفه سؤال
    زوجي ما بيحب البصل المطبوخ ازا عملتا بدون بصل بتتغير الطعمة كتير

    • منى 29 April 2014

      اهلين ميسون , عفوا هلا لشفت السؤال :(
      اي بيصير , بتتغير الطعمة , بس كمان بطلع طيبة

  16. شيرين عبدالله 20 September 2015

    الله يسلم هالايدين عن جد من ابسط واطيب الاكلات عندي ولما كانت امي الله يجزيها الخير تطبخها قد ماتكبر الطجره نحس حالنا ماشبعنا منا :)
    هلأ بس صرت اطبخها مع انو عيلتي صغيره انا وجوزي وبنتي عمرها سنه و3 شهور بس مابنعترف الا بطنجره كبيره. هلا عم اطبخها وحبيت شوف لمساتك فيها لان ع طول عندك الشي غير مميز الله يخليلنا ياكي منمن:)

    • منى 22 September 2015

      ان شا الله مليون هنا ع قلبك وقلب العيلة الحلوة واحد وااحد

      شرا كتير الك :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)