براونيز بكريما الخمس دقايق السرية
· تقطع البصلة لجوانح رقيقة ثم تدعك بالسماق و تترك جانباً حتى اعداد بقية المقادير .
· ترفع اوراق البقدونس عن العروق ثم تغسل و تترك حتى تجف . تخلط مقادير الصلصة و يضاف القليل من الماء إذا دعت الحاجة , الصلصة يجب أن تكون متوسطة السماكة .
· تقطع الخضار لمكعبات ثم تقلى بالزيت كل نوع على حدة , ترفع و ترش بالملح و توضع على ورق ماص .
· تقطع الخسة باليد لقطع كبيرة ثم تفرش في طبق التقديم .
· تخلط الخضار المقلية مع الحمص و البصل المتبل و تقلب بلطف ثم ترتب فوق الخس , يوزع البقدونس و الخبز المقلي على وجه الفتة .
· قبل التقديم مباشرة توزع الصلصة على الفتة و تقدم فوراً .
نصف كيلو كوسا
نصف كيلو بانجان
نصف كيلو بطاطا
كوب حمص مسلوق
نصف خسة صغيرة
رغيف خبز محمص
حبة متوسطة بصل
ملعقة كبيرة سماق مطحون
نصف باقة بقدونس
الصلصة :
2 كوب لبن زبادي
3 ملعقة كبيرة مايونيز
فنجان صغير طحينة
فص ثوم مهروس
رشة ملح
القليل من الماء
• تقطع البصلة لجوانح رقيقة ثم تدعك بالسماق و تترك جانباً حتى اعداد بقية المقادير .
• ترفع اوراق البقدونس عن العروق ثم تغسل و تترك حتى تجف . تخلط مقادير الصلصة و يضاف القليل من الماء إذا دعت الحاجة , الصلصة يجب أن تكون متوسطة السماكة .
• تقطع الخضار لمكعبات ثم تقلى بالزيت كل نوع على حدة , ترفع و ترش بالملح و توضع على ورق ماص .
• تقطع الخسة باليد لقطع كبيرة ثم تفرش في طبق التقديم .
• تخلط الخضار المقلية مع الحمص و البصل المتبل و تقلب بلطف ثم ترتب فوق الخس , يوزع البقدونس و الخبز المقلي على وجه الفتة .
• قبل التقديم مباشرة توزع الصلصة على الفتة و تقدم فوراً .
ياسلام شي كتير حلو
من يومين كان بدي اعمل فتة فروج قلت رح ادخل على موقع منى شوف طريقتها بعمل الفتة
دورت بكل الاقسام مالقيت ولا فتة موجودة
استغربت كتير وان شاء الله هي بتكون بداية الفتات
لان الموقع بحاجة الها متل فتة المكدوس والحمص والفروج واللحمة
او بالاحرى نحنا بحاجة الها :grin
الله يخليلنا ياكي يارب نحنا طمعانين فيكي كتير بس هادا من عشمنا فيكي وكرمك اللي ما الو حدود
مبارح جربت صينية التوست وطلعت شي فخم كتير ودعيتلك بعدها كتير دعوة صافية من القلب
وعلى فكرة هي الفتة جديدة على
نحن بحماة ما بنعرفها اكيد هي حلبية رح جربها واعطيكي خبر ان شاء الله
شكلها حلو كتير وباينتها طيبة ان شاءالله رح جربها يسلمو هل الديات :zzz وعلى فكرة باينتا العزيمة كانت غير شكل الله يديم المحبة بيناتكن
هلا سمسومة
ايه و الله تكرم عيونك و عيون كل الاخوات ان شاء الله رح نزل كل الوصفات , يا الله هل المطبخ شو ما حطيتي فيه بيبقى ناقص 8)
هنا و الف الف صحة على التوست , كتير انبسطت انها عجبتك و انك جربتيها و اتمنى كمان تجربي هل الفتة , و هي الوصفة مو حلبية , هي جديدة و ابتكار جديد من وصفة أصلية
هلا ام دانية
ان شاء الله تجربيها و تحبيها و ممنوتك انا كتير اختي للمرور , سلامي لاخواتك كلهم
أنا بضم صوتي لصوت الأخت سيمو
فعلا بحاجة وصفات الفتات على أنواعها..
وأنا كنت ناوية أعمل فتة الحمص ودورت مالقيتها فبطلت أعملها مع إن عندي كتب طبخ كثيرة موجودة فيهاالوصفة
بس بصراحة ماصرت أثق غير فيكي خصوصاالوصفات السورية القديمة والشعبية مثل الفتات وغيرها.
تحياتي
الأخت المحترمة منى :
شكراً على هالأكلة وأنا من هواة الأكلات الغريبةبالطعم و الشكل و المضمون و شكلها مغري و مكوناتها جداً طيبة كل واحد لوحدة فكيف إذا كانت مجموعة في طبق واحد .
بس بدي أعرف أختي الغالية إذا كان عندي وصفة لأقدمها لكم فقط ارسلها إيميل عادي وأنتم تقومون بعمل باقي الخطوات. لك مني كل الشكر و الاحترام. :zzz
هلا لارا
تكرم عيونك الحلوة حبيبتي و انا كتير بشكر ثقتك في و كلامك الطيب , ربي يديم المعروف و يجمعنا في جنة عرضها السموات و الارض
السلام عليكم كيفك منى تحياتي الك
ولكل الاخوات حبيت اسلم عليكي ويسلمو اديك هي فته جديده انا بعمل فتة الدجاج رح جربها انشاء الله وعزيمة السحور بتجنن والله يديم المحبه وبيتك عطول انشاء عامر بالحب والخير تحياتي وكل عام وانت بخير 
هلا هنادة
نورتي و شرفتي و اتمنى تجربي هل الوصفة و تكون متل ما بتحبي
اذا حابة تشاركي بايا وصفة فممكن ترسليها كرد عادي او تبعتيها كايميل و انا رح كمل الباقي ان شاء الله
هلا نور
اشتقتلك صار الك فترة غايبة عنا , ان شاء الله تكوني مشغولة بالخير و تكون صحتك تمام انتي و كل العيلة
كل سنة و انتي كمان سالمة و بخير و يا رب تجربي الوصفة و تعجبك
كيفك منى يسلم ايديكي يارب وانا كتير متشجعه اعملها بس سؤالي انو بهي الحاله هي فته باردة بتكون مو متل باقي الفتات
شكرا الك
الله يسلم دياتك ياميمو انا من وقت ما شفت اسمها عم بستنى تنزل يعني شكلها بجنن وانا بحب الفتات يعني ضروري اجربها
هلا ندوش
هي فتة باردة مو سخنة , او فيك تقولي فاترة , غير عن بقية الفتات بس يممم يمم
هلا نوارة
يا رب يا رب تجربيها و تكون على زووءك , مستاهلة و انا رح استنى رايك بعد التجربة ان شاء الله , و صحة و هنا على قلبك و قلب محمد و البي بي :zzz
يااااااااااااااااااااااااااي يا منى ما بتصدقي شو صار
انا عم اقلي وكنت كتير كتير خايفه ومابعرف شو طالع اكل وشغلات من شان حسان قول اذا كانت مو طيبه او ما حبها
وهو يقلي جوعان وانا خاف اكتر انو ما يحبها وهو اكل اممممممممممم قلي تسلم ايديكي متل بالدعايات هههههههههههه
كانت كتير كتير طيبه و طبعا عملت دعايه الها والكل يقلي من وين من لقمه طيبه
يسلم ايديكي بس انا ضفت شغله وحدة وهي اني تبلت المقالي بشويه سماق وفليفله حمرا
شكرا الك
ياعيني شي طيب والله
ياستي وصفتك بتشبه وصفة لقيتها عالنت اسمها فتوش تركي ..طبقة خبز محمص وفوقها قطع باذنجان مقلية …بعدين بقدونس وبصل اخضر مفروم وفوقها صوص اللبن نفسه …كتير طيبة
ويمكن وصفتك اطيب واطيب لان فيها بطاطا …لازم جربها
هلاا ندوش
و الله و الله حسيت فيكي , مارق كتير على راسي اخت هل الموقف و بيكون البي على كفي ليقوم ينتزع مراق العيلة كلها على الغدا بسبب واحدة من تجاربي :roll
الف الف هنا على البك و الب الباشا و ممنونة كتير ثقتك في و تجربت الوصفة و كمان الدعاية الي عملتيها :zzz
هلاا ندوش
و الله و الله حسيت فيكي , مارق كتير على راسي اخت هل الموقف و بيكون البي على كفي ليقوم ينتزع مراق العيلة كلها على الغدا بسبب واحدة من تجاربي :roll
الف الف هنا على البك و الب الباشا و ممنونة كتير ثقتك في و تجربت الوصفة و كمان الدعاية الي عملتيها :zzz
هلا رنونة
اي هل الوصفة فيك تعمليها بالبانجان او بالكوسا او بالبطاطا حسب المتوفر و بالتلاتة اطيب الشي
جربيها و ان شاء الله رح تحبيها كتير
الف مبروك ندوشتي لنجاح الوصفة …صايرة معلللللمة ياخيتو ….بكرا لازم جربها لشادي ….حاكم حماتي مسافرة وهو واقف عالدقرة والنقرة :sigh ذوقه مو كتير صعب بس انا مو كتير بعرف اطبخ …هداك اليوم عملت سلق بزيت عطاني 4 من عشرة بس :grin
يا حبيبي , عنده كمان دفتر علامات , قوليلو لكن يحسن علاماتو و الا رح يفيق شي يوم و يعطيكي غياب و يبقى هو يورجينا عضلاته :grin
ههههههههههه والله افكارك خطيرة مامنوشة …وين كنتي مخبيتيها والله الخبرة الها دورها حتى بالزواج …ياستي لنشوف اليوم قديش العلامة بالعجة :grin من يومين عملت كوسا محشي مكشر على قولته …لاني نسيت حط دبس بندورة بالحشوة ..بس طيب يعني مااشبه شي :grin
ايه طبعا الخبرة الها , خبرة تناعش سنة انا , سنة ورا سنة منتعلم فيهم نطنش و نكون ااقل حساسية و اكتر ثقة و عرفانين حالنا شو عم نعطي و اديه هو مهم و مو مستنين علامات من حدى :zzz
يا سلام على هالفتة غير شكل سلم دياتك منى وبضم صوتي لا انصار الفتة
تكرم هل العيون الحلوة ام نور
ان شاء الله تجربي هل الفتة و تعجبك كمان
يااااااااااااااااي كلامك بيجنننننن
اختي كيف اكتب تعليق ووين وايش اضغط :cry
رنونة الحلوة
ههههههههههه لان العليق يتاخر احسبه مازبط
تسلمين يا قمر
الله يسلمك حبيبتي , معلش هادا لان لساك جديدة معانا و ما اتعرفتي على نظام الموقع مزبووك , مرة تانية شرفتي و نورتي و ميييية السلامة
أختي عاشقة البطاطس , تعملي متل ما عملتي تمام لمن كتبتي التعليق السابق
يا سلام أديش اشتهيت عليها
ممكن سؤال على طريقة قلي نور
لأني مابريد أقلي الخضرة كتير بس عند الحاجة ضيوف يعني
شو مشان فتة المكدوووووووووس
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟
؟