براونيز بكريما الخمس دقايق السرية
· تقطع الصدور المسلوقة إلى قطع صغيرة جدا و توضع جانباً .
· تقلى البصلة بزيت الزيتون حتى تشقر , يضاف الثوم و يقلب لمدة دقيقتين ثم يضاف الدجاج و يتبل بالبهار و القرفة و يقلب , يضاف مكعب المرق و نصف فنجان صغير من ماء سلق الدجاج و يترك الدجاج على نار متوسطة حتى يتبخر كل المرق و تتمازج كل النكهات مع بعضها البعض .
· في هذه الأثناء تسلق حبة البطاطا حتى تنضج ثم تصفى جيداً من الماء و تقشر و تهرس بالشوكة و هي لا تزال ساخنة حتى تصبح بيوريه و تختفي كل القطع الكبيرة ثم تخلط البطاطا مع الدجاج وحتى تتجانس المكونات ثم توضع في البراد حتى تبرد تماماً و بعد أن تبرد يضاف المايونيز .
· يقسم المزيج إلى كرات , يعمل تجويف في كل كرة و تحشى بمكعب جبنة و قطعة فطر ثم تغلق جيداً و تشكل بهيئة فخذات الدجاج بحيث تكون الحشوة في القسم المنفوخ من الفخذة و توضع القطع الجاهزة على صينية مغطاة بورق نايلون .
· يتبل البقسماط بالملح و رشة بهار ثم تغمس الفخذات بالبيض المخفوق مع القليل من زيت الزيتون ثم الكعك المتبل و يضغط على الفخذات بلطف كيف تلتصق حبات البقسماط جيداً ثم توضع بالفريزر لمدة ساعة حتى تتماسك , تقلى بعدها بالزيت الغميق و تقدم ساخنة مع كريم الثوم .
وصفات تانية ممكن تعجبك :
بطاطا كوينز
المعقودة ليرات الكوسا المقرمشة
نصف كيلو صدور دجاج مسلوقة
2 ملعقة كبيرة زيت زيتون
حبة بصل مفروم ناعماً
فص ثوم مدقوق
حبة كبيرة بطاطا
3 - 4 ملعقة كبيرة مايونيز
بهار مشكل
رشة قرفة
مكعب مرق
نصف كوب جبنة موزاريلا مقطعة إلى مكعبات
ربع كوب فطر مقطع قطع صغيرة
للتغطية :
بيضة
بضع قطرات من زيت الزيتون
كعك مدقوق ( بقسماط )
رشة ملح و بهار
• تقطع الصدور المسلوقة إلى قطع صغيرة جدا و توضع جانباً .
• تقلى البصلة بزيت الزيتون حتى تشقر , يضاف الثوم و يقلب لمدة دقيقتين ثم يضاف الدجاج و يتبل بالبهار و القرفة و يقلب , يضاف مكعب المرق و نصف فنجان صغير من ماء سلق الدجاج و يترك الدجاج على نار متوسطة حتى يتبخر كل المرق و تتمازج كل النكهات مع بعضها البعض .
• في هذه الأثناء تسلق حبة البطاطا حتى تنضج ثم تصفى جيداً من الماء و تقشر و تهرس بالشوكة و هي لا تزال ساخنة حتى تصبح بيوريه و تختفي كل القطع الكبيرة ثم تخلط البطاطا مع الدجاج وحتى تتجانس المكونات ثم توضع في البراد حتى تبرد تماماً و بعد أن تبرد يضاف المايونيز .
• يقسم المزيج إلى كرات , يعمل تجويف في كل كرة و تحشى بمكعب جبنة و قطعة فطر ثم تغلق جيداً و تشكل بهيئة فخذات الدجاج بحيث تكون الحشوة في القسم المنفوخ من الفخذة و توضع القطع الجاهزة على صينية مغطاة بورق نايلون .
• يتبل البقسماط بالملح و رشة بهار ثم تغمس الفخذات بالبيض المخفوق مع القليل من زيت الزيتون ثم الكعك المتبل و يضغط على الفخذات بلطف كيف تلتصق حبات البقسماط جيداً ثم توضع بالفريزر لمدة ساعة حتى تتماسك , تقلى بعدها بالزيت الغميق و تقدم ساخنة مع كريم الثوم .
وصفات تانية ممكن تعجبك :
بطاطا كوينز
المعقودة ليرات الكوسا المقرمشة
يمييييييييييييييييييييييييييييييييييييي
انا من غير شي ميتة من الجوع
يعني شوفة الوصفة و قرائتها تعذيب :eek
يعطيكي كل العوافي على هل الوصفات يلي بتجنن
له له له
سلامتك من العذااب ليندا :zzz
في ادامك حلين 8)
يا اما تروحي للمطبخ و تعمليها ..
أو تأخدي أول طيارة و تجي لعندي و أنا عازمتك على أطيب و أأقرمش فخدات دجاج
نورتي ليندا
السلام عليكم ورحمة الله وبركاته،،جزاك الله خيرا على هذا المجهود الأكثر من رائع،،لقد أتحفتنا بوصفاتك المدهشة ،،فبعد أن عثرت على موقعك المذهل لم أعد مضطرة لأتصل بأمي لأسألها عن أي وصفة(خصوصا وأنك حلبية متلنا)،،فموقعك (ماشاء الله )زاخر بالوصفات اللذيذة واضحة الشرح 8)
،،،سلمت يداك 
بلا معلمية عليك أختي،،أنا جربت أفخاد الدجاج من قبل وكانوا طيبات كمان،، بس كانت السيدة اللي عاملتهن ضايفة فكرة حلوة،،وهي إنو حاطة لكل طابة دجاج حبة معكرونة اسطوانية الشكل(ما بعرف إش بسموا) حتى تعطي شكل عظمة الفخذة ،، وسلااااااااام 8)
مية أهلا و سهلا فيك اختي ام ايمان عضوة جديدة و عزيزة
الف شكر ليك على الكلام الحلو الي بيبل القلب
و الله يرجعك لبلدك سالمة غانمة ان شاء الله
فكرة رائعة جداً , المرة التانية اذا الله راد رح جربها
فينا نقلي الفخدات قبل ما يجو الضيوف بساعة ؟؟؟
ولا من المقلاية للاكل؟؟
لانه مفكرة اعملن بالبوفيه
شكرا
طبعا فيك , يلا ان شاء الله تجربيها و تعجبك
طيبة طيبة كتير ونجحت نجاح باهر الله يبيض وجهك عالوصفات الرائعة
عوافي رنونة , و ان شاء الله صحتين و الف هنا على قلب مين عملها و داقها, شكرا على الدعوات الحلوة و ان شاء الله وجك ابيض على طول
جاب جوزي كيلين دجاج قال لانه ماتهنى فيهن هديك المرة طاروا بسرعة :grin بس سمعت شغلة انه مااستخدم معهن مايونيز قال لانه بيعمل تسمم اذا تعرض للحرارة ..بماانه رح ينقلوا .فشو بتقولي :upset
إذا كان المايونيز شغل اليت فممكن يعمل تسمم و خصوصا ان هلا ممكن يفسد بسرعة , اما المايونيز الجاهز لا , و كمان الله اعلم , انا هيك بعرف من التجربة و الخبرة بس مو اكيدة :zzz
اخر مرة بستعمله بهالاكلة لانه انا عملت المايونيز على ايدي …رح نسمي بالله قبل ماناكله وانشالله تاني مرة رح استعمل كريم التوم تبع النشا ..ادعيلنا مانتسمم :upset
يعطيك العافية و يسلموا ايديك على هالأكلات الي بتجنن,هاي الوصفة كتير حابة جربها بس مو عرفانة ازا رح أعرف أشكلها
بدي أغلبك ممكن تنزلي وصفة للأكل الصيني؟و طريقة عمل الدونات ازا في مجال.
شكرا كتير.
هلا رنونة
ان شاء الله ما بيصير شي , ولي على قامتي , خبريني شو صار معك :upset
هلا أختي fofosam:)
مو المهم تعرفي تشكليها من أول مرة , ممكن تعمليها على شكل أصابع أو كرات و بتبقى بتجنن و على مسؤوليتي ان شاء الله
تكرم عيونك على الوصفات , ان شاء الله بعد رمضان
مية هلا فيك اختي نور الموقع
السلام عليكم و رحمة الله و بركاته
اختي منى الوصفة مميزة و ان شاء الله راح جربا بهاليومين بدي اعرف ازا لازم نحط فخذات الدجاج بالفريزر بعد ما لتيناهم بالبقسماط او فينا نحطها بالبراد و ازا فينا نحطو بالبراد فهل فينا نخليه لاكتر من ساعة او ما بينفع او ممكن نحضرهم و قبل ما نغلفهم بالبيض و البقسماط نحطهم بالبراد لساعات
شو قولك
بالتوفيق
سلام
انا بتركهم بالفريزر تقريبا ساعةو اذا حابة تحضريهم قبل ممكن تحضريهم من البح و تتركيهم لوقت الغدا بالبراد , أكيد بيصير :zzz
الف هنا و عافية رنونة
كتير مبسوطة فيك و بالصور الي عم تضيفيهن , ان شاء الله تتشجع بقية الاخوات و تجربها :zzz
ليش ماعم يطلعوا الصور؟
هلا عملت تعديل على ردك لان غلطانة بطريقة اضافة الصور
الفخذات رائعات كتير كتير وصرت مجربتهن كذا مرة وهي صورة احد التجارب
[img]http://file11.9q9q.net/local/thumbnail/83813132/600×600.jpg[/img]
السلام عليكم منى الغالية
يعني الوصفة شكلها طيبة، جربتها ولكن ما زبطت. فرطوا انا وعمبقليهم يعني ما ضلهم متماسكين. فشو المشكلة يا ست الستات.؟؟؟؟ :sigh
له يا مريومة
و الله شو زعلت لان ما زبطةا .
عم فكر بمشكلة و اعتقد ان فا في غيرها و هي السوائل , يا ترى صفيتي البطاطا منيح قبل ما تهرسيها , و الدجاج نفس القصة , يا ترى صفيتيه منيح ..
مريومة هي الوصفة بالذات لازم تعيديها , لان اذا زبطت معك ما بقى تستغني عنها و رح تصير وصفة معتمدة عندك دوما ..
على فكرة مفتقدتك و صار الك زمان ما بينتي , ان شاء الله خير
:roll :roll
يم يم شو شكلها بيشهي ، اكيد ان شا ءالله لازم جربها
ان شاء الله تجربيها و تشوفي شو طيبة و مستاهلة
يلا خبريني اذا جربتيها
شو بدي قلك يا منمون ، اول شي شكرا على النصيحة والظاهر انك جبتيها لانوانا قشرت البطاطا و سلقتهم فشربو كل الماي و طحنتهم بميتهم.والظاهر هيدا اللي خربلي الوصفة.
والله انا عمبتصفح الموقع هيك عالسريع بس لاقي معي وقت لانو اجا عندي بايبي جديد عمرو شهرين و نصف وماخدلي كل وقتي والله . 8) ما عملحق على شي. وفوق هيدا اجت لعندي مرت عمي زيارة ، و كل يوم بقعد بفكر باكلة جديدة و طيبة فبجي وبجرب كم فكرة من هيدي الاكلات الطيبة . يعطيكي العافية يا امورة على هالسفرة المميزة . :grin :zzz :zzz :zzz
اي هيك بينت مريومة , المشكلة بمة سلق البطاطا معناها , يلا المهم ان الواحد عرف وين المشكلة و ما بدي تقولي عم نق عليك بس لااازم تعيديها , لازم ها و الا رح تروح عليك
ابوس البي بي الجديد , الله يخليه و يحفظه و يبارك فيه و تشوفي منه خير كتير انت و باباته و يكون من المسعدين بالدنيا و الاخرة , بيجننوا الاولاد بهل العمر , على بالي بوسه شي مية بوسة :zzz
شكرا يا قمر ، ووصلو البوسات .
بتعقد سفرتك نيال جوزك علهيا 8)
خلص ضروري جربها وخبرك شو بصير معي.
اهم شي الواحد يتبع الوصفة بحذافيرها وبدون فلسفته الخاصة والا بتخرب الطبخة على راسو وراس ضيوفو.
ويعطيكي العافية على هالااكل الطيب،يعني ايمتى لح اعملك زيارة
بتعرفي انا جوزي ما بهمو الاكل بالمرة فكرمال هيك بطل يهمني جرب و اخبص حالي بالمطبخ ،بس لما فوت على مطبخك بشم ريحة الطبخ الاصلي بقول ضروري قوم جرب كم وصفة حلوين.
:grin
ان شاء الله تجربيها مرة تانية و تزبط معك من دون فلسلفة الله يخليك خلينا بالطبخ اطيب
بتشرفي و بتنوري يا قمر و يا رب تجربي هل الوصفة و غيرها و تنول رضا الباشا :zzz
يا منى مبارح عملت هالوصفة وطعلت رااااائعة عن جد يعني هالكلمة قليل عليها عن جد كثير طيبة والعائلة عندي حبوها والكمية اللي زادت منها صاروا يتسلوا عليها كل شوي وبالليل على السحور عملتلهم اياها سندويشات وانبسطوا فيها كثير شكرا الك وياريت تكثري لنا من هيك وصفات خفيفة وسهلة وبنفس الوقت طعمها كثير لذيذ يسلموا هالايادي يارب
هنا و الف الف عافية و صحة على قلبك و قلب كل العيلة , يا ستي انا متل حالتك , بيقبوا بيروحوا و يجوا على البراد لحتى تخلص , هنا يا رب
تكرم عيونك الحلوة هيا :zzz
ما شالله الله يقويكي يا منى وتساويلنا هالطيبات كمان وكمان انا جديدة هون انشالله تقبلوني وتعلموني واصير شاطرة مثلكم
ان شاء الله بتصير اشطر يا قمر , مية السلامة بهل القامة , نورتينا
مممممممممممممممممممممممممممممممم
تسلم ايدك والله شي بيشهي
ممممممممممممممممممممممممممممممم
بيشهي ياعسل
يا رب تجربيها و تكون متل ما بتحبي و اكتر
مرحبا منى كيف حالك انا مبارح جربت الوصفه وطلعت كتير طيبه بلكن طلعت طريه شوي يعني مو ماسكه مزبوط هي هيك الوصفه اوالغلط من عندي
يمكن البطاطا او مزيج الدجاج ما كان ناشف كتير منيح , لان هي رح تطلع متماسكة و كتير سهلة للتشكيل , ممكن تقللي كمية المايونيز شوي مرة تانية
سلام منى
أنا بكرة عاملة جـَمعة لكل رفقاتي
و من الشغلات الي عاملتا هدول الفخدات
ادعيلي يزبطو معي :upset
ان شاء الله بحاول آخدلي كم صورة للسفرة و الأكل :zzz
بلكي بكرة بخبرك شو صار معي
7ayah
صح نسيت قلك إني حسيت العجينة مو كتير ناشفة فضفتلا رشة طحين صغيرة مشان تمسك أكتر
بمشي الحال هيك ولا رح تفرط معي بالقلي
الله يستر بكرة العزيمة :eek
ليش ما نشفتيها منيح :roll
هلا ان شاء الله بتزبط معك , و يا رب ما تخجلك ادام ضيوفك , لازم ما تاثر رشة الطحين
رح استنى اخبارك
سلام منى
من شوي طلعو ضيوفي من عندي :zzz
و الفخدات طلعو كتير كتير طيبات
أنا ضفت للعجينة آخر شي شوية سميد مشان تقرمش
و طلعت واااااااااو :eek
يسلمو ايديكي على هالوصفة الطيبة 8)
7ayah
الحمد لله
الف الف صحة و هنا على البك بكل لقمة انت و ضيوفك , ابسطت انها ظبطت و خصوصا ادام الضيوف
وشك ابيض على طول
مممممممممممم لزيز جدا (طبعا من مجرد المظر) تسلم اديكي يارب
الله يسلمك شيمو و ان شاء الله تجربيها و تكون نم نمم
مرحبا ست منى الله يسعد ايامك ويسلم ايديكي على هالموقع من اول ما بلشت جرب منه اختلفت سفرتي كتير وصار كل شي ينجح معي .جربت الفخدات وطلعو كتير طيبين وكمان جربت المسبحة او الحمص وجوزي والاولاد حبوهن كتير ولا عجينة العشر دقايق يا عيني عليها تحفة شو ما عم بعمل فيها عم يطلع روعة .انا بعتلك ايميل فيه وصفة لبسكويت رقايق الشوكولا بس ما وصلني منك رد وكمان ما عرفت كيف حمل الصور يا ريت بس تقري الرد تخبريني كيف مشان ابعتلك ياهن .يسلمو كتير طولت عليكي بس انا لحالي بالغربة ما بصدق ايمتى لاقي حدا وكركر معه :grin
اهلا و سهلا سلمى
ايامك كلها فرح و خير و هنا ان شاء الله
صحتين و هنا على الوصفات الي جربتيها , ممنونة ردك و كلامك , الله يديم المحبة و الود
وصفتك وصلتني , حقك علي ما بعت ايميل لاقلك انو وصلت , بس ما بتتخيلي اديه مشغولة هل الكم يوم
الصور فيك تحمليهن على جروب لقمة طيبة في الفيس بوك , شغلتهم كتير سهلة
ايا سؤال تاني من عيوني و منورتينا يا جميل
السلام عليكم يااحلى منى اليوم سويت افخاذ الدجاج وكانت فعلا مو بس رائعة اكثر من رائعة ولاول مرة اسال شلون طيبين والكل بيقول طيبين التلن طبعا مو صاحبت الوصفة حلبية متلكن والحلبية بصراحة فعلا عندن زوق بالاكل انا لما اتجوزت كان وزني 45 وهلا وزني 74 مع الريجيم كلو بسببكن وبسبب اكلاتكن الطيبة يالحلبية يسلمو كتير وكلما اجرب وصفة من وصفاتك رح خبرك سلام والفرج القريب ان شاء الله لاههلنا بسوريا واهلنا بحلب
مرحبا منى بصراحة حبيت ان اقول لك كل عام وانت والعائلة بخير بمناسبة عيد الاضحى اعاده الله على امة محمد بالخير والامن والامان والصحة والعافية
:grin كلنا بنفس الحال الله يرحم ايا قبل ما اتجوز
صحة و الف الف عافية يا قمر على البك و الب كل الي داقوهم و مبسوطة فيكي كتير و بتواجدك الطيب في الموقع
كل سنة و انت ااقرب من رب العالمين و ينعاد عليك بالف الف خير يا قمر
مممممممممممممممممممممممممممممممممممممممممم يمي على قولتك