فخذات الدجاج الرائعة


         وصفة : منى                 2007/06/12                 52 تعليقات
فخذات الدجاج الرائعة

·          تقطع الصدور المسلوقة إلى قطع صغيرة جدا و توضع جانباً .

·          تقلى البصلة بزيت الزيتون حتى تشقر , يضاف الثوم و يقلب لمدة دقيقتين ثم يضاف الدجاج و يتبل بالبهار و القرفة و يقلب , يضاف مكعب المرق و نصف فنجان صغير من ماء سلق الدجاج و يترك الدجاج على نار متوسطة حتى يتبخر كل المرق و تتمازج كل النكهات مع بعضها البعض .

·          في هذه الأثناء تسلق حبة البطاطا حتى تنضج ثم تصفى جيداً من الماء و تقشر و تهرس بالشوكة و هي لا تزال ساخنة حتى تصبح بيوريه و تختفي كل القطع الكبيرة ثم تخلط البطاطا مع الدجاج وحتى تتجانس المكونات ثم توضع في البراد حتى تبرد تماماً و بعد أن تبرد يضاف المايونيز .

·          يقسم المزيج إلى كرات , يعمل تجويف في كل كرة و تحشى بمكعب جبنة و قطعة فطر ثم تغلق جيداً و تشكل بهيئة فخذات الدجاج بحيث تكون الحشوة في القسم المنفوخ من الفخذة و توضع القطع الجاهزة على صينية مغطاة بورق نايلون .

·          يتبل البقسماط بالملح و رشة بهار ثم تغمس الفخذات بالبيض المخفوق مع القليل من زيت الزيتون ثم الكعك المتبل و يضغط على الفخذات بلطف كيف تلتصق حبات البقسماط جيداً ثم توضع بالفريزر لمدة ساعة حتى تتماسك , تقلى بعدها بالزيت الغميق و تقدم ساخنة مع كريم الثوم .
 

وصفات تانية ممكن تعجبك :

بطاطا كوينز

المعقودة  ليرات الكوسا المقرمشة



نصف كيلو صدور دجاج مسلوقة
2 ملعقة كبيرة زيت زيتون
حبة بصل مفروم ناعماً
فص ثوم مدقوق
حبة كبيرة بطاطا
3 - 4 ملعقة كبيرة مايونيز
بهار مشكل
رشة قرفة
مكعب مرق
نصف كوب جبنة موزاريلا مقطعة إلى مكعبات
ربع كوب فطر مقطع قطع صغيرة


للتغطية :

بيضة
بضع قطرات من زيت الزيتون
كعك مدقوق ( بقسماط )
رشة ملح و بهار





• تقطع الصدور المسلوقة إلى قطع صغيرة جدا و توضع جانباً .

• تقلى البصلة بزيت الزيتون حتى تشقر , يضاف الثوم و يقلب لمدة دقيقتين ثم يضاف الدجاج و يتبل بالبهار و القرفة و يقلب , يضاف مكعب المرق و نصف فنجان صغير من ماء سلق الدجاج و يترك الدجاج على نار متوسطة حتى يتبخر كل المرق و تتمازج كل النكهات مع بعضها البعض .

• في هذه الأثناء تسلق حبة البطاطا حتى تنضج ثم تصفى جيداً من الماء و تقشر و تهرس بالشوكة و هي لا تزال ساخنة حتى تصبح بيوريه و تختفي كل القطع الكبيرة ثم تخلط البطاطا مع الدجاج وحتى تتجانس المكونات ثم توضع في البراد حتى تبرد تماماً و بعد أن تبرد يضاف المايونيز .

• يقسم المزيج إلى كرات , يعمل تجويف في كل كرة و تحشى بمكعب جبنة و قطعة فطر ثم تغلق جيداً و تشكل بهيئة فخذات الدجاج بحيث تكون الحشوة في القسم المنفوخ من الفخذة و توضع القطع الجاهزة على صينية مغطاة بورق نايلون .

• يتبل البقسماط بالملح و رشة بهار ثم تغمس الفخذات بالبيض المخفوق مع القليل من زيت الزيتون ثم الكعك المتبل و يضغط على الفخذات بلطف كيف تلتصق حبات البقسماط جيداً ثم توضع بالفريزر لمدة ساعة حتى تتماسك , تقلى بعدها بالزيت الغميق و تقدم ساخنة مع كريم الثوم .




وصفات تانية ممكن تعجبك :

بطاطا كوينز

المعقودة ليرات الكوسا المقرمشة
  • وصفات تانية ممكن تعجبك


التعليقات

  1. linda 28 June 2007

    يمييييييييييييييييييييييييييييييييييييي
    انا من غير شي ميتة من الجوع
    يعني شوفة الوصفة و قرائتها تعذيب :eek

    يعطيكي كل العوافي على هل الوصفات يلي بتجنن

  2. منى 28 June 2007

    له له له

    سلامتك من العذااب ليندا :zzz

    في ادامك حلين 8)

    يا اما تروحي للمطبخ و تعمليها ..

    أو تأخدي أول طيارة و تجي لعندي و أنا عازمتك على أطيب و أأقرمش فخدات دجاج ;)

    نورتي ليندا :)

  3. Eman 1 October 2007

    السلام عليكم ورحمة الله وبركاته،،جزاك الله خيرا على هذا المجهود الأكثر من رائع،،لقد أتحفتنا بوصفاتك المدهشة ،،فبعد أن عثرت على موقعك المذهل لم أعد مضطرة لأتصل بأمي لأسألها عن أي وصفة(خصوصا وأنك حلبية متلنا)،،فموقعك (ماشاء الله )زاخر بالوصفات اللذيذة واضحة الشرح 8) ;) ،،،سلمت يداك :)

  4. Eman 1 October 2007

    بلا معلمية عليك أختي،،أنا جربت أفخاد الدجاج من قبل وكانوا طيبات كمان،، بس كانت السيدة اللي عاملتهن ضايفة فكرة حلوة،،وهي إنو حاطة لكل طابة دجاج حبة معكرونة اسطوانية الشكل(ما بعرف إش بسموا) حتى تعطي شكل عظمة الفخذة ،، وسلااااااااام 8) :)

  5. منى 1 October 2007

    مية أهلا و سهلا فيك اختي ام ايمان عضوة جديدة و عزيزة :)

    الف شكر ليك على الكلام الحلو الي بيبل القلب :)

    و الله يرجعك لبلدك سالمة غانمة ان شاء الله

    فكرة رائعة جداً , المرة التانية اذا الله راد رح جربها ;)

  6. رنا 27 June 2008

    فينا نقلي الفخدات قبل ما يجو الضيوف بساعة ؟؟؟
    ولا من المقلاية للاكل؟؟
    لانه مفكرة اعملن بالبوفيه
    شكرا

  7. منى 28 June 2008

    طبعا فيك , يلا ان شاء الله تجربيها و تعجبك ;)

  8. رنا 21 August 2008

    طيبة طيبة كتير ونجحت نجاح باهر الله يبيض وجهك عالوصفات الرائعة ;)

  9. منى 21 August 2008

    عوافي رنونة , و ان شاء الله صحتين و الف هنا على قلب مين عملها و داقها, شكرا على الدعوات الحلوة و ان شاء الله وجك ابيض على طول ;)

  10. رنا 24 August 2008

    جاب جوزي كيلين دجاج قال لانه ماتهنى فيهن هديك المرة طاروا بسرعة :grin بس سمعت شغلة انه مااستخدم معهن مايونيز قال لانه بيعمل تسمم اذا تعرض للحرارة ..بماانه رح ينقلوا .فشو بتقولي :upset

  11. منى 24 August 2008

    إذا كان المايونيز شغل اليت فممكن يعمل تسمم و خصوصا ان هلا ممكن يفسد بسرعة , اما المايونيز الجاهز لا , و كمان الله اعلم , انا هيك بعرف من التجربة و الخبرة بس مو اكيدة :zzz

  12. رنا 24 August 2008

    اخر مرة بستعمله بهالاكلة لانه انا عملت المايونيز على ايدي …رح نسمي بالله قبل ماناكله وانشالله تاني مرة رح استعمل كريم التوم تبع النشا ..ادعيلنا مانتسمم :upset

  13. fofosam 7 September 2008

    يعطيك العافية و يسلموا ايديك على هالأكلات الي بتجنن,هاي الوصفة كتير حابة جربها بس مو عرفانة ازا رح أعرف أشكلها :?
    بدي أغلبك ممكن تنزلي وصفة للأكل الصيني؟و طريقة عمل الدونات ازا في مجال.
    شكرا كتير. :)

  14. منى 9 September 2008

    هلا رنونة :)
    ان شاء الله ما بيصير شي , ولي على قامتي , خبريني شو صار معك :upset

  15. منى 9 September 2008

    هلا أختي fofosam:)

    مو المهم تعرفي تشكليها من أول مرة , ممكن تعمليها على شكل أصابع أو كرات و بتبقى بتجنن و على مسؤوليتي ان شاء الله ;)

    تكرم عيونك على الوصفات , ان شاء الله بعد رمضان :) مية هلا فيك اختي نور الموقع

  16. سارونات 17 October 2008

    السلام عليكم و رحمة الله و بركاته
    اختي منى الوصفة مميزة و ان شاء الله راح جربا بهاليومين بدي اعرف ازا لازم نحط فخذات الدجاج بالفريزر بعد ما لتيناهم بالبقسماط او فينا نحطها بالبراد و ازا فينا نحطو بالبراد فهل فينا نخليه لاكتر من ساعة او ما بينفع او ممكن نحضرهم و قبل ما نغلفهم بالبيض و البقسماط نحطهم بالبراد لساعات
    شو قولك
    بالتوفيق
    سلام

  17. منى 18 October 2008

    انا بتركهم بالفريزر تقريبا ساعةو اذا حابة تحضريهم قبل ممكن تحضريهم من البح و تتركيهم لوقت الغدا بالبراد , أكيد بيصير :zzz

  18. منى 11 November 2008

    الف هنا و عافية رنونة :)
    كتير مبسوطة فيك و بالصور الي عم تضيفيهن , ان شاء الله تتشجع بقية الاخوات و تجربها :zzz

  19. رنا 11 November 2008

    ليش ماعم يطلعوا الصور؟

  20. منى 12 November 2008

    هلا عملت تعديل على ردك لان غلطانة بطريقة اضافة الصور ;)

  21. رنا 12 November 2008

    الفخذات رائعات كتير كتير وصرت مجربتهن كذا مرة وهي صورة احد التجارب
    [img]http://file11.9q9q.net/local/thumbnail/83813132/600×600.jpg[/img]

  22. مريوم 1 July 2009

    السلام عليكم منى الغالية
    يعني الوصفة شكلها طيبة، جربتها ولكن ما زبطت. فرطوا انا وعمبقليهم يعني ما ضلهم متماسكين. فشو المشكلة يا ست الستات.؟؟؟؟ :sigh

  23. منى 1 July 2009

    له يا مريومة :( و الله شو زعلت لان ما زبطةا .

    عم فكر بمشكلة و اعتقد ان فا في غيرها و هي السوائل , يا ترى صفيتي البطاطا منيح قبل ما تهرسيها , و الدجاج نفس القصة , يا ترى صفيتيه منيح ..

    مريومة هي الوصفة بالذات لازم تعيديها , لان اذا زبطت معك ما بقى تستغني عنها و رح تصير وصفة معتمدة عندك دوما ..

    على فكرة مفتقدتك و صار الك زمان ما بينتي , ان شاء الله خير ;)

  24. TENDERNESS 15 July 2009

    :roll :roll
    يم يم شو شكلها بيشهي ، اكيد ان شا ءالله لازم جربها

  25. منى 15 July 2009

    ان شاء الله تجربيها و تشوفي شو طيبة و مستاهلة :)

    يلا خبريني اذا جربتيها

  26. مريوم 22 July 2009

    شو بدي قلك يا منمون ، اول شي شكرا على النصيحة والظاهر انك جبتيها لانوانا قشرت البطاطا و سلقتهم فشربو كل الماي و طحنتهم بميتهم.والظاهر هيدا اللي خربلي الوصفة.
    والله انا عمبتصفح الموقع هيك عالسريع بس لاقي معي وقت لانو اجا عندي بايبي جديد عمرو شهرين و نصف وماخدلي كل وقتي والله . 8) ما عملحق على شي. وفوق هيدا اجت لعندي مرت عمي زيارة ، و كل يوم بقعد بفكر باكلة جديدة و طيبة فبجي وبجرب كم فكرة من هيدي الاكلات الطيبة . يعطيكي العافية يا امورة على هالسفرة المميزة . :grin :zzz :zzz :zzz

  27. منى 23 July 2009

    اي هيك بينت مريومة , المشكلة بمة سلق البطاطا معناها , يلا المهم ان الواحد عرف وين المشكلة و ما بدي تقولي عم نق عليك بس لااازم تعيديها , لازم ها و الا رح تروح عليك ;)

    ابوس البي بي الجديد , الله يخليه و يحفظه و يبارك فيه و تشوفي منه خير كتير انت و باباته و يكون من المسعدين بالدنيا و الاخرة , بيجننوا الاولاد بهل العمر , على بالي بوسه شي مية بوسة :zzz

  28. مريوم 29 July 2009

    شكرا يا قمر ، ووصلو البوسات .
    خلص ضروري جربها وخبرك شو بصير معي.
    اهم شي الواحد يتبع الوصفة بحذافيرها وبدون فلسفته الخاصة والا بتخرب الطبخة على راسو وراس ضيوفو.
    ويعطيكي العافية على هالااكل الطيب،يعني ايمتى لح اعملك زيارة :? بتعقد سفرتك نيال جوزك علهيا 8)
    بتعرفي انا جوزي ما بهمو الاكل بالمرة فكرمال هيك بطل يهمني جرب و اخبص حالي بالمطبخ ،بس لما فوت على مطبخك بشم ريحة الطبخ الاصلي بقول ضروري قوم جرب كم وصفة حلوين.
    :grin

  29. منى 30 July 2009

    ان شاء الله تجربيها مرة تانية و تزبط معك من دون فلسلفة الله يخليك خلينا بالطبخ اطيب ;)

    بتشرفي و بتنوري يا قمر و يا رب تجربي هل الوصفة و غيرها و تنول رضا الباشا :zzz

  30. haya 3 September 2009

    يا منى مبارح عملت هالوصفة وطعلت رااااائعة عن جد يعني هالكلمة قليل عليها عن جد كثير طيبة والعائلة عندي حبوها والكمية اللي زادت منها صاروا يتسلوا عليها كل شوي وبالليل على السحور عملتلهم اياها سندويشات وانبسطوا فيها كثير شكرا الك وياريت تكثري لنا من هيك وصفات خفيفة وسهلة وبنفس الوقت طعمها كثير لذيذ يسلموا هالايادي يارب

  31. منى 4 September 2009

    هنا و الف الف عافية و صحة على قلبك و قلب كل العيلة , يا ستي انا متل حالتك , بيقبوا بيروحوا و يجوا على البراد لحتى تخلص , هنا يا رب

    تكرم عيونك الحلوة هيا :zzz

  32. رضاب 5 September 2009

    ما شالله الله يقويكي يا منى وتساويلنا هالطيبات كمان وكمان انا جديدة هون انشالله تقبلوني وتعلموني واصير شاطرة مثلكم

  33. منى 6 September 2009

    ان شاء الله بتصير اشطر يا قمر , مية السلامة بهل القامة , نورتينا ;)

  34. وفاءD 3 January 2010

    مممممممممممممممممممممممممممممممم

    تسلم ايدك والله شي بيشهي

  35. وفاءD 3 January 2010

    ممممممممممممممممممممممممممممممم

    بيشهي ياعسل

  36. منى 4 January 2010

    يا رب تجربيها و تكون متل ما بتحبي و اكتر ;)

  37. نور الأسلام 19 January 2010

    مرحبا منى كيف حالك انا مبارح جربت الوصفه وطلعت كتير طيبه بلكن طلعت طريه شوي يعني مو ماسكه مزبوط هي هيك الوصفه اوالغلط من عندي

  38. منى 20 January 2010

    يمكن البطاطا او مزيج الدجاج ما كان ناشف كتير منيح , لان هي رح تطلع متماسكة و كتير سهلة للتشكيل , ممكن تقللي كمية المايونيز شوي مرة تانية ;)

  39. 7ayah 20 June 2010

    سلام منى
    أنا بكرة عاملة جـَمعة لكل رفقاتي
    و من الشغلات الي عاملتا هدول الفخدات
    ادعيلي يزبطو معي :upset
    ان شاء الله بحاول آخدلي كم صورة للسفرة و الأكل :zzz
    بلكي بكرة بخبرك شو صار معي ;)
    7ayah

  40. 7ayah 20 June 2010

    صح نسيت قلك إني حسيت العجينة مو كتير ناشفة فضفتلا رشة طحين صغيرة مشان تمسك أكتر :x
    بمشي الحال هيك ولا رح تفرط معي بالقلي :?
    الله يستر بكرة العزيمة :eek

  41. منى 21 June 2010

    ليش ما نشفتيها منيح :roll

    هلا ان شاء الله بتزبط معك , و يا رب ما تخجلك ادام ضيوفك , لازم ما تاثر رشة الطحين

    رح استنى اخبارك ;)

  42. 7ayah 21 June 2010

    سلام منى
    من شوي طلعو ضيوفي من عندي :zzz
    و الفخدات طلعو كتير كتير طيبات
    أنا ضفت للعجينة آخر شي شوية سميد مشان تقرمش
    و طلعت واااااااااو :eek
    يسلمو ايديكي على هالوصفة الطيبة 8)
    7ayah

  43. منى 21 June 2010

    الحمد لله :)
    الف الف صحة و هنا على البك بكل لقمة انت و ضيوفك , ابسطت انها ظبطت و خصوصا ادام الضيوف

    وشك ابيض على طول ;)

  44. shimOoO 24 July 2010

    مممممممممممم لزيز جدا (طبعا من مجرد المظر) تسلم اديكي يارب

  45. منى 24 July 2010

    الله يسلمك شيمو و ان شاء الله تجربيها و تكون نم نمم :)

  46. ssweetangela 16 April 2011

    مرحبا ست منى الله يسعد ايامك ويسلم ايديكي على هالموقع من اول ما بلشت جرب منه اختلفت سفرتي كتير وصار كل شي ينجح معي .جربت الفخدات وطلعو كتير طيبين وكمان جربت المسبحة او الحمص وجوزي والاولاد حبوهن كتير ولا عجينة العشر دقايق يا عيني عليها تحفة شو ما عم بعمل فيها عم يطلع روعة .انا بعتلك ايميل فيه وصفة لبسكويت رقايق الشوكولا بس ما وصلني منك رد وكمان ما عرفت كيف حمل الصور يا ريت بس تقري الرد تخبريني كيف مشان ابعتلك ياهن .يسلمو كتير طولت عليكي بس انا لحالي بالغربة ما بصدق ايمتى لاقي حدا وكركر معه :grin

  47. منى 17 April 2011

    اهلا و سهلا سلمى :)
    ايامك كلها فرح و خير و هنا ان شاء الله
    صحتين و هنا على الوصفات الي جربتيها , ممنونة ردك و كلامك , الله يديم المحبة و الود ;)

    وصفتك وصلتني , حقك علي ما بعت ايميل لاقلك انو وصلت , بس ما بتتخيلي اديه مشغولة هل الكم يوم

    الصور فيك تحمليهن على جروب لقمة طيبة في الفيس بوك , شغلتهم كتير سهلة ;)

    ايا سؤال تاني من عيوني و منورتينا يا جميل

  48. ام مثنى 17 October 2012

    السلام عليكم يااحلى منى اليوم سويت افخاذ الدجاج وكانت فعلا مو بس رائعة اكثر من رائعة ولاول مرة اسال شلون طيبين والكل بيقول طيبين التلن طبعا مو صاحبت الوصفة حلبية متلكن والحلبية بصراحة فعلا عندن زوق بالاكل انا لما اتجوزت كان وزني 45 وهلا وزني 74 مع الريجيم كلو بسببكن وبسبب اكلاتكن الطيبة يالحلبية يسلمو كتير وكلما اجرب وصفة من وصفاتك رح خبرك سلام والفرج القريب ان شاء الله لاههلنا بسوريا واهلنا بحلب

  49. ام مثنى 23 October 2012

    مرحبا منى بصراحة حبيت ان اقول لك كل عام وانت والعائلة بخير بمناسبة عيد الاضحى اعاده الله على امة محمد بالخير والامن والامان والصحة والعافية

  50. Mona 25 October 2012

    :grin كلنا بنفس الحال الله يرحم ايا قبل ما اتجوز

    صحة و الف الف عافية يا قمر على البك و الب كل الي داقوهم و مبسوطة فيكي كتير و بتواجدك الطيب في الموقع

    كل سنة و انت ااقرب من رب العالمين و ينعاد عليك بالف الف خير يا قمر :)

  51. نورطعمة 24 December 2013

    مممممممممممممممممممممممممممممممممممممممممم يمي على قولتك

    • منى 25 December 2013

      :) جربيها ما بتندمي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)