براونيز بكريما الخمس دقايق السرية· تنقى 12 حبة فريز بأحجام كبيرة و متشابهة , تقسم إلى قسميين و توضع جانباً .
· يقطع باقي الفريز لشرائح و يرش بالسكر و يترك جانباً لمدة نصف ساعة أو حتى تجهز باقي المقادير .
تحضير كريم موسلين :
· يوضع الحليب على النار و يترك حتى يغلي .
· يخفق السكر و البيض و الطحين و الفانيليا و بشر الليمون بمضرب سلك حتى تتجانس المقادير ثم يضاف القليل من الحليب المغلي و يخفق الكل .
· يضاف باقي الحليب بالتدريج مع الخفق بعد كل اضافة ثم يرجع الكل للنار و يقلب حتى يغلي المزيج مجدداً و يسمك .
· تبعد الكريما عن النار و تترك حتى تبرد , أصبحت كريما باتيسير جاهزة .
· يذوب الجيلو بالماء المغلي و يحرك حتى يذوب جيداً ثم يترك حتى يبرد .
· تخفق الكريما البودرة مع الحليب حتى تسمك , أصبحت الكريما الشانتييه جاهزة .
· تضاف ملعقة من الكريما الشانتي لكريما الباتيسير و تحرك حتى تمتزج ببعضها جيداً , تكرر العملية حتى تمتزج نوعا الكريما ببعضهما البعض ثم يضاف الجيلو المذوب , أصبحت كريما موسلين جاهزة .
تطبيق الوصفة :
· تبطن حواف قالب مستدير ذو حواف قابلة للفك بورق نايلون .
· يصفى الفريز من العصير الذي أخرجه , يمزج العصير مع الحليب ثم تبلل حبة من أصابع الليدي فنجرز بالمزيج بخفة و تصف في الصينية و تكرر العملية حتى يتغطي القاع بثلث كمية البسكويت .
· تصف حبات الفريز المقطوعة لقسمين فوق البسكويت على حواف القالب بحيث يكون الجزء المقطوع ملاصقاً لحواف القالب .
· يغطى البسكويت بثلث الكريما ثم تصف فوقه نصف شرائح الفريز ثم يصف فوقه طبقة من البسكويت المبلل بالعصير .
· باستعمال طبق مسطح كبير يضغط بلطف على البسكويت لسد الفراغات بين الفريز و الكريما ثم يمد الثلث الثاني من الكريما و فوقها تصف باقي شرحات الفريز و فوقها باقي البسكويت المبلل و يضغط على الكل بلطف بطبق مسطح .
· تمد أخر طبقة من الكريما و يمسد الوجه بشكل جيد ثم يوضع القالب في البراد لمدة ساعة .
تجهيز الطبقة العلوية :
· يهرس المربى بشوكة حتى يصبح ناعماً .
· يذوب الجيلو بالماء المغلي حتى يذوب تماماً ثم يضاف له المربى و يترك جانباً حتى يبرد .
· يصب المزيج فوق قالب الفريزييه ثم يوضع في البراد حتى وقت التقديم .
· عند استعمال عجينة اللوز تدعك مع الملون الأحمر حتى تأخذ اللون الزهر الجميل ثم ترق حسب الرغبة و تقطع الأطراف للحصول على دائرة بنفس حجم الصينية ثم توضع فوق الكريما و تضغط بلطف .
· عند التقديم تزال حواف القالب بحذر و ينزع الورق بلطف و تقدم فوراً .
أفكار و تنويعات :
· يمكن اعداد البسكويت قبل يوميين أو أكثر من يوم التقديم , أما بالنسبة لتطبيق القالب فيجب اعداده بنفس يوم التقديم لأن حبات الفريز سريعة العطب .
· يمكن استبدال الكريما البودرة و الحليب بكوب من الكريما الفريش , تخفق مع القليل من السكر البودرة حتى الحصول على الكريما الشانتييه الطازجة و اللذيذة جداً .
باكيت جاهز من الليدي فنجرز ( او فيك تحضري هل الوصفة )
كيلو فريز
3 - 4 ملعقة كبيرة سكر
حليب حسب الحاجة
كريما موسلين :
كوب حليب
بشر ليمونة صغيرة
رشة فانيليا
3 ملعقة كبيرة سكر
2 ملعقة كبيرة طحين أو كورن فلاور
بيضة
علبة كريما بودرة بيضاء
ثلاث أرباع كوب حليب بارد جداً
نصف علبة جيلو فريز
ربع كوب ماء مغلي
الطبقة العلوية :
3 ملعقة كبيرة مربى فريز
نصف علبة جيلو فريز
نصف كوب ماء مغلي
أو عجينة اللوز مع بضع قطرات من ملون أحمر
• تنقى 12 حبة فريز بأحجام كبيرة و متشابهة , تقسم إلى قسميين و توضع جانباً .
• يقطع باقي الفريز لشرائح و يرش بالسكر و يترك جانباً لمدة نصف ساعة أو حتى تجهز باقي المقادير .
تحضير كريم موسلين :
• يوضع الحليب على النار و يترك حتى يغلي .
• يخفق السكر و البيض و الطحين و الفانيليا و بشر الليمون بمضرب سلك حتى تتجانس المقادير ثم يضاف القليل من الحليب المغلي و يخفق الكل .
• يضاف باقي الحليب بالتدريج مع الخفق بعد كل اضافة ثم يرجع الكل للنار و يقلب حتى يغلي المزيج مجدداً و يسمك .
• تبعد الكريما عن النار و تترك حتى تبرد , أصبحت كريما باتيسير جاهزة .
• يذوب الجيلو بالماء المغلي و يحرك حتى يذوب جيداً ثم يترك حتى يبرد .
• تخفق الكريما البودرة مع الحليب حتى تسمك , أصبحت الكريما الشانتييه جاهزة .
• تضاف ملعقة من الكريما الشانتي لكريما الباتيسير و تحرك حتى تمتزج ببعضها جيداً , تكرر العملية حتى تمتزج نوعا الكريما ببعضهما البعض ثم يضاف الجيلو المذوب , أصبحت كريما موسلين جاهزة .
تطبيق الوصفة :
• تبطن حواف قالب مستدير ذو حواف قابلة للفك بورق نايلون .
• يصفى الفريز من العصير الذي أخرجه , يمزج العصير مع الحليب ثم تبلل حبة من أصابع الليدي فنجرز بالمزيج بخفة و تصف في الصينية و تكرر العملية حتى يتغطي القاع بثلث كمية البسكويت .
• تصف حبات الفريز المقطوعة لقسمين فوق البسكويت على حواف القالب بحيث يكون الجزء المقطوع ملاصقاً لحواف القالب .
• يغطى البسكويت بثلث الكريما ثم تصف فوقه نصف شرائح الفريز ثم يصف فوقه طبقة من البسكويت المبلل بالعصير .
• باستعمال طبق مسطح كبير يضغط بلطف على البسكويت لسد الفراغات بين الفريز و الكريما ثم يمد الثلث الثاني من الكريما و فوقها تصف باقي شرحات الفريز و فوقها باقي البسكويت المبلل و يضغط على الكل بلطف بطبق مسطح .
• تمد أخر طبقة من الكريما و يمسد الوجه بشكل جيد ثم يوضع القالب في البراد لمدة ساعة .
تجهيز الطبقة العلوية :
• يهرس المربى بشوكة حتى يصبح ناعماً .
• يذوب الجيلو بالماء المغلي حتى يذوب تماماً ثم يضاف له المربى و يترك جانباً حتى يبرد .
• يصب المزيج فوق قالب الفريزييه ثم يوضع في البراد حتى وقت التقديم .
• عند استعمال عجينة اللوز تدعك مع الملون الأحمر حتى تأخذ اللون الزهر الجميل ثم ترق حسب الرغبة و تقطع الأطراف للحصول على دائرة بنفس حجم الصينية ثم توضع فوق الكريما و تضغط بلطف .
• عند التقديم تزال حواف القالب بحذر و ينزع الورق بلطف و تقدم فوراً .
أفكار و تنويعات :
• يمكن اعداد البسكويت قبل يوميين أو أكثر من يوم التقديم , أما بالنسبة لتطبيق القالب فيجب اعداده بنفس يوم التقديم لأن حبات الفريز سريعة العطب .
• يمكن استبدال الكريما البودرة و الحليب بكوب من الكريما الفريش , تخفق مع القليل من السكر البودرة حتى الحصول على الكريما الشانتييه الطازجة و اللذيذة جداً .
يسلمو ايديك اللي يتلفوا بالحرير شو هالحلو الجديد والرائع انا بكرة بدي جربوا وبخبرك بالنتيجة
الله يعطيكي ألف عافية يا منى روووووووووعة وبإذن الله بأسرع ما يمكن رح جربها أسمو الفريز بأوانو و إن شاء الله رح حضر بسكويت الليدي فنغر اليوم إذا تيسرلي بس بدي سؤال في حال حبيت أختصر شوي من الشغل عندك فكرة وين ممكن لاقي هالنوع من البسكويت ويكون كويس
بزمانو رفيقتي كانت تجيبو من عند نتوراك بس بما أنو بيستخدم لبعض منتجاتو كحول فلا يمكن أني أجيب من عندو أي شي و نفس الشي بالنسبة لحانا فبمين بتنصحيني
برجع بكرر شكري و الله يمدك بالعافية
هلا عبورة
يلا جربيها و اذا عجبك ادعيلي يا قمر
هلا رينو يا قمر و إن شاء الله ما بتندمي
..
هل البسكويت ممكن تلاقيه من عند my bakery هادا المحل جنب خضير الي بالموكامبو إلي قريب من باتشي ..
أنا من زمان كنت جيبه من نتوراكي و هو اكدلي ان ما بيستخدمله اي كحول , بس هلا ما بقى عاد يبيعه لهيك بحثت في النت و دورت و جربت لحتى لقيت طريقة عجبتني و هلا دايما عندي منه بالفريز لوقت الازمات و إذا التمو عندي الحبايب فجأة
كيفك منى اشتقتلك كتير من كتر ما بحب اكلاتك صرت حبك بدون ما شوفك 00000 منى حبيبتي اذا كانت افريزات اللي عندي صغار ممكن حط عالجوانب نفس نوع البسكوت ولا عادي الفريز الصغير وهالنوع بيصير معه نوع تاني من البسكوت ولا لأ وشكرا
هلا عبورة
تحبك العافية يا عسل انت , كلك زووء
هلأ اذا الفريزات صغار معلش حطيهم , لان الحلو بهل الحلى هو شكل الفريز على دايره و إذا غطيتيه بالبسكويت فراح عليك الشكل المميز
ما بيصير تستعملي اي نوع بسكويت تاني , بس فيك تحضري [URL=http://www.l2ma.com/content/view/266/2/]قالب الكاتو الاسفنجي[/URL]و بعدها تقسميه لثلاث أقسام و تحضري فيه الوصفة بشكل عادي
اي سؤال تاني من عيوني , نورتي عبورة
ووووووووووووووواو منى انت فريزه واحلى من الحلا عارفه
اني ان شاء الله بدي اطبق البسكويت لان اوضاعنا ما في بسكوت حتى للاطفال ما في لهيك بدعيلك من كل قلبي شو بتوفري
علينا كتير تسلمي يا فريزه
هلا يا حلى رندوشة
عجبني دلعي الجديد و هلا حاسة حالي صاروا خدودي حمر :grin
عن جد جربيه و شوفي كيف سهل و طيب و بينفع لكتيرررر حلويات و هل الحلى كمان بيتساهل تجربيه ان شاء الله
دعواتي اليومية الك و لوعدة و ربي بيسهل عليكم :roll
مرحبا منى كيفك حبيبتي ممكن نستعمل الفريز المثلج 0 واسفة كتير على كتر الغلبة 0
مية السلامة عبورة
لا حبيبتي ما بتنفع الفراولة المفرزة لهل الوصفة :roll , و كمان هلا وقت الفريز يعني متوفر و اطيب بكتير من المفرز
عزيزتي منى
مبارح جربت هالطبق ، بس كانت عندي مشكلة في الجلي ، لمارحت السوبرماركت لقيت جيلاتين الفراولة وتحضيره باضافة كوب ماء مغلى ثم كوب ماء بارد
ولهيك تلخبطت لانو وصفتك بتحكي عن ماء مغلي بس ؟؟ وكمان مش نفس الكمية تبع الميه ؟؟
ياستى المهم جربت حسب مامكتوب على العلبة ومش الحال بس حسيت انو مش ماسك في بعضه كثير
والطبقة العلوية ماجمدت معي يمكن كثرت ميه ؟؟
بس مع هيك طلع الطعم زاكي بس تمنيت يكون ماسك في بعضه اكثر من هيك .
على فكرة انا استعملت بسكوت شاي بس حسيت انو ضل قاسي مع اني غمسته بالحليب .
وبس يعطيكي الف عافية
:roll حرام عليك وفا , حطيت كل المي , ما هو الهدف من الجيلو بكمية المي القليلة انو يمسك الكريما , و اكيد لما حطيت المية المكتوبة على العلبة صار عندك كريما طرية كتير , المهم ان الطعم عجبك و اكيدة المرة التانية اذا استخدمتي كمية المي المناسبة رح تطلع متل ما بدك
لهل الوصفة ما فيك تستعملي بسكويت الشاي , اما الليدي فنجرز أو كيكة اسفنجية بتقسميها لثلاث اقسام
يلا خيرها بغيرها و هنا و صحة على قلوب كل الي اكلو
شكرا كثير اختى منى
هي ماطلعت فارطة كثير كانت ماسكة على بعضها بس مش قطعة واحدة يعنى
والبسكوت ثاني يوم كان طري ومش مبين مش زي اول يوم
عموما الوصفة زاكية كثير واكيد ان شاء الله عن قريب راح اعيدها بطريقة احلى وبتخليك ترفع راسك فينا
الف سلام الك
الشكر الك وفا
على ردودك و ثقتك فيني ..
انبسطت انها عجبتك كتير و هنا يا رب حبيبتي
ما شاء الله بصراحة وصفة ولاااا اروع.. نفسي اجربها من الحين
يسلموا الايادي يارب
جربيها ام عمر و ما بتندمي ابدا , لان 3 بواحد شكل و طعم و سهل :grin
الله يسلمك يا عسل و اذا جربتيها ابقي خبريني
أخواتي في الله
السلام عليكن و رحمة الله و بركاته. منذ أن دخلت لهذا الموقع وجدت نفسي مشدودة اليه, فقد لفت نظري ترتيب اعداده و نظامه و دقة وصفاته و شهي طعماته, وذكاء كاتباته, و لطافة مرتدياته, فاستغنيت عن باقي المواقع بهذا. بل انني قد شممت رائحة بلادي الشام من خلال سطوركن, حيث أنني أقيم في المهجر فجزاكن الله خير الجزاء عنا و كل من كان عونا لكن في الاعداد, و أرجو أن تقبلوني أختا لكم.
مؤمنة
احسن وصفه طبخ
هلا مؤمنة
اسم حلو كتير نور الموقع بأخت جديدة و عزيزة
كلك زووء اختي , كلام ما بيطلع الا من قلب طيب و نفس كريمة , لك كل الشكر على الدعوات الغالية وان شاء الله ليك بالمثل , مية هلا فيك اخت غالية و كريمة
عندي سؤال لانه رح اساوي هالاكلة
هللأ القالب نفس قالب التشيز كيك
ورح غطي بس الحواف بالنايلون ؟؟والطبقة السفلية كيف رح تنقام القاعدة المعدنية ؟؟متل التشيز كيك
هلا رنونة
اكيد نفس القالب و انا ما بشيل القاعدة بحطها كلها على طبق التقديم
يممممم , يمممم شو مشتهية عليها بس لسا موسم الفريز ما اجا
مشان الله كلي عني كم لقمة اذا بقي منها :zzz
الف صحة و هنا و صح هي بدها شوية شغل
على فكرة عندي نفس هل الطقم الصحون الظاهر بالصورة من جهازي :zzz
ياعيني ياعيني اكلة روووووووووعة وعجبت الجمهووور كتير كتير وحسيتها بتشبه التشيز كيك بس اخف بكتير بس شو اشتغلت فيها اربع ساعات :upset
وهي الصور
[img]http://up1.m5zn.com/photo/2009/2/17/11/sah2823ph.jpg/jpg[/img]
وهي وحدة تانية
[img]http://up1.m5zn.com/photo/2009/2/17/11/z7umdphut.jpg/jpg[/img]
ههههههههه ماشاء الله مانونو شو بتنتبهي ياستي هادا الصحن من جهاز سلفتي كمان :grin يعني اله ذكرى
ياستي هون بالامارات موسم الفريز بشكل فظيع مابعرف من وين بيجي بالضبط بس بينزل عالاسواااق بكميات لذلك عم دوور على اكلات الفريز …
ياستي الاكلة بدها شوية شغل وتركيز كمان بس انا تلبكت ببسكويت الليدي فنجرز …ساويته بكيس حلواني بالراس يلي بعمل فيه كريمة حسيته طلع متل الاصابع العادية واحيانا مايستوي من فوق ويتقمر من تحت مع انه حطيته عالرف المتوسط وشغلته من تحت بس …مابعرف تلبكت بتحضيره شوي بس فكرة رووعة يسلم ايديكي
هلا منونة من كم يوم جربت هالأكلة و كتييير طلعت طيبة بس عملتها بالكاتو و إنشاء الله مرة تانية بجربها بالبسكوتات سبحان الله هالأكلة صارت من نصيب كذا شخص و كلن أعجبو فيها تسلم دياتك
سلام
هلا رنونة
ان شاء الله هلا ترجعي تجربي البسكويت و يظبط معك و تنحل هل المشكلة
السلام عليكم و رحمة الله و بركاته
هالوصفة عبالي جربها من اول ما شفتها بس ما كان عندي جيلاتين اما هلأ فصار عندي ما في مشكلة اذا استبدلت الجيلو بالجيلاتين مو هيك بس بعتقد راح يأثر شوي على الطعمة لان الجيلاتين ما فيه طعم و جيلو الفريز فيه طعم
و كمان طلب اختي منى اذا في عندك اي وصفات فيها مشمش تنزليها بهالفترة لان موسم المشمش قصير و اليوم ان شاء الله راح جرب وصفة ازرار المشمش
المهم ان شاء الله اقدر جربها بالفريز بس سؤالي هلأ هو هل ممكن تنعمل بالمشمش شو قولك
و اختي رنا بدي قلك مبروك لنجاح الوصفة و الصورة طالعة كتير حلوة
بالتوفيق
سلام
هلا سارونات
ممكن تجربيها بالمشمش , بس انا مو مجربتها , ان شاء الله تعجبك و بانتظار ايك سارونات
السلام عليكم و رحمة الله و بركاته
اختي منى لازم بسكويت اللايدي فنجرز او بينفع اي بسكويت
بالتوفيق
سلام
لا لازم الليدي فنجرز و ممكن تحضريها بطبقات من الكيك اذا مو جاي على بالك تعملي ليدي فنجرز او مو متوفر عندك
انا مشتركة جديدة وهي اول مشاركة الي عنجد هالموقع كتييييييير حلو وفي شغلات بعمري مو شايفتها وبتجنن يسلموا يامنى كتييييييير ع هالطبق ع فكرة جربته وطلع روووووووعة ربي يسلم ايديكي يامبدعة
بالاول مية السلامة فيك , نورتي و شرفتي اختي , انا كتير كتير مبسوطة لتواجدك , و بالاول فكرتك واحدة من اعز رفقاتي , لان بناديله رهوف
تاني شي الف صحة و هنا و عافية يا رب على كل لقمة اكلتيها من الحلو , ان شاء الله ما تكوني نسيتي تاكلي عني شي كم لقمة :zzz
السلام عليكم..
كمان أنا مشتركة جديدة بس زائرة للموقع ومستفيدة منه من زمان..عندي سؤال للست منى..
انا في فرنسا وجبت الكريم فرش وحاولت كذا مرة أني أخفقه بس ما يصير معي كريم شانتيه.. بيفصل ويتكتل شوي وما يسمك بحال.. أرجو النصيحة لأني أجلت كتير أنواع حلويات كرماله.. شكرا
مية اهلا و سهلا فيك شرفتي اختي و انا سعيدة جدا لردك و لانتقالك من المتفرجين الى المشاركين
أختي ممكن تجربي تخفقي الكريم و هوا بارد , يعني تحطيه في البراد و تبردي كمان الوعا الي رح تخفقي فيه و كمان الخفاقة , حطيهم كلهم في البراد و بعدها جربي خفقيه , ان شاء الله لازم تنحل المشكلة
لازم تنتبهي ان ما تخفقي زيادة و الا رح يصير زبدة :roll
اي سؤال تاني انا تحت امرك و اذا ما مشي الحال ممكن ترجعي تخبريني لحتى نشوف كيف رح نحل هل القصة 8)
الله يجزيك ألف خير.. ان شاء الله رح أجرب..
ان شاء الله
مدام منى مافيني استبدل البسكويت ببسكوت نوع تاني متل لميس لاني ماعم لاقي متله
لا ما فيكي , بس ممكن تحضري الوصفة بالكيك الاسفنجي العادي