براونيز بكريما الخمس دقايق السرية
· تحضر العجينة و تخمر ثم تفرد في صينيتين دائريتين .
· تنزع بذرة الزيتون ثم يفرم , تفرم الفليلفة الحمراء و الخضراء ناعمة .
· تخلط الفليلفة و الزيتون و الجبنة البيضاء جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .
· توزع الحشوة على صينيتين ثم تخبز في الفرن حتى تقارب النضج .
· تخرج الصينية من الفرن و ترش الجبنة المبشورة ثم ترجع حتى تشقر الجبنة و تذوب .
أي عجينة معتمدة عندك و أنا حضرتها بعجينة العشر دقائق
الحشوة :
حبة كبيرة فليلفة حمراء
حبة كبيرة فليلفة خضراء
كوب زيتون مفروم
2 كوب جبنة بيضاء مبشورة
نصف ملعقة صغيرة كمون
نصف ملعقة صغيرة زعتر أخضر
ملح بعد التذوق
جبنة صفراء مبشورة للوجه
• تحضر العجينة و تخمر ثم تفرد في صينيتين دائريتين .
• تنزع بذرة الزيتون ثم يفرم , تفرم الفليلفة الحمراء و الخضراء ناعمة .
• تخلط الفليلفة و الزيتون و الجبنة البيضاء جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .
• توزع الحشوة على صينيتين ثم تخبز في الفرن حتى تقارب النضج .
• تخرج الصينية من الفرن و ترش الجبنة المبشورة ثم ترجع حتى تشقر الجبنة و تذوب .
الله الله على البيتزا العربيةانا متاكدة ان طعمتها رائعة مثل شكلهاالحمد لله ان عندي عجينة من الفطور زايدة وحاجربها على السحور اذا الله اراد
سلام عليكم منى
على كل حال ينعاد عليكي وعلى عيلتك وعلى الاخوات بالموقع وجميع المسلمين بالخير والبركة
طمنيني كيف تحضيراتك لا العيد وشو محضرة شي جديد
مية هلا منونة
ان شاء الله تجربيها و تعجبك , سهلة و يممي , ابقي خبريني شو بيصير معك اذا الله راد
مرحبا ست منى كيفك ان شاء الله تمام تسلم ايدك عى هالفطيرة
من ناحية اللقم طلع طيب بس عيبو شوي معجن :zzz ومبارح عملت حلا المارس واكلنا مع ام ساطور وزوجا وكلنا عجبنا هالحلا وانا بتشكرك كتير كتير ودائما رح اعملو والله انت فنانة رائعة والله يهني عيلتك فيكي :grin
و عليكم السلام أم نور
الصراحة مو محضر شي معين لان بالعيد كله نقضيه عند كبارية العيلة و ما بيعود يجينا دور , بيجي دورنا بعد العيد و الضيافة حلويات مشكلة بس مو حلويات عربية , بتكون تشكيلة كاتويات و غيره 
ان شاء الله ينعاد عليك و انت بالف الف خير و بوساتي للقطة الحلوة الصغنونة
مية هلا ام علي
هنا و عافية على المارس , و معلش مشان اللقم , جربيها مرة تانية و ان شاء الله بتطلع متل ما بتحبي , كلك زووء اختي نورتي
الله يعطيك العافية منى والله الفطيرة شكلها بيفتح النفس بقى كيف طعمتها ان شاء الله على قائمة التجريب لانه كل الفطاير اللي جربتهم من موقعك كانوا رائعين واكيد رح جرب هالنوع غالبا بعد العيد لان الوقت كتير زركة صاير صحيح جربت العوامات الله يعطيك العافية بس طلع لها عذر والله للاسف وهو انها ماكنة كتير ما عرفت شو خطأي كان يعني من برا قاسية كتير كتير ما بعرف اكيد في شي غلط عملته بس ما حصلت شو هوه عموما الله يجزيك الخير عم نتعبك معنا ومع نقنا(من النق:بكرة النق.بتعرفيها هالنكتة هههه) :grin
الله يعطيكي العافية علي الوصفة الرائعة ويجزاكي خير
مية هلا غيوثة , موتيني ضحك على النكتة , ليش في نسوانة ما بتعرفها :grin , ان شاء الله تجربيهم و يعجبوك , و الله ما بعرف شو قصة العوامات , بركي اذا قليتيهم مرة واحدة بيصير أحسن , اقليهم على العالي و بس ما اتحمروا وطي النار لحتى يكمل سوا و بركي بيمشي الحال
مية هلا و سهلا ام عبد اله
بينور الموقع بطلتك الغالية اختي , ان شاء الله تجربيها و تعجبك
مرحباأخت منى الله يسلم دياتك اليوم أرسلتلك وصفة ترياكي مابعرف أذاوصلت أتمنى ان تجربيها في اقرب وقت لأعرف رايك فيهاولك جزيل الشكر
وصلت ام محمد
الف شكر الك على الوصفة اللذيذ , رح نزلها في الموقع ان شاء الله و جربها :zzz
السلام عليكم و رحمة الله و بركاته
جازاك الله خيرا اختي منى
بدي اسألك عن درجة حرارة الفرن هل بتكون 180 او اكتر و قديش بيكون سمك الفطيرة لما نفردها لان بعتقد بعدين راح تنفش لما نخبزها
و هل فيني ضيف شوية طماطم مفرومة ناعم لاني راح حط بس فليفلة خضرا و بدي اللون الاحمر بالوصفة لان طالع كتير حلو
بالتوفيق
سلام
الفرن 180 و السماكة متل ما بتحبي , تقريبا نص سم منيح , ما اظن البندورة بتنفع مع الوصفة بس ممكن تجربي ليش لأ :zzz
ما شاء الله وصفه لذيذه
تسلم أفكارك
وتسلم الأيادى
الله يسلمك اختي
كلك زووء
مرحبا جميعا انا عضوة جديدة من الاردن وانا كتيييير معجبة بهالموقع الروووعه انا كتييير بحب الطبخ وبحب اني اتواجد معكم دايماوانت يا منى رووووعه قليل عليكي ونفسي اكون زيك معدلة وشاطرة
انا عندي وصفات حلوة كتيير وجديدة راح كتيير تعجبكم انشالله
اهلا و سهلا فيك و بكل اهل الاردن واحد واحد
مبسوطة كتير لردك و تواجدك الطيب معانا , مية هلا فيك
كتتتتير شكلها لذيذة تسلميلي يامنوشة انا ايمتا بدي اصير متلك يلا معي لسا عمري 15 سنة بس بعشق الطبخ تسلميلي انا هالكة اهلي بمنى عمومن بدي اسالك كيف بدي اكتب موضوووع ؟؟ بدي اعرف ماعم اعرف وعندي كتير شغلات طيبة رديلي خبر بليييز
تحيااااتي للحلوات
لولووو