فطيرة الزيتون و الجبنة البيضاء


         وصفة : منى                 2008/09/25                 19 تعليقات
فطيرة الزيتون و الجبنة البيضاء

·          تحضر العجينة و تخمر ثم تفرد في صينيتين دائريتين .

·          تنزع بذرة الزيتون ثم يفرم , تفرم الفليلفة الحمراء و الخضراء ناعمة .

·          تخلط الفليلفة و الزيتون و الجبنة البيضاء جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .

·          توزع الحشوة على صينيتين ثم تخبز في الفرن حتى تقارب النضج .

·          تخرج الصينية من الفرن و ترش الجبنة المبشورة ثم ترجع حتى تشقر الجبنة و تذوب .  




أي عجينة معتمدة عندك و أنا حضرتها بعجينة العشر دقائق

الحشوة :

حبة كبيرة فليلفة حمراء
حبة كبيرة فليلفة خضراء
كوب زيتون مفروم
2 كوب جبنة بيضاء مبشورة
نصف ملعقة صغيرة كمون
نصف ملعقة صغيرة زعتر أخضر
ملح بعد التذوق

جبنة صفراء مبشورة للوجه





• تحضر العجينة و تخمر ثم تفرد في صينيتين دائريتين .

• تنزع بذرة الزيتون ثم يفرم , تفرم الفليلفة الحمراء و الخضراء ناعمة .

• تخلط الفليلفة و الزيتون و الجبنة البيضاء جيداً ثم يتبل الكل بالكمون و الزعتر الأخضر و تذاق الحشوة للتأكد قبل إضافة الملح .

• توزع الحشوة على صينيتين ثم تخبز في الفرن حتى تقارب النضج .

• تخرج الصينية من الفرن و ترش الجبنة المبشورة ثم ترجع حتى تشقر الجبنة و تذوب .
  • وصفات تانية ممكن تعجبك


التعليقات

  1. muna.g.7 25 September 2008

    الله الله على البيتزا العربيةانا متاكدة ان طعمتها رائعة مثل شكلهاالحمد لله ان عندي عجينة من الفطور زايدة وحاجربها على السحور اذا الله اراد

  2. ام نور 25 September 2008

    سلام عليكم منى
    طمنيني كيف تحضيراتك لا العيد وشو محضرة شي جديد :) على كل حال ينعاد عليكي وعلى عيلتك وعلى الاخوات بالموقع وجميع المسلمين بالخير والبركة

  3. منى 25 September 2008

    مية هلا منونة :) ان شاء الله تجربيها و تعجبك , سهلة و يممي , ابقي خبريني شو بيصير معك اذا الله راد

  4. أم علي 26 September 2008

    مرحبا ست منى كيفك ان شاء الله تمام تسلم ايدك عى هالفطيرة ;) من ناحية اللقم طلع طيب بس عيبو شوي معجن :zzz ومبارح عملت حلا المارس واكلنا مع ام ساطور وزوجا وكلنا عجبنا هالحلا وانا بتشكرك كتير كتير ودائما رح اعملو والله انت فنانة رائعة والله يهني عيلتك فيكي :grin

  5. منى 26 September 2008

    و عليكم السلام أم نور :) الصراحة مو محضر شي معين لان بالعيد كله نقضيه عند كبارية العيلة و ما بيعود يجينا دور , بيجي دورنا بعد العيد و الضيافة حلويات مشكلة بس مو حلويات عربية , بتكون تشكيلة كاتويات و غيره ;)

    ان شاء الله ينعاد عليك و انت بالف الف خير و بوساتي للقطة الحلوة الصغنونة

  6. منى 26 September 2008

    مية هلا ام علي :) هنا و عافية على المارس , و معلش مشان اللقم , جربيها مرة تانية و ان شاء الله بتطلع متل ما بتحبي , كلك زووء اختي نورتي

  7. غيث 27 September 2008

    الله يعطيك العافية منى والله الفطيرة شكلها بيفتح النفس بقى كيف طعمتها ان شاء الله على قائمة التجريب لانه كل الفطاير اللي جربتهم من موقعك كانوا رائعين واكيد رح جرب هالنوع غالبا بعد العيد لان الوقت كتير زركة صاير صحيح جربت العوامات الله يعطيك العافية بس طلع لها عذر والله للاسف وهو انها ماكنة كتير ما عرفت شو خطأي كان يعني من برا قاسية كتير كتير ما بعرف اكيد في شي غلط عملته بس ما حصلت شو هوه عموما الله يجزيك الخير عم نتعبك معنا ومع نقنا(من النق:بكرة النق.بتعرفيها هالنكتة هههه) :grin

  8. ام عبداله 27 September 2008

    الله يعطيكي العافية علي الوصفة الرائعة ويجزاكي خير

  9. منى 27 September 2008

    مية هلا غيوثة , موتيني ضحك على النكتة , ليش في نسوانة ما بتعرفها :grin , ان شاء الله تجربيهم و يعجبوك , و الله ما بعرف شو قصة العوامات , بركي اذا قليتيهم مرة واحدة بيصير أحسن , اقليهم على العالي و بس ما اتحمروا وطي النار لحتى يكمل سوا و بركي بيمشي الحال ;)

  10. منى 27 September 2008

    مية هلا و سهلا ام عبد اله :) بينور الموقع بطلتك الغالية اختي , ان شاء الله تجربيها و تعجبك

  11. ام محمد 10 October 2008

    مرحباأخت منى الله يسلم دياتك اليوم أرسلتلك وصفة ترياكي مابعرف أذاوصلت أتمنى ان تجربيها في اقرب وقت لأعرف رايك فيهاولك جزيل الشكر :)

  12. منى 11 October 2008

    وصلت ام محمد :) الف شكر الك على الوصفة اللذيذ , رح نزلها في الموقع ان شاء الله و جربها :zzz

  13. سارونات 12 October 2008

    السلام عليكم و رحمة الله و بركاته
    جازاك الله خيرا اختي منى
    بدي اسألك عن درجة حرارة الفرن هل بتكون 180 او اكتر و قديش بيكون سمك الفطيرة لما نفردها لان بعتقد بعدين راح تنفش لما نخبزها
    و هل فيني ضيف شوية طماطم مفرومة ناعم لاني راح حط بس فليفلة خضرا و بدي اللون الاحمر بالوصفة لان طالع كتير حلو
    بالتوفيق
    سلام

  14. منى 12 October 2008

    الفرن 180 و السماكة متل ما بتحبي , تقريبا نص سم منيح , ما اظن البندورة بتنفع مع الوصفة بس ممكن تجربي ليش لأ :zzz

  15. لمياء 7 January 2010

    ما شاء الله وصفه لذيذه
    تسلم أفكارك
    وتسلم الأيادى

  16. منى 8 January 2010

    الله يسلمك اختي :) كلك زووء

  17. ام كرم 7 July 2011

    مرحبا جميعا انا عضوة جديدة من الاردن وانا كتيييير معجبة بهالموقع الروووعه انا كتييير بحب الطبخ وبحب اني اتواجد معكم دايماوانت يا منى رووووعه قليل عليكي ونفسي اكون زيك معدلة وشاطرة ;) انا عندي وصفات حلوة كتيير وجديدة راح كتيير تعجبكم انشالله

  18. منى 7 July 2011

    اهلا و سهلا فيك و بكل اهل الاردن واحد واحد :)
    مبسوطة كتير لردك و تواجدك الطيب معانا , مية هلا فيك

  19. لمورة الامورة 19 July 2011

    كتتتتير شكلها لذيذة تسلميلي يامنوشة انا ايمتا بدي اصير متلك يلا معي لسا عمري 15 سنة بس بعشق الطبخ تسلميلي انا هالكة اهلي بمنى عمومن بدي اسالك كيف بدي اكتب موضوووع ؟؟ بدي اعرف ماعم اعرف وعندي كتير شغلات طيبة رديلي خبر بليييز
    تحيااااتي للحلوات
    لولووو

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)