كاب كيك شوكولا


         وصفة : منى                 2009/01/05                 13 تعليقات
كاب كيك شوكولا

3 بيض
كأس و ربع سكر
ملعقة صغيرة فانيلا
نصف كأس زيت
ثلاثة ارباع كوب حليب دافئ
كأس و ثلاثة ارباع طحين
2 ملعقة صغيرة بايكنغ باودر
رشة ملح
3 ملعقة كبيرة كاكاو





• تغطى قوالب الكاب كيك بأوراق البليسيه و هذا مهم جدا لان الكاب كيك راح يطلع هش و خفيف و إذا حطيناه في القوالب من دون الأوراق فممكن ينتزع شكلها لما بدنا نشيلها .

• ننخل الطحين مع الكاكاو و البيكنغ باودر و نضعه جانيا , يحمى الفرن على 180 درجة .

• نخفق البيض مع الفانيلا و السكر جيدا باستخدام المضرب الكهربائي ثم نضيف الزيت و الحليب الدافئ و نخلط .

• بعدها نضيف الطحين المنخول مع الكاكاو و البايكنغ باودر و رشة الملح تدريجيا و نخلط جيدا حتى يتجانس المزيج .

• ثم يوزع المزيج على القوالب و تدخل الفرن حتى تنضج )) للأسف ما حسبت الوقت بس إن شاء الله بس حضرهم مرة ثانية راح احسب الوقت)) و بعدها راح تحصلو على أطيب كاب كيك شوكولا إن شاء الله .
  • وصفات تانية ممكن تعجبك


التعليقات

  1. منى 5 January 2009

    يا عين يا عين سارونات :)

    بموت على الكب كيك و هي الوزصفة شكلها طيبة و مو صعبة , سلم دياتك أختي

  2. الدمشقية 7 January 2009

    سارونات سلم ايدك على هالوصفة إن شاء الله بجربها بأقرب وقت بإذنه تعالى 8)
    فعلاً حبيبتي منى باين عليها هالوصفة سهلة ولذيذة

  3. سارونات 9 January 2009

    السلام عليكم و رحمة الله و بركاته
    يخليلي ياكي اختي منى و يسلم ايديكي
    ناطرتك تجربي الوصفة ان شاء الله و تضبط معك

  4. سارونات 9 January 2009

    السلام عليكم و رحمة الله وبركاته
    اهلا و سهلا بأختي الدمشقية يخليلي ياكي و ناطرتك تجربي الوصفة و تضبط معك قريبا ان شاء الله
    بالتوفيق
    سلام

  5. بدور 15 January 2009

    يا سلام يا سارونات عز الطلب
    جاي على بالي جرب كاتويات جديدة وتكون سهلة وطيبة وهي الوصفة هيك مبينتها الله يسلم دياتك يارب :)

  6. سارونات 23 January 2009

    يخليلي ياكي اختي
    يلا بدورة ناطرتك تجربيه و تخبريني بالنتيجة و ان شاء الله كل الوصفات اللي راح تجربيها تنجح معك :zzz
    بالتوفيق
    سلام

  7. souha 15 February 2009

    السلام عليكم :) كيفك سارونات
    من يومين جربت هالوصفة طيبةكتير بس طلعو معي أكتر من 24 كب كيك أنا حطيتهم بالصينية يلي بتسع 12 كب كيك يعني طلع معي ضعف الكمية شلون ما بعرف مع إني تقيدت بالمقادير و سطح الكب كيك كان رطب شوي بس متل ما قلتلك طيب و هش
    الله يعطيك العافية ;)

  8. سارونات 25 February 2009

    السلام عليكم و رحمة الله و بركاته

    انا الحمد لله منيحة و كتير فرحانة ان الوصفة عجبتك صحتين و عافيةاختي سهى

    مو مشكلة زيادة الخير خيرين :zzz بيكون الاختلاف في حجم القوالب بس و انت الوصفة مساويتها عالمضبوط حسب اعتقادي الصينية اللي فيها 12 كب كيك بيكون حجم حباتها بنص حجم حبات الصينية اللي فيها 6
    اي هو السطح بيطلع رطب شوي بس مو كتير اذا بدك ياه يكون ناشف شوي شغلي عليه الشواية من فوق شوي بس ما تخليه يطول مشان ما ييبس و الله
    يعافيكي

    بالتوفيق
    سلام

  9. سارونات 29 March 2009

    السلام عليكم و رحمة الله و بركاته

    اختي منى بس بدي اطمن اذا وصلتك وصفة كاب كيك الفانيلا بالليمون او لا

    بالتوفيق
    سلام

  10. منى 31 March 2009

    وصلتني اختي :) الف شكر عليها

  11. marim 5 February 2010

    اليوم جربت الوصفة بس ولي شوصار نفش كتير وطفح لبرى وبعدين هبط مابعرف ليش شورايك السبب انا بستعمل معالق العيار

  12. منى 6 February 2010

    ما دام طفح معناها انك مليتي القوالب اكتر من الازم , بتعبي القوالب ماكسيمم للتلتين و و الأحسن أكتر من النص بشوي . و ما دامه طفح معناها رح يخفس بعد شوي :roll

  13. نزيهة 23 November 2012

    راح أجربها بكرى و أقولك النتيجة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)