كاتو السفن أب بالليمون


         وصفة : منى                 2007/08/22                 52 تعليقات
كاتو السفن أب بالليمون

·          يخفق البيض حتى يصبح هشاً ثم يضاف السكر و الفانيليا و بشر الليمون و يخفق الكل حتى يشتد المزيج و يبيض , يحمى الفرن على درجة حرارة 180 درجة مئوية .

·          يضاف و السفن أب و الزبدة المذوبة  و عصير الليمون و يقلب المزيج ثم يضاف الطحين المنخول مع البيكنغ بودر و رشة الملح و يقلب المزيج بخفة و لطف حتى يتجانس .

·          يدهن قالب كاتو كبير  بالزبدة و يرش بالطحين و يصب مزيج الكاتو فيه ثم يخبز في الفرن المحمى حتى ينتفخ و ينضج لمدة 45 – 60 دقيقة .

·          يقلب القالب على طبق التقديم و يرش بالسكر البودرة حسب الرغبة  و يقدم بارداً .  






4 بيض بدرجة حرارة الغرفة
2 كوب سكر ناعم
فانيليا
بشر ليمونتان أو ثلاثة ليمونات
ثلاث أرباع كوب زبدة مذوبة
ثلاث أرباع كوب سفن أب
نصف كوب عصير ليمون طازج
3 كوب دقيق
3 ملعقة صغيرة بيكنج بودر
رشة ملح





• يخفق البيض حتى يصبح هشاً ثم يضاف السكر و الفانيليا و بشر الليمون و يخفق الكل حتى يشتد المزيج و يبيض , يحمى الفرن على درجة حرارة 180 درجة مئوية .

• يضاف و السفن أب و الزبدة المذوبة و عصير الليمون و يقلب المزيج ثم يضاف الطحين المنخول مع البيكنغ بودر و رشة الملح و يقلب المزيج بخفة و لطف حتى يتجانس .

• يدهن قالب كاتو كبير بالزبدة و يرش بالطحين و يصب مزيج الكاتو فيه ثم يخبز في الفرن المحمى حتى ينتفخ و ينضج لمدة 45 – 60 دقيقة .

• يقلب القالب على طبق التقديم و يرش بالسكر البودرة حسب الرغبة و يقدم بارداً .
  • وصفات تانية ممكن تعجبك


التعليقات

  1. تورتاية بالكريز 6 February 2008

    روعة الوصفة بحب اعملها دايما للاولاد لان هشة ولذيذة وممكن يتعمل من تورتة لانها اسفنجية وخفيفة بارك الله فيك

  2. منى 9 February 2008

    هلا فيك أختي ياسمين :)
    الله يسلمك يا عسل و ان شاء الله بالهنا و العوافي على قلوب الكتاكيت الحلوة ;)

  3. دعاء 12 June 2008

    :) كتير طيب الله يعطيك العافية

  4. منى 12 June 2008

    صحة وهنا دعاء :)

    عوافي يا حق

  5. سارونات 17 August 2008

    السلام عليكم و رحمة الله و بركاته

    الوصفة بسيطة و سهلة و السفن اب مميزها بس فينانبدل السفن اب بشي مشروب غازي تاني ابيض و ازا فينافشو الشروط اللي لازم تتوفر في هاد المشروب الغازي
    بالتوفيق
    سلام

  6. منى 18 August 2008

    هلا أختي :)

    ممكن تستبدليها بشو ما بتحبي , بس يا ريت تجربيها بالسفن أب لان مع الليمون غير شكل ;)

  7. سارونات 22 November 2008

    السلام عليكم و رحمة الله و بركاته
    اختي منى انا عندي sprite و عبالي ساوي الكاتو بس الكمية كتير كبيرة علي و حتى ما عندي صينية الها و ما بعرف ازا راح ينفع ساوي نص الكمية شو قولك و ازا هيك هل راح تاخد وقت اقل او لا
    بالتوفيق
    سلام

  8. سارونات 22 November 2008

    اختي منى ازا فيكي تقوليلي قديش حجم الصينية تحتى لما اقسم المقادير اعرف باي صينية حطها
    بالتوفيق
    سلام

  9. منى 22 November 2008

    الصينية بقطر 22 سم و اكيد بينفع تعملي نص المقدار , يمكن بيكفيه 45 دفيفة وانت كمان عينك عليه ;)

  10. سارونات 17 February 2009

    السلام عليكم و رحمة الله و بركاته
    معقول الصينية بس 22 سم بالصورة مبينة اكبر
    اختي منى كيف قستي قطرها من وجه الصينية
    :grin او ظهرها لان من الوجه بيطلع القطر كبير بينما من الظهر بيكون اصغر

    قولتك راح تنفع نص الوصفة بصينية 22
    انا وصلت لدرجة التفكير بثلث الوصفة من شدة اليأس شو قولك
    بالتوفيق
    سلام

  11. منى 18 February 2009

    اختي بالرد السابق عليك الظاهر اني غلطت لان الصينية بحجم 24 سم

    اختي متل ما قلت الك قبل اي مقدار رح تعمليه المهم يوصل لنصف الصينية الي عندك و الي بيزيد من مزيج الكيك فيك تصبيه بقوالب الكب كيك او بصينية تانية صغيرة ;)

  12. سارونات 18 February 2009

    السلام عليكم و رحمة الله و بركاته
    خطا مطبعي قصدت 20
    اختي منى انا كمان فكرت بهالشي و هيك بتخلص المشكلة بس المشكلة التانية هي اني اذا ساويت شوي بالقالب الكبير و الباقي بالقوالب الصغار كيف راح حطهم بالفرن يعني القوالب الصغار بياخذو نصف الوقت اللي بياخدو القالب الكبير و المقروض ما افتح الفرن قبل مرور نصف ساعةو الا راح يهبط الكيك فشو ساوي بعتقد ما بينفع صب الخليط بالصينية و خليه لعشرين دقيقة او اكتر برا و بعدين دخلو الفرن
    شو قولك اختي منى
    بالتوفيق
    سلام

  13. منى 22 February 2009

    لا اختي ما بينفع تفتحي الفرن و لا بينفع تتركي المزيج من غير خبز لنص ساعة !!

    الحل انك توزعي المزيج على قالبين و اخبزيهم مع بعض :roll

  14. DOUHA 4 April 2009

    اليوم جربتوا كتير طيب ونجح معي بشكل فظيع مرسي :p

  15. منى 5 April 2009

    الف هنا و عافية و صحة يا رب ;)

  16. سارونات 28 May 2009

    السلام عليكم و رحمة الله و بركاته

    و اخيرا جربت الوصفة و هي هلأ بالفرن بس انا ساويته بقالب قطره 27 سم لان هاد المتوفر عندي و ما كان بدي ساويها بالقالب اللي بينفتح قلت حتى لو ما راح تطلع نافشة كتير المهم جربها و كمان حطيت بس كأس و نصف سكر لان حسيت كاستين كتير و دقته قبل ما دخله الفرن و طلعت طعمته طيبة و كمان استعملت صودا بالليمون طعمتها طيبة

    ان شاء الله تنجح الوصفة و تطلع طيبة و يمكن اخد شوي منها و ساوي فيه الترافل فيا ريت لو تركبي تاكسي و تلحقيني على وصفة الترافل :grin

    بالتوفيق
    سلام

  17. سارونات 28 May 2009

    السلام عليكم و رحمة الله و بركاته
    الحمد لله تمت العملية بنجاح و طلع الكاتو بيجنن خفيف و نفش و فيه طعمة مميزة عن غير كيكات

    جازاك الله خيرا اختي منى

    سلام

  18. منى 1 June 2009

    هنا و الف صحة سارونات :) كتير انبسطت ان الوصفة عجبتك , هنا يا حق

  19. ام عون 12 January 2010

    السلام عليكم ورحمة الله وبركاته
    اليوم انا عملت كاتو السفن اب مع الليمون ونصيحه من مجربه لكل وحده قراتها ومتردده لاتترد فورا تعملها لانها شي معتبر.وشكرا للاخت منى ;)

  20. منى 12 January 2010

    هلا ام عون :)
    صحة على البك و الب عون و الب كل مين دااقه , شكرا الك لتجربتك وصفاتي :zzz

  21. noor 11 February 2010

    شكرا كتير ست منى على هالوصفات الممتازة يعطيك العافية أنا بصراحة جربت هالكاتو وطلع بشهي والفضل لحضرتك

  22. منى 11 February 2010

    الف صحة و هنا نور , ريتو عافية بكل لقمة ;)

  23. باشق حلب 23 April 2010

    الصورة حلوة كتير يارب تظبط معي انشاله اليوم بجربها و بردلكم خبر

  24. منى 23 April 2010

    ان شاء الله بتزبط و بتكون على زووءك , مية هلا فيك

  25. محبةالمصطفى ملك 27 April 2010

    السام عليكم أخت منى ما بتعرفي شأد دخلتي لقلبي و حبيتك مع أني ما بعرفك بس من طريقة كلامك في الموقع شعرت انك انسانة كتيير لطيفة و بدي أشكرك على هالموقع أنا من فترة عبتصفح بالنت عن الوصفات و خصوصي الحلويات و أحيانا بتجرأ و بجرب شي بينجح و شي بيفشل و موقعك تصفحتوا مرة من زمان بس وقتها كنت عبتصفح للتسلية و بس :zzz
    حكيت كتير ما :grin
    المهم اني بشكرك كتير و بتمنى تقبليني صديقة و بدي أسألك عن الكاتو بالسفن أب أنا رح أعمله اليوم و بعدين بدي أروح عند اهلي و آخد القالب معي فإن شاء الله ينجح و الخطوات و اضحة بس في عندي شوية أسئلة بايخة :p
    1-شو الفرق بين الكاتو و الكيك يعني أنا عندي وصفة بعملها دائما قريبة من هالوصفة بس بدون ليمون و بقول عليها كيك اما هون بتقولوا كاتو فبدي أعرف الفرق؟؟؟(من زمان و أنا محتارة بالاسم المزبوط ههه)
    2-هلأ الصور اللي في وصفاتك من تصويرك كلهم و لا في شي م النت لأنهم ما شاااااااااء الله رائعين و خصوصي هالكاتو منتفخ كتير ما شاء الله ان شاء الله ينجح معي…
    أنا كترت حكي اليوم يلا سلااااااااااااااااام

  26. محبةالمصطفى ملك 28 April 2010

    أولا أنا بعتذر عن الخطأ الاملائي في المشاركة السابقة في السلام……
    ثانيا ليش ما حدا رد علي :cry
    أنا عملت الكاتو طلع طيب بيشبه كاتو السفن أب اللي بعملو بس بدي أسألك يا منى اذا بدي يطلع الكاتو متماسك أكتر شو لازم نزيد البيض و لا الطحين و لا شو؟؟؟؟؟
    و كمان سؤال تاني حسيت كأني الكاتو اللي في الصورة منتفخ اكتر من اللي عملتو مع أنه كمان نفش بس أقل من الصورة…..
    و أخيرا هلأ انت بتحطي عالقالب بس زبدة؟ ولا زبدة و بعدها بترشي طحين؟؟؟
    و آسفة كتيييييييييييييييييير على التطويل :roll

  27. منى 29 April 2010

    و عليكم السلام و رحمة الله و بركاته ملك:)

    نورتي بيتك اختي و اتمنى تجربي من الوصفات و يعجبك . نجي للاسئلة .

    الكيك و الجاتو نفس الشي , واحد كلمة انكليزية cake و التانية فرنسية gâteau

    الصور كلها الي , الله يسامحك على هل السؤال :roll

    ما بيصير تغيري شي بالمقادير لا بالطحين و لا بالزبدة , هيك المقدار عمليه او لا و اذا ما كتير حبيتي النتيجة , ممكن تستعملي وصفة انت معتمدتيها و تحطي عواض السوائل سفن اب ;)

    انا القالب الي استعمله حوافه عريضة لهيك ممكن يبان كتير نافش

    انا بدهن زبدة و برش طحين او ممكن ادهن طحينة , حسب المزاج .

    ايا سؤال تاني من عيوني و مرة تانية مية اهلا و سهلا فيك ;)

  28. محبةالمصطفى ملك 29 April 2010

    منى وينك؟؟؟
    هيك بتزعليني مشاركتين و هي التالتة و ماحدا لحدا :cry
    اذا ممكن انا عبعذبك معي بس جاوبي على أسئلتي اللي بالمشاركات :p
    و بدي أسألك عن اللحم بعجين كمان أكتب السؤال هون و لا بصفحته؟؟؟؟

  29. منى 30 April 2010

    :)

  30. محبةالمصطفى ملك 1 May 2010

    شكراااااااااااااا كتير عالرد
    أنا فرحت كتير وقت شفت مشاركتك
    ليش الله يسامحك على هالسؤال؟هههههه فعلا الصور رائعين تسلم ايدك….
    طيب هلأ أنا عملت وصفتك و أهلي حبوها كتير بس زعلت لأني مش الكاتو مش متماسك كتير…
    طيب اذا بدي أحطلك وصفتي ممكن ولا لأ و أكتبها بالمشاركة و لا كيف؟؟؟؟
    لأني عملتها امبارح لبيت خالتي(بيت حماي)و صورتها كمان و طلع كتيير طيب بس اسمه(كاتو السفن أب)بدون ليمون
    سلااااااااااام

  31. منى 6 May 2010

    اذا حابة تبعتي ايا وصفة ممكن تبعتيها عن طريق اتصل بنا و انا رح كون ممنوتك ;)

    مية هلا فيك

  32. محبةالمصطفى ملك 6 May 2010

    طيب و الصور كيف رح أبعتلك ياهم؟؟؟
    و أنا بعتلك رسالة باتصل لنا من أسبرع ما وصلتك؟؟ :x

  33. منى 7 May 2010

    لا ما وصل شي :roll

    الصور فيك تحمليهم و تبعتي روابطهم

  34. محبةالمصطفى ملك 7 May 2010

    واااااااااء ليش ما وصلت؟؟؟
    طيب ممكن ايميلك مشان ندردش عالمسنجر الياهو؟؟؟ :zzz

  35. منى 7 May 2010

    ما عندي لا ماسنجر و لا ياهو :) بس ممكن تبعتيلي ايميل عن طريق اتصل بنا و انا رد عليك بايميلي ;)

  36. semo 18 May 2010

    الصور الجديدة بتاخد العقل ماشاء الله :)

  37. منى 19 May 2010

    سمسومة و الطريقة عليها تعديل بسيط , طلع الكيك مو معقول شو طيب , اتمنى تجربيه ;)

  38. نور الأسلام 19 May 2010

    مرحبا منى كيفك كيك كتير بشهي يسلمو اديك يارب :) فين موجود القسم الجديد اذا فينا شارك وجدد نشاطي لاني ولدت من شهر واجتني بنوته سميتها (لجين)بتمنى شارك وافيد واستفيد

  39. larooo 23 May 2010

    حلوة كتير الصورة
    وخاصة الكاسة ووراها الليمونات ;)
    بس صايرة عم اكل كتييير حلو
    لذلك رح اجل شوي قصة التجريب :sigh

  40. سماح 26 May 2010

    تسلم ايدك يا مناتي والله طلع بياخذ العقل سهل ولطيف تحسي بانتعاش ومثل ما قلتي طري مثل الخسة وعجب إمي كثير مع انه ما بيعجبها العجب ذوقها صعب كثير لانها طباخة متميزة جد

  41. تورتاية بالكريز 1 June 2010

    ألف صحة وهنا حبيبة قلبي منمون
    ربي يذكرك دايما بما ينفعك
    متعرفيش ادي ايه انبسط ان الاضافة البسيطة عجبتك :zzz
    وكل سنة وموقعنا الحبيب في تألق دائم
    خاصة اني مشتركة منذا العام الأول ولي ذكريات في اركانه والوانه المشرقة يعني بحسه زي ندى الصبح منعش ومفعم بالحيوية ومع ذلك فيه هدوء وله رونق محبب للقلب
    وان شاء الله الموقع وصاحبته في نجاح دائم
    كل التحية والمودة للحبوبة منمون وكل القائمين على موقعها الجميل …..

  42. إسراء 1 June 2010

    الله يعطيكن العافية على هالنصيحة
    نجح معي والحمد لله
    وطلع كتير طيب ورح كمل مسلسل تجاربي مع الكاتو بس خلص فحص وبردلكن خبر
    شكرا ست منى على هالوصفة الغير شكل

  43. منى 2 June 2010

    هلا نور :)
    الحمد لله على قيامك بالسلامة و الله يخليلك لجين و يبارك فيها و تشوفي منها كل الخير

    بموت على الاولاد الي هلا مولدين , سبحان الله اديه كريم و جبار و رحيم :)

    القسم الجديد بتشوفيه في مطبخنا ان شاء الله

  44. منى 2 June 2010

    هلا لارا :)
    عن جد هل الكيك خفيف , صح فيه زبدة بس القالب كبيررر و بيطعمي قبيلة :) و يا حبذا انا كون من ضمنهم

    ان شاء الله تجربيه و يعجبك و خبريني شو صار

  45. منى 2 June 2010

    هلا سماح :)
    هي علامة عشرة من عشرة على اعتبار انه عجب ست الكل , الله يخليها يا رب بصحتها و عافيتها و الف صحة و هنا على البك و البها :zzz

  46. rela 18 December 2010

    عزيزتي

    أنا عملت هادا الكيك وكتير طلع طيب ، بس الوصفة قبل متل ما أخدتها كانت تحتوي على 3 بيض و كوب سفن أب ( أنا استخدمت سبرايت ) وربع كوب ليمون وبدل الزبدة زيت .
    على أية حال بشكر كل الأعضاء مع أطيب امنياتي

  47. حمودي 14 January 2011

    كيفكم يااحلىىىىىىىىى شيفات بالعالم

    بدي اسئل مدام منى 3ك دقيق مو كانه كثير وياريت قوام الكيكه كيف يصير يعني ثقيل ولا متوسط لان عندي عقده(وياريت الي جربوه يفيدونا ) من الكيك والحلويات
    ههههههههههه
    هيا الوصفه بدها تنجح معي اول ما جربها ولكن لما اعتمدها ولا مره تصير مثل الاوله شي مره ما تنفش شي تكش شي يزيد السكر وشي يزيد الزييت
    ……….. الخ
    كمان طلب اخير ياريت ترفعي صور لمقاييسك ومكلييلك
    عشان نكون ع بصيره
    مع خالص تحياتي
    Ahmed :sigh :sigh

  48. منى 15 January 2011

    هلا فيك اخي

    بالفعل هادا الكيك للحجم العائلي , او للجمعات الكبيرة و فيك انت تقسمه على قسميين لحتى يناسب عيلتك

    ما دام الوصفة نجحت معك اول مرة , معناها المرات التانية صار في شي غلط , و ااقولك مرات لما تكون ثقتي بنفسي كبيرة و انسى ان اسمي بالله او اتوكل على الله بيفشل معي الكيك مع ان مقاديري نفسها و طريقتي نفسهاو بكون عاملة الوصفة شي ميت مرة قبل :roll

    المهم , كل مرة لازم نتاكد من التفاصيل الصغيرة المهمة , متل حرارة الفرن و حرارة المكونات الي استعملناه و نوعيتها و جودتها و طريقة الخفق , و يكون الشغل بهدوء و بترتيب و باذن الله بينجح معنا

    مقاديري هي المقادير العالمية , يعني كاسة المي مقدارها 250 مل , و انت فيك تقيس بقية المقادير على هل الاساس

    %C

  49. حمودي 19 January 2011

    اممممممممم والله كلامك ريحني لاني اتعقد من كثر ما اعمل شي وما ينجح بس الحمد الله اني مو انا لوحدي
    ,,,,,,,,,,,,
    الطرااااااااااوه طرااااااوه والسمك سمك
    بس ما طلعت فيها نكهة الليمون
    يمكن لاني ما عملت عصير ليمون مركز
    ………….. :?
    اه شو رايك لو عملنا بالبرتقال اقصد ميراندا ونعمل عصير برتقال بدل اليمون
    ……………
    بس الصراحه انا بتشكرك كثيررررررررررررررر
    والله طلع ولا اروع
    ……………
    تقبلي خالص تحياتي
    AHMED :grin

  50. رغد غسان علاء الدين 1 February 2011

    مممممم مغرية..بس سؤال يمنى الغالية..إنتي حطيتيها بقالب عادي ولا مستطيل :roll

    والله يجزيكي الخير..

  51. amoula 24 May 2011

    السلام عليكم اختي منى
    عملته وكتير طلع طيب متل ما قلتي خفيف وطيب ويمييي شي جديد علينا , بس شوية طلع حامض هيه هيك نكهته ؟:roll
    بس يالله نسيت اقلبه هي جزاتي ما قريتآخر سطر :cry

  52. violla 17 June 2011

    تسلم ايديكي يا ست منى عهالوصفات الرائعة ,,, بس بدي اسألك انا جربت هالنوع من الكاتو وطلع كتير طيب بس لما قلبت الكاتو كان ملزق شوي باسفل الصينية مع انو مو محروق وكان وجهو مشقشق شوي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)