كاتو فيكتوريا الإسفنجي


         وصفة : سها قمند                 2009/06/11                 17 تعليقات
كاتو فيكتوريا الإسفنجي



175غ زبدة بحرارة الغرفة( إصبع و نصف )
¾ ثلاثة أرباع الكوب سكر ناعم
3 بيضة بحرارة الغرفة
1 ½ كوب و نصف طحين كاتو
3 ملعقة صغيرة بيكنغ باودر
مربى للحشو
سكر بودرة للتزيين





• أدهني صينيتين فرن مقاس 20 سم بالزبدة و رشي عليهما الطحين .

• أحمي الفرن على درجة حرارة 180 مئوية.

• انخلي الطحين مع البيكن باودر 3 مرات و هي خطوة مهمة للحصول على كاتو خفيف و هش .

• ضعي الزبدة في وعاء و اخفقيها قليلا ثم أضيفي السكر و اخفقي حتى يصبح المزيج مثل الكريما.

• أضيفي البيض الواحدة تلو الأخرى مع الخفق ( ستلاحظين ازدياد حجم المزيج هنا).

• أضيفي الطحين على دفعتين و اخفقي على أقل سرعة حتى تمتزج المكونات ثم زيدي السرعة قليلا و اخفقي لمدة دقيقة واحدة فقط .

• صبي المزيج في الصينيتين و سوي سطحهما سيكون قوام المزيج مثل الكريما .

• اخبزي الكاتو مدة 20 - 25 دقيقة أو حتى يخرج السيخ نظيفاً ( قد يحتاج الكاتو إلى شيه من الأعلى) اتركيهما مدة 5 دقائق على الطاولة ثم اقلبيهما عل شبك .

• عندما يبرد الكاتو تماما ادهني طبقة بالمربى و ضعي فوقها الطبقة الثانية ثم قصي شرائط من الورق و وزعيها على الكاتو و انثري عليها السكر البودرة بسخاء ثم أزيلي هذه الشرائط و وزعيها بشكل عمودي و رشي السكر مرة ثانية ( أو رشي السكر البودرة على كامل السطح للسرعة ).

ملاحظات :

للسرعة قمت بصب الكاتو في صينية واحدة مقاس 24 سم و تركته لليوم التالي ثم قسمته إلى طبقتين .

من الأفضل أن تكون جميع المكونات بحرارة الغرفة حتى الطحين .

إذا كان لديك محضرة طعام سيكون تحضير الكاتو أسرع و لكن عند إضافة الدقيق شغلي المحضرة على شكل ضربات إلى أن يمتزج الطحين فقط .

للحصول على شكل مزخرف أكثر استخدمي ورق الدانتيل , ضعيه فوق الكاتو ثم رشي السكر البودرة.

يمكن إضافة كريما شانتيه فوق طبقة المربى و لكن سيصبح الكاتو أدسم .




  • وصفات تانية ممكن تعجبك


التعليقات

  1. منى 11 June 2009

    سلم دياتك ام السوس وصفة طيبة كتير و كمان نوعا ما سهلة و الاولاد عندي بيموتوا عليها .

    طريقة تقديمك حلوة كتير و كمان استمتعت كتير بقراءة المقدمة , ما كنت بعرف كتير اشياء فيها :)

    الف شكر الك للوصفة و سلمن يا حق

  2. JoJo 12 June 2009

    تسلمي اختي علي هاي الوصفة الجميلة ومقدمة واضحة جداا بارك الله فيكي :)

  3. souha 12 June 2009

    السلام عليكم
    كيفك منى شكرا على التعليق الحلو و متل ما قلتي تحضيرو سهل للغاية يعني إذا عندك عزيمة و حابة تركزي اهتمامك على الأطباق الرئيسية و وقتك ديق فيك تلجئي لهالوصفة ماراح تاخد من وقتك كتير و ألف صحة على قلوب القطط الصغار

  4. souha 12 June 2009

    هلا Jojo كيفك شكرا على الكلمات الحلوة إنشاء الله تجربيه و ينال اعجابك

  5. سارونات 12 June 2009

    السلام عليكم و رحمة الله و بركاته

    جازاك الله خيرا اختي سهى و كتير كتير عجبتني المقدمة انا كتير بحب اعرف عن تاريخ الوصفات و اصلها وهالوصفة عريقة و ان شاء الله راح جربها و اغالب الظن اني ساوي متلك و ساويها بصينية واحدة

    في انتظار المزيد من وصفاتك

    بالتوفيق
    سلام

  6. souha 15 June 2009

    السلام عليكم أخت سارونات
    كيفك صار إلنا زمان ما تحاكينا يا ستي أنا كمان متلك بحب أعرف عن تاريخ الوصفات أنشاء الله تجربي الوصفة و تعجبك و خبريني شو رأيك :)
    سلام

  7. ام احمد الغالي 16 June 2009

    يسلمو ايديكي على هالوصفه الحلوة وطريقة التزيين
    والاحلى المقدمه الممتعه والمفيده

  8. souha 18 June 2009

    هلا فيك أخت أم أحمد مشكورة حبيبتي على الكلمات المشجعة إنشاء الله تجربيها و تعجبك :)

  9. semo 23 June 2009

    سردك للقصة رائع اخدتينا لعصر كتير حلو
    تخيلت الملكة ولبسا الحلو
    والكيك بيشهي الله يعطيكي العافية

  10. Iman 23 June 2009

    اهلين سهى. يسلموا ايديكي على هالجاتو البيشهي. و شكرا على المعلومات قبله. و على الملاحظات بعده. كتير عجبني و راح اجربه قريبا باذن الله :)

  11. رنا 24 June 2009

    سهل ولذيذ ولطيف وطيب وشو بدي قول كمان …
    بالغعل وصفة رائعة ..انا سمعانة فيه بس مالي خبر اله قصة وسيرة :grin يسلم هالتم على قصة الكاتو اللطيفة ويسلم هالايدين يلي عملته ونقلتلنا طريقته …بتعرفي اكتر شي حبيته فيه انه مابده نحرك الطحين بملعقة خشبية وبيمشي حاله بالخفاقة لانه انا كل مابدي حرك الكاتو بملقعة مابيزبط :grin بقا هادا مريح وسهل شكرا مرة تانية ولا بقا تغيبي علينا ;)

  12. نور الأسلام 24 June 2009

    السلام عليكم الله يعطيك العافيه اخت سهى ويجزيك الخير وصفه باين انو طيبه والقصه حلوة ولطيفه يسلموا كتير :zzz

  13. souha 24 June 2009

    السلام عليكم :)
    مرحبى يا صبايا كيفكن ;)
    كيفك سيمو و إيمان و رنا و نور الإسلام أنشاء الله تكونو بخير يا جماعة خجلتوني بتعليقاتكم الحلوة أنا مبسوطة أنو إلي أصدقاء متلكم
    حبيبتي رنا أنا كمان بكره تحريك الطحين بالمعلقة مدري ليش عفكرة أنا جربت هالكاتو مرة بتحريك الطحين بالمعلقة و مرة بالخفاقة يلي بالخفاقة طلع أطرى و هش أكتر
    جربو و قولولي رأيكم لأنو آرائكم بتهمني كتييير
    سلام ;)

  14. سارونات 24 June 2009

    السلام عليكم و رحمة الله و بركاته

    اختي سها هل ممكن نستغني عن الزيدة و نحط بدالها زيت او ما بينفع :?

    بالتوفيق

    سلام

  15. souha 25 June 2009

    السلام عليكم أخت سارونات
    حبيبتي الزبدة ما فيكي تستغني عنها أبدا لأنو هي يلي رح تعطي طعم طيب للكاتو و يفضل تكون زبدة من النوع الجيد
    سلام ;)

  16. المغتربة 1 July 2009

    مساء الخير للجميع
    تسلم ايديك
    انا اليوم جربتها وطلع منظرها بيجنن
    بس لسى مادقتها
    لان الضيوف لسى ماوصلووووووووووو
    بس اكيد طعمها بيجنن متل شكلها

  17. souha 5 July 2009

    ألف هلا بالأخت المصرية :)
    كتيرررر فرحت إنك جربتي الكاتو إنشاء الله يكون عجبك و ألف صحة و هنا على قلب الكل ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)