كاري البطاطا و الباذنجان


         وصفة : منى                 2008/07/23                 9 تعليقات
كاري البطاطا و الباذنجان

·          يقطع الباذنجان لمكعبات متوسطة , تقشر البطاطا و تقطع لمكعبات بنفس الحجم .

·          يحمى الزيت على النار في مقلاة غير لاصقة ثم يقلى فيه البصل حتى يطرى , يضاف الثوم و يقلب لدقيقة أخرى .

·          تضاف البهارات و تقلب لبضع ثواني ثم تضاف البطاطا و الباذنجان و يقلب لمدة خمس دقائق تقريباً أو حتى تحمّر الخضار .

·          تضاف البندورة و الملح و القليل من الماء و يغطى الوعاء و يترك حتى يغلي ثم تهدى النار و يترك لمدة ربع ساعة تقريباً أو حتى تنضج الخضار و تتسبك الصلصة .

·          يرفع الكاري عن النار ثم تضاف الكزبرة المفرومة و يقدم فوراً مع الأرز البسمتي المسلوق . 



2 ملعقة كبيرة زيت زيتون
حبة متوسطة بصل مفروم ناعماً
فص ثوم كبير مهروس
نصف ملعقة صغيرة كاري
رشة فلفل أسود و كزبرة يابسة
رشة هال
نصف ملعقة صغيرة فليلفة حمراء حرّة
حبة متوسطة باذنجان
حبة متوسطة بطاطا
2 حبة بندورة مقشرة و مفرومة
ملح
2 ملعقة كبيرة كزبراء خضرا مفرومة





• يقطع الباذنجان لمكعبات متوسطة , تقشر البطاطا و تقطع لمكعبات بنفس الحجم .

• يحمى الزيت على النار في مقلاة غير لاصقة ثم يقلى فيه البصل حتى يطرى , يضاف الثوم و يقلب لدقيقة أخرى .

• تضاف البهارات و تقلب لبضع ثواني ثم تضاف البطاطا و الباذنجان و يقلب لمدة خمس دقائق تقريباً أو حتى تحمّر الخضار .

• تضاف البندورة و الملح و القليل من الماء و يغطى الوعاء و يترك حتى يغلي ثم تهدى النار و يترك لمدة ربع ساعة تقريباً أو حتى تنضج الخضار و تتسبك الصلصة .

• يرفع الكاري عن النار ثم تضاف الكزبرة المفرومة و يقدم فوراً مع الأرز البسمتي المسلوق .
  • وصفات تانية ممكن تعجبك


التعليقات

  1. غيث 23 July 2008

    يسلم ايديك اختي على وصفاتك الطيبة بدي اسألك كيف ممكن ابعث لكم وصفة اذا حبيت اشارك بوصفة جديدة في الموقع طبعا بعد موافقة حضرتك الرجاء اعلامي بالطريقة وشكرا لكم

  2. منى 24 July 2008

    هلا غيوثة :)
    فيك تبعتيها باي رد بشكل عادي و انا رح ضيفها ان شاء الله ;)

    بانتظارك

  3. بدور 28 August 2008

    يم يم يم ما أطيبها :p

    عنجد كتير كتير مشهية و خفيفة و نكهة الكاري رح تخليها بتجنن ;)

    بس على هالصورة عصافير بطني صارت تزئزئ :grin

    رح جربها بكرة نشالله وبخبرك النتائج يا قمر الله يسلم اايديكي و يخليلنا ياكي يا رب :zzz

  4. منى 29 August 2008

    هلا بدورة :) ان شاء الله بتعجبك حبيبة قلبي و لا تنسي تقوليلي شو بيصير معك ;)

  5. DOUHA 12 September 2008

    انا جربتااا وطعمتا تحفة
    يعني تغيير شكل برمضان بدون لحمة نكهة الهال والكاري فيا قابلية غير شكل يسلموا منى

  6. منى 12 September 2008

    هنا ضحى و عافية يا حق ;) رمضان كريم عليك و على كل العيلة و سلام خاص لماماتك :)

  7. dado 6 June 2009

    مرحبا..
    كنت خبرتك بقسم الانكليزي إني جربتها.. وهلأ بدي قلك إنو ما بتذكر كم مرة صرت عاملتها.
    رادتها هلأ عالنار وناطرة تستوي.. رح موت من جوعي… وريحة الكاري عم تهفهف بالبيت.

    8)

  8. منى 7 June 2009

    هنا و عافية و الف الف صحة و هنا دالو على كل لقمة بكل مرة عملتيها و رح تعمليها :zzz

    مممم , شهيتيني , انا جوعانة هيأتي و قايمة ااقرطلي شي شغلة :grin

  9. karamela 17 June 2010

    السلام عليكم
    يسلم ايديكي يا قمر على هالاكلة
    كنت طالعة من يوم الجمعة اللي اكلت فيه لحمة
    قلت لحالي لدور بالموقع على اكلة رئيسية بدون لحمة وطلعتلي هالاكلة وجربتا
    عن جد خفيفة كتير وطيبة
    الله يسلمك من كل مكروه
    والي طلب عندك وياريت ماحدا يزعل مني
    يعني مع تقديري لكل الوصفات اللي عم تنضاف بالموقع من الاخوات وانا شخصيا استفدت منن بس انت بضلي الاصل اشتقنا كتير لوصفاتك بعرف قديش مشغولة بس لا توصلينا لنص البير وتقطعي الحبلة فينا يعني انا وحدة من كتير مابقى يسألوا حدا على طبخة ولابقى يفتحوا على موقع طبخ غير هالموقع
    الله لايحرمنا منك وسامحيني لاني طولت عليكي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)