يسلم إيديكي أم نور مجهود وتعب كبير
وياليت أي وصفات مميزة مثلها ماتنسينا منها
لأن كثير أحب الوصفات القديمة وكثير تستهويني مثل الأجانب إلي يدوروا على كل شيء قديم ومابيلفت نظرهم الجديد يمكن لأن القديم بدأ ينقرض ويندثر من دون مايكون موثق وأصحابه الحقيقين راحو وراحت معهم كل الأسرار.
والله يخليلك الوالد يااااااااااارب على طول ..
بس لو تقوليلي إذا ممكن : الكيلو كم كوب يساوي تقريبا.
والخميرة كمان كم ملعقة صغيرة بيطلع في الظرف الواحد لأن بنشتريها في علب مش ظروف.
وأتوقع أخت منى إن عدد البيض سقط سهوا ياليت تتأكدي.
تحياتي للجميع.

:zzالسلام عليكم كيفكم يا كل اخواتي بالموقع الوصفه كتير ظريفه وقريبه جدا من اقراصنا بس عنا بس بنحط محلب ويانسون بتطلع الطعمه كتير طيبه على كل حال نحن ولبنان سوا ربينا مشان هيك اكلاتنا كتير متشابهه الله يديم المحبه

لك الله يسلم هالايدين يا رب
متل ما قالوالك الصبايا لا تنسنا من كل وصفة تراثية حلوة عندك :eek
هيك منى بدنا منك الوصفات بالخطوات المصورة الله يجبرك

بالنسبة لا القالب متوفر بالعديد من الموديلات شي خشب شي بلاستيك او حجم صغير او كبير بس كلون مناح وبالنسبة لا البهارات ممكن نزيد الكمية حسب الرغبة او اذا نوع ما منحبوا فينا نلغي ونزيد من نوع من منحبوه وكمان ممكن نعمل كمية ونجلدا ووقت الي بدنا او منطلعون قبل بوقت او مندوبون بالميكرويف انا دايما عندي 20 وحدة احتياط ومع فنجان حليب الصبح او شاي غير شكل وفي ناس بدل الزيت بيستعملوا الزبدة او السمنة بس انا لقيت الزيت مع شوية زبدة اخف وبالنهاية الاكل زوء كل ست بيت بتشوف شو بيناسب عيلتها وبتعملوا

ودياتك يا اخت لارامينيا ولو لا تعب ولا شي ما في اعز منكون المهم تجربيا وتعجبك انا متلك سبحان الله كتير بحب كل شي قديم وبيعز علي وخصوصي الاكلات القديمة الي متل ما قلت بلشوا بالانقراض وبالنسبة لا الكيلو كم كوب والله ما بعرف لان انا بزين عالميزان بالغرام والوصفة اخدتا معيرة بالكيلو بركي منى عندها فكرة لان الله اعلم 5 كوب ماني متاكدة وحسب كمان حجم الكوب والخميرة الظرف في 15 غرام بيطلع ملعقة كبيرة واي سؤال انا جاهزة

وعليكم السلام اخت منال الله يبارك فيكي يا رب ذكرتيني بالمحلب انا حاطة محلب بالوصفة بس سقط سهوا كتابته يا ريت الاخوات الي حابين يجربوا الوصفة لا ينسوا يحطوا نصف ملعقة محلب صفيرة

ودياتك يا رب يا اخت ام عمر انشالله تجربي هالوصفة وتعجبك على فكرة هالكعك بيعملوا بفلسطين مرة اكلتوا عندي صديقتي فلسطينية بس هني بيحشوا بتمر وكتير طيب ومميز سبحان الله كل مرة بقول بدي جرب احشي بس قلة مروة انشالله شي مرة بجربوه وبخركون

تسلملي عينك يا دودو شو مهضومة وينك وين هالغيبة لا حس ولا خبر عاكل حال سالي نداء عن هالكعكات اكلتون عندي من زمان وكتير حبتون

ولك ابوس قلبك يا ندوش تسلميلي على هالحكيات الحلوين والله خجلتيني كلو من زوءك والايميل وصل انت بتئمري امر

وانا عم قول هالبنت وين غاطة انشالله تصلحي الجهاز بسرعة يالله ناطرطك دودو وانا بخير الحمدالله الاولاد متعبيني شوي مرض وغلاظة ودلع يالله ما بيكبر جسم حتى يفنى جسم هيك بيقولوا الحمدلله يا رب

منى ندوش عم تقول انها ارسلت الوصفة وبدها تعرف اذا وصلت ولا لاء

الله من أحلى الوصفات إنشاء الله أجربها

عنجد تسلم ايديكي ويعطيكي الف عافية يامجودة

السلام عليكم لا تواخذوني بالصدفة كنت عم ابعت رابط وصفة الكعك لا صديقة فانتبهت على تعليق الاخت 7ayah انا اسفة على عدم الرد السريع بس كنت باجازة بلبنان والي كم يوم راجعة وبالنسبة لا وصفة المعمول مد بالقشطة فاسم الوصفة ملوكية وفعلا كتير كتير طيبة يمممممم واكلت منها كتير بنزلتي واد ما طيبة جبت طريقتها وكنت ناوية جربها بس يصرلي وقت بس بتحبي جربها ونزل الطريقة ولا بنزل الطريقة وانتي جربيا