كماية بلحمة


         وصفة : منى                 2009/11/04                 27 تعليقات
كماية بلحمة

·         تفرك الكماية بفرشاة للتخلص من الرمل الموجود على القشرة ثم تغسل و تقطع لمكعبات .

·         تذوب السمنة على نار متوسطة ثم تضاف اللحمة و تقلى حتى يختفي اللون الأحمر و تمتص مرقها .

·         تضاف الكماية و تقلب لمدة 5 دقائق قم يغمر الكل بالماء و يتبل بالملح و البهار و تترك حتى تغلي .

·         تهدى النار و يغطى القدر و يترك حتى تنضج اللحمة لمدة نصف ساعة , بما أن اللحمة طرية .

·         تقدم الكماية مع الرز المفلفل و نوع من السلطة الحامضة حسب الرغبة .



1 كيلو كماية من اللون الغامق
كيلو لحمة طرية مقطعة مكعبات ( لحمة فتايل )
2 ملعقة كبيرة سمنة بلدية
ملعقة صغيرة بهار مشكل
ملح





• تفرك الكماية بفرشاة للتخلص من الرمل الموجود على القشرة ثم تغسل و تقطع لمكعبات .

• تذوب السمنة على نار متوسطة ثم تضاف اللحمة و تقلى حتى يختفي اللون الأحمر و تمتص مرقها .

• تضاف الكماية و تقلب لمدة 5 دقائق قم يغمر الكل بالماء و يتبل بالملح و البهار و تترك حتى تغلي .

• تهدى النار و يغطى القدر و يترك حتى تنضج اللحمة لمدة نصف ساعة , بما أن اللحمة طرية .

• تقدم الكماية مع الرز المفلفل و نوع من السلطة الحامضة حسب الرغبة .
  • وصفات تانية ممكن تعجبك


التعليقات

  1. haya 4 November 2009

    مرحبا منى كيف الحال انا قرأت المقدمة اللي انت كاتبتيها وفعلا الانسان ما معصوم من الخطأ وفي كثير اشياء بنحكيها وللأسف الناس عم تفهما بنمعنى ثاني
    وبتفسرها مثل ما هي بدها
    هلأ نرجع للوصفة شكلها كثير طيب بس عندي سؤال مثل العادة نحن هون بالامارات ما بتتواجد عنا الكماية يعني انا ولا مرة شفتها بسوق الخضار هلأ فيني استعمل الفطر بدل الكماية بس ما تضحكي علي
    :grin يا ريت تفيديني وشكرا جزيلا الك

  2. ام دانية 4 November 2009

    يسلم دياتك يارب منظرها بشهي وفعلا هي طيبة كتيررررررر بس لما انزلت على حلب اكلتا عند حماتي مع محشي البانجان واووووووو شو طيبة :zzz ياريت تنزلها مع المحشي 8) وعندي سؤال عملت مبارح مني صمون بعجينة العشر دقائق بصراحة كتيرطلع طيب وزوجي كتير حبو بس طلع قاس شوي يعني موطري ياترى شو بتتوقعي يكون السبب :roll

  3. hajar 4 November 2009

    مسا الخير كيفك منى والله اشتقتلك واشتقت لأكلاتك بصراحة ما في أطيب من الكماية فعلا اكلة ملوكية يسلمو ايديكي

  4. karmen 4 November 2009

    شكلها بشهي يسلموا الايادي

  5. Iman 4 November 2009

    اهلين منى. هممم اديش سمعت بهالاكله بس ولا مره دقتا او جربتا. من الوصف مبين عليها على قولتك شي ناهي. يسلموا ايديكي. على التجريب قريبا باذن الله بس ادعيلي الاقي الكمايه بالاول.

  6. DOUHA 4 November 2009

    اطيب اكلة بالكون انا كتير بحباااااا

    ذكريتني فيا يسلموا ;)

  7. DOUHA 4 November 2009

    هلئ الكماية اذا الواحد بدو صار في بالسوبر ماركت انا شفتا

  8. mayada 4 November 2009

    مرحبا ست مني انا بعتليك ايميل ما رديتي علي شو قصي باي ميادة

  9. ام نور 5 November 2009

    يا سلام شي بيشهي اد ما سمعت عنها من الاخوات الحلبيات اشتهيت ادوقها بس منوش شو هاي الكماية ما عندك صورة الها وما في منها الا بحلب :?

  10. منى 6 November 2009

    هلا هيا :)
    بالعكس أختي نبهتيني لملاحظة كان لازم اذكرها و هي ان نفس الوصفة ممكن تتحضر بالفطر الفريش او المعلب , كل حبة نقسمها قسمين أو ممكن نقطعهم شرايح و نفس الطريقة بعدها , طيبة اكيد بس مو متل الكماية , كل وصفة نكهة و بالكماية اطيببببببب اكيد :zzz

  11. منى 6 November 2009

    هلا ام دانية :)

    ايه مع محشي البانجان شغلة فخمة كتيررر , سبحان الله مع ان كنت ناوية و حاسبة حسابي , بس هل الصيفية بطولها و عرضها و لا مرة ما جربتها
    :roll
    ان شاء الله صحة و هنا على قلبك و ان شاء الله بنزل الوصفة الي طلبتيها .

    الصمون طلع قاسي , يا ترى اتبعتي الوصفة مزبوط من دون ايا تغير , لان وصفة هل العجينة تحفة , بحياتها ما طلعت معي الا متل ما بدي ;) يمكن زدتي شوي طحين او شو ؟؟

  12. منى 6 November 2009

    هلا هاجر :)
    هادا من زووءك اختي ,سالت عليك العافية و الخير دوما و لا تنسي تاكلي عني كم لقمة لما بتتغدي منها ;)

  13. منى 6 November 2009

    هلا كارمن :)
    اي و الله كانت طيبة كتير , اشتهيت فيها كل المحبين .

    مية هلا اختي :)

  14. منى 7 November 2009

    هلا امون :)
    ان شاء الله تلاقي و تجربي و تدعيلللي و لا تنسي تاكلي عني .. مستاهلة امونة كتير :)

  15. منى 7 November 2009

    هلا ضحى :)
    و انا كماان من رايك , اطيب اكلة …

    ضحى حبيبتي و لا مرة ما شفتها بالمولات , بس اذا صارت متوفرة بتكون كتير سهلت على ست البيت ..

    نورتي يا قمر ;)

  16. منى 7 November 2009

    هلا ميادة :)
    ما وصلني ايميل منك , ممكن ترجعي تبعتيه لو سمحتي ;)

  17. منى 7 November 2009

    هلا ام نور :)
    هلا ما عندي صورة الها , بس هي متل الفطر تقريبا متل كرة من برة اما لونها اسود او بني كاشف وز من جوى بني أو متل الموكا و هي متوفرة اكيد بكل سوريا و برة سوريا و ممكن يسموها بالخليج فقع ;)

  18. بشرى 7 November 2009

    الله عليكي على عهالمقدمة يا منون فعلاً ياما صاير هيك سوء فهم بسبب كلمة انقالت بالغلط أو الي إدامنا فهمنا غلط , ذكرتيني بدرس misunderstanding بالبكالوريا :grin

    يا سلامممممم على هالأكلة الملوكية , شهيتيني عليها كتير والله بس ماعم لاقي منها هون :cry

  19. منى 8 November 2009

    و انا بشورة كتير صاير معي هيك قصص , بالاخير منفوت بالحيط من كتر ما بيكون الواحد حكى شي و التاني فهم شي ما اله علاقة :?

    ان شاء الله تلاقي منها و تجربيها و كالعاااادةو ..

    لا تنسي تاكلي عني كم لقمة ;)

  20. semo 8 November 2009

    شكلا بيشهي مع اني انا ما بحب الكماية بس هي اشتهيت دوقا كتيييييير

    صحتين وهنا على قلب اللي اكلوها

    المشكلة انو هون مافي كماية زاذا انوجدت بالسوبر ماركت بتكون معلبة وبيكون فيها نكهة المواد الحافظة

    يسلمو ايديكي منوش والله يعطيكي على قد نيتك الطيبة

    على فكرة جربت عصير البرتقال والليمونادة طلعو بيجننو وخصوصا هلأ موسم البرد والانفلونزا

    ولا البيتزا بتاخد العقل بنصح كل الاخوات يجربوهن

  21. DOUHA 9 November 2009

    منى انا شفتا بكافور حدا المربى او الفكر نسيت هيك علبة معدن والورقة بني :roll

  22. DOUHA 10 November 2009

    ام نور خلص بس رحتي للبنان ببعتلك

    هي اكلة فظيععععععععععععة

  23. رنا 14 November 2009

    الله عالكماية …..بتجنن …بتطير العقل …خيتو عن جد بحسها من اكلات الجنة … :grin مابشبع منها وطعمتها مابتشبه ولا شي تاني ….لذيذة ومغذية وشوووو كمان …مدللة باللحمة واسعارها غالية …وفي ناس بتقول اذا لقوا اللحمة بالكماية اكتر من الكماية انه هي الطبخة مغشوشة بماانه الكماية اغلى من اللحمة
    ياستي يسلم دياتك …انا احيانا باكلها نية واحيانا بحطها بالسلطة …احيانا بلفها بخبزة مع ملح وبهار …وياعيني عليها مع اللحمة المشوية شي تحفة وناهي ولا اطيب منه
    شو بدي قلك …حماتي بتعمل بعبها محشي بتجيب كم وحدة كبار يعني اكبر مقاس موجود بتحفرها وبتحشيها رز ولحمة وبتطبخها متلك …عن جد رائعة …بس اذا جربتيها لاتكبي اللب وانتي عم تحفري :grin حطيه بالطبخة ;)

  24. nidaa84 16 November 2009

    منى والله يسلم دياتك
    ام نور شو هل خبريه معقوله ماذقتيها عندى خلص حقك على وحياتك احلى كماية بتوصلك ديركت على فرنسا على فكرة ام نور الكماية هى نفسها التروف بالفرنسى وبفرنسا بزينوها بميزان الذهب انازوجى حكالى بالاضافة طالع عنها برنامج شفته بفرنسا
    بس شو بدك بكل هل حكى يمكن شخص من فرنسا يجى لعندنا وبس اجى بدى ابعتلك ياها

  25. منال 18 November 2009

    وينك يا اختي منى انشغل بالي عليك انشاء الله بتتيسر امورك على اهون سبب

  26. ام رومل 10 December 2009

    ياي عالكمايه و ماادراك ماالكمايه تعرفو لما تطلع الكمايه مامنكون بسوريا بس حصتنا بتنشال لحتى نجي وارجعها مفرزه عالسعوديه طبختها مره هيك طلعت تجنن وسويتها مره مشويه مع شيش طاووق وخضار كمان طلعت رهيبه بس هلق عندي دور اكتئاب مو جاي عبالي سوي شي بعد ماسافرو ولادي لسوريه

  27. sndrla 22 February 2010

    السلام عليكم يابنات كيفكم انا عضو جديد على الموقع :)
    ويسعدني التواجد معكم بس من افتتاح الموقع وانا متابعة جيدة شو هل وصفات الحلوة :zzz الله يعطيكن العافية يسلمو ايديكي يا منى الله يحميك من العين والحسد بتقبليني عضو جديد

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)