كوكتيل الصيف المنعش


         وصفة : منى                 2008/08/14                 13 تعليقات
كوكتيل الصيف المنعش




3 حبة تين مقشر
حبة أجاص مقشرة و منزوعة البذر
حبة تفاح مقشرة و منزوعة البذر
2 – 3 حبة خوخ أحمر مقشرة و منزوعة البذر
حبة موز
حبة دراق مقشرة و منزوعة البذر
نصف كوب عصير منجا أو برتقال أو ماء

للتقديم :

عسل أو قطر المربى

• تحضر جميع الفواكه ثم تقطع لقطع متوسطة الحجم و توضع في الفريزر حتى تجمد تقريباً .

• توضع الفواكه في الخلاط مع عصير المنجا أو البرتقال أو الماء و تضرب حتى الحصول على بيورييه ناعم , يمكن إضافة المزيد من الماء المثلج إذا كان الكوكتيل سميك زيادة .

• يذاق الكوكتيل و يمكن اضافة القليل من العسل أو المربى معه إذا لم تكن الفاكهة ناضجة جيداً .

• يصب في أكواب صغيرة و يزين بالعسل أو المربى و يقدم .
  • وصفات تانية ممكن تعجبك


التعليقات

  1. غيث 14 August 2008

    الله يسلم هالايدي يا رب بتعرفي منى نحن هون بالشوب الشديد بدول الخليج كل يوم لنا ابريقين من هذا الكوكتيل المنعش هو بيبرد على القلب وهو فيه فيتامينات فريش وخاصة الصغار عندي ما بيحبو ياكلو الفواكه بالف يا زور اما العصير بركضوا منشان يشربوه هنا على قلبهم لذلك كل يوم بعمل من الفواكه المتوفرة المهم انا ما بحطهم بالفريزر فورا بخلطهم مع عصير مبرد وبنهاية الخلط بضع مكعبات ثلج معهم وبكثرة وحتى يصير ناعم كانك حاطة بوظ تاعم متل اول لما ستاتنا كانو يعملو الشرابات ويدقو بوظ ويقدموها لنا وانتعش يا حلو بس فكرتك عجبتني بدل اضافة الثلج بجمد الفواكه بتصير باردة لوحدها ورح اجربها وشكرا لك يا ام الفن والافكار الحلوةلانه اطيب شي بهالشوب العصيرات والسلطات :roll

  2. منى 14 August 2008

    هلا غيوثة :)
    هنا و عوافي على قلبك و قلب الحلويين , الله يعينا من هل الشوبات بس هون بسوريا الحمد لله مو كتير شوب , السنة الماضية انشوينا رسمي الله وكيلك , شوب ما عدا علي بحياتي , بس هل السنة الحمد لله احسن بكتير , كأن الله عالم بالحال و عم نتحضر لرمضان ..

    أنا بعمله أحيانا بطريقتك و احيانا بها الطريقة , التنتين تمام و نفس الطعمة :zzz

    و هي مناسبة لحتى تكوني أول واحدة عايد عليها بقروب رمضان , إن شاء الله ينعاد علينا و عليكم و نحنا من عتقائه , أمييين

  3. غيث 14 August 2008

    الله يسلمك ويبارك لك برمضان وبكل الاوقات انت واحبابك يارب ونحن كمان السنة ارحم من السنة الماضية مع ذلك مقارنة بسورية عنا الحرارة تصل احيانا 53 ولما يتصير بالاربعين بيكون لطيف الجو الله يرحمنا اما عندكم اذا ارتفعت للاربعين بيكون قمة الشوب وبالنهاية كل عام انت واحبابك بخير ورمضان كريم عليكم يا رب انت وجميع الاخوات الحبيبات في موقعك الغالي علينا

  4. بدور 30 August 2008

    يا سلام والله شي كتير طيب و بيفتح النفس :p

    هاد منيح كتير الصبح بدل عادة القهوة و النسكافيه أو قبلهم على الأقل و هلأ عالسحور برمضان بما انو كتير شوب
    :roll

    الله يسلم دياتك النواعم يا ميمو الحلوة :zzz

  5. منى 30 August 2008

    هلا بدورة :)

    ممم سحور خفيف و مغذي , ما خطرتلي هل الفكرة ;)

    الله يسلمك حبيبتي , مية هلا

  6. فطوم باك 18 September 2008

    يسلموووو الايادى

    على الحلووو :) :) :)

  7. الدمشقية 14 October 2008

    تسلم ايدك باين أنه لذيذ جداً
    ولكن سؤالي هل يمكن إضافة الحليب للكوكتيل ;)

  8. منى 14 October 2008

    ممكن تضيفي عوض العصير حليب و في كتير ناس بتحبه هيك , بس انا ما بحب ضيع طعمة الفواكة :zzz

  9. غلا 8 February 2009

    ممكن تعطبني طريقة الكابتشينومشكورة

  10. منى 16 February 2009

    هلا أختي :)
    و الله كان من عيوني , بس الصراحة انا بشتري ضروف جاهزة و بعمله , ما عندي فكرة لطريقة تحضيره :roll

  11. نسرين@ 3 August 2013

    شراب السوس:
    المقادير:مقدار قبضة من السوس
    ربع ملعقة كربونات الصوديوم
    ماء
    طريقة التحضير:يخلط السوس مع الكربونات ويوضع ماء كافي ليبتل السوس ثم يوضع في وعاء بحيث يكون سميكآ تحت أشعة الشمس حتى يتخمر ويصبح لونه قريبآ من الأسود ثم يوضع في قطعة قماش قطنية وتربط لمنع خروج السوس منها ثم توضع على مصفاة فوق أناء تحت حنفية ماء لينقط عليه نقطة نقطة فنحصل على سائل أسود هو السوس ترفع قطعة القماش من تحت حنفية الماء عندما يصبح لون قطرات السوس فاتحآ ثم يضاف له البوظ وماء الزهر وصحتين وهنا

  12. نسرين@ 3 August 2013

    ملاحظة: كرنوبات الصوديوم ربع ملعقة صغيرة أرجو من الأخت منى تصحيح الوصفة وألف شكر ألك

  13. نسرين@ 15 August 2013

    كيفك منوونة كل عام وأنتي وعيلتك ومدينتك الغالية حلب ووطنا سوريا بألف خير يا ريت تدليني إذا بدي ابعت وصفة لموقعك كيف الطريقة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)