براونيز بكريما الخمس دقايق السرية
4 بيضات
170 جرام سكر
100 جرام دقيق
1 باكو بدونج فانيلا vanilla pudding
1 ملعقة صغيرة بيكنج بودر
100 جرام لوز ورقيات (يعني يكون اللوز مش ناعم ولكن مكسر يعني حبة اللوز تكون رقيقة جدا جدا)
3 علب زانة اللي هي بيسموها حليب كامل الدسم علي ما اعتقد بالدول العربية
ملعقة كبيرة نشا
• بنفصل صفار البيض عن بياضهة وبنضرب البياض مع السكر وبعدين بنضيف الصفار عليهم وبنخفقه مرة تانية .
• بنخلط الدقيق مع البودنج والبيكنج بودر وبنضيفهم لخليط البيض المخفوق السابق .
• وهلاء بنجيب صينية مستدير قطرها (28سم) وبندهنها بالسمن والدقيق حتي لا تلتصق العجينة بارضية الصينية
• وبنصب العجينة فيها وبعد هيك بنرش وش الصينية كلها باللوز الرقيق .
• ونحطها في فرن درجة حرارته 175ـ180 لمدة 30 دقيقة ولازم تكون اشعال الفرن فوق وتحت لانه فرن كهربائي وليس تخرج نار منه .
• بعد ما نشوف الكيكة قربت تشقر شوية يعني ما تتحمر عالاخر بنخرجها من الفرن وبنحط علي كل سطح الكيكة سمنة السمنة بتنحط عليها بعد ما تقرب تستوي لانها لو انحطت من البداية ممكن الكيكة تنحرق وتدي لون محروق للوز وطعم كمان فلذلك توضع في نهاية السوي يعني قبل ما تنتهي الكيكة ب 5 دقايق فقط , وهي بتدي لمعة للكيكة .
• بعدين نترك الكيكة تبرد حتي نستطيع تقسميها الي طبقتين , وانا بافضل قصع الكيكة بخيط المخصص لتقطيع الكيكة .وفي ناس بيقطعوها بخيط عادي يعني بيحطو خيط حولين الكيكة ويكون الخيط في منتصف الكيكية ويلف حولين الكيكة وبعدين علي اخر الخيط يعمله علي شكل اكس بحيث يكون طرف خيط بايد والطرف التاني بايد اخري ويقطعها.
• وفي هاد الوقت نكون محضرين الحشووة اللي هي الزانة وبنحط عليها النشا والباكو بودنج عالنار حتي يعطينا مزيج مثل القشطة تماما وبعدين نحشي الكيكة بيها وبالهنا والشفا .
ممم
بالفعل مع الحشوة صارت افخم و الذ ..
سلبم دياتك على هل القرصة الحلوة :grin و ان شاء الله رح جربها قريب
و كمان الف شكر الك للملاحظات الصغيرة و المهمة كتير
اي وكمان ضيفي الاسم الحقيقي ليها افضل بالالماني Bienenstich
او اكتبيها بالانجلش
Bee sting cake
اهلين جوجو شكل هالكيكه لذيذ. و كمان بتخيل شكلا مع اللوز الشرايح راح يكون كتير حلو. يسلموا ايديكي.
شكرا ليكي منى انك حطيتي التعليق بموضوع خاص لحاله سوري منى بدي اغلبك معي ممكن تضيفي الصور هون حسب الخطوات اللي ذكرتها فوق
الصور نقلتها من الموقع اللي اخدت منه الوصفة الاصلية اللي جربتها ومعي طلعت بنفس الشكل كمان فحبيت اضيفها للافادة هون….
الف شكر الك جوجو على الطريقة و الصور و بالفعل وصفة من دون صور مو ممكن تاخد حقها , بس اتمنى ان يكون الك صور من تصويرك الخاص لحتى نضيفهم و لحفظ الحقوق لان بعد شوي رح تشوي الوصفة و الصور بكل مكان و انت رح يحترق دمك :roll
السلام عليكم ورحمة الله وبركاته. تسلم دياتك الحلوين شكلها فعلا يشهي بصراحة صرلي فترة بالمانيا وبعملها بس بدون حشوة اول مرة بسمع بالقصة الي حكيتيها عن الكيكة شكرا عزيزتي جوجو رح جربها بالحشوة وبخبرك
السلام عليكم ورحمة الله وبركاته تسلم ايدك ياست جوجو بتصدقي اني ديما بشتري هاد القالب من البكراي ولامرة حاولت اعرف سبب تسميتو بهاد الاسم :zzz عنا بالمانيا هاد النوع مفضل اكتر الشي بالشتاء وممكن بالصيف يتواجد محشي بالبوظة على كل تسلم ايدك
ياعيني شو هالآكلة اللذيذة الله يسلم هالأيدين
اهلين منورة خيتوو ام تسنيم
بس الطريقة اللي بالحشوة هي الكيكة اللي علي اصولها وانا عن نفسي لما اشتري منها جاهزة باشتري اللي بالحشوة لانها اطيب بكثير
وبالنسبة لسبب تسميتها انا اول ما جيت المانيا من قبل 6 سنين كنت اشتري كثير هاي الكيكة بالاخير سالت زملائي بالجامعة ليش بتسموها لسعة النحلة فمنهم حكولي قصص مختلفة ولكن اجتمعو علي نفس الاحداث يعني انه في ناس جاءو علي ناس وبالاخير اللي انتصروو هم اللي احتفلوو بهيك مناسبة بالكيكة هاي …..
:p
اهلين اموونة منورة ياقمر باتمني تكون عجبتك الطريقة
مع ان اسمها مؤلم
بس طعمهايبدو لذيذ
يسلموا منمن
لله يسلم ايديكي حبيبتي ويعطيكي العافية
بس سؤال صغير ويمكن بايخ بس انا ماعرفت شوهاد البوندج ازا بتشرحيلي وبتصوريلي شكلو وين ممكن بالششام لاقي منو
ويسلمو ايديكي
مرحبا منى كيفك الوصفة شكلها كثير لذيذ بس كنت حابة استفسر عن بعض الامور مثل ما سألت الاخت الكريمة شو هو البودنج فانيلا وبعدين شو هو الزانة هي ما فهمت يعني حليب عادي كامل الدسم اللي بنشربه ولا شئ ثاني وكم وزن العلبة تقريبا لأنه الاخت ذاكره 3 علب اسفة كثير على كثر الاسئلة في كمان سؤال اذا انا ماعندي فرن كهربائي بينفع اعملها بالفرن العادي بس ما بقدر افتح الفرن والشواية مع بعض كل شئ لوحده طبعا وشكرا كثير على طيبة قلبكم وتحملوني على كثر اسئلتي لكن بحب انه كل شئ يكون واضح امامي لما بدي اعمل الوصفة مرة ثانية شكرا لكم
sorry كثير كمان سؤال الاخت ذكرت انه بنحط سمنه على الوجه شو هي كمية السمنة
سامحوني ازعجتكم
اهلين سمر منورة حبيبتي وهيك عرفتي ياقمر شو سبب التسمية :p
منورة سماسم ياقمر
كيفك حبيبتي هيا منورة يا عسل وبالنسبة للاسئلة راح اجاوبك واحط صور للبودنج وللزانة باذن الله
وبالنسبة للزانة اعتقد هي القشدة السايحة خالص هي بتشبه الحليب بس بيكون شوية كامل الدسم يعني بالاخير هو قشدة سايحة مش مثل القشدة العادية
والعلبة مقدارها 200 جرام يعني 3 علب بيساوي 600 جرام
واسفة يا بنات حبيت اضيف شي بالنسبة للبودج بكاوو مع العجينة وباكوو مع الحشووة لاني كتبت في المقادير 1 ونسيت اكتب التاني
اتفضلي يا قلبي ام فايز يا غالية هاي صورة البودنج وهو بالعربي بيحكوو عنو بودنج كمان
[url=http://www.0zz0.com][img]http://www9.0zz0.com/2009/06/10/20/330650149.jpg[/img][/url]
وهاي كمان صورة للزانة كمان العلبة مقدارها 200 جرام
[url=http://www.0zz0.com][img]http://www9.0zz0.com/2009/06/10/20/494747752.jpg[/img][/url]
واي سؤال انا موجودة ولايهمك هيا حبيبتي اسالي مثل ما بدك
بالنسبة للسمنة يا هيا حاولي تعملي قشريات سمنة يعني مش تحطي معلقة وتكون طبقة عريضة لاء
خدي مثلا سمنة جامدة وحاولي تعمليها بالسكينة علي شكل شرائح رفيعة جدا وغطي كل سطح الصينية يعني بتحتاجي تقريبا 30 جرام بالكثير ولازم تكون اخر خمس دقائق من الخبيز ولما تحطيها تضلك قاعدة قدام الفرن لانه السمنة ممكن تحمر الصينة بسرعة وتحرق الللوز لانه اللوز رقيق جدا
الفكرة من السمنة انها بتعطي لمعة للكيكة مع اللوز وبتخلي شكلها مثل لمعان خلية النحل
وبالنسبة للفرن يا هيا عادي حبيبتي اخبزيها مثل اي كيكة بتخبزيها عندك يعني فيكي تشعلي النار من تحت لحتي تشقر من تحت وبعدين شعلي النار من فوق فقط حتي تحمري الكيكة من فوق ولكن خلي بالك كوني حذرة بدرجة الحرارة لو كان فرن عادي اعتقد لازم نقللي درجة حرارته لانه دايما بيكون اسخن من الفرن الكهربائي
هلا وعود الخير منورة خيتو
ان شاء الله بتجربيها وتكون علي زوءك
ممممممممممم ..شكلها بجنن يسلمو ايديكي
انا من زمان بتأمل الحلويات بالموقع وبتشهون .. بس هالمرة قررت اني جرب عنجد..بس بدي اسأل ..اكيد بيمشي حال الزبدة بدل السمنة ما8)
شكرا كتير …انا بحب هالموقع كتير كتير
صباح الخير للجميع شكرا الك كثير اخت جوجو على الرد وعلى التنفصيل الدقيق اللي اعطيتيني اياه وعلى الصور كمان شاكرة كثير لمجهودك وان شاءالله راح اجربها بس احضر المكونات كلها باذن الله
هلا جوجو
الف شكر للتوضيح و الصور , كتير صارت الفكرة اوضح و اتوقع الزانة هادا هو الكريم السائل العادي , يمم شو طيبة الحشوة رح تطلع :zzz
هلا بيكي لاروو منورة حبيبتي وعادي فيكي تستخدمي الزبدة بدل السمنة لانهم بيعطو نفس النتيجة بالاخر
لا شكر علي واجب هيا العبرة من وضع الاطباق هو الافادة والاستفادة حبيبتي
واي سؤال انا موجودة
صحيح بدي اقولك شغلة .. بالنسبة للزانة لو ما عندك منها فيكي تستغني عنها وتستبديلها بقرصين جبنة كيري وبدل مقدار الزانة حطي حليب كامل الدسم يعني 600 جرام حليب سائل ومع قرصين جبنة كيري وهو بيعطي نفس النتيجة والطعم لاني جربته مرة
العفوو حبيبتي منى والشكر لك طبعا لانك سمحتيلي اضيف الوصفة هون
بس عندي سؤال لو بدي احط وصفات كيف ارسل الوصفة هل ارسلها كتعليق والا ارسلها مباشرة علي ايميلك ؟؟
هلا لارو
تحبك العافية و الصحة دوما و منورة اختي و اتمنى تجربي شي وصفة من الحلويات و تكون يمي
هلا جوجو
الشكر الك حبيبتي , و فيك تبعتي الوصفات اما على ايميلي او باي رد , الي بيريحك
السلام عليكم و رحمة الله و بركاته
الوصفة مبينتها كتير طيبة و الصور حلوة
بس هل البودينغ هو الفلان Flan يعني عبارة عن بودرة و بيتضيفيله حليب على النار و بعدين تفرغيه في قوالب و تحطيه بالبراد تحتى يجمد و بيطلع متل الكريم كراميل بس من غير كراميل هل هذا هو
بالتوفيق
سلام
هلا بيكي خيتوو سارونات
وعليكم السلام ورحمة الله وبركاته
بالنسبة للبودنج اعتقد هو شبه الفلان بس علي فكرة البودنج متواجد في جميع السوبر ماركتات بالدول العربية سهل تلاقيه..
ارجو اكون افدتك تحياتي لكِ عزيزتي
عندي سؤال عالسريع حبيبتي جوجو الحشوة طلعت معي مالا حلوة طعمتا معلش وولو فيا سئلى
Marhaba Mona
I really like your its looks delicious and gorgoues looking,
I have a question about your full milk, is it the heave cream we use here 35% whipping
cream??
Hi Arlette:)
Sory , It`s not my cake , so I`dont really know the exact type of milk that we should use :roll
Hi Arlette
concerning ur question about the heave cream. Yes its really the 35% whipping
cream.
Best regards
أنا دائما بشتريه من السوق و أول ما جيت على ألمانيا جوزي هو يللي عرفني عليه لانو كتير بيحبو
و يسلمو على الوصفة يعني فعلا ما تخيلت اني الاقيها.و طالع معك متل الجاهز.
ممكن أعرف منين بيجيني اللوز الورقيات,يعني من عند مين اشتريتيه ؟
danke