لسعة النحلة المحشية Bienenstich


         وصفة : منى                 2009/06/09                 35 تعليقات
لسعة النحلة المحشية  Bienenstich






4 بيضات
170 جرام سكر
100 جرام دقيق
1 باكو بدونج فانيلا vanilla pudding
1 ملعقة صغيرة بيكنج بودر
100 جرام لوز ورقيات (يعني يكون اللوز مش ناعم ولكن مكسر يعني حبة اللوز تكون رقيقة جدا جدا)
3 علب زانة اللي هي بيسموها حليب كامل الدسم علي ما اعتقد بالدول العربية
ملعقة كبيرة نشا





• بنفصل صفار البيض عن بياضهة وبنضرب البياض مع السكر وبعدين بنضيف الصفار عليهم وبنخفقه مرة تانية .

• بنخلط الدقيق مع البودنج والبيكنج بودر وبنضيفهم لخليط البيض المخفوق السابق .

• وهلاء بنجيب صينية مستدير قطرها (28سم) وبندهنها بالسمن والدقيق حتي لا تلتصق العجينة بارضية الصينية

• وبنصب العجينة فيها وبعد هيك بنرش وش الصينية كلها باللوز الرقيق .

• ونحطها في فرن درجة حرارته 175ـ180 لمدة 30 دقيقة ولازم تكون اشعال الفرن فوق وتحت لانه فرن كهربائي وليس تخرج نار منه .

• بعد ما نشوف الكيكة قربت تشقر شوية يعني ما تتحمر عالاخر بنخرجها من الفرن وبنحط علي كل سطح الكيكة سمنة السمنة بتنحط عليها بعد ما تقرب تستوي لانها لو انحطت من البداية ممكن الكيكة تنحرق وتدي لون محروق للوز وطعم كمان فلذلك توضع في نهاية السوي يعني قبل ما تنتهي الكيكة ب 5 دقايق فقط , وهي بتدي لمعة للكيكة .

• بعدين نترك الكيكة تبرد حتي نستطيع تقسميها الي طبقتين , وانا بافضل قصع الكيكة بخيط المخصص لتقطيع الكيكة .وفي ناس بيقطعوها بخيط عادي يعني بيحطو خيط حولين الكيكة ويكون الخيط في منتصف الكيكية ويلف حولين الكيكة وبعدين علي اخر الخيط يعمله علي شكل اكس بحيث يكون طرف خيط بايد والطرف التاني بايد اخري ويقطعها.




• وفي هاد الوقت نكون محضرين الحشووة اللي هي الزانة وبنحط عليها النشا والباكو بودنج عالنار حتي يعطينا مزيج مثل القشطة تماما وبعدين نحشي الكيكة بيها وبالهنا والشفا .




  • وصفات تانية ممكن تعجبك


التعليقات

  1. منى 9 June 2009

    ممم

    بالفعل مع الحشوة صارت افخم و الذ ..

    سلبم دياتك على هل القرصة الحلوة :grin و ان شاء الله رح جربها قريب
    و كمان الف شكر الك للملاحظات الصغيرة و المهمة كتير ;)

  2. JoJo 9 June 2009

    اي وكمان ضيفي الاسم الحقيقي ليها افضل بالالماني Bienenstich
    او اكتبيها بالانجلش
    Bee sting cake

  3. Iman 9 June 2009

    اهلين جوجو شكل هالكيكه لذيذ. و كمان بتخيل شكلا مع اللوز الشرايح راح يكون كتير حلو. يسلموا ايديكي. :)

  4. JoJo 9 June 2009

    شكرا ليكي منى انك حطيتي التعليق بموضوع خاص لحاله سوري منى بدي اغلبك معي ممكن تضيفي الصور هون حسب الخطوات اللي ذكرتها فوق
    الصور نقلتها من الموقع اللي اخدت منه الوصفة الاصلية اللي جربتها ومعي طلعت بنفس الشكل كمان فحبيت اضيفها للافادة هون….

  5. منى 9 June 2009

    الف شكر الك جوجو على الطريقة و الصور و بالفعل وصفة من دون صور مو ممكن تاخد حقها , بس اتمنى ان يكون الك صور من تصويرك الخاص لحتى نضيفهم و لحفظ الحقوق لان بعد شوي رح تشوي الوصفة و الصور بكل مكان و انت رح يحترق دمك :roll

  6. omtasneem 9 June 2009

    السلام عليكم ورحمة الله وبركاته. تسلم دياتك الحلوين شكلها فعلا يشهي بصراحة صرلي فترة بالمانيا وبعملها بس بدون حشوة اول مرة بسمع بالقصة الي حكيتيها عن الكيكة شكرا عزيزتي جوجو رح جربها بالحشوة وبخبرك

  7. سمر 9 June 2009

    السلام عليكم ورحمة الله وبركاته تسلم ايدك ياست جوجو بتصدقي اني ديما بشتري هاد القالب من البكراي ولامرة حاولت اعرف سبب تسميتو بهاد الاسم :zzz عنا بالمانيا هاد النوع مفضل اكتر الشي بالشتاء وممكن بالصيف يتواجد محشي بالبوظة على كل تسلم ايدك

  8. سمسمة 9 June 2009

    ياعيني شو هالآكلة اللذيذة الله يسلم هالأيدين

  9. JoJo 9 June 2009

    اهلين منورة خيتوو ام تسنيم
    بس الطريقة اللي بالحشوة هي الكيكة اللي علي اصولها وانا عن نفسي لما اشتري منها جاهزة باشتري اللي بالحشوة لانها اطيب بكثير
    وبالنسبة لسبب تسميتها انا اول ما جيت المانيا من قبل 6 سنين كنت اشتري كثير هاي الكيكة بالاخير سالت زملائي بالجامعة ليش بتسموها لسعة النحلة فمنهم حكولي قصص مختلفة ولكن اجتمعو علي نفس الاحداث يعني انه في ناس جاءو علي ناس وبالاخير اللي انتصروو هم اللي احتفلوو بهيك مناسبة بالكيكة هاي …..
    :p

  10. JoJo 9 June 2009

    اهلين اموونة منورة ياقمر باتمني تكون عجبتك الطريقة

  11. وعود الخير 10 June 2009

    مع ان اسمها مؤلم
    بس طعمهايبدو لذيذ

    يسلموا منمن

  12. ام فايز 10 June 2009

    لله يسلم ايديكي حبيبتي ويعطيكي العافية
    بس سؤال صغير ويمكن بايخ بس انا ماعرفت شوهاد البوندج ازا بتشرحيلي وبتصوريلي شكلو وين ممكن بالششام لاقي منو
    ويسلمو ايديكي

  13. haya 10 June 2009

    مرحبا منى كيفك الوصفة شكلها كثير لذيذ بس كنت حابة استفسر عن بعض الامور مثل ما سألت الاخت الكريمة شو هو البودنج فانيلا وبعدين شو هو الزانة هي ما فهمت يعني حليب عادي كامل الدسم اللي بنشربه ولا شئ ثاني وكم وزن العلبة تقريبا لأنه الاخت ذاكره 3 علب اسفة كثير على كثر الاسئلة في كمان سؤال اذا انا ماعندي فرن كهربائي بينفع اعملها بالفرن العادي بس ما بقدر افتح الفرن والشواية مع بعض كل شئ لوحده طبعا وشكرا كثير على طيبة قلبكم وتحملوني على كثر اسئلتي لكن بحب انه كل شئ يكون واضح امامي لما بدي اعمل الوصفة مرة ثانية شكرا لكم

  14. haya 10 June 2009

    sorry كثير كمان سؤال الاخت ذكرت انه بنحط سمنه على الوجه شو هي كمية السمنة :) سامحوني ازعجتكم

  15. JoJo 10 June 2009

    اهلين سمر منورة حبيبتي وهيك عرفتي ياقمر شو سبب التسمية :p
    منورة سماسم ياقمر ;)

  16. JoJo 10 June 2009

    كيفك حبيبتي هيا منورة يا عسل وبالنسبة للاسئلة راح اجاوبك واحط صور للبودنج وللزانة باذن الله
    وبالنسبة للزانة اعتقد هي القشدة السايحة خالص هي بتشبه الحليب بس بيكون شوية كامل الدسم يعني بالاخير هو قشدة سايحة مش مثل القشدة العادية
    والعلبة مقدارها 200 جرام يعني 3 علب بيساوي 600 جرام
    واسفة يا بنات حبيت اضيف شي بالنسبة للبودج بكاوو مع العجينة وباكوو مع الحشووة لاني كتبت في المقادير 1 ونسيت اكتب التاني

    اتفضلي يا قلبي ام فايز يا غالية هاي صورة البودنج وهو بالعربي بيحكوو عنو بودنج كمان

    [url=http://www.0zz0.com][img]http://www9.0zz0.com/2009/06/10/20/330650149.jpg[/img][/url]

    وهاي كمان صورة للزانة كمان العلبة مقدارها 200 جرام

    [url=http://www.0zz0.com][img]http://www9.0zz0.com/2009/06/10/20/494747752.jpg[/img][/url]

    واي سؤال انا موجودة ولايهمك هيا حبيبتي اسالي مثل ما بدك

    ;)

  17. JoJo 10 June 2009

    بالنسبة للسمنة يا هيا حاولي تعملي قشريات سمنة يعني مش تحطي معلقة وتكون طبقة عريضة لاء
    خدي مثلا سمنة جامدة وحاولي تعمليها بالسكينة علي شكل شرائح رفيعة جدا وغطي كل سطح الصينية يعني بتحتاجي تقريبا 30 جرام بالكثير ولازم تكون اخر خمس دقائق من الخبيز ولما تحطيها تضلك قاعدة قدام الفرن لانه السمنة ممكن تحمر الصينة بسرعة وتحرق الللوز لانه اللوز رقيق جدا
    الفكرة من السمنة انها بتعطي لمعة للكيكة مع اللوز وبتخلي شكلها مثل لمعان خلية النحل

  18. JoJo 10 June 2009

    وبالنسبة للفرن يا هيا عادي حبيبتي اخبزيها مثل اي كيكة بتخبزيها عندك يعني فيكي تشعلي النار من تحت لحتي تشقر من تحت وبعدين شعلي النار من فوق فقط حتي تحمري الكيكة من فوق ولكن خلي بالك كوني حذرة بدرجة الحرارة لو كان فرن عادي اعتقد لازم نقللي درجة حرارته لانه دايما بيكون اسخن من الفرن الكهربائي

  19. JoJo 10 June 2009

    هلا وعود الخير منورة خيتو
    ان شاء الله بتجربيها وتكون علي زوءك

  20. larooo 10 June 2009

    ممممممممممم ..شكلها بجنن يسلمو ايديكي
    انا من زمان بتأمل الحلويات بالموقع وبتشهون .. بس هالمرة قررت اني جرب عنجد..بس بدي اسأل ..اكيد بيمشي حال الزبدة بدل السمنة ما8)
    شكرا كتير …انا بحب هالموقع كتير كتير

  21. haya 11 June 2009

    صباح الخير للجميع شكرا الك كثير اخت جوجو على الرد وعلى التنفصيل الدقيق اللي اعطيتيني اياه وعلى الصور كمان شاكرة كثير لمجهودك وان شاءالله راح اجربها بس احضر المكونات كلها باذن الله :)

  22. منى 11 June 2009

    هلا جوجو :)
    الف شكر للتوضيح و الصور , كتير صارت الفكرة اوضح و اتوقع الزانة هادا هو الكريم السائل العادي , يمم شو طيبة الحشوة رح تطلع :zzz

  23. JoJo 11 June 2009

    هلا بيكي لاروو منورة حبيبتي وعادي فيكي تستخدمي الزبدة بدل السمنة لانهم بيعطو نفس النتيجة بالاخر :)

  24. JoJo 11 June 2009

    لا شكر علي واجب هيا العبرة من وضع الاطباق هو الافادة والاستفادة حبيبتي
    واي سؤال انا موجودة
    صحيح بدي اقولك شغلة .. بالنسبة للزانة لو ما عندك منها فيكي تستغني عنها وتستبديلها بقرصين جبنة كيري وبدل مقدار الزانة حطي حليب كامل الدسم يعني 600 جرام حليب سائل ومع قرصين جبنة كيري وهو بيعطي نفس النتيجة والطعم لاني جربته مرة

  25. JoJo 11 June 2009

    العفوو حبيبتي منى والشكر لك طبعا لانك سمحتيلي اضيف الوصفة هون
    بس عندي سؤال لو بدي احط وصفات كيف ارسل الوصفة هل ارسلها كتعليق والا ارسلها مباشرة علي ايميلك ؟؟ :)

  26. منى 11 June 2009

    هلا لارو :)
    تحبك العافية و الصحة دوما و منورة اختي و اتمنى تجربي شي وصفة من الحلويات و تكون يمي :)

  27. منى 11 June 2009

    هلا جوجو :)
    الشكر الك حبيبتي , و فيك تبعتي الوصفات اما على ايميلي او باي رد , الي بيريحك ;)

  28. سارونات 11 June 2009

    السلام عليكم و رحمة الله و بركاته

    الوصفة مبينتها كتير طيبة و الصور حلوة

    بس هل البودينغ هو الفلان Flan يعني عبارة عن بودرة و بيتضيفيله حليب على النار و بعدين تفرغيه في قوالب و تحطيه بالبراد تحتى يجمد و بيطلع متل الكريم كراميل بس من غير كراميل هل هذا هو :?

    بالتوفيق
    سلام

  29. JoJo 12 June 2009

    هلا بيكي خيتوو سارونات
    وعليكم السلام ورحمة الله وبركاته
    بالنسبة للبودنج اعتقد هو شبه الفلان بس علي فكرة البودنج متواجد في جميع السوبر ماركتات بالدول العربية سهل تلاقيه..
    ارجو اكون افدتك تحياتي لكِ عزيزتي :)

  30. omtasneem 12 June 2009

    عندي سؤال عالسريع حبيبتي جوجو الحشوة طلعت معي مالا حلوة طعمتا معلش وولو فيا سئلى

  31. Arlette 2 July 2009

    Marhaba Mona
    I really like your its looks delicious and gorgoues looking,
    I have a question about your full milk, is it the heave cream we use here 35% whipping
    cream??

  32. منى 2 July 2009

    Hi Arlette:)
    Sory , It`s not my cake , so I`dont really know the exact type of milk that we should use :roll

  33. JoJo 6 July 2009

    Hi Arlette
    concerning ur question about the heave cream. Yes its really the 35% whipping
    cream.
    Best regards :)

  34. roroo51 24 February 2010

    أنا دائما بشتريه من السوق و أول ما جيت على ألمانيا جوزي هو يللي عرفني عليه لانو كتير بيحبو :) و يسلمو على الوصفة يعني فعلا ما تخيلت اني الاقيها.و طالع معك متل الجاهز.

  35. roroo51 24 February 2010

    ممكن أعرف منين بيجيني اللوز الورقيات,يعني من عند مين اشتريتيه ؟
    danke ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)