براونيز بكريما الخمس دقايق السرية
وصفة من ريم الزعيم , رووووعة , طعمة و شكل و ريحة ., الجبنة السايحة عم تدوب مع نكهة البيستو و البتنجان الي اتشربت من الكل و صارت طعمته خيلة .الصورة بتحكي أحسن من مية كلمة و هل الصورة بتحكي لحالها عن الوصفة
بالصحة و الهنا
2 حبة كبيرة باذنجان , مقطعين لشرائح طويلة رفيعة
ملح و فلفل اسود
5 معلقة زيت زيتون
سن توم مدقوق
4 معلقة صلصة البيستو
175غ موزاريلا مبشورة
بعض اوراق الريحان للتزيين
صلصة البيستو :
60 غ بقدونس مفروم
2 فص ثوم , مهروس
2 ملعقة كبيرة ريحان مفروم
60 غ صنوبر مطحون
60 غ جبنة بارميجان مبشورة
فلفل ابيض حسب الرغبة
150 مل زيت زيتون
• نملح الباتنجان ونتركه لمدة 15 دقيقة ثم نغسله بالماء ونجففه جيدا ونضعه على قطعة قماش جافة .
• نسخن زيت الزيتون في مقلاة كبيرة ونضيف الثوم ثم نقلي الباتنجان على الوجهين حتى نحصل على اللون البني الذهبي ثم نرفعه على ورق المطبخ .
• نرشح كل شريحة باتنجان بالملح والفلفل ثم ندهنها بطبقة من البيستو ثم الموزاريلا ونلف الشريحة ونثبتها بعود خشبي.
• نضع اللفائف في صينية وندخلها الى فرن 180 درجة لمدة 8-10 دقائق .
• اصبحت لفائف الباتنجان جاهزة ,توضع في طبق التقديم وتزين بأوراق الريحان الطازجة.
• طريقة صلصة البيستو , توضع كل المقادير في المكسر لمدة دقيقتين .
-
وصفات تانية ممكن تعجبك
بكرة رح جربها انشاالله .. تسلم ايديكون على هالوصفات الطيبة، جربت وصفة كاري الباذنجان و سلطة العدس و الباذنجان بيجنوا يم يم وهي باينتا طيبة كتيييير كمان
رهيبة هالوصفة، بتدخل القلب من أول نظرة، باتنجان مع بيستو أكيد رح تطلع شي فاخر. للتجريب بأقرب وقت. ورح جرب البيستو هالمرة على طريقتك طالما شهدت فيه الأخت منى.
ألف شكر أخت ريم.
بس سؤالي عن الثوم، ما رح يحترق أثناء القلي؟
صحة وهنا كتير انبسطت انك حبيتيها
بالنسبة للبيستو انا كمان هيك حسيت انو البقدونس خفف شوي من نكهة الريحان مع اني كتير صايرة عم حب الريحان هالايام واشتريت زرعة ريحان حطيتها على شباك المطبخ وطاير عقلي فيها
على فكرة مرة جربت البيستو مع فيليه السلمون بالفرن وطلع كتير لذيذبيستحق التجربة
تسلم ايديك ريم الوصفة كتير سهلة و كتير واضحة و كتير طيبة , حبيت كتير البيستو على طريقتك , طعمته لطيفة و مو قوية لهيك بتزبط حتى مع الازواء الصعبة
شكرا كتير للوصفة :zzz
التوم بتحطو بالاول شوي مشان الزيت ياخد النكهة وبعدين منشيلو قبل ما يحترق
وصحة وهنا
يسلمو ايديكي أخت ريم، الوصفة طلعت كتير لذيذة، وطريقة البيستو مع البقدونس كمان طيبة. بس شغلة اللفائف ما زبطت معي كتير ولاصت الدنيا، آخر شي تركت شرحات البانجان على حالهن وحطيت فوقهن البيستو والجبنة بدون لف. المهم أن الطعمة روعة
حبيتا للوصفة بس هي وصفة رئيسية ؟؟ يعني بتتاكل بالخبزة ولا كيف
ولا هي من المقبلات بس رح جربها عن قريب ان شالله
بس هلأ بصير حط جبنة قشقوان أو موزاريللا بدل البارمجيان
صحتين و عافية اخي ارام , انا السنة الماضية عملت لفائف اول مرة و ما زبطوا معي ابدا , شي كان رقيق اتكسر , شي سميك ما انلف , بقى اذا درت بالك وقت التقسيم بيزبطوا بكل سهولة ان شاء الله
هنا و عافية على الطعمة
قلتلو لزوجي عالمقادير بس ورق الريحان من وين بدنا نجيبه أو شو هاد
زوجي سأل الخضري عنه وقله بحياتي ماسمعت هيك شي
بقى كيف هي بتنحل ورح يخلص البانجان بقى يابلحق يامابلحق
وبالمناسبة الكرفس كمان قلتيلي بشوف منه بالمولات .. كل مابدخل على مول بدور عليه مابشوفه لأنه كتير حابه أعمل مكعبات مرق الدجاج
ياريت تجاوبيني بسرعة ؟؟؟ ويسلمو كتيييييييير
هلا حبيبتي
هي وجبة مقبلات , نحنا اكلناها بالشوكة , و انت بتشوفي شو بيناسبك
فيك تحطي ايا نوع , بس اصولها بالبارميجان
ورق الريحان انا جبت منه شتلة و عم استخدم منها كل ما بيلزمني , الا ما تكوني شفتي منها بالخالدية او عند اهل الزرع و كتير حقه رخيص , يمكن 50 ليرة للشتلة الي رح تكفيك طول الصيف
ليكون عم تدوري على الكرفس الي بتشوفيه بالتلفزيون ؟ هادا مو موجود عنا , الي متوفر شكله متل البقدونس بس ورقه كبير و ريحته حلوة كتير , و بس ما شفتي بقدونس ريحته مو متل البقدونس ( و لا الكزبرة ) معناها هادا هو
ايا سؤال تاني من عيوني
تسلمي يارب اي والله كنت متخيلته نفس اللي بالتلفزيون المرة الجاي رح دور مرة تانية
وبما انو خلص الصيف رح استنى لصيفية الجاي بشتري شتلة صغيرة ويسلم ايديكي يارب
يعني شتهيت على الوصفة كتير لأني من محبين البيستو
بس ممكن القادير بدون غرامات يعني بالمعلقة بالكوب بأي شي تاني
بدي روح اشتري ريحان دغري قصدي لما يصحلي أروح للسوق
رح نزل الوصفة بالكوب ان شاء الله , بس قيسها تكرم عيونك
نعومة هي الوصفة بالكوب
http://www.l2ma.com/content/view/866