براونيز بكريما الخمس دقايق السرية1 كوب سميد
5 كوب حليب
3 ملاعق كبيرة سكر
علبة كريما دانيا
ثلاثة أرباع كوب ماء بارد لخفق الكريما
علبة قشطة نسلة أو (قشطة محضرة في المنزل)
قطر حوالي كوب
موز للتزيين
• يوضع الحليب على النار مع السميد و السكر و يحرك حتى يسمك المزيج ثم يصب في جات بايركس قياس كبير ثم يوضع في البراد حتى يبرد تماماً.
• تخفق الكريما مع الماء البارد ثم تضاف القشطة و نخفق ثم نمد مزيج الكريما فوق المزيج السابق.
• عند التقديم يقطع الموز إلى شرائح و يزين به الجات و يوضع القطر في صحن عميق إلى جانب الصحن الأساسي و يضيف كل شخص القطر حسب رغبته.
مرحبا منى وكل الصبايا يلي أكيد ما رح يقاوموا الصورة ورح يفوتوا ليشوفوا التفاصيل
كنت مالة كتير بالشغل وجوعانة كتير :zzz لأنو صرلي 8 ساعات هون.. قلت أحسن شي أعمل طلة عالموقع “مع إني شفته الصبح 8) ” لحتى أخد دفعة معنوية… فتت… وشفت هالشوفة :cry
منظرها كتير بيشهي وأنا بحب الموز كتير وقال يا بعدي عاملة ريجيم
بس خلص… قررت بس إرجع من النادي وخلص رياضة اعملها اليوم المسا…
مع إنو فقس ريجيمي… بس عنجد وصفاتك بيستاهلو
يسلم إيديك
أنا كتير بحب هالاكله ودايما بعملها بس ولا مره حطيت موز عالوجه بالعاده بنزينها فستق حلبي مطحون بس فكره حلوه الموز رح جربها ان شاء الله 000 شكرا الك
سلم دياتك سهى , وصفتي كتير قريبة منها بس باستبدال المي بحليب , و كتير طيبة و منعشة
ألف شكر ليك على الوصفة الطيبة و الصورة الشهية و بانتظار وصفات تانية منك :zzz
هلا سلاف صحة و هنا مسبقاً و انشاء الله بتعجبك أنا كتير بحس الموز طيب مع القطر و الكريما
هلا منى
بقول بركي بكرا على كل حال الله يمد الجميع بالعافية
مشكورة على تنزيل الوصفة طبعا بصير نستبدل المي بحليب ما إنتي أم الطبخ الطيب و فنو
هلأ عندي و صفتين لليقطين بدي جربون مشان المسابقة بس كل يوم برجع من الوظيفة تعبانة
مرحباsouha. يسلمو إيديكي على هالحلو اللي عن جد حلو كتير. بس المشكلة إنه الموز عالوجه بعد شوي راح يتغير لونه. فشو بتقترحي عشان هالشغلة؟؟
حبيبتي منى بدي أنبه لشغلة. الرابط تبع المعكرونة بصلصة البيتزا اللي بالصفحة الرئيسية عمبيوصل بالغلط على غير وصفة!! :eek عمياخدك على وصفة صلصة التوفي كريم :upset :grin . قلت خليني أخبرك عشان التصحيح، خصوصا إنه عجبتني الصورة والإسم بس تفاجأت إنه الوصفة غير :cry .. تسلميلي ما هو كتر الشغل بيخلي الواحد يصير هيك :upset . معلش الله يقويكي..
هلا سهى
امين و الله يعطيكي العافية على الوصفة الطيبة و بانتظار وصفات اليقطين
هلا منامينو :grin عن جد , هلا رايحة صلح الغلط و الف شكر ليك للتنبيه
يعطيكي ألف عافية حبيبتي منى. هي المعكرونة بصلصة البيتزا لو دخلتي لها من قسم المعكرونة بتلاقي الوصفة المزبوطة. بس إذا دخلتي لها من الرابط اللي بالصفحة الرئيسية بتلاقي حالك بوصفة صلصة التوفي كريم!! :roll يعني المشكلة بس بالرابط اللي بالصفحة الرئيسية..
ان شاء الله هلا بيكون مشي الحال , شكرا حبيبتي :zzz
هلا منامينو تسلمي حبيبتي على الكلمات الحلوة
مشان الموز بالعادة بعمل الوصفة و قبل التقديم مباشرة بحط الموز هدا إذا كان عندي ضيوف أما غذا كانت الوصفة للعائلة بعيفعا بالبراد بعد ما غطيها بدون موز و بعدين كل واحد بيسكب و بيزين صحنو :zzz
ممكن ست منى تحطي لإلنا طريقة البرازق الشامية والكعك الشامي بالمحلب والبصمة بالفستق معلش غلبتك معي بس حلوياتكم بتجنن يا السورييييييييييين
تكرم عيونك أختي و الله البرازق صار جربتلها كتير طرق بس ما في طريقة بلتلي قلبي , بس انا مو نسيانتها اكيد
يا ترى شو قصدك بالكعك الشامي بالمحلب ؟ لان عندي بالموفع وصفة كعك العيد أظن انها [URL=http://www.l2ma.com/content/view/428/2/]المقصودة[/URL]
نورتي اختي الموقع , مية اهلا و سهلا
مرحبا مرة تانية
سها.. أولاَ.. الله يخليكي لا تواخذيني ما عرفت إنو الوصفة إلك .. فكرتها لمنى .. بعتذر منك.
تانياً.. جربت الطبق.. وعنجد عنجد تحفة.. سهل كتير وطيب أكتر.
أنا جربتها على نصفين.. النصف الأول عملته حرفيا متل ما ذكرتي إنتي وطلع كتير لذيذ.. والنصف التاني عملته بقشطة مطبوخة بس لأنو زوجي ما بيحب الكريم شانتيه.. وكمان طلع طيب.
ومتل ما حكيتي.. تركت الموز لوق التقديم وضل محافظ على لونه الحلو بدون ما يسود.
عجبتني فكرة تحلاية الطبق بالقطر مو بالسكر… هيك كل واحد بيتحكم بالحلاوة على مزاجه وكمان حسيت القطر أعطى الوصفة لمسة شرقية على الرغم من إنو شكلها أقرب للحلويات الغربية
مرة تانية يسلم إيديكي على الطبق المرتب واللذيذ
هلا دالو
, يمكن سهى ما تنتبه فورا على الرد , حبيت قلك هنا لوقت ما تشووف انك جربتيها :zzz
الف هنا و عافية على قلبك على الوصفة , و الحمد لله انها زبطت معك و عجبتك
مية السلاوة دالو
و لا يهمك حياتي أهم شي أنو الطبق عجبك و صحة و هنا على قلبك إنت و عيلتك
أنا أسفة أنو تأخرت بالرد اليوم لحتى شفتو
شو أخبار ريجيمك في نتائج لأنو أنا زايدة كم كيلو و مالي متخذة قرار بالريجيم صايرة شخصيتي ضيعفة قدام الأكل :cry
هلا سها..
والله ريجيمي فقس من زمااان.. كل مرة بس بلش .. برجع بضعف.. يعني شو بدي قلك.. قررت ارجع من اربع تيام.. ولما كنت عم اسرح وامرح بالموقع شفت وصفة الكاستردج بالشوكولا.. قمت تمردت على الريجيم وقلت بس هالمرة بعملها.. وبعدين برجع للريجيم “تماما متل ما صار لما شفت وصفتك”
بس المهم إنو الواحد مبسوط وبصحة وعافية .. باكل باكل بعد بروح عالجيم وبركد على أساس احرق.. برجع عالبيت وباكل من جديد :grin
:grin
هلا دالو
يا ستي معك حق وصفات الموقع كلن طيبين و خاصة الحلويات أنا كتير بحب الحلويات
كل ما بنزل ع السوق بتلاقيني يا اشتريت قالب لصنع الكاتو يا سباتيول صايرلي ع قولة أهل حلب سيداوي بالمطبخ :grin
مشان الرجيم بيجي على مهلو أهم شي الصحة و العافية الله يديمها ع الجميع
سهى اكلتك هي كتير طيبة بالفعل وأنا مجربتها بس كمان بلا موز بس إن شاء الله المرة الجاية بدي حط موز بالتزيين سلم ايدك يارب ويقويك
وفعلاً حبيبتي كلنا بنرجع من هالوظيفة خالص كازنا :grin
بس الحمد لله على كل حال
هلا دمشقية
ياستي جربيها مع الموز ورح تعجبك و تدعيلي :zzz
فعلا برجع من الوظيفة خالص كازي و خالص الشحن كمان بس شو بدنا نساوي الله بيعين
سلام
:grin
ممم , كمان طيبة بهل الفكرة , سلم دياتك ام عون لاضافة , شكرا كتير
ست منى انا بدي منك طريقةحلويات ام علي على طريقتك المرتبه
تكرم عيونك ام عون , ان شاء الله
ست منى بصراحه انا حبيتك من كل قلبي حابه منك تخصصي صفحه على الموقع عن حلويات عيد الفطر في سوريا الشقيقه(انازرت سوريا ورحت على اللاذقيه)وكتير بحب سوريا،وبمناسبةقرب عيد الفطر كل عام وانتم بخير
ان شاء الله انتي بخير انت و كل الغوالي على قلبك , المرة الجاية لازم تعملي النا زيارة , حلب بتستاهل تزوريها لان الجزء القديم منها كتير خاص و ما بيشبه ايا شي تاني
اختي في سوريا حلويات العيد بشكل اساسي هنن اربعة , معمول و كرابيج و قراص بعجوة و كعك العيد . كل الوصفات موجودة بالتفصيل في الموقع ما عدا المعمول
هلا أخواتي في الله هذي اول مشاركة لي أنا أختكم ام ميثه الإماراتية
أحب الحلويات الشامية وجربت وايد وصفات شامية…..
مشكووورين على هاالموقع الحلو والاخوات الغاليات اللي مايقصرون بوصفاتهم
ان شا الله بجرب ليالي لبنان فهالوصفة وشكرا للأخت سهى الله يعطيج العافية
مية هلا فيك اختي ام ميثة
منورة و رمضان مبارك عليك حبيبتي
ان شاء الله تجربيها و تكون على زووءك
ياجماعه أنا تعرفت جديد عالموقع وحابه أعرف انو الست منى لهلأ بتنزل وصفات جديدة ولا خلص هاد موقع قديم
مسا الخيرات ريم
هو قديم ، بس فيه تجديد كمان ، ابقي معنا