ليالي لبنان


         وصفة : سها قمند                 2008/11/19                 32 تعليقات
ليالي لبنان

1 كوب سميد
5 كوب حليب
3 ملاعق كبيرة سكر
علبة كريما دانيا
ثلاثة أرباع كوب ماء بارد لخفق الكريما
علبة قشطة نسلة أو (قشطة محضرة في المنزل)
قطر حوالي كوب
موز للتزيين





• يوضع الحليب على النار مع السميد و السكر و يحرك حتى يسمك المزيج ثم يصب في جات بايركس قياس كبير ثم يوضع في البراد حتى يبرد تماماً.

• تخفق الكريما مع الماء البارد ثم تضاف القشطة و نخفق ثم نمد مزيج الكريما فوق المزيج السابق.

• عند التقديم يقطع الموز إلى شرائح و يزين به الجات و يوضع القطر في صحن عميق إلى جانب الصحن الأساسي و يضيف كل شخص القطر حسب رغبته.
  • وصفات تانية ممكن تعجبك


التعليقات

  1. dado 19 November 2008

    مرحبا منى وكل الصبايا يلي أكيد ما رح يقاوموا الصورة ورح يفوتوا ليشوفوا التفاصيل :)
    كنت مالة كتير بالشغل وجوعانة كتير :zzz لأنو صرلي 8 ساعات هون.. قلت أحسن شي أعمل طلة عالموقع “مع إني شفته الصبح 8) ” لحتى أخد دفعة معنوية… فتت… وشفت هالشوفة :cry
    منظرها كتير بيشهي وأنا بحب الموز كتير وقال يا بعدي عاملة ريجيم :?
    بس خلص… قررت بس إرجع من النادي وخلص رياضة اعملها اليوم المسا…
    مع إنو فقس ريجيمي… بس عنجد وصفاتك بيستاهلو
    يسلم إيديك

  2. سلاف 19 November 2008

    أنا كتير بحب هالاكله ودايما بعملها بس ولا مره حطيت موز عالوجه بالعاده بنزينها فستق حلبي مطحون بس فكره حلوه الموز رح جربها ان شاء الله 000 شكرا الك

  3. منى 19 November 2008

    سلم دياتك سهى , وصفتي كتير قريبة منها بس باستبدال المي بحليب , و كتير طيبة و منعشة

    ألف شكر ليك على الوصفة الطيبة و الصورة الشهية و بانتظار وصفات تانية منك :zzz

  4. souha 19 November 2008

    هلا سلاف صحة و هنا مسبقاً و انشاء الله بتعجبك أنا كتير بحس الموز طيب مع القطر و الكريما ;)

  5. souha 19 November 2008

    هلا منى
    مشكورة على تنزيل الوصفة طبعا بصير نستبدل المي بحليب ما إنتي أم الطبخ الطيب و فنو
    هلأ عندي و صفتين لليقطين بدي جربون مشان المسابقة بس كل يوم برجع من الوظيفة تعبانة :x بقول بركي بكرا على كل حال الله يمد الجميع بالعافية

  6. منامينو 20 November 2008

    مرحباsouha. يسلمو إيديكي على هالحلو اللي عن جد حلو كتير. بس المشكلة إنه الموز عالوجه بعد شوي راح يتغير لونه. فشو بتقترحي عشان هالشغلة؟؟

    حبيبتي منى بدي أنبه لشغلة. الرابط تبع المعكرونة بصلصة البيتزا اللي بالصفحة الرئيسية عمبيوصل بالغلط على غير وصفة!! :eek عمياخدك على وصفة صلصة التوفي كريم :upset :grin . قلت خليني أخبرك عشان التصحيح، خصوصا إنه عجبتني الصورة والإسم بس تفاجأت إنه الوصفة غير :cry .. تسلميلي ما هو كتر الشغل بيخلي الواحد يصير هيك :upset . معلش الله يقويكي..

  7. منى 20 November 2008

    هلا سهى :)
    امين و الله يعطيكي العافية على الوصفة الطيبة و بانتظار وصفات اليقطين ;)

  8. منى 20 November 2008

    هلا منامينو :grin عن جد , هلا رايحة صلح الغلط و الف شكر ليك للتنبيه

  9. منامينو 20 November 2008

    يعطيكي ألف عافية حبيبتي منى. هي المعكرونة بصلصة البيتزا لو دخلتي لها من قسم المعكرونة بتلاقي الوصفة المزبوطة. بس إذا دخلتي لها من الرابط اللي بالصفحة الرئيسية بتلاقي حالك بوصفة صلصة التوفي كريم!! :roll يعني المشكلة بس بالرابط اللي بالصفحة الرئيسية.. ;)

  10. منى 20 November 2008

    :x كنت رح زبط الرابط اام انقطعت الكهرباء و بعدها انشغلت

    ان شاء الله هلا بيكون مشي الحال , شكرا حبيبتي :zzz

  11. souha 20 November 2008

    هلا منامينو تسلمي حبيبتي على الكلمات الحلوة
    مشان الموز بالعادة بعمل الوصفة و قبل التقديم مباشرة بحط الموز هدا إذا كان عندي ضيوف أما غذا كانت الوصفة للعائلة بعيفعا بالبراد بعد ما غطيها بدون موز و بعدين كل واحد بيسكب و بيزين صحنو :zzz

  12. فلسطينية بقطر 20 November 2008

    ممكن ست منى تحطي لإلنا طريقة البرازق الشامية والكعك الشامي بالمحلب والبصمة بالفستق معلش غلبتك معي بس حلوياتكم بتجنن يا السورييييييييييين

  13. منى 22 November 2008

    تكرم عيونك أختي و الله البرازق صار جربتلها كتير طرق بس ما في طريقة بلتلي قلبي , بس انا مو نسيانتها اكيد
    يا ترى شو قصدك بالكعك الشامي بالمحلب ؟ لان عندي بالموفع وصفة كعك العيد أظن انها [URL=http://www.l2ma.com/content/view/428/2/]المقصودة[/URL]

    نورتي اختي الموقع , مية اهلا و سهلا

  14. dado 24 November 2008

    مرحبا مرة تانية
    سها.. أولاَ.. الله يخليكي لا تواخذيني ما عرفت إنو الوصفة إلك .. فكرتها لمنى .. بعتذر منك.
    تانياً.. جربت الطبق.. وعنجد عنجد تحفة.. سهل كتير وطيب أكتر.
    أنا جربتها على نصفين.. النصف الأول عملته حرفيا متل ما ذكرتي إنتي وطلع كتير لذيذ.. والنصف التاني عملته بقشطة مطبوخة بس لأنو زوجي ما بيحب الكريم شانتيه.. وكمان طلع طيب.
    ومتل ما حكيتي.. تركت الموز لوق التقديم وضل محافظ على لونه الحلو بدون ما يسود.
    عجبتني فكرة تحلاية الطبق بالقطر مو بالسكر… هيك كل واحد بيتحكم بالحلاوة على مزاجه وكمان حسيت القطر أعطى الوصفة لمسة شرقية على الرغم من إنو شكلها أقرب للحلويات الغربية
    مرة تانية يسلم إيديكي على الطبق المرتب واللذيذ

  15. منى 25 November 2008

    هلا دالو :)
    الف هنا و عافية على قلبك على الوصفة , و الحمد لله انها زبطت معك و عجبتك ;) , يمكن سهى ما تنتبه فورا على الرد , حبيت قلك هنا لوقت ما تشووف انك جربتيها :zzz

  16. souha 3 December 2008

    مية السلاوة دالو :)
    و لا يهمك حياتي أهم شي أنو الطبق عجبك و صحة و هنا على قلبك إنت و عيلتك
    أنا أسفة أنو تأخرت بالرد اليوم لحتى شفتو
    شو أخبار ريجيمك في نتائج لأنو أنا زايدة كم كيلو و مالي متخذة قرار بالريجيم صايرة شخصيتي ضيعفة قدام الأكل :cry

  17. dado 5 December 2008

    هلا سها..
    والله ريجيمي فقس من زمااان.. كل مرة بس بلش .. برجع بضعف.. يعني شو بدي قلك.. قررت ارجع من اربع تيام.. ولما كنت عم اسرح وامرح بالموقع شفت وصفة الكاستردج بالشوكولا.. قمت تمردت على الريجيم وقلت بس هالمرة بعملها.. وبعدين برجع للريجيم “تماما متل ما صار لما شفت وصفتك”
    بس المهم إنو الواحد مبسوط وبصحة وعافية .. باكل باكل بعد بروح عالجيم وبركد على أساس احرق.. برجع عالبيت وباكل من جديد :grin

  18. منى 5 December 2008

    :grin

  19. souha 6 December 2008

    هلا دالو :)
    يا ستي معك حق وصفات الموقع كلن طيبين و خاصة الحلويات أنا كتير بحب الحلويات
    كل ما بنزل ع السوق بتلاقيني يا اشتريت قالب لصنع الكاتو يا سباتيول صايرلي ع قولة أهل حلب سيداوي بالمطبخ :grin
    مشان الرجيم بيجي على مهلو أهم شي الصحة و العافية الله يديمها ع الجميع

  20. الدمشقية 21 December 2008

    سهى اكلتك هي كتير طيبة بالفعل وأنا مجربتها بس كمان بلا موز بس إن شاء الله المرة الجاية بدي حط موز بالتزيين سلم ايدك يارب ويقويك
    وفعلاً حبيبتي كلنا بنرجع من هالوظيفة خالص كازنا :grin
    بس الحمد لله على كل حال

  21. souha 24 December 2008

    هلا دمشقية :) ياستي جربيها مع الموز ورح تعجبك و تدعيلي :zzz
    فعلا برجع من الوظيفة خالص كازي و خالص الشحن كمان بس شو بدنا نساوي الله بيعين
    سلام ;)

  22. منى 24 December 2008

    :grin

  23. ام عون 16 September 2009

    :) مرحبا منى انابعمل ليالي لبنان بطريقه شوي مختلفه انا بحط بدل من السكر على السميد والحليب المستتكه بخليها تغلي على النار وبعد ماتثخن بفردها بالبايركس وبعد ما تبرد بحط عليها القشطه ومطحون فستق الحلبي

  24. منى 16 September 2009

    ممم , كمان طيبة بهل الفكرة , سلم دياتك ام عون لاضافة , شكرا كتير :)

  25. ام عون 17 September 2009

    ست منى انا بدي منك طريقةحلويات ام علي على طريقتك المرتبه ;)

  26. منى 17 September 2009

    تكرم عيونك ام عون , ان شاء الله :)

  27. ام عون 17 September 2009

    ست منى بصراحه انا حبيتك من كل قلبي حابه منك تخصصي صفحه على الموقع عن حلويات عيد الفطر في سوريا الشقيقه(انازرت سوريا ورحت على اللاذقيه)وكتير بحب سوريا،وبمناسبةقرب عيد الفطر كل عام وانتم بخير :)

  28. منى 18 September 2009

    ان شاء الله انتي بخير انت و كل الغوالي على قلبك , المرة الجاية لازم تعملي النا زيارة , حلب بتستاهل تزوريها لان الجزء القديم منها كتير خاص و ما بيشبه ايا شي تاني :)

    اختي في سوريا حلويات العيد بشكل اساسي هنن اربعة , معمول و كرابيج و قراص بعجوة و كعك العيد . كل الوصفات موجودة بالتفصيل في الموقع ما عدا المعمول ;)

  29. أم ميثه 13 August 2011

    هلا أخواتي في الله هذي اول مشاركة لي أنا أختكم ام ميثه الإماراتية

    أحب الحلويات الشامية وجربت وايد وصفات شامية….. 
    مشكووورين على هاالموقع الحلو والاخوات الغاليات اللي مايقصرون بوصفاتهم

    ان شا الله بجرب ليالي لبنان فهالوصفة وشكرا للأخت سهى الله يعطيج العافية

  30. منى 15 August 2011

    مية هلا فيك اختي ام ميثة :)
    منورة و رمضان مبارك عليك حبيبتي
    ان شاء الله تجربيها و تكون على زووءك ;)

  31. ريم 5 April 2016

    ياجماعه أنا تعرفت جديد عالموقع وحابه أعرف انو الست منى لهلأ بتنزل وصفات جديدة ولا خلص هاد موقع قديم

    • منى 13 April 2016

      مسا الخيرات ريم :)
      هو قديم ، بس فيه تجديد كمان ، ابقي معنا

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)